الرجال خاصة عاونوني اني مافهمتش عقليتو

mounaminou · 2014-01-14, 21:10

رغم ان خطيبي هو اول حب في حياتي الا انني لم اتوقع ان اصبح خائفة و حزينة بسببه ....لجأت اليكم فلربما تساعدوني في فهم طباعه و شخصيته

لاحظت ان خطيبي تغير بعد فترة وجيزة ...اصبح جد متشائم و محبط و كل حديثه معي شكوى ...اعلم ان اي شاب يواجه الكثير من التحديات في هده الفترة اولها اعداد مسكن مناسب للزواج و هدا اكبر مشكل نواجهه في علاقتنا ...مشكلتي هي ان خطيبي لا يتصل الا ناااااااااااااادرا و عندما يتكلم ينسى الرابط الدي بيننا و يصبح كلامه شكوى ...دائما اشجعه و احاول رفع معنوياته و لكنني سئمت من هدا الوضع اد لاحظت ان نفسيتي تغيرت جدا ...لمادا دائما انا المتفائلة و هو المتشائم ...و الله عيت ...ياخي هو اللي حب يخطبني علاه مالا ديما لازمني انا اللي نطلعلو المورال ...رانا علا هدا الحال مند اكثر من 6 اشهر

انا طبعي متفائلة و ديما عايشة مبتسمة و كلش مخليتو علا ربي ....قولولي لاكان راني غالطة ....راني ولييت شاكا في روحي واقيلا المشكل راهو فيا ..بالاك الرجال يحبو المرأة اللي تشكي و تبكي بالاك يحبو اللي تضغط عليهم .....بالاك حابني انا اللي نشكي من الوضع ا....و الله انا ماوش عاجبني الوضع تاعنا و حابا ضروفنا تتحسن و مانحبش نضغط عليه عليها نبينلو بللي راني فرحانة رغم الضغوط و رغم اني خايفة من المستقبل اكثر منو ....

قلت مع الوقت يزيد ايمانو و قناعتو بللي ربي رايح يسهلنا و قلت بالاك هدا الوضع مارايحش يدوم راهو غير فترة مي الوضع طول بزاف

ملاحظة برك انا ماشرطت عليه والو و ربي شاهد ...خففت عليه و قلتلو مام العيد و ماتجيبلي والو غير باه نعاونو و نسهللو مي هو مازال علا حالو .........هل يا ترى لازمني نتبدل و نولي شريرة و نشرط و نقلقو ???? قولولي تعيشو راني ولليت شاكا بللي عقليتي هي اللي خلاتو مايحسش بيا

فارس وجواد · 2014-01-14, 22:34

أختي ربما ظروفه المادية صعبة و كلنا نعلم اليوم غلاء تكاليف الزواج و مصاريفه.
او تلك هي طبيعته و شخصيته و لم تتعودي عليها فقط.

mounaminou · 2014-01-15, 12:20

شكرا اخي الكريم على الرد

yousra14 · 2014-01-15, 13:07

عند حضوره لبيتكم وامام محرم لإذا لم تعقدا العقد الشرعيّ اسأليه عن السبب
ووضحي له أنك لست متطلبة كثيرا وهذا من حق نفسك عليها .
وإذا كان هذا طبعه فما عليك إلاّ إعادة النظر والاستخارة جيّدا .
كثّر الله من أمثالك

mounaminou · 2014-01-16, 18:04

اقتباس:

المشاركة الأصلية كتبت بواسطة yousra14

عند حضوره لبيتكم وامام محرم لإذا لم تعقدا العقد الشرعيّ اسأليه عن السبب
ووضحي له أنك لست متطلبة كثيرا وهذا من حق نفسك عليها .
وإذا كان هذا طبعه فما عليك إلاّ إعادة النظر والاستخارة جيّدا .
كثّر الله من أمثالك

نضن صح بلي هدا هو طبعو لانو مستمر علا هداك المنوال ....و الله المشكل اني خايفة تكون حياتي معاه حزن في حزن ..حابا نعيش فرحانة و المشكل في مواقف انا نكون سعيدة و الحمد لله مي هو يلقا سلبيات صغيرة و يكبرهم بزاااااااففففف

أيمن عبد الله · 2014-01-15, 16:41

السلام عليكم

نشكر لك ثقتك في المنتدى وفي القسم بصفة خاصة
أختنا الفاضلة كثرة الاتصال بين المخطوبين لا يزيد إلا المشاكل

ويفتح ابوابا يصعب غلقها...لذا من الافضل لكما تقليل الاتصال

لاقل قدر ممكن+ ربما خطيبك له مشاكل وظروف قاسية يمر بها
فتحملي قليلا وقد يكن هناك الكثير من الرجال من لا يحب الكلام في مشاكله
فأنت مازلت في دار أبيك ولا يريد ان يظهر لك ربما كل اموره فتحمليه وشجعيه+ وإذا كان صاحب خلق ودين فحافظي عليه فكل شيء بعدها يهون...ونتمنى لك السعادة والهناء بالتوفيق

mounaminou · 2014-01-16, 18:09

اقتباس:

المشاركة الأصلية كتبت بواسطة أيمن عبد الله

السلام عليكم

نشكر لك ثقتك في المنتدى وفي القسم بصفة خاصة
أختنا الفاضلة كثرة الاتصال بين المخطوبين لا يزيد إلا المشاكل

ويفتح ابوابا يصعب غلقها...لذا من الافضل لكما تقليل الاتصال

لاقل قدر ممكن+ ربما خطيبك له مشاكل وظروف قاسية يمر بها
فتحملي قليلا وقد يكن هناك الكثير من الرجال من لا يحب الكلام في مشاكله
فأنت مازلت في دار أبيك ولا يريد ان يظهر لك ربما كل اموره فتحمليه وشجعيه+ وإذا كان صاحب خلق ودين فحافظي عليه فكل شيء بعدها يهون...ونتمنى لك السعادة والهناء بالتوفيق

المشكل يا اخي الاتصالات بيناتنا راهي تقريبا ماكانش و اللي يزيد القلق تاعي انو نهار يكون نقاش بيناتنا نتحط في موقف المشجعة و هو الناقد المستمر للمشاكل ....النقطة هدي هي اللي شاغلتلي بالي ...احيانا نحسو ماش مقتنع بعلاقتنا و كأنو من صعوبة الضروف كره كلش رغم انو هو اللي حب يخطبني بدون اي ضغط و بكامل ارادتو

RABHA ALI · 2014-01-16, 21:58

جربي أنت تشكي قبل ما يشكي ولوكان شكوى في أمور تافهة لا علاقة لها بالزواج( مرض ... كترة شغل في البيت ....... المهم أمو بسيطة) وشوفي كيفاش يكون رد فعله.... إذاكان مهتم بيك رايح يشاركك حتى التوافه عند الشكوى... وإن لم يهتم وأكمل شكواه المعتادة..فاعلرفي اته أناني ومتشائم وهذا النوع والله يتعب نفسيا..... عندها قرري

السي محمد · 2014-01-17, 11:30

اشعريه بالامان و [انك موافقة على العيش معه مهما كانت حالته المادية و المالية

وانك تريدينه هُو و ليس أمواله

mounaminou · 2014-01-17, 20:25

اقتباس:

المشاركة الأصلية كتبت بواسطة السي محمد

اشعريه بالامان و [انك موافقة على العيش معه مهما كانت حالته المادية و المالية

وانك تريدينه هُو و ليس أمواله

هداك واش راني ندير مي خصارة ماكانش تغييير

soha1987 · 2014-01-17, 20:34

لقاك نتي عاجبك الحال قالك ندورها انا شكوى وبكا ديريلو القارص في عينيه باه يحبس الشكوى ههههههههههههههههه
اختي بلاك هداك طبعو وعادة فيه مالا نقولك كي بيدا يشكي نتي بدلي الموضوع بلاك يفهم روحو
ربي يسرلك ويفتحلك ابوابو اختي

mounaminou · 2014-01-18, 23:29

اقتباس:

المشاركة الأصلية كتبت بواسطة soha1987

لقاك نتي عاجبك الحال قالك ندورها انا شكوى وبكا ديريلو القارص في عينيه باه يحبس الشكوى ههههههههههههههههه
اختي بلاك هداك طبعو وعادة فيه مالا نقولك كي بيدا يشكي نتي بدلي الموضوع بلاك يفهم روحو
ربي يسرلك ويفتحلك ابوابو اختي

يعطيك الصحة اختي على الرد ...ضحكتيني شوية عندي شحال ماضحكتش ههه

fatih84 · 2014-01-19, 22:29

انا متاكد 100في 100 انو لا يصلي و ليس لديه قناعة و الرضا بالنصيب .....و اضن انه تاثر كثير يشوف للناس لفوقو بزاف و اكيد ناس يعرفهم بزاف يشوف فيهم احسن و افضل منو على هذا زادت شكواه ......و انت اقرب شخص غليه شكواه ليك انت قبل الله .......انصحيه بالصلاة ..و الدعاء ............و الله ربي يفرجها ....علية

mounaminou · 2014-01-20, 23:38

اقتباس:

المشاركة الأصلية كتبت بواسطة fatih84

انا متاكد 100في 100 انو لا يصلي و ليس لديه قناعة و الرضا بالنصيب .....و اضن انه تاثر كثير يشوف للناس لفوقو بزاف و اكيد ناس يعرفهم بزاف يشوف فيهم احسن و افضل منو على هذا زادت شكواه ......و انت اقرب شخص غليه شكواه ليك انت قبل الله .......انصحيه بالصلاة ..و الدعاء ............و الله ربي يفرجها ....علية

.............ربما مايدعيش مي الصلاة مواضب عليها و الحمد لله

ساندريلا · 2014-01-20, 22:11

اختي الكريمة اذا كنت تنتظرين تغييرا فانسي الامر برمته اكيد ان وضعه متأزم ماديا فهو مقبل على زواج و الواضح ان خطيبك متخوف من المسؤوليات القدمة و الا لما كان بهذه النفسية السيئة
و ديري في بالك بللي ما عنده ما دخل العقلية اختي
نصيحة مني صلي صلاة استخارة و ادعي ربي سبحانه و تعالى و شاوري اهلك افضل