ما عنديش عنوان مناسب للموضوع المهم ادخل وقللي esq صح ولا راني غالطة ..يا الله

[ل..ب..ن..ى]

السلام عليكم ورحمة الله تعالى وبركاته

السمانة اللي فاتت كنت نفوت الامتحان
والماتش تاع مصر-الجزائر كان عاد كي كمل
...مبروك علينا....

وانا نفوت جاني الموضوع التالي
نطرحهلكم
وقولولي ادا كنت غالطة ولا لالا

احم احم :

يقول الشاب الجزائري: كرهت البلاد انا
لا خدمة لا زدمة
والله ونلقى طريقة تبعدني على هده البلاد والله مانقعد هنا

تقوله : يا سيدي انعل الشيطان
بلادك قراتك والعلاج فيها باطل
وفي النهاية هي بلادك ولازملك تحبها

واش يقول؟: علابالي راهي بلادي
والزهر ماكانش عندي نهار تسماة عليا كبلاد
ماكانش عندي الزهر نهار زاديت هنا

نكرها الجزاير ومافيها حتى مستقبل
ولوكان يخيروني بين بلاد وحدخرا
وهاد الخربة
والله مانقعد هنا


ايه هدا هو الكلام اللي يصرح بيه اغلبية الشباب
الضائع في البلاد

نهار الماتش تاع مصر - الجزائر
في الليل حتى للصباح والناس دايرة حالة

واكيد اغلبيتهم شباب

قلت ايهيا هادا هو الشعب اللي مايحبش بلاده
وراه فرحلها كامل هاك بالفوز تاعها
!!!

قلت يا خي هادي la jeunesse ويحبوا الزهو

بالاك مابيهمش الربحة تاع البلاد
بيهم سهر الليل برا برك

ربما !! ممكن!!

بصح كامل عندهم علم جزائري
والله راني نقوللكم كامل الشباب تقريبا خرجوا
بعلم وكاين اللي حاط على روحه 4 علامات

علم وطني
منين جابوا ههده الاعلام؟؟

كانت في دارهم...اكيد
كانوا محتفظين بها

والشخص يحتفظ بحاجة تاع انسان عزيز عليه كامل حياته
وهدا هو حال شبابنا
محتفظين برمز الجزائر
العلم الوطني
في بيوتهم طوال سنوات تواجدهم على هده الحياة

يعني بلادهم عزيزة عليهم
هدا هو التحليل الوحيد

ولا راني غالطة؟؟؟

يموتوا على البلاد
بصح الدنيا غارتهم
ولا الشيطان راه دايرها بيهم
يقولوا مانحبوش البلاد

وفي وقت الصح راهم هما الاوائل ينوضوا يفرحوا لفرحها
ويدافعوا عليها ادا لا سمح الله اصابها مكروه

هي طبيعة انسان جزائري
وهو الوحيد في العالم اللي يحمل هده الصفاة

قلبه بيض وكبييييير بزاف
بصح النيف شاده مرات وما يصرحش بحبه
لمن يحب


تحية مني

سلااااام

نموت على بلادي
وعندي زوج درابويات تاع البلاد هههه

[حلاوة_87]

بوقوصة بالك معرفوش يعبرو برك يحبو بلادهم ويموتو عليها لكن الوضع اللي عايشينه من طرف المسؤولين النهابين هو اللي خلاهم يكرهو
وانا نقول تحيا بلادي الجزائر
"حب الوطن من الايمان"
لبنى حبيت نسقسيك انت كنت تفوتي فالامتحان وعقلك مع الماتش حلوة هذي ياك العافية ما هلرمتي في عقلك لباس ياخي ولا راكي معولة هههههههههه
تقبلي مروري

[ل..ب..ن..ى]

