ماهو الحل 4

[مشكلتي]

نشكرك بزااف اختي حافطة القران ربي يكملم بعقلك ويحفظك ان شاء الله ... ووالله غير نصلي وندعي ربي يبينلي الخير واللي فيه لخير يقربو واللي فيه الشر يبعدو ... والسمانة اللي فاتت قلتلو بلي حرام كيقاعدين نحكيو وكلش مي هو قالي نورمال وربي علاباالو بنيتي وانت ماكيش اجنبية علي وخليني نجي نخطبك وانا على بالي بلي ماكانش منها واحاد ماراح يقبل ومام ان لانو هو حاليا لاخدمة باينة لاقراية واللي هي الصح وانا درك طبيبة ان شاء الله وهو هاذ الساعة والو مايقدرش مام با يفتح دار ودارنا ماكان حتى سبة تخليهم يقبلو ومبعد قالي على جالتك ماحبيتش نخدم على خاطرانا عمنول شاورني قلتلو اول خطوة لازم تقرا وتدي الباك ركز عليه والعام الجاي يعني العام هذا اخدم وهو خدا برايي وماداش الباك وليت نحس بلي انا سبابو كان راح ينجح فالجمارك قالي كتفكرتك قلت والله هي ولاالخدمة هذي وقالي ماكنتش ناوي نحكيهالك مي حكيتهالك وانا مانكدبش عليكم كرهت روحي ملحكايا هاذي والل العظيم ماني هانية ومبعد قالي بصح الشي لي نقولهولم لوكان تخليني نوكل عليك ربي ومانقدرش نكمل بلابيك (يحبني لدرجة كبيرة ووالفني تاني وياخد راي في كلش ويشاورني في اي حاجة يحب يديرها ومايخبي علي والو) هو انسان ماشاء الله خاصتو قرايا وخذمة مليحة ... وانا اللي كنت رايحة نقولو خلاص ... مي درك نكمل نغضب ربي وانا مادابيا واحد قاري وندمت علي ربطتو معاي .. والل في هذاك الوقت كنت مهبولة عليه ودرك كون نخليه نهبل قلبي حابو وعقلي رافضو .... كون غير ماحكينناش ملول وكون نخليه ونحبس كلش ربي ينتقم مني ودعوة المظلوم .. هكاك نجرحوا وقالي والله بخلافك ماديت وحتى كون نخم ندي نعود ديما نقارنهها بيك ما من الاحسن مانظلمش بنت الناس ونعيش وحدي ... هو عرف بنات بزاف واستقر معايا مي انا هو اول واحد .. والله حكاية معقدة وقليل لي يفهمني وهذوك اللي يستهزاو والله قبل عامين ندخل لقسم مشكلتي نقرا وكي نلقا حكايات كما هذي نضحك ونقول مههابل وباطلين شقا مي درك فهمت كيفاه وربي انا استهزينت وهو قالي جربيها وئوفي ... من تما وليت منحبش نستهزا بحكايات الناس ولحديث قياس ... مايحس بالجمرة غير اللي كواتو ... وقرايتي الحمد لله حاجة ماتخص ..
المهم .. كل واحد يقولي كون جا في بلاصتي واش يدير
وهذا اخر موضوع نزيد نكتبو ... وديجا الاحترام ومكانش ... مانيش نتمسخر... واللي قالولي تلقاي ماخير نقولهم ها هو المشكل درك نلقا ماخير وبلاك يعجبوني مي هو كيفاه الانسان مايكةنش اناني ومارايحاش نخمم غير في روحي مي والله حابة ندي واحد عندنا نفس المستوى الدراسي مايكونش قل علي ... شفتو كيفاه صعيبة المعادلة هذي
تبقاو على خيير

[*قطر الندى*]

ربي يفرج على كل واحد ان شاء الله ....

