ام البواقي و المسابقة

[sami.ge]

السلام عليكم
تم صباح اليوم اعلان كيفية استلام ملفات المسابقة .
ابتداءا من: 2014/06/30 الى غاية 2014/07/17.

الملف يتكون من :
- طلب خطي
- نسخة من بطاقة التعريف الوطنية .
- بطاقة الاقامة * تم اضافتها في الملف-
- نسخة من المؤهل العلمي
- كشف النقاط جميع السنوات
- استمارة المعلومات.
- شهادات العمل + مقررات الاستخلاف * وإلا تعتبر شهادة العمل بدون فائدة * فيما يخص التعليم فقط




بالتوفيق للجميع

[sami.ge]

لكن للاسف التنظيم سيء جدا .
دخول الموظفين على الساعة 9.40 و خروجهم على الساعة 12.00
سبحان الله

[سلمى_2008]

باارك الله فيك اخي وشكرا على تنبيهك للمقررات وبخصوص بطاقة الاقامة كنت اليوم في المديرية مقريتهمش لزوج ؟؟
بخصوص كشف النقاط من قبل دفعنا فقط السنة الاخيرة اما هاذ العام قالو المسارالدراسي كامل هك ؟؟؟

بالتوفييييق

[sami.ge]

المشاركة الأصلية كتبت بواسطة سلمى_2008

باارك الله فيك اخي وشكرا على تنبيهك للمقررات وبخصوص بطاقة الاقامة كنت اليوم في المديرية مقريتهمش لزوج ؟؟
بخصوص كشف النقاط من قبل دفعنا فقط السنة الاخيرة اما هاذ العام قالو المسارالدراسي كامل هك ؟؟؟

بالتوفييييق

انا كنت في متوسطة وقاف السبتي كي جاء لمسؤال على مركز قبول الملفات و قال اذا مكانش مقررات الاستخلاف غير مكان لاه تحطو الخبرة المهنية .
انا كي رجعت حوالي الساعة 12.30 لم أجد أحد و اخبروني ان شهادة الاقامة مطلوبة
بالتوفيق

[سلمى_2008]

هههههههه ايييه هاذي بلاد ولاخلي على الاقل كانو يا فيشيولنا كون منبهتينش انت كنت راح نحط غير شهادة العمل بدون مقررات بارك الله فيك وان شاء الله يكون لنا نصيب في ذلك ونتهناو
بخصوص البحث العلمي الي عليه نقطة كاملة مفهمتوووووووووووووش ؟؟؟واش يقصدو عليه حتى الميموار الي درتها من قبل تعتبر بحث اليس كذالك وانا عندي ورقة من ادارتنا تثبت اني درتها خفت اني نحطهافي الملف يضحكو عليا ؟؟؟ تخمامي صح ولا خرطي فقط ؟؟والله عدنا نحوسو حتى على 0.25

[sami.ge]

المشاركة الأصلية كتبت بواسطة سلمى_2008

هههههههه ايييه هاذي بلاد ولاخلي على الاقل كانو يا فيشيولنا كون منبهتينش انت كنت راح نحط غير شهادة العمل بدون مقررات بارك الله فيك وان شاء الله يكون لنا نصيب في ذلك ونتهناو
بخصوص البحث العلمي الي عليه نقطة كاملة مفهمتوووووووووووووش ؟؟؟واش يقصدو عليه حتى الميموار الي درتها من قبل تعتبر بحث اليس كذالك وانا عندي ورقة من ادارتنا تثبت اني درتها خفت اني نحطهافي الملف يضحكو عليا ؟؟؟ تخمامي صح ولا خرطي فقط ؟؟والله عدنا نحوسو حتى على 0.25

البحث العلمي نكانش لي فهم واش معنى تاعووا
و خليها على ربي و خلاص.
هههههههههههههههههههههههههههههههههههههههههههههههههه هههههههههههههههههههههه

بالتوفيق ان شاء الله

[سلمى_2008]

سلااااااااااااااااااااام اخي اخر اسنفسارباذن الله عل يكفي اني ندير نسخة على كشف النقاط وشهادة عمل والقرارت فقط ولا لاااازم اني نزيد نديهم للبليدية للمصادقة عليها يعني مقالييزيا

[sami.ge]

المشاركة الأصلية كتبت بواسطة سلمى_2008

سلااااااااااااااااااااام اخي اخر اسنفسارباذن الله عل يكفي اني ندير نسخة على كشف النقاط وشهادة عمل والقرارت فقط ولا لاااازم اني نزيد نديهم للبليدية للمصادقة عليها يعني مقالييزيا

الافضل المصادقة عليها.

[koukizoo21]

السلام عليكم
هل مقررات الاستخلاف هم نفسهم محاضر التنصيب
ارجو الاجابة

[sawsen ber]

هل مقررات الاستخلاف نفسها محاضر التنصيب وهل شهادات العمل يجب ان يكون مؤشر عليها من قبل مدير التربية كما ورد في نص الجريدة

[salehmoh]

SalM 3LIKOM
chahadt 3aml yst3rfo ghir bta3 t9rya li khdam fi haja wahd okhra makan lah yhat ???

wkachf ni9at ta3 l3wam okl wla ghir lkhar ??

wchhada mdrasia ta3 mastar nhatha dirasa tkmilia ou nn ??

wbarak laho fikom

[سلمى_2008]

لالالالا محااضر التنصيب حاجة والمقررات حاااجة اخرى
المقرارات مكتوب عليها هك بعد مقررة العمل واذا مجبتوهاش اتصلوا ببسرعة بالمؤسسات الي تخدمو فيها باش يمدولكم نسخة اما فيما يخص شهادة العمل يكفي ان تؤشر من طرف مدير المؤسسة

[sawsen ber]

حتى ليقرا استخلاف لمدة شهر يمدولو مقرر استخلاف

[سلمى_2008]

ايه اختي يمدوهالك راهي من حقك شفتي هاذ المقررة تلقايها ممضية من طرف مدرية التربية ومن طرف مدير المؤسسة وفيها الامضاء تاعك ثاني فهمتني

[sawsen ber]

انا راني جامي سمعت بيها يعني نلقاها مخدومة بعد ولا لازم يخدموهالي وزيد المدير ليقريت في عهدو راح كيفاه راح يكاشيوهالي