ام رامي ام كوتر وكل وحدة شاطرة تعاوني ارجووووكن

موجة هآدئة · 2014-07-31, 17:01

السلام عليكن اخواتي بغيتكم تعاونوني انا الكبيرة في دارنا وما عنديش ختي ترايي عليا
قريب ان شاء الله يجوني الخطاابة وماعلاباليش واش لازم ندير وواش لازم نعمل وهل نحطلهم القهوة هي الاولى او العصير وماهو القاطو المناسب اللي نديره ( اعطوني الوصفات )
من فظلكن لا تبخلن علي من خير انفسكن ولو بكلمة طيبة وقوليلي من اول خطوة نديرها الى اخر خطوة
جزاكــــــــــن الله خيرا وجمعني بكن في جنات النعيـــــــم

لينا11 · 2014-07-31, 17:09

اختي اولا لازم دار تكون نظيفة وفراش جديد لانو للاسف ناس تحب مظاهر

اولا مع يقعدو مدو لهم مشروبات بالمملحات ليكورني ميني بيتزا ميني شورما مع فواكه مزينة بالشكولا
من بعد قهوة مع قاطو بقلاوة وتشاراك ومخبز صابلي مقروط
وبالبركة حنونة وربي يرزقك راجل يقدرك ويعزك

أم تيم الله · 2014-07-31, 17:10

الله غالب يا اختي انا راني نقلت على الغاليات ام أماني 77 و ام رامي و ام كوثر ابحثي في مواضيعهم ذرك تلقاي أنواع قاطو تشرف و الطريقة بالصور.
انا لما خطبوني حطيت jus مع فاكهة و من بعد حطيت قهوة و حليب مع قاطو مقروظ + قاطو شكولة + تشاراك+.... و من بعد حطيت تاي مع بقلاوة و مكسرات
ربي يوفقك و يهنيك ان شاء الله اختي

موجة هآدئة · 2014-07-31, 17:54

chokran habibaati barak allah fikon..

ام و ابنة · 2014-08-02, 08:25

للأسف ما نقدرش نفيدك غير بنصائح بسيطة
حطي العصير اولا مع ميني مملحات كالبيتزا او المونشون
ثم القهوة و الحليب مع انواع قاطو ملاح
الشاي مش شرط
نصيحة وجدي كلش مليح و نظيف و متول بصح ما تبالغيش بزاف يعني اعتبريهم ضيوف حطة شوية بصح ماشي ملوك
اهم شيء ربي يتمم لك بخير و يجعلها زواجة السعد و الهنا و لعقوبة لكل البنات

موجة هآدئة · 2014-11-25, 20:36

بارك الله فيكي حبيبتي

بريق الدجى · 2014-08-02, 10:10

احنا نحطو اولا المملحات انتي وامكانياتك تحبي ميني بيزا ، شوسون ، مونشون ، فولوفون ، ........ مع الموناد
ثم القهوة مع الحلويات تكون منوعة مثلا حلوى بالقلاصاج و حلوى بالشوكولا و المقروض مع البقلاوة ضروري لازمة و حلويات اخرى انتي و امكانياتك و تحبي ديري معاها التاي تكون معاه مكسرات او حلويات خفيفة كيما القريوش و الكورني .....
ثم السماط نحطو فيه المحلبي او كريمة اللمون او الفلون مع الفاكهة او سلطة الفواكه مع الشريك و الجو و تحبي ديري تحلية من المنتدى راهي الوصفات كثيرة و منوعة
اليك هذا الرابط

https://www.djelfa.info/vb/showthread.php?t=908854

و مبروك مسبقا

mimoza flora · 2014-08-02, 10:51

ديري كيما قالولك الاخوات ومبروك عليك

ام نهوله · 2014-11-26, 10:21

المعلومات اللى مدوهالك الاخوات راهى كامل قيمه ديري بنصيحتهم
و مبروك مسبقا

Oume nesyba · 2014-11-26, 18:21

انا نقلك ديري واش قدرك ربي لا يكلف الله نفسا الا وسعها و هدى الامور هيا من باب اكرام الضيف فقط وربي يهنيك

ام نور الهدى 2014 · 2014-11-26, 18:33

الاخوتت قامو بالواجب خدي لنصائحهم و ربي يسهاك و يجيب الخير
بالتوفيق

sigoise · 2014-11-26, 23:52

انا من الغرب وفي الخطبة تقدمت الطعام بالتعبير ورقة حمرة ثم قهوة وشاب وحلويات

أم لجين هيثم · 2014-11-27, 08:22

اختي جيت نجاوبك لقيت الأخوات وفو

رقة8 · 2014-11-27, 20:18

ربي يكمل اختي لا اله الا انت سبحانك اني كنت من الظالمين