مقروط المقلة بالطابع بالصور

fadilasor · 2014-09-07, 21:46

مساء الفل لبنات درت مقروط المقلة بالطابع قلت نحطلكم الطريقة للي حبت تستفاد وبنفس الوصفة عملت مقروط التمر المقادير :اربع كيلا ت سميد متوسط نتاع المقروط قرصة ملح وكيلة سمن دايب انا درت مدينة نخلطهم مليح بين يديا باش يدخل السمن في السميد ونخليها ليلة كاملة اما بالنسبة للحشو كيلو كاوكاو انا درت كمية كبيرة رحيتو وزدتلو شويا قرفة وزوج مغارف سمن ومغرف سكر وخلطتو بالماء الزهر وعملت منو حرابيش بالنسبة للسميد ناخد غير قيس مانخدم حربوش ونحضر كيلة نص ماء زهر ونص ما ونبدا نرش في السميد اللي ديتو على جهة ونفتل بين يدي كما الطعام باش تتشمخ مليح بلا ماندلك والباقي حسب الصور بالنسبة للقليان قليتو على نار هادئة وعسلتو زوج مرات ورشيت عليه بيستاش مرحي ونفس الطريقة مقروط التمردرت في الحشو تمر وقليتو وعسلتو ورشيت عليه الجلجلان

تينا ماريا · 2014-09-07, 22:20

امممممم يشهي
يعطيك الصحة اختي

sanax · 2014-09-07, 22:23

mmmmmmmmmmmmmm ya3tik al saha yachahiiiiiiiiii 4444444444444444444444

mon poupon · 2014-09-07, 23:28

يعطيك الصحة اختي
بالصح ماجاكش يابس شوي
درتي 4 كيلات ب كيلة

fadilasor · 2014-09-08, 12:24

اقتباس:

المشاركة الأصلية كتبت بواسطة mon poupon

يعطيك الصحة اختي
بالصح ماجاكش يابس شوي
درتي 4 كيلات ب كيلة

الله يسلمك اختي لازم تعرفي حاجة المقروط نتاع المقلى راح يزيد يتقلى في الزيت على هدا لازم ننقصو لي دام وصفتي جد ناجحة ومقروط هشيش بزاف ومايتفتتش في المقلة

ام اريام · 2014-09-09, 21:43

يعطيك الصحة اختي باين هايل

قمر 77 · 2014-09-08, 07:50

هايل يشهي يعطيك الصحة

ساندي 28 · 2014-09-08, 08:28

يا فضيله علاش صباح ربي وااااااااااااااااع قلبى الصغير لا يتحمل يهبل يهبل الطابع مخلاش فيا عندي مده طويله حابه نشريه وكي نخرج ياننساه يا منلقاهش ان شاء الله نشريه فى اقرب وقب ونجرب مقروطك انتى بالذات ان شاء الله
برك نخاف من المقروط المقلى يتفتتلى بزاف عندي منو عقده بصح شفت نتاعك مجمول واقفه الحبه تهبل
يعطيك الصحه مواضيعك كلها مفيده وشيقه دايما تفاجئينى فى اقسام المنتدىبارك الله فيك بوسيلى الجميله دعاء

fadilasor · 2014-09-08, 12:30

اقتباس:

المشاركة الأصلية كتبت بواسطة ساندي 28

يا فضيله علاش صباح ربي وااااااااااااااااع قلبى الصغير لا يتحمل يهبل يهبل الطابع مخلاش فيا عندي مده طويله حابه نشريه وكي نخرج ياننساه يا منلقاهش ان شاء الله نشريه فى اقرب وقب ونجرب مقروطك انتى بالذات ان شاء الله
برك نخاف من المقروط المقلى يتفتتلى بزاف عندي منو عقده بصح شفت نتاعك مجمول واقفه الحبه تهبل
يعطيك الصحه مواضيعك كلها مفيده وشيقه دايما تفاجئينى فى اقسام المنتدىبارك الله فيك بوسيلى الجميله دعاء

هههههههههههههههه راهو ليك الصحن اختي الغالية ماتخافيش من المقروط بهذه الوصفة يجي بزاف شاد روحو وبزاف هشيش ويشرب العسل بطريقة هايلة وشنو التشيشة لازم تكون متوسطة مشي خشينة ومشي رقيقة وكي تخدمي كمية اقليها ماتخليهاش تطول باش ماتتفتتش وتيبس وسخني الزيت ونقصي للنار والاحسن تقليه في كسرونة ثقيلة وغامقة