اختي بالرغم من استشارتك للأعضاء هنا ..الا انو لازملك تدي براي اهلك دائما و ابدا .....فهم أ علم بمصلحتك .... اطرحي الموضوع عليهم بصيغة لو كان يكون كدا ....و كدا ....

ومن بعد شوفي آراءهم


وبين قوسين اختي ....... ماتصدقيش بزاف هادي نتاع يحبك و مايقدرش يشوف بنات آخرين ............يا حسراااااااااه


الراجل قااااااااع ما يحيرش في روحو ................

ومع اللي قلتي انو هو الآول في حياتك ...............هادي ركزيلي عليها ملييييييييييح ......

راكي حاسة بالذنب من روحك إلا تخليه ........فقط لأنها اول مرة تعمليها

لوكان جا حابك نتاع الصح ميت فيك ...ومايقدرش يعيش بلا بيك .......و الخ

لوكان جا صح الى هادي الدرجة ..................كان راه جازف و تقدملك امام داركم و ناسك....

وزيد يرحم باباك ......هادا تقعدي تستنايه حتى لوقتاش ؟؟؟؟؟؟ ..........فكري بعقلك لا بمشاعرك ........

وهو كيما قلتلك مايحس بالحزن و لا شيء .......هههههه والله ياحنا البنات .....عمبالنا الرجال كما احنا ....

هو راجل ....والراجل نتاع الصح ماتوقفوش مشاعر اتجاه بنت ........ الراجل الا كان يحب وحدة ....يتحرك و يخدم و يدير اللازم باه يوصلها و يسترها في بيت زوجية ....

هههه ماشي يقولها كلام و مشاعر و احاسيس ........ وهادا اللي يستشيرك في كل شيء و يحكيلك و يسمعلك ......لعل راكي غي انتي اللي تمشي فيه ؟؟؟؟

وهو علاش مايفكرش وحدو ؟؟؟؟؟؟ انتي انسحبي و قوليلو انت في جهة و انا في حهة

كي تكون واجد ارواحلي ..........

وما يصرالو وااااالو ..........وباينة انتي ماتحبيهش ........ بااااينة .........والا حبيتيه ...يبقى يا بنتي حبيتي الراجل الخطأ ...

تقبلي مروري ..... وخدي كلامي بجدية ..... اخطيك منو بطريقة مليحة و خلاص ......

حب ما قبل الزواج .............حاجة مكاش منها ............كلشي حقيقي يبدأ بعد الزواج .......صدقيني .....

[LILA LAMIS]

اختي الصغيرة انتبهي لدراستك و حافظي على صلاتك و ادع الله ان تكوني على صراطه المستقيم لانك انحرفت نوعا ما ؟؟
هذه العلاقة لا اساس لها من الصحة و هي مسخرة ان كنت فعلا تريدينه زوجا فاقبليه كما هو و ليتقدم اليك الان....ا و ان كنت تلعبين و تمضين الوقت فهذا شانك....

[عدلان11]

ربي يجيب الخير

[OM ANES]

شوفس يلبنت الناس نقولك كلمة واحدى * حب ما قبل الزواج خيااااااااااااال والحياة الجقيقية هي اللي تكون بعد الزواج *علابالي تقولي نضحي ونقبل ونتنازل وووووووووووووووووو اشيء كثيرة بصح الواقع حاجة مغايرةتماما نصيحتي ليك اقراي وكملي قرايتك وتوكلي على ربي هو سبحانه كفيل بكل شيء وحافظي على صلاتك

[بنت لبحر]

يعني كي راكي طبيبة واشي تبعت موضوعك من الاول و ديما تركزي على طبيبة .انت طبيبة و هو ميخدمش يعني كون مجيتيش طبيبة رايحين يقبلو بيه والديك

نعرف طبة و راهم يدو فيهم لا خدمة لا والو .هدا ميعنيش راني نقلك اديه و هو ميخدمش

يا اختي الزواج مكتوب اخطيك على من الهدرة معاه لي مرايحة توصل لوالو .قوليلو منزيدش نحكي معاك حتى تصيب خدمة و تجي تتقدملي ديجا راكي صغيرة و مزال الوقت
استخيري ربي هو لي يبينلك طريقك

اسمحيلي الا معجبتكش هدرتي هدا مجرد راي

[الصديق قروف]

ربي يهديك اختي ويرزقك بزوج الصالح


مادا بيك تقوليلنا كيفاش بدا هاد المشكل و تبينيه من الاول لكي يستفيد منه غيرك ولا يقع فيه

[لحن الحياة.]

