مشــــــــــــــــروع ورشـــــــــــــــة

[gigi_sol]

السلام عليكم و رحمة الله و بركاته

انا اريد ان افتح ورشة للخياطة و التفصيل و الطرز ، لدي الخبرة في هذه المهنة و لدي الماكنات ايضا و لكن بقيت المشكلة في المواد الاولية من قماش و لوازم الخياطة من اين اقوم بشراءها بالجملة ؟ " اماكن بيعها " و ايضا بالنسبة الى الفتاة الي تخيط او الي تفصل ، كيف يكون اجرها ؟ اي كم ادفع لها المبلغ تقريبا سواء كان بالقطعة او شهريا ؟ ارجوم انصحوني انا في امس الحاجة لكم خاصة من لهم ورش عاملات ، ارجوا ان يفيدوني بخبرتهم ، فانا لدي افكار كثيرة و اريد تنفيذها و تطويرها .ارجوكم لا تبخلو علي .

[جوري لؤلؤة]

الله اعلم نتمنى يفيدوك ذوي الخبرة

[OM AYA]

ان شاء يفيدوك الخبيرات انا نظن القسم الكبير درتيه بقالك الاسهل بعون الله انت سقسي في المحلات وشوفي وسقسي اولا في المنطقة اللي راك فيها اكيد كاين ناس الخير اللي يدلوك عل ىمحلات الجملة ويكونوا ناس ثقة و اذا كانت البداية عندك ما راح تتعلمي و تتلاقاي باناس اشكال والوان ناس ترميهم ما تزيديش تتعاملي معاهم وناس تكبر الثقة ما بينكم شيئاا فشيئا والعمل كذلك لكن لا تنسي اهم شيئ الامانة و الصدق
وبالنسبة للاجر نظن يعني لو تحاولي ما تحقريش في الاجر كيما يديروا بعض الخياطات يجيبوا لبنات من السبعة نتاع الصباح للسبعة نتاع الليل و يمدولهم ذيك 500الفولا700الف بالريق الناشف و التي لا تسمن او تغني من جوع و تقبل بها الا من حتمت عليها الظروف وهي حال غالب بناتنا للاسف
انت اجعلي اجر قاعدي ثابت يساوي على الاقل الحد الادنى للاجور نظن راه يدور في 18000دينار اي مليون ثمان مائة وكل ما تكون عندك خدمة زيادة قال اللي تخدم زيادة عندها كذا على القطعة الواحدة ولا بالساعة مثلا,,, لكن نفضل الاولى


والله اعلم ربي يفقك لما يحبه و يرضاه و يرزقك رزقا حلالا طيبا مباركا فيه

[gigi_sol]

شكرا كثيرا يا om aya على المساعدة ، انا ايضا مكانتش في نيتي اني نحقر العاملات عندي ، لأني عانيت من نفس المشكل من 10 سنين و الحمد لله باصرار كونت نفسي بنفسي ، و كانت في افكاري ايضا اني نقوم بتحفيزات للعاملات باش يحبو العمل و يخلصو ليه و بهاذي الطريقة يتميز عملي عن الورشات الاخرى و لكن بالنسبة للمرتب اكيد مش راح نقدر على المرتب 18000 في الاشهر الاولى من فتح الورشة لأنو تكون الورشة في بداية عملها ، و لكن يبقى المشكل في اماكن بيع المواد الاولية و اي مدن تتباع فيها او اي محلات او اسمائهم او هواتفهم الي عندو فكرة على هذا او خبرة .

[OM AYA]

المشاركة الأصلية كتبت بواسطة gigi_sol

شكرا كثيرا يا om aya على المساعدة ، انا ايضا مكانتش في نيتي اني نحقر العاملات عندي ، لأني عانيت من نفس المشكل من 10 سنين و الحمد لله باصرار كونت نفسي بنفسي ، و كانت في افكاري ايضا اني نقوم بتحفيزات للعاملات باش يحبو العمل و يخلصو ليه و بهاذي الطريقة يتميز عملي عن الورشات الاخرى و لكن بالنسبة للمرتب اكيد مش راح نقدر على المرتب 18000 في الاشهر الاولى من فتح الورشة لأنو تكون الورشة في بداية عملها ، و لكن يبقى المشكل في اماكن بيع المواد الاولية و اي مدن تتباع فيها او اي محلات او اسمائهم او هواتفهم الي عندو فكرة على هذا او خبرة .

انشاء الله يدخلوا المعنيين و الا حطي العنوان .الى بائعي الجملة ببسكرة راح يكون اوضح و يدخلو المعنيين
وقتلك ابداي بمنطقتك لسببين الاول وهو انو لو كل واحد فكر في ولاد المنطقة اللي فيها و تعامل معاهم وتاجر معاهم الخير راح يعم عليهم ويتوسع لمناطق اخرى مش يخلى محلات منطقتو و يتعامل مع تجار اخرين والسبب الثاني الاقرب لمكان عملك اوفر مصاريف النقل و الشحن و في حالة اعادة السلعة و تغييرها راح تربحي الوقت,,,و

[hadjer hadjora]

slm ya okhti ana chefte mawdou3 kima el mawdou3 ta3ek fi el mountada hawssi 3alih rah testafidi in chaaa allah rabi ywaf9ek

[نور المستقبل]

مساء الخير
حبيبتي كيما فهمت منك مفكرتيش في الموضوع جيدا لماذا
1 المكن وكل الامور مقددور عليها لانك مادام عندك ثمنهم زائد الخبرة والمكان
راكي تخطيتي نصف المسافة اما النصف الثاني والاهم والصعب هو اللي يحتاج منك تفكيروبحث قبل الاعلان عن المشروع لازم تحددي نوع الملبوس بما انك خياطة لازم تجربي تخيطي كم قطعة وتحددي الوقت وتشوفي تكليفها من جهد كهرباء من كل شيئ وانت اللي تقدري تقيمي واش تمديلها
جينا لنقطة المهمة ياحبيبتي باش ينجح مشروعك لازم يد العاملة تكون محترفة
يعني تتقن كل انواع الخياطة وتجيدها ومتتغيبش لانو معظم العاملات عند الخواص كثيرا الغياب لكن ياحبيبتي اذا القيتي وحدة فعلا محترفة انصحك بالراتب الجيد حتى تبقى معاك طويلا لانها وبصراحة ان لم تجد اغراء في الراتب تشري مكينة وتقد في البيت وتخيط وتدير زبائن صدقيني في هذ النقطة
نصيحتي ابدايها وحدة وحدة خيطي بنفسك حتى تعملي زبائن ومن بعد حطي اعلان بحث عن خياطات كي يجيوك امتحنيهم وانت ادرى موفقة