الجزء 39 من واش طيبتي اليوم تشجيعا للفريق الوطني .

scorpionoir · 2013-11-17, 11:21

السلام عليكم ورحمة الله وبركاته

قالولها علاش طلتك غير منسية ودايما رافعة راسك وقوية قالتلهم انا جزائرية

1 2 3 فيفا لالجيري
ان شاء الله كاليفيي

وما تنساوش مع الطياب والحلويات شجعوا الفريق الوطني بكل روح رياضية
ولازم نقفلوها نهار الماتش كي يفوزوا ان شاء الله
هيا همتكم معانا تفضلوا .....

Daylight · 2013-11-17, 11:25

مبروك الكوزينة الجديدة

ام ساجد · 2013-11-17, 11:26

123 فيفا لالجيري

يعطيك الصحة سكوربيو على الافتتاحية وان شاء الله تكون فال خير على الفلايق الوطني ونفرح معا بعضنا

بقيادة المايسترو ام ماجد

بريق الامل& · 2013-11-17, 11:27

الف مبروك سكوربيون
وقع خطا الجزء 39 وليس 93 صحيحيها
وثاني البوقالة نحيها لانها ممنوعة في المنتدى ديري تعديل للبداية
وربي يجعلها مربوحة وتربح الدزاير ونروحو للمونديال

رياحين الجزائر · 2013-11-17, 11:32

مبروك الكوزينة عليك حبيبتي ان شاء الله نربحو عليها ان شاء الله
ان شا الله يا ربي ان شا الله يا ربي لالجيري كاليفيي

oum ibrahim · 2013-11-17, 11:32

مبروك الكوزينة الجديدة ساندريلا ان شاء تكون فال خير و تربح الجزائر و تتاهل يا رب

ام ساجد · 2013-11-17, 11:34

اني جيت وجبت قاطويا لي يحمل الوان الجزائر الخضرة

ان شاء الله نربح يا ربي

طير الرحمة · 2013-11-17, 11:34

نبداها انشاااااااء الله بالتوفيييييق للمنتخب الوطنى ويرفعو راس وعلم بلااااااااادنا فى القمة
كوزيييييينةمبرووووووووكة عليك اختى سكوربيوووووووووون وتشوفى عليها السعد والهناااااااااااء
وانشاء الله كاليييييييييييفي
لكن نرجع نقووووووووول وين راهم صور كوووووووووووزينتك ولا حليتيها بالزربة ونسيتي صور الكوزييينة على قوله الهااااااااااام لازم نقرعجو شوي ههههههههههههههههههه

رياحين الجزائر · 2013-11-17, 11:37

اقتباس:

المشاركة الأصلية كتبت بواسطة طير الرحمة

نبداها انشاااااااء الله بالتوفيييييق للمنتخب الوطنى ويرفعو راس وعلم بلااااااااادنا فى القمة
كوزيييييينةمبرووووووووكة عليك اختى سكوربيوووووووووون وتشوفى عليها السعد والهناااااااااااء
وانشاء الله كاليييييييييييفي
لكن نرجع نقووووووووول وين راهم صور كوووووووووووزينتك ولا حليتيها بالزربة ونسيتي صور الكوزييينة على قوله الهااااااااااام لازم نقرعجو شوي ههههههههههههههههههه

ههههههههه قرعاجة

طير الرحمة · 2013-11-17, 11:42

اقتباس:

المشاركة الأصلية كتبت بواسطة رياحين الجزائر

ههههههههه قرعاجة

واش تحبي قرعاجة صغيروووووووووون
تعلمت منكم

ilbeldelmondo · 2013-11-17, 11:39

Scorpion يا جارتي ربي يسعدك و يفرحك و مبروك الكوزينة
انا ماشي عارفة وين راكم المهم نحط وصفة الكيش لمن طلبهاام لقمان

ديري كاس فرينة صفار بيضة نص ملعقة خميرة الخبز ملح نص ملعقة سكر زيت حسب عينك بسسيها و كملي بالماء و حطيها ترتاح شوي ثم افرديها في مول مدهون بالزبدة و حطيها ترتاح شوي برك
في مقلاة قطعي نص بصلة متوسطة شرائح و حبة بسباس الى شرائح و شوي زيت او زبدة و نص كاس ماء و شعلي النار حتى يذبالو و يتبخر الماء أضيفي ملعقة موتارد حسب الرغبة و ملح فلفل اسود و دجاج اذا توفر مقطع انا ربتها بدونه و جات تهبل كي يطيبو طفي
اخفقي بيضتين و حليب و كريم فراش اذا وجدت و ملح فلفل ملعقة صغيرة خميرة و معدنوس انا مايبوهش زيتون اخضر اذا تحبي
نسخن الفرن و ندخل العجينة بعد ما ثقبناها جيدا
كي تحمار مت تحت نجبدها
نخلط الحشو مع البيض و نسكب على العجينة و نحط قطع الجبن الطري ان وجد و نردها تكمل طيب كي طيب البيض لي فيه الحشو نحمرها من فوق و اذا وجد الجبن المبروش نديرلها من فوق و شهية طيبة

