مقهورة

[مشكلتي]

انصحوني ارجوكم
اعذروني اريد التكلم بالعامية فقلبي سينفجر اقروا و انصحوني على وجه ربي

انا نجحت في الباكلوريا من 3 سنوات و ماحبيتش نقرا في الجامعة مانيش حابة و تاني نشوف الي قراو وش دارو المهم هذي قناعة من نفسي مانقراش في الجامعة و نكره الاقامة وانا مانيش ساكنة في الولاية بصح قريبة نروح و نرجع للدار كل يوم مع بعد الطريق بصح قلت نتحمل المهم نبات امنة في الدار بصح مقدرتش سييت و الجامعة هدي مادخلتش راسي قالوا معقدة قالوا ماشي حاطة راسها قالوا بيها الدلال بصح شيئ بداخلي و رفض قاااطع يا ربي رايحة نموت من الضغوطات الان لمدة 3 سنوات و انا نبلوكي العام والديا وفرولي كل شيي وماحرموني والوا عايشة كي الملوك بصح الجامعة ماقدرتش نروحلها نكرها نكره كل شي فيها توصلت من وراها كرهت القرايا الي كنت نموت عليها مع اني متحصلة على البكالوريا بتقدير جيد و نضال نقرا كل مفيد و نتثقف ومحجبة و صاينة نفسي و الحمد لله
هذي الايام كثروا عليا الضغط قالولي كثرتي و ضيعتي 3 سنين خلاص ارجعي بصح مافهمونيش كون غرضي نقرا في الجامعة راني قريت من عامي الاول يا ربي لعزيز شكون يفهمني كرهت و تقهرت كل الناس من بعيد ولا قريب تدخلت في الموضوع ضغط عليا خلاني نبكي ليل مع نهار
وليت نتمنى اي طريقة نهرب بيها من الموضوع حتى لو كانت نتائجها سلبية عليا حتى لو نهرب بالزواج (سامحوني على التعبير من قهري) تخطبت مرتين بصح والديا ماخطبوش مع اني منعرفش هذ الخاطبين حتى شكلهم كيفاش بصح قلت غير نهرب من موضوع الجامعة وحشمت نقول ايه و والديا ماشاورونيش حتى قابلة ولا لالا يقولو لالا بنتنا رايحة ترجع تقرا و ماتتزوجش حتى تجيب ديبلوم انا مايهمنيش الزواج و مانحوسش عليه ضركا بصح كيفاش نهرب من موضوع الجامعة هذا هبلت و تعبت داروا بيا الدنيا كامل لاجل رقية شرعيه و رقوني والو و كل مانصلي استخارة و نبكي و ندعي ربي يزيد كرهي للجامعة وكل من فيها اكثر و اكثر والله راني كنت على السجادة سقيتها بدموعي حتى راسي يوجع والوالدة تقلي اذا ماجبتيش ديبلوم حتى الراجل الي يديك يحقرك
توصلت نمت في المستشفى يومين من وراء الضغط و التفكير سببلي قلق وصلني للمشفى وليت نتمنى نمرض او تصرالي اي حاجة المهم يتغلق هذا الموضوع ضركا 3 سنين من يدخل سبتمبر و انا في القلايق و الاعصاب مرضت والله
صح تقولولي والديك حابين مصلحتك والقرايا خير لك بصح وش ندير رفض داخلي يخليني نرجع غير للبكاء مانيش حابة نقرا في الجامعة 3 سنين نقول نسيي نسيي خلاص هد العام ماتت حتى هديك الحاجة الي تقلي اعفسي على قلبك و جربي مالقيتش الي يفهمني لوكان برك نصيب كيفاش نتهنى من هذا الكابوس
الحمد لله نقرا قران نصلي ندعي دائمة البكاء في دعائي والخشوع بصح هذا الموضوع خلاص ولالي حجر ثقيل على صدري و منعني حتى من النوم

حاسة روحي رايحة ننهار حقا

[yousra14]

ماذا تريدين بالضبط ؟حدّدي هدفك وستتحسّن أحوالك إن شاء الله

[عبد الله 22]

السلام عليكم ياختي نزيد نقلقك ونقول المراة لما قراتش في هذا الوقت يحقروها والقرية سلاح إستراتجي لكل مراة ويما نساء تزوج او عاشو بل زوج كانت قريتهم الورقة الرابحة الاخيرة التي تم إستعمالها عفوا على النصيحة التي لا تعكس رغبتك لكنها وجهة نظر