المشاركة الأصلية كتبت بواسطة mirinda_87

بوقوصة بالك معرفوش يعبرو برك يحبو بلادهم ويموتو عليها لكن الوضع اللي عايشينه من طرف المسؤولين النهابين هو اللي خلاهم يكرهو
وانا نقول تحيا بلادي الجزائر
"حب الوطن من الايمان"
لبنى حبيت نسقسيك انت كنت تفوتي فالامتحان وعقلك مع الماتش حلوة هذي ياك العافية ما هلرمتي في عقلك لباس ياخي ولا راكي معولة هههههههههه
تقبلي مروري

ايه كامل يحبوا البلاد بصح بزاف مايصرحوهاش
حتى نهار فرح كما هادا ولا نهار غبينة
تلقاي الدمعة تاعه نزلت على خده حبا في بلاده

الحكومة ايه عندها دخل ترد الانسان يكره
بصح الجزائري والله غير عنده نيف كبير وتقول راهم دايرينله حاجة
ومايقولش نحب بلادي
وهو يموت عليها

ميريندا والله غير هاداك الوقت كنت كملت اللي قدرت عليه
والباقي الله غالب
حبيت نستنى صحبتي ايا قعدت نخمم هههه
وبالاكي ماراني معولة على والو ههههه

شكرا على مرورك الطيب

سلااام

[تاج الكرامة]

العنوان كان لازم يكون ..........جزائرية و نحب بلادي وافتخر و اللي مش عاجبوا الحال ينتحر

اختي الغالية مهما كان بلادنا فوق العين و الراس

[المهذب]

[quote=Bogossa Hugossa;1223189]السلام عليكم ورحمة الله تعالى وبركاته

وعليكم السلام ورحمة الله وبركاته
نعم الاخت بوقوصة هيقوصة الجزائري عنده نخوة وإذا أردتي الحصول على كل الاجابات لتساؤلاتك عودي الى موضوعي شرفتمونا يا أبطال الذي تزامن مع يوم المقابلة

[fethi08111971]

أختي مرحبا بك واتمنالك النجاح
الموضوع رائع وأبقي كيما راك

[ل..ب..ن..ى]

لمياء1
المهدب
واخي فتحي

بارك الله فيكم على مروركم المميز

دمتم

تحيتي

سلاااام

[سلاف26]

ربي يهديهم و يفرج عليهم ان شاء الله
كاين فيهم طبيعة يحبوا يشتكو بزاف و لوكان يروحو لبلاد اخرى يتمناو لوكان ما خرجوش من الجزائر هذا هو حال الانسان لا يعجبه العجب
مشكورة اختي لبنى على الموضوع

[Mohamed845]

السّلامُ عليكم؛




شكراً لك أختي بوقوصة؛ ردِّي هذا ليس موجّها إليك وإنّما عام؛



لن أكثر الكلام؛ فهذا ممّا يجعل حروف كلماتي تضطرب فلا تدري كيف تصل أخواتها؛ فلا جملة مفيدة ولا غير مفيدة تنفع مع ما سُمع أو قُرئ؛ انظروا الرّابطين؛


https://www.djelfa.info/vb/showthread...=13863&page=31

https://www.djelfa.info/vb/showthread.php?t=71255


إنّ الحبّ ليس كلامٌ تقذفه بيُسرٍ الألسنة؛ بل هو في قلب الصّادق يتجلجل مخافةَ الخروج؛ فيُصبح كاذباً؛ إنّ الحبّ يُصدِّقه الفعل؛ كما أنّ محبّة للهِ؛ جلّ وعلا؛ اتِّباع رسوله؛ لا كلماتٌ تُلفظ؛ فحبّ البلد الإصلاح فيه؛ فلا تأكل ماله ولا تظلم أخاك؛



إنّ الحبّ درجاتٌ؛ وكلّ إنسانٍ مفطورٌ على حبِّ أرضه اللّتي ولد فيها وإن شرّق وغرّب؛ ولا يخرج عن هذه الحقيقة العلميّة إلاّ من اختلّت فطرته؛ فلا كمال إلاّ للهِ؛ فليترك النّاس كثرة المحبّة اللّسانيّة وأمثالها من افتخر وهلمّ جرّا؛ ثمّ ختم المحبّة على فُلان ونزعها من آخر؛ فالأرض أرض للهُ؛ والصّالحون هم أولى بوراثتها وإن لم يكونوا أبناء البلد.




