مقيرط لفارس جيدي من قناة سميرة

soussou1631 · 2014-03-25, 08:30

السلام عليكم

حبيت بزاف هاد الوصفة وقلت نبرتاجيها معاكم و المرة الجاية نحطها بالصور ان شاء الله

المقادير نفس الكيلة للكل يعني الي تكيلي بيها السميد نفسها للمقادير الأخرى

3 كيلات سميد متوسط محمص في الفرن
1 كيلة سكر عادي
1 كيلة جلجلان محمص و مرحي
قرصة ملح
قشور حبة قارص
1 كيلة زيت
1 كيلة بيض نفضل تكيلي البيض نتاعك في الأول انت و على حساب واش عندك و مبعد بيها تكيلي المقادير الأخرى

طبعا زيت للقلي و العسل.

طريقة التحضير سهلة و سريعة

أولا حطي السميد + سكر + جلجلان + ملح قرصة صغيرة + قشور حبة قارص
خلطيهم مليح و بسيهم بالزيت تم طميها بكيلة البيض تتحصلي على عجينة رخوة تلصق في اليد خليها تريح حتى تشرب الريت و البيض و تولى عجينة متماسكة شكلي حربوش و قطعيه على شكل مقروطات
اقليها في زيت سخون و تكوني سخنتي العسل
يعني من المقلاة مباشرة الى العسل السخون ياش يشرب مليح
قطريه و زينيه بواش عندك أنا نفضل جلجلان.

شهية طيبة

والله بضمانة مني جربوه هايل و بنين بزززززززززززززززززززززززززززززززززززززااااف

الاعجبكوم ادعولي بالدرية ان شاء الله يرزقني ربي سنة زواج ومازال ماكتبليش ربي

ام رزيقة · 2014-03-25, 08:37

بارك الله فيك اختي
اللهم ارزق اختنا سوسو الذرية الصالحة

soussou1631 · 2014-03-25, 08:42

أأأأأأأأأأأأأأأأأمين با رب

شكرا ليك

ichrak03 · 2014-03-25, 08:42

اللهم ارزق عبدتك سوسو البنين والبنات ...ااااااااااااااااااامين

ما دمت اول من قرا الموضوع تاكدي اني كنت ابحث على هذه الوصفة هاتفتني امي ووصاتني نحوس عليها في النت

راح نقوللها تدعيلك وربي يتقبل ان شاء الله

ايمان العرب · 2014-03-25, 11:01

يعطيك الصحة راك جربتيها صح يبان شحال شباب و ربي يعطيك ماتتمناي ان شاء الله

pharma-93 · 2014-03-25, 12:10

بارك الله فيك اختي

مريم الاميرة · 2014-03-25, 12:23

بارك الله فيك اختي على الوصفة و ربي يرزقك الذرية الصالحة يا رب

النجمة المتميزة · 2014-03-25, 12:29

مرسي على الوصفة ربي يرزقك الذرية الصالحة راني رايحة نجربها الأن كراسي راه قدامي

نورانيات · 2014-03-25, 12:57

ربي يرزقك الذرية الصالحة ويباركلك فيهم وفي زوجك يا رب آمين يعطيك الصحة على الوصفة حنجربها على ضمانتك ههههههههههه.

lahna moka · 2014-03-25, 14:32

بارك الله فيك أختي

raboha · 2014-03-25, 14:50

راااااااااااااااااااااااااااائع و مرسي بزاف على الوصفة
و ربي يرزقك بالذرية الصالحة
و عندى نصيحة حبيت نقولهالك إذا تتقبليها أنا كان عندى بنت فقط و طولت 5 سنوات و شوية و مرفدتش عليها و درت كلشي باش نحمل و مكان والو حتى قالولي على الفطر الهندي راهو إجي أبيص اللون درت شربتو مدة شهر و رزقني ربي بطفلة ثانية ما شاء الله ختي جربيه و شوفي قالو عليه مليح لكلشي أدخلي في قوقل و شوفي الفوائد تاعو
و الله راني ندعيلك من كل قلبي راني حاسة بيك أنا كنت بطفلة برك و كنت نوض و نطيح باش نزيد

بصيرة2 · 2014-03-25, 16:54

ربي يرزق بالذرية الصالحة المعافاة عاجلا غير اجل ويعطيك الصحة على الوصفة شفتها وما عرفتش كيفاش دارها

كلي أمل · 2014-03-25, 17:12

يعطيك الصحة اختي

طيبة نفس · 2014-03-25, 18:51

ربي يرزقك الذرية الصالحة يا رب كنت ابحث على هذه الوصفة يعطيك الصحة

raboha · 2014-03-25, 20:00

ختي حوستلك في قوقل و لقيت هذا الموضوع و إن شاء الله فيه نتيجة
خلي إيمانك بالله قوي و يا ربي يرزقك بالذرية الصالحة
هذا هو الرابط
https://forum.sedty.com/t769141.html