دعوة إلى رفع معنوياتنا

نعمة القدوس · 2013-09-06, 16:27

السلام عليكم ورحمة الله تعالى وبركاته

كيف الحال ؟
((بالنسبة لي أنا راني مخلّطة ومعجونة، ماعندكم ماتشوفو ههههه))

والله قرييب نبكي كي ندخل للمنتدى
ماهذا الاكتئاب ؟ ماهذه الدراسة اللي طايحة ؟ ماهذا الفراغ ؟ أين الإخوة ؟ أين الأصدقاء ؟
أين الأحبة ؟؟

((خسارة ماكانش كل شيء ممكن ولا كون راني بعتتلهم القائمة))

ندخل فالموضوع طول ((بركيت من المقدمات))

ولأني اليوم قريب وتقييت على الميكرو فور مادخلت للمنتدى وشفت العناوين تاع المواضيع
قررت أن أكتب موضوعا وأتمنى يكون فالفائدة

الصراحة .. أنا تعوّدت كلّما دخلت للمنتدى في هكذا وقت من السنة
لا أنفك أقرأ العنواين التي تتحدث عن الدخول المدرسي، فهذه تود تغيير المؤسسة، وهذا يتحدث عن تجربته في التسجيل والكثيير الكثير

ولكن ! وما أشدّ وقع هذه "اللاكن" على قلبي

هذا العام غييير .. المنتدى مكتئب أكثر مني ((وأنا كييس اكتئاب على فكرة هذه الأيام ))
ناسه هجروه ! وتركوا لنا ركام المواضيع التي تجلب الهمّ والحزن للعقل قبل المخ !

وتصدّقوا .. دخلت للموضوع الذي يعنوان "أثبت عبقريتك" حسييت بالغباء
((وهذا لا ينفي أنني أحس بالغباء أصلا))
قلبي طلعع ((ولست أتشمت في صاحبة الموضوع ولا بالمشاركين فيه، برك حبيت نقول شعوري تجاه الموضوع)) وطااحلي الموورال كتر من اللي راهو طايح ! لكان هادو قرااو هاداك الشي.. حنا واش نقرااااووو ..؟؟؟

خلّي خلّـــــي
ماش موضوعنا هذا

موضوعنا هو دعوة إلى "رفع المعنويات" لأني قريت موضوع آخر بعنوان
لقد غفلتم عن شيء مهم للظفر بالشهادة المصيرية

أمممم وكان على صواب صاحب الموضوع ، لهذا جئت بهذا الموضوع .. لأن الجانب النفسي والله هو الأهم .. ممكن التفوّق بين التلاميذ يكون هذا هو العامل الذي يفرّق بينهم، فكلهم في أغلبهم تحصلوا على نفس التعليم الأكاديمي في الغالب.

المهم، الأمر الذي أدعو إليه في هذا الموضوع هو أن كل شخص يدخل وله النية في ترك ردّ في الموضوع أن يكتب لنا عن أحد الأشياء أو خليط من هذه الأشياء :

- مافعله في العطلة من أمور مفيدة ((بعيدا عن تطياح المورال، كأن يجي واحد ويقول أنا حضرت الدروس كاملة ودرست جميع البرنامج ماناش ناقصيين والله))

- نواياه لأول يوم من الدخول المدرسي، واين رايح يقعد، ومعامن وكيفاه رايح يقرا وغيرها

- أي معلومة عن كيفية الاهتمام بالجانب النفسي للتلميذ وكذلك التحايل على الدماغ وتغيير التفكيير وغيرها.

- كلمات من كتابته بها دعوة إلى حب الدراسة، بها دعوة إلى حب البكلوريا وترغيب في هذا العام وعدم الخوف والتوجس من هذه السنة المصيرية وتحبيب في دراستها والتفوق فيها من جميع الجوانب.

- تصوّره لكيف سيكون جوّ دراسته .. كيف سيكون عامه .. أو بالأحرى كيف يريده أن يكون.

ومن الأفضل، أي شيء خارج الرفع من المعنويات لا يُكتب .. نحن نريد أن نرفع من معنوياتنا في هذا اليوم والنصف، حتى نتوكل على الله ونعود لمقاعد الدراسة ونحن مطمئنّون ولو قليلا.

هيا جماعة، ماتحشّموونيش، وشاركوووا .. الله يبارك فيكم، أهدروا أحكيييوا ((بعيدا عن الدردشة باه مايتقفلش الموضوع وبعيدا عن الدراسة كذلك)).