من خلال حديثك وتكرارك لجملة انا طبيبة .و مستوى وووو ...........يظهر انك متكبرة عليه بقرايتك مع احترامي
تواضع للناس يرفعوك عمرو القراية ما كانت مقياس و راه سكن فيك نوع من الغرور انصحك بالتواضع .......... والحل انك تروحي في طريقك وهو في طريقو وممكن يلقا وحدة افضل منك مثلما تمنيتي ايجاد افضل منه ..........

[ayaamira666]

عندك الحق في حاجة قلتيها ليستهزا بحكاية الناس و الله صح مكانش واحد معصوم من الخطأ و مكانش ليمجيهش مشكل انا تاني كنت كيفك نقرا حكايت الناس و نقول علاش مادروش هكا و علاش دارو هكا اما الان اقتنعت انو كلشي بلمكتوب والدنيا دوارة و يا شاري دالة.ومهما يكون الانسان مدين باش مدين و مثقف باش مثقف تكون تكون مشاكل لعلها ابتلاء من عند الله و احنا عندنا عقولنا لازم نستخدمها و نوظفها في الحاجة لي فيها فايدة و ربي يوريلك الطريق الصحيح.

[غيدآ اء]

السلام عليكم

العفو اختي ...

عليك ان تعلمي يا اختي ان الحب لا يكفي لكي تعيشي حياة هنيئة
ان الزواج لن يكون ناجحا بالحب فقط
ان الزواج مسؤوليات و تخطيطات وعقبات ومنحدرات وهو مستقبل وحياة
المراءة تعيش في بيت زوجها اكثر مما تعيش في بيت ابيها
لذلك كي تحرص على ان تكون حياتها بعد مغادرة اهل ابيها مستقرة

الانسان يبحث بطبعه عن شيئين في هذه الحياة وهما الحب و الاستقرار كي تكون معادلة حياته صحيحة
وكلاهما صحيح وكل منها يكمل الاخر
لن يكتمل الحب دون الاستقرار ولن يكتمل الاستقرار دون الحب
وانت هل ترين في هذا الحب استقرارا ???
انت تعرفين الاجابة اذن ... صارحي نفسك

والانسان قبل ان يتخذ اي قرار مصيري في حياته مثل الزواج
عليك ان يخدم عقله قبل كل شيئ ... عقله و عقله وعقله
لان القلب يخطئ ... والقلب لا يرى الحقائق
القلب يحب ... ولكنه لا يعرف ماذا يحب

انت قلت بنفسك ان قلبك يريده ولكن عقلك لا يريده
القلب و العقل لا يتفقان ......... والعقل هو الذي يرى الحقائق ويدركها

سييكون عليكما الان من الصعب ان يترك كل منكما الاخر ولكنكما ستتعودان
فالزمن يداوي الجروح ... فانت الان صغيرة السن ومقبلة على الحياة وحتى ابن عمك ليس الان في سن الزواج لانه لم يصبح مسؤولا بعد و لا يمكنه ان يحكم على الزواج من الان لان هذا خطا ...