[محمد جديدي التبسي]

الله يهديك يا عبد الله واش من ورقة رابحة الدراسة في الاختلاط والعمل مع أشباه الرجال ورقة رابحة!!!!
أختي نصيحة ليك إنك تفكري في الزواج جدية فهو أفضل سبيل لتجدي راحتك النفسية مع ما يرضي الله زوج صالح يصونك
أما إن كان ولابد أن تدخلي الجامعة فاختاري شعبة العلوم الاسلامية وستجدين فيها بنات مستقيمات يعينك على متاعب الحياة
ربي يوفقك ويريح قلبك ..

[نورالهدى بيولوجيست]

المشاركة الأصلية كتبت بواسطة محمد جديدي التبسي

أما إن كان ولابد أن تدخلي الجامعة فاختاري شعبة العلوم الاسلامية وستجدين فيها بنات مستقيمات يعينك على متاعب الحياة
ربي يوفقك ويريح قلبك ..

اخي احيانا اعجب بردودكم و احيانا نحتاااااااااااار؟؟؟؟؟؟؟؟؟؟؟

يعني نوعية القراية تعطيك نسبة الاستقامة؟؟؟ احنا ماقريناش شعبة العلوم الاسلامية ماناش مستقيمات؟

لوكان تنصحها قولها اقراي اي شئ بالصح حافظي على روحك و كملي في استقامتك.........

الله اعلـــــــــــــــــــــــــــــــــم

[محمد جديدي التبسي]

المشاركة الأصلية كتبت بواسطة nour el houda--cqa

اخي احيانا اعجب بردودكم و احيانا نحتاااااااااااار؟؟؟؟؟؟؟؟؟؟؟

يعني نوعية القراية تعطيك نسبة الاستقامة؟؟؟ احنا ماقريناش شعبة العلوم الاسلامية ماناش مستقيمات؟

لوكان تنصحها قولها اقراي اي شئ بالصح حافظي على روحك و كملي في استقامتك.........

الله اعلـــــــــــــــــــــــــــــــــم

أكيد نوعية القراية لها دور خاصة العلوم الإسلامية هي أقرب إلى القلب بما أنهامرتبطة بالدين
علكل أنا ضد الدراسة في الجامعة مطلقا للفتاة المستقيمة وقصدي بالفتاة المستقيمة التي تريد أن تجد راحتها الدينية والدنيوية
اما انها تقرا اي شيء وتحافظ على استقامتها فأشك في ذلك
أما المستقيمات حقا فلا يرضين بالدراسة في الاختلاط إلا إذا أرغمهم أهلهن
ولست في مكان لأحكم على أشخاص التقوى في القلب وتظهر لكن العمل هو من يصدقها أو يكذبها
أما الاستقامة التي معناها الحفاظ على الشرف وعدم الحديث مع الذكور إلا في أمور الدراسة فعندنا منها الكثير والحمد لله

[المنديل الابيض]

المشاركة الأصلية كتبت بواسطة محمد جديدي التبسي

أكيد نوعية القراية لها دور خاصة العلوم الإسلامية هي أقرب إلى القلب بما أنهامرتبطة بالدين
علكل أنا ضد الدراسة في الجامعة مطلقا للفتاة المستقيمة وقصدي بالفتاة المستقيمة التي تريد أن تجد راحتها الدينية والدنيوية
اما انها تقرا اي شيء وتحافظ على استقامتها فأشك في ذلك
أما المستقيمات حقا فلا يرضين بالدراسة في الاختلاط إلا إذا أرغمهم أهلهن
ولست في مكان لأحكم على أشخاص التقوى في القلب وتظهر لكن العمل هو من يصدقها أو يكذبها
أما الاستقامة التي معناها الحفاظ على الشرف وعدم الحديث مع الذكور إلا في أمور الدراسة فعندنا منها الكثير والحمد لله

الدين يا اخي موجود في كل مكان و نستطيع اخذه حتى من ابسط الناس لا بل حتى من الحجر -ان كنت تفهم ما اقصده - لان مقياسه هو التقوى لكن الاختصاص لا نجده الا في الجامعة

العلوم كلها مرتبطة بالدين لانها من مصدر واحد و تصب في قالب واحد لمن يحسن التدبر

ديننا هو حياتنا لكن جميل ان يعرف الانسان امور اخرى و الكل يخدم دينه و دنياه بما يعرف و وهكذا يكون تكامل في المجتمع

