إلى المدعو momoenssea

[kcmo31]

هذا كلام أكبر منك يا أخي و أنت مسؤول عما تقوله....حنا ما نبغوش لي يقولنا الصح...مين أنت تخدم في وهران...الناس لي تسكن هنا و ما نجحتش وين تخدم ؟؟
هذه قضية نظام..لا جهوية ولا تفاهة ولإعطاء كل ذي حق حقه..أنا مثلا مقيم بوهران و ليس لدي الحق في التوظيف على مستوى المنطقة الصناعية بآرزيو رغم كثرة الفرص و المناصب المريحة...رغم ذالك لم أحتج أو أقل هذه عنصرية..بل العكس أفكر بعقلانية وأترشح للمناصب في مكان إقامتي...حتى لا أقصي من هم أولى بالمنصب
الناس لي كيفك هم لي خلاو الجزائر التالية...عايشين في الفوضى و ما يحبوش لي يقول الصح...القانون واضح وانت حبيت تتحايل و تاخد مكان خوتك هاعلاه قعدنا التوالة

[momoenssea]

يا أخي هدا كلام رومنسي و عاطفي بإمتياز..
1/إدا كان كل واحد يخدم في ولايتو أنا على 15 سنة باه نخدم بالأقدمية و ليست كفاءة
2/و لاية حاسي مسعود البقرة الحلوب نخرجو منها الأمريكيين و الفرنسيين و كل الجزائريين ونخلو ناس حاسي مسعود يخدمو و يدعمو ولايتك بالمال
3/خلي ولايتك يدخلوها بالباسبور أو على الأقل بطاقة التعريف
4/أنت عندك جنسية جزائرية و أنا من الموزمبيق لا يحق لي أن أزاحمك
5/خليونا من العنصرية و الراسيزم و الرزق على ربي
الرزق على الله وما أصابك من شيئ لم يكن ليخطأك و ما أخطأك من شيئ لم يكن ليصيبك و إن الله هو الرزاق دو القوة المتين
سبحانك اللهم و بحمدك أشهد أن لا إله إلا أنت أستغفرك و أتوب إليك

[kcmo31]

المشاركة الأصلية كتبت بواسطة momoenssea

يا أخي هدا كلام رومنسي و عاطفي بإمتياز..
1/إدا كان كل واحد يخدم في ولايتو أنا على 15 سنة باه نخدم بالأقدمية و ليست كفاءة
2/و لاية حاسي مسعود البقرة الحلوب نخرجو منها الأمريكيين و الفرنسيين و كل الجزائريين ونخلو ناس حاسي مسعود يخدمو و يدعمو ولايتك بالمال
3/خلي ولايتك يدخلوها بالباسبور أو على الأقل بطاقة التعريف
4/أنت عندك جنسية جزائرية و أنا من الموزمبيق لا يحق لي أن أزاحمك
5/خليونا من العنصرية و الراسيزم و الرزق على ربي
الرزق على الله وما أصابك من شيئ لم يكن ليخطأك و ما أخطأك من شيئ لم يكن ليصيبك و إن الله هو الرزاق دو القوة المتين
سبحانك اللهم و بحمدك أشهد أن لا إله إلا أنت أستغفرك و أتوب إليك

يا أخي و الله راك تقول كلام كبير عليك بزاف..ولوكان نتكلم معاك وجه لوجه تبدل رأيك..أنا ماقلت غير الصح

[momoenssea]

أقسم أنها الحقيقة ...أنا مترشحتش في ولايتي لأنها مكتفية و المناصب 00 منصب رياضيات أستاد ثانوي
و لو كان هناك مناصب في ولايتي أكيد رايحة تكون أولويتي في ولايتي
لكن للأسف ....طحنا في يديكم ديرو واش حبيتو........ إلى الله المشتكى

[rositta23]

إييييييييييييييييييييه مالا على حساب كلامك نديرو كل ولاية دولة و خلاص نورمالمو نطالبو باه ينحيو الاقامة هاذي بلادنا كامل و كل واحد عندو الحق يخدم في اي مكان يكفي انه يحمل الجنسية الجزائرية يا أخي الرق على ربى حتى لو زاحمك فيه مليار واحد

[kcmo31]

حبيت نعرف من فضلك..علاش ما ترشحتش في ولايتك ؟؟ لأنو من المفروض أنت أستاذ المستقبل وتفكر بعقلانية

[totti1429]

.................................................. .........