ملاحظة : عندكم تقولوا راهي تكره صاحبة الموضوع الأول وتشيّت لصاحب الموضوع الثاني.. والله مانعرف أصحاب هاد المواضيع، فقط حبيت نعبّر عن مشاعري بيها، وواحد مايتغشش مني مااني قاصدة حتى شي والله يعلم.

وبرك.

حاسسة موضوعي تافه شويا ((عندي بزافف ماكتبتش موضوع)) تحمّلوونييي

نعمة القدوس ((اللي عندها مدة ماكتبتش حاجة فالمنتدى))

{ توبة } · 2013-09-06, 17:40

و عليكم السلام و رحمة الله تعالى و بركاته
اهلا اختي نعمة عاش من شاف مشاركاتك
و كيف سيكون الحال و الدراسة يوم الاحد اكيد حماس توتر تخوف الى غير ذلك
ههههه و كيما قلتيها في السنين اللي فاتت كنا كي ندخلوا للمنتدى في هذه الفترة
نلقاو القرعيجات و اجواء التسجيلات و الدخول المدرسي لكن كما ترين هذا العام كل المواضيع دراسية
يعني بما اننا بااك منلومش اصحابها .. ~
امممم ندخل ضك لــ { صلب الموضوع }
في هذي العطلة و اللي هي اسمط عطلة في حياتي للاسف عقبتها في الدار يعني لا تبحيرة لا تحواس بسبب ظروف عائلية
اما الدراسة فحبيت اني نرتاح قدر المستطاع و للضــك مقدرتش نطل و لا نراجع حاجــة
و ساعات تلقايني نعفس على قلبي و نحمل ملفات و الامور هذوك اللي نحتاجها في القراية
و ثاني استفدت بزااف من نصائح الاخوة اللي عقبوا الباك قبلنا
* يوم التسجيل نهار الاثنين كان روعة و طحت في كلاسة 3 ع ت 1 في الحجرة 3 مع نفس تلاميذ العام اللي فات
و هذا اللي محمسني اكثر لاني نحب كلاستنا
* ان شاء الله نهار الاحد عندي مع الدخلة رياضيات او علوم نسيت .. ناوية نقعد مع نفس الطفلة اللي قعدت معاها العام اللي فات
الله يبارك طفلة عاقلة و تخليني نقرا في راحتي ناوية نحكم الطاولة الثانية او الثالثة لاني نكره الطاولة الاولى
* الجانب النفسي و الله انا حايرة في روحي ساعات هكذا ساعات هكذا قالولي الواحد كي يحط هدف قدامو رح يقدم وش عندو بباه يقدر يحقو ..
* الكلمة انا نحوس اللي يمدهالي هههههه منعرفش نطلع المورال
* و الله حسب ما قالولي رح يكون عام مليئ بالاحاسيس توتر فرح امل خوف ترقب صبر
و اكيد رح يجي اوقات نحسو فيها بالضعف و نفقدو الامل لكن ان شاء الله نتغلبو عليها بالارادة القوية
علابالي رح يكون بالنسبة ليا عام صعيب لكن الباك يستاهل كل هذا و ان شاء الله يكون افضل عام ليا
ان شاء الله منكونش هبطتلك المورال اختي نعمة
و سامحوني على الرد المخلط شوي فصحى و شوي دارجة :d
ملاحظة : نظن الصورة اللي في التوقيع من تصميمك ان كانت كذلك اسمحيلي اذا ديتها بدون اذن عجبتني و حفظتها من العام الماضي
و ان شاء الله ان شاء الله ميحذفش الموضوع
و شكرا لك على الموضوع .
سلام

نعمة القدوس · 2013-09-06, 19:37

اقتباس:

المشاركة الأصلية كتبت بواسطة زهور الأمل 95

أهلا بييك أختي إخلاص
(( ياخيي اسمك اخلاص ؟؟ نزييد نكون غلطتت))

نشكرك كثيييرا على ردّك الطوييل ((تعرفي حبّي للردود المطوّلة))

والله بالنسبة للدخول المدرسي، ان شاء الله برك يكون شويا خفييف، العبد خايف ويزييدو علييه
أنا نتخيل أول أستاذ يدخل يقعد فالكرسي ويقوللنا : "أهلا بكم في الجحييم" ((هههه زي الفيلمات))