و الاستقامة ليست بالعزلة و الجلوس في البيت بلا فائدة ترجى بحجة عدم الاختلاط ..هناك في البيت ما هو اسوء من الاختلاط
الاستقامة ان تكون وسط المنكر و تبقى محافضا على اخلاقك و مبادئك مهما كانت المغريات

انا لا اشجع الاختلاط و لكني ضد حبس المرأة في البيت و منعها من اخذ العلم بحجة الاختلاط و هي مسؤولة امام الله

و لا فرق بين الذكر و الانثى في الامور الجائزة لها

[راجـيـة الفـردوس]

المشاركة الأصلية كتبت بواسطة nour el houda--cqa

اخي احيانا اعجب بردودكم و احيانا نحتاااااااااااار؟؟؟؟؟؟؟؟؟؟؟

يعني نوعية القراية تعطيك نسبة الاستقامة؟؟؟ احنا ماقريناش شعبة العلوم الاسلامية ماناش مستقيمات؟

لوكان تنصحها قولها اقراي اي شئ بالصح حافظي على روحك و كملي في استقامتك.........

الله اعلـــــــــــــــــــــــــــــــــم

والله غاضتني روحي كي قريت هذاك الرد (احتقار).....عبرتي عن ما في قلبي اخت نور الهدى شكراااااااا

[.kiki]

السلام عليكم و رحمة الله
دعيني أوّلا أحييك أختي على شجاعتك و قوة تمسكك برأيك.. و الله لا أكاد أصدّق ما أقرأه.. أول مرة في حياتي ألتقي بفتاة تشبع كراهيتي للجامعة..
على كل حال سأحاول أن أبدي رأيي بدون تدخل العاطفة.. لأني معك في كل حرف.
المهم..
أول شيء يجب أن تعلميه يا أختيهو أن وقتك ثمين و نحن مسؤولون عن شبابنا كما أخبر النبي صلّى الله عليه و سلّم.. فان لم تريدي الدراسة فاطلبي العلم الذي يفيدك في دينك و دنياك.. الكتب و الحمد لله متوفرة في كل مكان خاصة هنا على النت.. أنصحك أن تتفقّهي في دينك و أن تجدي لك هنا صحبة صالحة تعينك على ذلك. و لا أنسى ان أقول أن على الانسان أن يجد خطة واضحة يسير عليها لتحقيق أهدافه و ارضاء رب العالمين.. فما نحن هنا الّا لعبادته.

ثانيا.. لقد أخطأ من قال أن الدراسة في الجامعة و "الديبلوم" هو رمز للمستوى العلمي الرفيع الذي يعطي للمرء العزة و الكرامة.. سامحيني على التعبير ولكن هذه نكتة العصر.. فمعظم الدارسين في الجامعة أو المتحصلين على شهادة الليسانس لا تستطيعين تفريقهم من بين أولائك الذين لم يعتبوا عتبة الجامعة يوما ولم يروها.. فالمستوى الفكري منحط.. و البرنامج المتبع كارثي (الّا من رحم ربي) و معظم الطلبة اذا سألتهم عن بعض المعلومات عن تخصصهم لا يعرفون اجابتك..
عذرا و لكنها الحقيقة..
أول شيء لاحظته عند دخولي الجامعة هو الانحلال الأخلاقي و اضاعة الوقت فيما لا ينفع و ... و... و..
في الواقع ان الكثير من الأمهات اليوم لا تريد لابنها أن يتزوج بجامعية لأنهن يعلمن أن نسبة قليلة من البنات يحافظن على قيمهن و مبادئهن في تلك البقعة ال****
ان المرأة خلقت لتكون مصونة في بيتها تربي ذرية صالحة ليكونوا ذخرا للأمة و لينهضوا بالمجتمع من الوحل الذي يعيش فيه و الرجل هو الذي يخرج و يسعى و يعمل على توفير الحاجيات و المستلزمات
و لنا في نساء النبي صلّى الله عليه و سلم أسوة حسنة
و الله لست ضد التعليم.. فطلب العلم فريضة.. و لكني ضد ما يسمّيه الغرب "حرية" للمرأة بينما هو في الحقيقة انتهاك لحرمتها.
نصيحتي لك أن تتحدثي بكل شفافية مع والداك.. فقبل كل شيء سعادتك هي أهم شيء عندهم و لا اظن أنهم سيعارضونك فيما تريدين لمستقبلك.. و لتكن حجة قوية.
بالمناسبة.. لا أرى مانعا في أن تقبلي بالزوج الصالح التقي و الخلوق اذا رزقك الله ايّاه، بالعكس.. ان تلك هي الخطوة الاولى في الطريق الصحيح.
أسأل الله لنا و لك الهدى و التقى و العفاف و الغنى
استعيني بالله يا أختي و لا ألحّي في الدعاء.. فانّه ما خاب من ناداه
و عليك ببرّ والديك فرضاهما سرّ توفيق الله لنا.
بارك الله فيك و وفّقك لما يحب و يرضى.