هذه الحلقة المفرغة اللّتي جعلتنا في ذيل الأمم؛ وللأسف حتّى بعض المثقّفين؛ تجده يقول " خرج الجزائريون يحتفلون بفوز المنتخب الوطني ليثبتوا انتماءهم للوطن " ولو خسر ما ستقول ألسنتكم !





السّلامُ عليكم

[ل..ب..ن..ى]

شكرا لكل من مر على الصفحة
واثراها برايه
ربي يبارك فيكم
كلكم اثبثتم حبكم للبلاد

ربي يخليكم لينا ولاد وبنات بلادي

تحيتي لكم
سلااام

المشاركة الأصلية كتبت بواسطة mohamed845

السّلامُ عليكم؛




شكراً لك أختي بوقوصة؛ ردِّي هذا ليس موجّها إليك وإنّما عام؛



لكن أكثر الكلام؛ فهذا ممّا يجعل حروف كلماتي تضطرب فلا تدري كيف تصل أخواتها؛ فلا جملة مفيدة ولا غير مفيدة تنفع مع ما سُمع أو قُرئ؛ انظروا الرّابطين؛


https://www.djelfa.info/vb/showthread...=13863&page=31

https://www.djelfa.info/vb/showthread.php?t=71255


إنّ الحبّ ليس كلامٌ تقذفه بيُسرٍ الألسنة؛ بل هو في قلب الصّادق يتجلجل مخافةَ الخروج؛ فيُصبح كاذباً؛ إنّ الحبّ يُصدِّقه الفعل؛ كما أنّ محبّة للهِ؛ جلّ وعلا؛ اتِّباع رسوله؛ لا كلماتٌ تُلفظ؛ فحبّ البلد الإصلاح فيه؛ فلا تأكل ماله ولا تظلم أخاك؛



إنّ الحبّ درجاتٌ؛ وكلّ إنسانٍ مفطورٌ على حبِّ أرضه اللّتي ولد فيها وإن شرّق وغرّب؛ ولا يخرج عن هذه الحقيقة العلميّة إلاّ من اختلّت فطرته؛ فلا كمال إلاّ للهِ؛ فليترك النّاس كثرة المحبّة اللّسانيّة وأمثالها من افتخر وهلمّ جرّا؛ ثمّ ختم المحبّة على فُلان ونزعها من آخر؛ فالأرض أرض للهُ؛ والصّالحون هم أولى بوراثتها وإن لم يكونوا أبناء البلد.




هذه الحلقة المفرغة اللّتي جعلتنا في ذيل الأمم؛ وللأسف حتّى بعض المثقّفين؛ تجده يقول " خرج الجزائريون يحتفلون بفوز المنتخب الوطني ليثبتوا انتماءهم للوطن " ولو خسر ما ستقول ألسنتكم !





السّلامُ عليكم

بارك الله فيك على ماكتبت
وعلى التوضيح المميز

ايه هناك حب فطري لليلاد
وهدا ماجعل ابناء الوطن يخرجون هاتفين
فرحين مع فوز ممثلي بلادهم

واكيد حب الوطن يعني خدمة الوطن
وهدا ما جعل الفران الكريم يدعونا لحب وطننا
حب الوطن من الايمان
والعمل بجد من الايمان

ربي يخليك على النقد الموفق
ماعندي انزيد نقول

ولكن الجملة الاخيرة اللي قلتها مانيش معاك فيها
لم اقصد من موضوعي هدا
ان ابناء وطني خرجوا بهتافاتهم ليعلنوا للشعوب الاخرى
حبهم لوطنهم لا بل بالعكس
بموضوعي اردت اثباث حبهم الحقيقي لوطنهم
وليس كما اعلنوا او كما عرف عنهم