++

إييييه على حساب واش قلتي .. راكي بإذن الله محضّرة نفسك ملييح
بإذن الله !!! وزيد كيما قلتِ، كل العوامل حاليا راهي إلى جانبك ((قسمك هو نفسو تاع العام اللي فات، رايحة تقعدي فالطابلة التانية ومع تلميذة هادئة)) جميييل جدا الله يبارك وربي يكمّلك ان شاء الله
حتى أنا الحمد لله كيما أنت نفس اللي قلتييه .. مالا كوني متهنية ماطيحتيليش المورال، بل حسييت بروحي عادية هههههه ((ماش مهبوولة))

شكرا على ردّك

والصورة اللي فالتوقييع .. ادييها هدية مسبقة للباك ههههههه ((تتمهبل على رووحها))

{ توبة } · 2013-09-07, 10:58

اقتباس:

المشاركة الأصلية كتبت بواسطة نعمة القدوس

ايه مكيش غالطة ^^ .. هذاك هو اسمي بالضبط
لا شكر على واجب .. ههههه كتبتو في خاطرك و في خاطر موضوعك الرائع
إن شاء الله يا رب .. ان شاء الله تكون بداية موفقة للجميع و منكرهوش من اول يوم و من اول حصة
نعم الحمد لله .. آمين يا رب
لا شكر على واجب
هههههه مشكوورة اختي نعمة الله لا يحرمنا منك
سلام

sara2012 · 2013-09-06, 17:57

و عليكم السلام و رحمة الله
هههههههههههههه أختي انا صاحبة الموضوع :اثبت عبقريتك ....
و الله ما فهمت قصدك مليح بصح كاين الفاظ نظن ما تليقش خلاص مثل قولك :فريب تقييت على الميكرو او ما شابه ...و قولك تجلب الهم و الحزن خيييييير ان شاء الله تباني محرشة علينا ؟؟؟
صدقيني مليحة بزاااف مع الناس بصح ناس كيما نتي هاك مدايرين :التشاؤم الحزن الاكتئاب و قريب نقول حا تفقدي طول الأمل ....
انا الحمد لله قريت الدعم 22 أوت تقريب 4 حصص و قالنا ابحثو و بحثت ....هذي تجلب الحزن و الاكتئاب ....
تقولين : لا أتشمت بصح صدقيني الغبي لي يصدق كلامك هذا و نتي نورمالمو الغبية يسمى صدقي روحك
و الله لوكان دخلتي و قلتي واش أحوالكم مع التحضير مع الباك و الشعور تاعكم كنت راني عاونتك بصح كي حطيتي هذيك الكلمات مالا هاك يكون الرد تاعي
موفقة

عَتْمَـہとか · 2013-09-06, 19:55

اقتباس:

المشاركة الأصلية كتبت بواسطة sara2012

و عليكم السلام و رحمة الله
هههههههههههههه أختي انا صاحبة الموضوع :اثبت عبقريتك ....
و الله ما فهمت قصدك مليح بصح كاين الفاظ نظن ما تليقش خلاص مثل قولك :فريب تقييت على الميكرو او ما شابه ...و قولك تجلب الهم و الحزن خيييييير ان شاء الله تباني محرشة علينا ؟؟؟
صدقيني مليحة بزاااف مع الناس بصح ناس كيما نتي هاك مدايرين :التشاؤم الحزن الاكتئاب و قريب نقول حا تفقدي طول الأمل ....
انا الحمد لله قريت الدعم 22 أوت تقريب 4 حصص و قالنا ابحثو و بحثت ....هذي تجلب الحزن و الاكتئاب ....
تقولين : لا أتشمت بصح صدقيني الغبي لي يصدق كلامك هذا و نتي نورمالمو الغبية يسمى صدقي روحك
و الله لوكان دخلتي و قلتي واش أحوالكم مع التحضير مع الباك و الشعور تاعكم كنت راني عاونتك بصح كي حطيتي هذيك الكلمات مالا هاك يكون الرد تاعي
موفقة

لَا أظنهَا كانت تقصدُ الإساءة

نورهان سالم · 2013-09-06, 19:03

أهلاااااا نعمة
محجووووووووووووووووووووووووووووووووووووووز

نورهان سالم · 2013-09-06, 19:05

أهلااااااااااااا نعمة عودة ميمونة ان ششااااء الله

السلام عليكم ورحمة الله تعالى وبركاته

و عليكم السلااااااام
كيف الحال ؟

الحمد الله

((بالنسبة لي أنا راني مخلّطة ومعجونة،ماعندكم ماتشوفو ههههه))