في أمان الله

[*أمة الله*]

المشاركة الأصلية كتبت بواسطة .kiki

السلام عليكم و رحمة الله
دعيني أوّلا أحييك أختي على شجاعتك و قوة تمسكك برأيك.. و الله لا أكاد أصدّق ما أقرأه.. أول مرة في حياتي ألتقي بفتاة تشبع كراهيتي للجامعة..
على كل حال سأحاول أن أبدي رأيي بدون تدخل العاطفة.. لأني معك في كل حرف.
المهم..
أول شيء يجب أن تعلميه يا أختيهو أن وقتك ثمين و نحن مسؤولون عن شبابنا كما أخبر النبي صلّى الله عليه و سلّم.. فان لم تريدي الدراسة فاطلبي العلم الذي يفيدك في دينك و دنياك.. الكتب و الحمد لله متوفرة في كل مكان خاصة هنا على النت.. أنصحك أن تتفقّهي في دينك و أن تجدي لك هنا صحبة صالحة تعينك على ذلك. و لا أنسى ان أقول أن على الانسان أن يجد خطة واضحة يسير عليها لتحقيق أهدافه و ارضاء رب العالمين.. فما نحن هنا الّا لعبادته.

ثانيا.. لقد أخطأ من قال أن الدراسة في الجامعة و "الديبلوم" هو رمز للمستوى العلمي الرفيع الذي يعطي للمرء العزة و الكرامة.. سامحيني على التعبير ولكن هذه نكتة العصر.. فمعظم الدارسين في الجامعة أو المتحصلين على شهادة الليسانس لا تستطيعين تفريقهم من بين أولائك الذين لم يعتبوا عتبة الجامعة يوما ولم يروها.. فالمستوى الفكري منحط.. و البرنامج المتبع كارثي (الّا من رحم ربي) و معظم الطلبة اذا سألتهم عن بعض المعلومات عن تخصصهم لا يعرفون اجابتك..
عذرا و لكنها الحقيقة..
أول شيء لاحظته عند دخولي الجامعة هو الانحلال الأخلاقي و اضاعة الوقت فيما لا ينفع و ... و... و..
في الواقع ان الكثير من الأمهات اليوم لا تريد لابنها أن يتزوج بجامعية لأنهن يعلمن أن نسبة قليلة من البنات يحافظن على قيمهن و مبادئهن في تلك البقعة ال****
ان المرأة خلقت لتكون مصونة في بيتها تربي ذرية صالحة ليكونوا ذخرا للأمة و لينهضوا بالمجتمع من الوحل الذي يعيش فيه و الرجل هو الذي يخرج و يسعى و يعمل على توفير الحاجيات و المستلزمات
و لنا في نساء النبي صلّى الله عليه و سلم أسوة حسنة
و الله لست ضد التعليم.. فطلب العلم فريضة.. و لكني ضد ما يسمّيه الغرب "حرية" للمرأة بينما هو في الحقيقة انتهاك لحرمتها.
نصيحتي لك أن تتحدثي بكل شفافية مع والداك.. فقبل كل شيء سعادتك هي أهم شيء عندهم و لا اظن أنهم سيعارضونك فيما تريدين لمستقبلك.. و لتكن حجة قوية.
بالمناسبة.. لا أرى مانعا في أن تقبلي بالزوج الصالح التقي و الخلوق اذا رزقك الله ايّاه، بالعكس.. ان تلك هي الخطوة الاولى في الطريق الصحيح.
أسأل الله لنا و لك الهدى و التقى و العفاف و الغنى
استعيني بالله يا أختي و لا ألحّي في الدعاء.. فانّه ما خاب من ناداه
و عليك ببرّ والديك فرضاهما سرّ توفيق الله لنا.
بارك الله فيك و وفّقك لما يحب و يرضى.