شكرا مجددا

تحية مني

سلاااام

[B.Badis]

السلام عليكم ....
و الله أنا ثاني جبتها الأيامات لي فاتو كامل و أنا نخمم في هذا الأمر .... حيث كل يوم بعد les 2 ماتش نبقى نتأمل في الناس و هوم فرحانين و بلعلامات في الشارع و مع الهتافات .... كاينين ناس انتقدوهم ....لكن بالنسبة لي أنا فرحة الناس و زهوهم و خروجهم للشارع حاملين لعلامات فرحني أكثر من فرحتي بفوز المبارتين ....صراحة أشكرك يا bogossa على أفكارك الأكثر من الرائعة و طريقة طرحك المشوقة و المميزة ....

[أمـ جيجل ــال]

السلام عليكم ورحمة الله وبركاته :


الأمر أختي يتعلق بمشاكل الشباب بالدرجة الأولى كلنا نحب بلادنا ونعتز بها وخاصة خاصة أمام العالم لكن من يحكمنا يخنقنا ويضيق علينا ويبغي مصلحته ويدوس على مصالحنا هذا الحال جعلنا نبحث عن البديل في دول أخرى حتى نعيش أفضل مما نحياه الآن فلربما الدول الأخرى التي تحترم شعوبها بإقامتنا فيها ستحترمنا نحن أيضا طبعا الدول غير العنصرية لكن دائما نجد أن كل المهاجرين يوصون بأن تنقل جثمانهم لتوارى في بلادهم التي طالما أحبوها وتمنوها أن تكون أفضل مما هي عليه لهذا وفي عز الفرحة بالفوز في المباراة المباراة سألت الصحافة الجمهور هل تفكر الآن في الحرقة من دون تفكير الكل رد " بلادي في قلبي ونحبها بزاف بصح مارانيش قاعد هنا لوكان تجيني الفرصة " وهذا يعني أن الشباب يريد الأفضل يريد حل لمشاكله فالمباراة فيها 90 دقيقة وتنتهي لكن حياته ستظل مستمرة إلى أجل غير معلوم شكرا لك

[salma02]

حب بلادي فوق كلش
ما نحملش حتى يقيسوها بكلمة

برك غي الميزيرية تخليهم يهدروا هاك
احنا ثان عندنا زوج علامات
و نهار الماتش
تقول الستاد في الدار

[عادل الجلفاوي]

لايوجد في كل الجزائر حتي رئيسنا عبد العزيز بوتفليقةوكل افراد الجزائر من يحب الجزائر مثلي لا انت ولا غيرك
نموووووووووووووووت علي الجزائر ومانحب غير ترابها
نموت بالشر ومنروح بعيد عليها نروح سياحة نعم غيرها لالالالا او نروح عمل محترم يرفع راس الجزائر

[ل..ب..ن..ى]

المشاركة الأصلية كتبت بواسطة عادل الجلفاوي

لايوجد في كل الجزائر حتي رئيسنا عبد العزيز بوتفليقةوكل افراد الجزائر من يحب الجزائر مثلي لا انت ولا غيرك
نموووووووووووووووت علي الجزائر ومانحب غير ترابها
نموت بالشر ومنروح بعيد عليها نروح سياحة نعم غيرها لالالالا او نروح عمل محترم يرفع راس الجزائر

لالا والله ماكان منها
انا نموت عليها اكثر منك
خاطر ماكانش حب اكثر من حبي لها
في الدنيا كاملة

ربي يحفظك على حبك
وان شاء الله يزيد باش تلحق حبي لبلادي
هههه

نزعق معاك برك

موفق ان شاء الله اخي عادل
وربي يسمعك خبر الخير نهار النتائج
ونفرحوا معاك

واهلا بعودتك الى موطنك من جديد
منتديات الجلفة