[جزائري مغترب]

واذا ملقاش مناصب فى ولايته !!!!!!!!!!!! يروح يرقد ولا يحسب للناس !!

[أحلام 31]

الله يحفظكم متزيدوش مشااكل
راكم خوت و ولاد بلاد واحد
---------------------
و نتوما لزوج عندكم الحق في كلامكم
و المشكل ماشي فيكم و الله
المشكل في الحكومة و الدولة بحد ذاتها

كلام الأخ الوهراني صح علاخاطر كل واحد من ولاية
يترشح في ولاية أخرى راه ينقص الفرص للآخرين المقيمين فيها

و في نفس الوقت الأخ الناجح في المسابقة عندو حق
يترشح في ولاية أخرى لأنو ملقاش منصب ليه في ولايتو
أو خدمة

المشكل في الحكووووووووومة
//

[kcmo31]

يا ناس...يا معلمي المستقبل...يوجد ولايات فيها عدد معتبر من المترشحين و الوسيلة الوحيدة لوضع نقطة نظام هي شهادة الإقامة...و كيما تنضر مين يطلبو منك هذا الشرط، إعلم أن أهل المنطقة تاني ينضرو لوكان ما يخدموش

[farid_2004]

صح مشكل في حكومة خلقت جهوية والعنصرية وتهميش انعلو بليس رزق على ربي هدي دينا يوم راك هنا غدوة الله اعلم

[amir-kennedy]

السلام عليكم اخواني
لقد قرأت كل ردودكم في المواضيع السابقة لكما
المهم قانونيا ، الاخ الناجح في المسابقة له كل الحق في الترشح للمسابقة و ذلك حسب الامر 06-03 القانون الاساسي للوظيف العمومية الذي ينص في الفصل الخاص بشروط التوظيف على انه
يجب ان يكون المترشح جزائري الجنسية ، متمتعا بحقوقه المدنية ، ان لا تحمل صحيفة سوابقه العدلية اي ملاحظات، ان يبلغ 18 سنة على الاقل ، ان يكون في وضعية تجاه الخدمة الوطنية
و بالتالي فالاقامة ليست شرطا اساسيا في التوظيف حيث يمكن للموظف الناجح في ولاية اخرى ان يقوم بتحويل منصبه او انتداب في ولايته الاصلية بعد انقضاء الفترة التجريبية
اما تعليمة الوزير الاول الخاصة باشتراط الاقامة لم تكن الا لتحقيق الاولوية لاصحاب الاقامة في المكان الذي فتحت فيه المناصب المالية
الا ان هذا يعاكس مبدأ مساواة كل الاشخاص امام التوظيف في الوظيف العمومي يعني اذا قمنا بالتمييز بين من يقيم و من لا يقيم فسنحقق افضلية اناس على اخرين و هو ما يجعلنا نوظف على اساس معايير غير الكفاءة و الاعتماد على معايير لا تسمح بتحقيق فعالية و تحسين في عمل الادارات العمومية و انما تزيدها رداءة على رداءة
و بالتالي فالافضل ترشح كل مواطن جزائري يملك المؤهلات التي تسمح له بالترشح في أي مكان في التراب الجزائري و الاعتماد على معايير الكفاءة لا غير .
و لو اعتمدنا معيار ان كل موظف يجب ان يكون مقيما في نفس مكان الاقامة لكان كل الوزراء و شاغلي الوظائف العليا من العاصمة و لكان كل رئيس دائرة من نفس الولاية و لكان كل والي من نفس الولاية ........ ألخ
و الزمان غير بعيد يوم كان سلال رئيس دائرة في اقصى الجنوب رغم انه مقيم في الشرق الجزائري و الحديث قياس

[momoenssea]

نحن لم نطالب بسكن أو إمتيازات في أي منطقة سواء كانت وهران أو غيرها ....نحن طلبنا عمل محترم و إبتغينا به الحلال و لولا الفقر و العوز لما طلبناه في ولاية أخرى ولايتي أحق من أي ولاية لكن الله غالب هناك بعض الولايات أحسن من ولايات أخرى في بعض الظروف ....و اعلم أنه ما أصابك لم يكن ليخطأك....و الله ولي التوفيق