انا اليوم شوكيت 
صباح اليوم شفت شاب يتراوح ما بين 25 الى 30 يتحرش بامراة بالجلباب يا عباد الله مستورة اكثر من اللازم مع يماها و بناتها . لا ماكياج لا بارفان لا والو .....جلباب واسع 5 مترات . دخلت الباص و لقات البلاصات محكومين . وقفت الاخت و جا واحد من وراها .. .. . لا حياء و لا خوف . الكل ينظر فيلم .... ما لقيت واش نقول .تقلقت و حبيت نوجه اشارة لل receveur باش يشوف بعينيه و يحكم الشاب .و الله حشمت و خفت الشاب يتخبى .. و لreceveur كان بعيد بزاف . لازم نعيط . الاخت مسكينة خافت تهدر . حشمت و بالاك ما يامنوهاش الحاضرين اذا عيطت ..المسكينة ابتعدت من الشاب اكثر من مرة و خزرت فيه باه يفهم روحو . اعطتلو انذار باش يبتعد monsieur ما زال ................ ... مازال يلاحقها و لا حول و لا قوة الا بالله .
المرأة دورك ما تركب taxi لانوا لازم محرم ...ما تكونش وحدها مع اجنبي .... ما تركب باص و النقل العمومي علاجال الكلاب الوحوش هاذو ... واش تركب اذا ؟
حمار حشاكوم ؟ حصان ؟ دراجة نارية .... ؟ لازم تشري سيارة باش تروح الطبيب . تشري مستلزمات ولا باش تقرا و لا تخدم ..... بالاك باباها مات بالاك ما عندهاش خوها الكبير... بالاك ماهيش متزوجة ....
علاه نشوف الرجال تاعنا ما يخافوش على النساء اليوم يحكموا بلاصة و يخليو المرأء بين الذئاب و الكلاب ......
باش هو يوقف و يعطي البلاصة لأختوا لاااااااااااااااااااااااااااااااااا ابدا ......... هاذي في زمان رانا متقدمين
انا نعطي نصائح برك لاخواتي هنا في المنتدى اللي يستعملو الباصات و النقل العمومي
1- ما تدخلوش باص معمر و ما كانش بلاصة . اصبري يجي واحد اخر فارغ
2- ما تقعديش مع راجل ولو كان عمرو 90 سنة . و نروماركي كاين بزاف نساء يتساهلو في الامور هاذو
3- ما ديروش روائح تجبد شهوة الرجل . واش نسيتو كلام الرسول عليه الصلاة و السلام اللي حرمه و اعطى حكم المتعطرة بزانية ... و العياذ بالله
4- ما تخافوش و ما تحشموش اللي يتحرش بيكم لازم تهدرو ... ما لازمش تسكتولو
5- اذكار قبل الخروج من البيت . الاذكااااااااار تاعكم ما تنساوش بسم الله الذي لا يضر مع اسمه شيئ في الارض و لا في السماء و هو السميع العليم .و كاين بزاف اذكار تحافظك باذن المولى .
6 -اخرجوا مع محارم تاعكم يا اخواتي الا للضرورة . والله ماشي تعصب في الدين .ولا تشدد . ولكن لمصلحتكم .. ديننا دين يسر و ليس عسر
7-خليكم من التزيين يا البنات الكحل و البودرات و اللاينر .....و احفظوا عوراتكم ... لبسوا مستورات ربي يستركم . ما تديوش سيئات و غضب ربي العالمين .
8-استعجلو كي تخرجوا ... ما تبقاوش 3 ساعات برا ... ما تمشوش ببطئ باش يشوف الراجل رحتي لشغلك ... ماشي باش تتسكعي في الزنقات . امشي قبالا و كأنكي مزروبة .
9- النظر حطيه في مكانه ما تخزريش اليمين ثم اليسار ثم اليمين ثم اليسار ثم تضحكين و تقهقهين
10 الابتسامة خليوها في الدار يا البنات . ماشي كي يبتسم لك راجل ترديلو و لو دارلك الخير في الباص . البشاشة مليحة بصح في دارك مع اهلك و صحاباتك ....
ملاحظات برك للرجال
هذه بعض الجلسات الرجالية اللي يشرعوا رجليهم و الاخر قدامو قريب يصيب روحو في الارض
اللي عندها نصيحة تتفضل و نحبكم في الله
( تقرير عن مشاركة سيئة )، و الموجودة أسفل كل مشاركة .
2014-08-11, 02:43
الباصات و النقل العمومي
العرض المتطور