ارى انك او ربما حسب ما فهمته من كلامك انه لديك نية في ان تدعيه و تنفصلي عنه ولكن ضميرك يؤنبك كيف تتركينه على حاله وتخافين عليه من ان يفعل اشياء اخرى ....
وهذه هي مشكلتك
وانا لو كنت مكانك يا اختي ورغم كل شيئ لحاولت ان اقطع كل شيئ به حتى وان كان ذلك صعبا علي ... اقطع الهاتف و اغلق الفيس بوك نهائيا و اتحاشى سماع اخباره وكل ما افعله اوكل امري لله واقول " اللهم اني فوضت امري اليك يا رب فدبر لي يا محسن التدبير " وادعو الله كذلك ان يخفف عنه وان يساعده على النسيان كذلك وعلى ان يبدا حياة جديدة ...
لطالما انني افعل الشيئ الصواب و في طريق ربي وانني اريد النجاه من اشياء لا يحمد عقباها مثل معصية الوالدين فان الله سيير لي
واوكل امري لله قبل كل شيئ وادعيه ان يخفف عني وعنه ... لانني اعلم انه مادام انني على الطريق الصحيح فان الله لن يخيب ضني
نتالم ونتالم ولكن ياتي اليوم الذي ننسى فيه ونبدا حياة جديدة
انصحك يا اختي بهذا وليكن في علمك انني احس بك بكل كلمة تكتبينها واتفهم امرك جيدا
+
لا تاخذي بكلامه لقوله انه لن يتزوج غيرك وانه سيبقى معلقا بك ... يقولها الان ربما ... ولكن سيتنازل عنها لان الحياة ستغير تفكيره وتغيره ... سيمضي الزمن بكل شيئ ... وتتغير الدنيا ويتغير الانسان ... من المستحيل ان يبقى الانسان على حاله طول حياته ... هذا لا يعني انه سيحبك الى الابد ... ولن يتزوج مطلقا من اجلك ... لن يحدث هذا و ستتاكدين في المستقبل ...

يقول الله تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
وانا امشي بهذه القاعدة الربانية في كل يوم من ايام حياتي ... وعليك بها كذلك
كما قلت لك ان كان ابن عمك خيرا لك سيكتبه الله لك رغم كل شيئ و ترضى امك عنه و يصبح شخصا عاملا ومثقفا و يليق بك
ان يرى الله ان ابن عمك شر لك فان لن يكتبه لك لانه لا يليق بك وامك لن ترضى عنك ... وسيعوضك باحسن منه و رجل يليق بك و ينسيه هو كذلك و يرزقه بزوجة يحبها وتحبه ...

اتمنى لك يا اختي التوفيق و السداد و ان يرزقك تفكيرا سليما المهم ان لا تتخذي قرارا مصيريا تندمين عليه في الاخير
والله معك ان كنت معه ولن يخيب ضنك باذن الله
وكلما كانت ثقتك به كبيرة كلما تحسنت حياتك

[شكرون]

شكرا جزيلا

[aloota]

نتي راكي في علاقة محرمة ختي .. ماتحوسيش تفهمي ادا تجرحيه ولا لالا بسكو راكي تعصي ف ربي

[إيمـان]

أختي قريت المشكلة تاعك من الأول للتالي المشكل الأكبر أنك عارفة الشي لي راكي ديري فيه حرام مع هذا مازال ماتبتيش نهائيا يا اختي لا طاعة لمخلوق في معصية الخالق خايفة ضميرك يأنبك كي تخليه و يوكل عليك ربي ياو كونك هانية يوم يومين ينسى ... لي حيرتني كيفاش تعصي في ربي في نفس الوقت تدعي يكون ليك و والديك يقبلو ؟!!! راكي طبيبة الله يبارك و قدامك 7 سنين قرايا ماتضيعيهاش في التخمام و البكاء على حاجة ماتستاهلش و زيد راكي قريبة ليه ماكيش هاربة قوليلو كل واحد يروح في طريقو و اذا كنتي مكتوبو ماكاش لي يقدر يمنعو لا والديك و لا حتى واحد مالا ماتعصيش ربي و اذا كان يحبك صح يروح يقرا و لا يخدم يدير مستقبل ليه قبل .. الله يهدينا و يوفقك لما يرضيه و السلام