هنا درتها صغيرة بدون دجاج

ghorba · 2013-11-17, 11:43

اقتباس:

المشاركة الأصلية كتبت بواسطة ilbeldelmondo

Scorpion يا جارتي ربي يسعدك و يفرحك و مبروك الكوزينة
انا ماشي عارفة وين راكم المهم نحط وصفة الكيش لمن طلبهاام لقمان

ديري كاس فرينة صفار بيضة نص ملعقة خميرة الخبز ملح نص ملعقة سكر زيت حسب عينك بسسيها و كملي بالماء و حطيها ترتاح شوي ثم افرديها في مول مدهون بالزبدة و حطيها ترتاح شوي برك
في مقلاة قطعي نص بصلة متوسطة شرائح و حبة بسباس الى شرائح و شوي زيت او زبدة و نص كاس ماء و شعلي النار حتى يذبالو و يتبخر الماء أضيفي ملعقة موتارد حسب الرغبة و ملح فلفل اسود و دجاج اذا توفر مقطع انا ربتها بدونه و جات تهبل كي يطيبو طفي
اخفقي بيضتين و حليب و كريم فراش اذا وجدت و ملح فلفل ملعقة صغيرة خميرة و معدنوس انا مايبوهش زيتون اخضر اذا تحبي
نسخن الفرن و ندخل العجينة بعد ما ثقبناها جيدا
كي تحمار مت تحت نجبدها
نخلط الحشو مع البيض و نسكب على العجينة و نحط قطع الجبن الطري ان وجد و نردها تكمل طيب كي طيب البيض لي فيه الحشو نحمرها من فوق و اذا وجد الجبن المبروش نديرلها من فوق و شهية طيبة

هنا درتها صغيرة بدون دجاج

الله يبارك

ام يوسف 2737 · 2013-11-18, 00:35

4444444444444444444444444444

إلهام07 · 2013-11-17, 11:50

الف مبروك الكوزينة الجديدة وإن شاء الله تكون فاتحة خير على منتخبنا الوطني

طوكيو الأعشاب مانقصوليش الشهية بزاف عادي ممكن لأنو مازال بديتهم غير البارح مازال مانيش حاسة الفرق بصح اكيد نقصت شهيتي شوية
سقسيتك البارح قتلك ياخي ناكل عادي ؟ ماجاوبتينيش
ماعرفتش الصابلي والطمينة نتاعمن ؟ ممكن الريجيم دوخ كولومبو ههههههههههههههههههههههه
ممكن صابلي أم إلام وآية ولا نتاع ام رامي وين رايحة تروحي هههههههههههههههههههههه ماتقوليليش صابلي الميرانق نخنقك ههههههههههه وععععععععع نسخف

tokio hotel · 2013-11-17, 14:00

اقتباس:

المشاركة الأصلية كتبت بواسطة إلهام07

الف مبروك الكوزينة الجديدة وإن شاء الله تكون فاتحة خير على منتخبنا الوطني

طوكيو الأعشاب مانقصوليش الشهية بزاف عادي ممكن لأنو مازال بديتهم غير البارح مازال مانيش حاسة الفرق بصح اكيد نقصت شهيتي شوية
سقسيتك البارح قتلك ياخي ناكل عادي ؟ ماجاوبتينيش

ماعرفتش الصابلي والطمينة نتاعمن ؟ ممكن الريجيم دوخ كولومبو ههههههههههههههههههههههه
ممكن صابلي أم إلام وآية ولا نتاع ام رامي وين رايحة تروحي هههههههههههههههههههههه ماتقوليليش صابلي الميرانق نخنقك ههههههههههه وععععععععع نسخف

سلام كى تشربى الاعشاب لازم تاكلى كما تحبى الكوكا و العصائر و الطواجن و الحلاوى كل شى ......... ربى يهديك لازم تنقصى الماكلة خاصة لى فيها سعرات حرارية بزاف كما الحلويات و الكوكا و المعجنات و الاجبان حقة اكتشفت بلى انت السبب فى ارتفاع اسعار الاجبان ههههههههه الصابلى انتاع الاخت سيسى و الطمينة انتاعى درتهم على جالك جاو يخدمو الطريق قدام دارى ايهقالولى اولادى بلى الخدامة من سطيف قلت يا يما الريحة انتاع الهام لازم نقوم بيهم سينون تقتلنى مى ما قنعتش بالطمينة و الصابلى برك و الوقت ما كانش عندى الا حنو عليا اولادى نحطلكم الصور