ههههههههه

موضوعنا هو دعوة إلى "رفعالمعنويات" لأني قريت موضوع آخر بعنوان

لقد غفلتم عن شيء مهم للظفربالشهادة المصيرية

المهم، الأمر الذي أدعو إليه في هذا الموضوع هو أن كل شخصيدخل وله النية في ترك ردّ في الموضوع أن يكتب لنا عن أحد الأشياء أو خليط من هذهالأشياء :

- مافعله في العطلة من أمور مفيدة ((بعيدا عن تطياح المورال، كأن يجي واحد ويقول أنا حضرت الدروسكاملة ودرست جميع البرنامج ماناش ناقصيين والله))
ههههههههه للأسف هذه العطلة لم تكن بمعناها لقد ادخرتها للدراسة لأن عامي السابق لم ادرس شيئا وهذا بسبب تبديل الشعبة و بعض الاساتذة ...و المرض ايضا المهم أنني لم انسى نفسي اكيد استمتعت بوقتي مع العائلة و اصدقائي و بالمناسبة هناك اصدقاء وقفوا الى جانبي اشكرهم كثيراااااااااااا و لا اعرف كيف ارد جمييلهم هذا ما فعلته اصلا فاتت بسرعة لم احس بها بتاتا .............

-نواياه لأول يوم من الدخول المدرسي، واين رايح يقعد، ومعامنوكيفاه رايح يقرا وغيرها

لا اعرف صراحة .........
اين اجلس و مع من نهار الدخول احدد لأنني لا اريد التسرع .....
- أي معلومة عنكيفية الاهتمام بالجانب النفسي للتلميذ وكذلك التحايل على الدماغ وتغيير التفكييروغيرها.
اريد ان اقول ان الجانب النفسي مهم مهم مهم جدااااااااااا خاصة و نحن في هذا العمر و بهذه الشخصية لم تبنى بعد لذلك يجب علينا ان لا ندع أي شيئ يؤثر بنا و كما قالت الأخت أمل السرمدي جو المنزل مهم ايضا مع العائلة و محيطين بك من دعم و تشجيع حقا لا ننسا الايماااان و بالنسبة للتحايل على الدماغ و تغيير التفكير هذا راجع الى شخصية الطالب فهو أعلم وأدرى بنفسه و بما يلائمه اما انا لن اغير تفكيري ابدا و تحايل على الدماغ يمكن ان اقوم بهذا عندما اريد .....

-كلمات من كتابته بها دعوة إلى حبالدراسة، بها دعوة إلى حب البكلوريا وترغيب في هذا العام وعدم الخوف والتوجس من هذهالسنة المصيرية وتحبيب في دراستها والتفوق فيها من جميعالجوانب.
لن أقول شيئا الا ان تضع ايمانك بالله و كما تقول استاذة العلوم ابذل جهد و رضاء الوالدين تحقق النجاااااااااح و مننساوش حاجة اللي كاتبة من عند ربي هذيك هي اوكييي

-تصوّره لكيف سيكون جوّ دراسته .. كيف سيكون عامه .. أو بالأحرى كيف يريده أنيكون.
أتمنى و أتفاءل خيراااااااا لأجد خيراااااااااا ههههههه بالتوفيييييييييق ان شاء الله .

نورهان

.

نعمة القدوس · 2013-09-06, 19:43

اقتباس:

المشاركة الأصلية كتبت بواسطة نورهان سالم

شكرا لكِ أختي نورهان

أنتظر ردك بفارغ الصببررر

نورهان سالم · 2013-09-07, 13:05

اقتباس:

المشاركة الأصلية كتبت بواسطة نعمة القدوس

شكرا لكِ أختي نورهان

أنتظر ردك بفارغ الصببررر

عفوااااااا نعمة

و شكراااااا لك لاعطائنا هذه الفرصة للتعبير او بلأحرى رفع معنوياتنا

نعمة القدوس · 2013-09-06, 19:06

اقتباس:

المشاركة الأصلية كتبت بواسطة sara2012

مرحبا بيك أختي سارة في موضوعي

نشكرك على تضييع وقتك عليّ وكتابة مثل هذه الكلمات
لذا بارك الله فيك على رأيك الصريح

ونحبّ نقوللك .. الحمد لله أنا ماني محرّشة على حتى واحد والحمد لله .. محرشة على حاجة وحدة واللي هي
البكلوريا .. حربي ماهي مع حتى انسان .. بل هي مع ظروف الحياة والشيطان

المهم .. نحب نعتذر منك إن أنا جرحتك بكلماتي .. والله يشهد أني مانعرفكش ولا عندي حاجة ضدك والحمد لله
أنا فقط أبديت رأيي ومشاعري ..

