جربت السوفلي وجاء روعة

Amel Nour · 2013-08-28, 00:44

عملت اليوم السوفلي ولاحظت لما تشكليه وتخليه مدة باه يرتاح ويخمر يجي احلى حتى الدار عجبهم ورايحين تشوفو الصور

aminaxnotx · 2013-08-28, 07:38

ممكن أختي الطريقة

Amel Nour · 2013-08-29, 18:52

اقتباس:

المشاركة الأصلية كتبت بواسطة aminaxnotx

ممكن أختي الطريقة

بكل سرور أختي
لقد عملت الطريقة من عند الاخت ninafret مع بعض التعديلات العجينة جات تذوب في الفم
كاس حليب دافئ+ ملعقة كبيرة خميرة الخبز+ملعقة كبيرة سكر+ ربع كوب زيت اللي كيلتي بيه الحليب+ملح.
خلطي كل المقادير وزيدي كاس فرينة وخلطي بملعقة الخشب غطي الصحن بكيس وخليه 5د بعدها زيدي الفرينة وعينك هي ميزانك زيدي بالشوية وخلطي حتى تتحصلي على عجينة طرية ماشي يابسة ادهنيها بالزيت وضعيها في صحن كبير مدهون بالزيت.

وغطيها بكيس وخليها تخمر.

في هذا الوقت حضري الحشوسواء لحم مفروم او دجاج حسب رغبتك انا عملتو بصدر دجاج وذلك بعد ما كنت طبخت الدجاج في ماء وملح +ورق الرند وزعيترة مليحة لكي لا تبقى رائحة الدجاج جربيها وقوليلي ثم نصفي الدجاج وانا خيرت الصدرنضعه في طنجرة +ملعقة صغيرة زيت +ملح+رند+فلفل اسود+شوية ماء ونخليه يطيب مليح.
في مقلات حطي حبة بصل مكرفشة+ ملعقة صغيرة زيت وملح
+ حبتين طماطم معصورة من الماء اللي فيها ومرحية بدونقشرة+ ثوم حسب رغبتك شوية او بزاف +ملعقة صغيرة طماطم مصبرة
تكتكيهم مليح +ملعقة سكر+حشاوش خلي الكل على نار هادئة كي تعود لاصوص قريب تنشف+ضفي صدرالدجاج الطايب وفتيه باه يشرب لاصوص ويجي بنين.

كي تطفي النار زيدي زيتون اخضر مقطع شرائح(بعد ماتكوني طبختيه لنزع ملوحته)+

فروماج من الاحسن نوع الاندلس .

كي تخمر العجينة حليها على سطح مرشوش بالفرينة وشكليها كما تحبي

حطي الحشو في الجنب وحطي فوقو قطعةمن الفروماج واغلقي العجينة بواسطة الشوكة و كملي مع باقي العجينة.

رشي الفرينة فوق صينية الفرن وحطي حبات السوفلي وادهنيها بخليط متكون منصفار بيض ممزوج مع ملعقة كبيرة قهوة اللي راح تنزعلك
رائحة البيضوتعطيك لونروعة للمعجنات وزينيها بالزيتون والسينوج.

وخليه يرتاح يعني يخمر مليح بعدها دخليه لفرن تكوني مسخناتو من قبل ومش راح ياخذ وقت طويل في الطياب.

وكاين هذا الشكل من عند الاخت ninafret وعجبني

شهية طيبة وادعولي