في أمان الله

راكي كفيتي ووفيتي ربي يبارك فيك ملقيت منزيد فوق هدرتك

[نتــــــــــاشا]

شوفي ختيتو رح نهدرلك هدرة اخت لاختها باش تفهميني مليح نتي راكي حابة تقراي فالجامعة وتوصلي لهدف معين في حياتك مثلا استاذة او مهندسة والى ماذلك؟؟؟
ولا راكي حابة تقعدي في الدار وتتزوجي وجيبي دراري وتولي ربة بيت؟؟؟خاطر مكاش حالة ثالثة كاين يا اما ويا اما
معنتها لازم توقفي دقيقة وتهدري مع روحك كلام طفلة ناضجة سقسي روحك وقولي انا واش راني حابة بالضبط؟؟؟؟
وراني نشوف بلي نتي راكي كارهة الجامعة مي خليني نقولك عفسة مكاش دخان بلا نـار اكيد كاين سبب خلاك تكرهي الجاميعة ولازم تنحي من بالك عقدة الجامعة
خاطر فيها لمليح ولقبيح كيما المجتمه لان الجامعة مجتمع مصغر وعموما اذا قبلتي نصيحتي ولي لقرايتك خاطر حتى حاجة ماتنفعك في هذا الوقت كيما هي ماتقولي لا راجل ولا
دار باباك صح الراجل غالبا مايكون مليح معاك لكن هاذي دنيةوالدنية صعيبة بزاااااف وبعيد الشر الله لا يقدر لوكان تتلقي واش رح ديري شكون ينفعك خدمتك ولا راجلك؟؟
خدمي عقلك ماشي قلبك واا رفضتي فكرة الجاميعة ديري حرفة مثلا خياطة ولا حلاقة متقعديش ساكنة بلا هدف
نشالله نكون فدتك ولو بالشوية
تقبلي مروري ختيتو

[naamane3]

واش رايك لو انت تديري تجربة
يعني تسجلي فالجامعة وتقراي بضعة أيام
وتشوفي اذا قدرتي كملي واذا ماقدرتيش
الله يقطع ايام وسنين الجامعة
وكما قال الأخ روحي للجامعة الاسلامية
والله المستعان

[AMINA.Z]

ربي يهديك

هادا اللي قالك لقا العيش و يدلل

المهم ان شاء الله برك ما تندميش

[" أبو عبود"]

الاخت انت تعانين من سحر. وقد مر 3 من اقاربي و2 من اصدقائي وحتى جيراني بهذا الموقف. هم يصابون بالدوخة ويسقطون ويصابن بهسيتيريا لكنمع الرقية اكملوا دراستهم الجامعية وتخرجو ومنهم من توظف. انت تعانين من سحر كل ما عليك هو الرقية ولكن عليك أن لا تخبري احدا بانك رقيتي لان الشخص الذي فعل هذا لا يريدك ان تذهبي الى الجامعه وفي حال علم بانك رقيت قد يعود الى فعل ذلك. لكن توكلي على الله وحصني نفسك وسوف تكونين في امن من الله وتكملين دراستك. والله الموفق

[صالح القسنطيني]

المشاركة الأصلية كتبت بواسطة riyad552

الاخت انت تعانين من سحر. وقد مر 3 من اقاربي و2 من اصدقائي وحتى جيراني بهذا الموقف. هم يصابون بالدوخة ويسقطون ويصابن بهسيتيريا لكنمع الرقية اكملوا دراستهم الجامعية وتخرجو ومنهم من توظف. انت تعانين من سحر كل ما عليك هو الرقية ولكن عليك أن لا تخبري احدا بانك رقيتي لان الشخص الذي فعل هذا لا يريدك ان تذهبي الى الجامعه وفي حال علم بانك رقيت قد يعود الى فعل ذلك. لكن توكلي على الله وحصني نفسك وسوف تكونين في امن من الله وتكملين دراستك. والله الموفق

أنا كنت أكره الجامعة كرها شديدا حتى أن عامة الأساتذة كانوا لا يروني إلا في فيفري و جوان وقت الامتحانات في السنة الثالثة و الرابعة
و كان مرة من الغرائب أن أستاذ الفرنسية منعني من أداء الامتحان و قال لي ( محال انت تقرا عندي)
و حاججته بأن اسمي في القائمة
و لست مسحورا و لله الحمد