وأما شعوري بالغثيان والاكتئاب والحزن .. لم يكن إلا نتيجة لعدم وجود حركة بالمنتدى .. وليس الشعور مقترنا بموضوعك أبدا ((إذا أردت، تأكدي بإعادة قراءة الموضوع .. الاكتئاب والحزن مقترن بجمييع المنتدى الدراسي تاع البكلوريا))

المهم .. مانكتّرش الهدرة .. نتمنى تكوني استفدتِ من الموضوع الذي كتبته بما أنك قرأتِه
وشكرا على المرور بموضوعي

sara2012 · 2013-09-06, 19:44

[quote=نعمة القدوس;1054266376]

مرحبا بيك أختي سارة في موضوعي

نشكرك على تضييع وقتك عليّ وكتابة مثل هذه الكلمات
لذا بارك الله فيك على رأيك الصريح

ونحبّ نقوللك .. الحمد لله أنا ماني محرّشة على حتى واحد والحمد لله .. محرشة على حاجة وحدة واللي هي
البكلوريا .. حربي ماهي مع حتى انسان .. بل هي مع ظروف الحياة والشيطان

المهم .. نحب نعتذر منك إن أنا جرحتك بكلماتي .. والله يشهد أني مانعرفكش ولا عندي حاجة ضدك والحمد لله
أنا فقط أبديت رأيي ومشاعري ..

وأما شعوري بالغثيان والاكتئاب والحزن .. لم يكن إلا نتيجة لعدم وجود حركة بالمنتدى .. وليس الشعور مقترنا بموضوعك أبدا ((إذا أردت، تأكدي بإعادة قراءة الموضوع .. الاكتئاب والحزن مقترن بجمييع المنتدى الدراسي تاع البكلوريا))

المهم .. مانكتّرش الهدرة .. نتمنى تكوني استفدتِ من الموضوع الذي كتبته بما أنك قرأتِه
وشكرا على المرور بموضوعي

مشكورة و موفقة : قريب تقييت على الميكرو هذي هي لي خلاتني نقول كلمات مانيش متعودة عليها أختي
جاتني ما حترمتيش كامل لي يمرو على موضوعك فقط هنا كانت مشكلتي و سر الرد تاعي
اعتذارك مقبول
أما عني :
ما دام الله موجود و الارادة تصنع المعجزات فلم أقلق بتاتا
فقط استفسر عن سلسلة الهباج اذا عندك الرابط تاعها و لا موقع قالي بابا قبيل اطبعيها ماعنديش باه تشريها
سامحيني نتي ثاني
دعواتي لك و لجميع الأعضاءء بالتوفيق

قدوتي رسولي · 2013-09-06, 19:52

فقط استفسر عن سلسلة الهباج اذا عندك الرابط تاعها و لا موقع قالي بابا قبيل اطبعيها ماعنديش باه تشريها
سامحيني نتي ثاني
دعواتي لك و لجميع الأعضاءء بالتوفيق
[/quote]

ســـــــــلامـ
اسفة على التدخل ولكن دائما مايكون سوء تفاهم عسى ان يكون قد زال
بالنسبة لسلسلة الهباج انا استعملتها في الفيزياء والرياضيات سنة اولى ثانوي وعجبتني بزااف
انا لقيت هادا ممكن يعاونك
https://www.djelfa.info/vb/showthread.php?t=1186989
وراني مازال نبحث كشما لقيت راني نفيدك
سلام♥

قدوتي رسولي · 2013-09-06, 19:26

سلام نعمة
كيف حالك عزيزتي
عودة ميمونة ان شاء الله
بالنسبة لموضوعك نال اعجابي وراق لي وباذن الله لي عودة
ولا تكترثي عزيزتي بما قالوه عنك فهناك من لا يعرفك حق المعرفة ولا يعي كلامك
تحياتي
♥

نعمة القدوس · 2013-09-06, 19:59

اقتباس:

المشاركة الأصلية كتبت بواسطة nada.nawi8

أهلا أهلا بالأخت ندى

نحن الحمد لله .. وأنت .. السوال عليك
سبحاان الله واين كنتوو متخبييين ؟؟؟ ههههههههههه

كي عجبك الموضوع .. الدنيا ومافيها
ننتظر كلامك ورأيك ومشاعرك .. بالاك كاشما ننفسو عن أحاسيسنا ونرتااحو قبل الدخول

+
شكرا لكِ على الملاحظة، والحمد لله