الى كل الاعضاء الذين استفادوا من اعفاء بسبب طبي دفعة مارس2013

[rey2008]

السلام عليكم جائني استدعاء في مارس2013وذهبت الى المدرسة الوطنية للعتاد والحمد لله استفدت من الاعفاء بسبب طبي لكن الى حد الساعة كل ما اذهب الى مركز الخدمة الوطنية يقولولي مازال ماجاتناش لاريبونس باش نعطوك لاكارت جون سؤالي هل كل الاعضاء المستفادين من الاعفاء بسبب طبي لذرك مامادلهومش وزيد بزيادة ما حبوش يعطيولي سورسي وشكرا او صح رمضانكم ارجوا ان تفيدوني

[بقعة ضوء]

ناس الجلفة انا تاني كنت فالحراش لكن حنا عطاونا تاجيل 6 اشهر نعرف واحد من تبسة عطاوه اعفاء كيما انت اذا حبيت رقمو نبعتهولك فالخاص

[dridi laid]

نورمالمو يعطوك استدعاء كيما عطهولي في تبسة استدعاء كيما السورسي فيه المعلومات تاعك..........................

[call27]

ماذا يكتب فيه اخي الكريم
هل معفى او معفى لسبب طبي؟

[Alpa]

من فضلكم ما هي الأمراض التي قبلت
لاني أود أن أضع ملف طبي :'(

[moradp]

انا تانى خرجت من الاغواط معفى بسبب طبى بعد ما جوزت كونتر فيزيت فى ورقلة فى مارس 2013 .مازلت حتى الان نستنى فى لاكارت وكلما نروح للمركز يقولولي لورق مزال مجاوش من ورقلة.لا سورسي لا والو

[call27]

واش يكتبولكم فيها اخي الكريم
هل معفى او معفى لسبب طبي؟

[federer the maestro]

قولونا يرحم والديكم ماهي الامراض المقبولة و دوسي كيفاه يتخدم

[BENKORICH27]

نعم فلقد وقع لهم اكتضاض فانا من الغرب خرجت فائض دفعت في افريل و لقد قمت باستخراجها مؤخرا و فيها تاريخ 15-07-2013 (مؤهل لا يجند)

[سعيد.القبائلي]

//////////////////////////////////////////////////:

[moradp]

المشاركة الأصلية كتبت بواسطة سعيد.القبائلي

-هل بكونك ضمن فئة الفائض ,تعفى كلية من التزامات الخدمة الوطنية ؟ و لا يتم استعاءك مرة ثانية ؟

-ما هي المدة الفاصلة بين تاريخ الفائض و استخراج البطاقة
بمعنى كم يبقى الشخص بدون سورسي ،و يالتالي يحرم من المشاركة في المسابقات ؟

-هل فيه أولوية لدوي الامراض عند الفائض ،و هدا بناءا على تجربتكم ؟

انا سمعت بلى ادا فاتت 5سنوات ميعيطوش للفائض .
و الاولوية لذوي المعريفة ثم لذوي الامراض على حساب ماشفت فى الفائض.

[rey2008]

السبب الطبي الذي تم من أجله اعفائي هو وجود حديدات في رجلي بسبب تعرضي لحادث سيارة مما أدى الى اجراء عملية جراحية ووضع براغي في قدمي أتمنى من الجميع ان يستفيدوا من الاعفاء لانهم صراحة جد صارمين في في الكشف الطبي
صح صيامكم

[toufik16]

المشاركة الأصلية كتبت بواسطة rey2008

السبب الطبي الذي تم من أجله اعفائي هو وجود حديدات في رجلي بسبب تعرضي لحادث سيارة مما أدى الى اجراء عملية جراحية ووضع براغي في قدمي أتمنى من الجميع ان يستفيدوا من الاعفاء لانهم صراحة جد صارمين في في الكشف الطبي
صح صيامكم

اخي انا ايضا عندي ملف طبي بسبب عملية جراحية تطلبت وضع براغي في الركبة. هل سأعفى ؟و ماهي الوثائق التى طلبت منك سواءا عند طبيب الثكنة ام طبيب المستشفى العسكري؟ و هل كانت الامور سهلة (كونتر فيزيت) ام لا . وماهي المدة التي قضيتها في الثكنة و في اي مستشفي عسكري اجريت (كونتر فيزيت) .ممكن تحكيلي عن تجربتك. في اي ثكنة كنت فيها? و شكرا

[rey2008]

المشاركة الأصلية كتبت بواسطة toufik16

اخي انا ايضا عندي ملف طبي بسبب عملية جراحية تطلبت وضع براغي في الركبة. هل سأعفى ؟و ماهي الوثائق التى طلبت منك سواءا عند طبيب الثكنة ام طبيب المستشفى العسكري؟ و هل كانت الامور سهلة (كونتر فيزيت) ام لا . وماهي المدة التي قضيتها في الثكنة و في اي مستشفي عسكري اجريت (كونتر فيزيت) .ممكن تحكيلي عن تجربتك. في اي ثكنة كنت فيها? و شكرا

السلام عليكم ان شاء الله اخي نسبة كبيرة سوف تعفى اما عن الوثائق الاهم هو الراديو وكونت روندي تاع طبيب لي دارلك العملية خاصة الراديوات ماذابيك تدي معاك راديوات جدد فيهم التاريخ تجربتي كانت عند ذهابي الى الثكنة بالحراش اكيد رايحين اديرولك لافيزيت ايسقسي الطبيب يقول ويناه لي معاه دوسي ميديكال قدم الدوسي تاعك اوراح ايشوف كيما انا عقبني باش نعمل كونتر فيزيت في المستشفى العسكري تاع البليدة داونا في البيس اوراح معنا واحد مشرف علينا او كي تلحق للمستشفى كل واحد ايروح للاختصاصي حساب دوسي تاعو تاع القلب ايروحا سبيسيليست تاع القلب او كيما حالتي روحت سبيسيليست تاع العظام دير لاشان نهار كامل خطركش كامل تاحية الثكنات لتابعة ناحية العسكرية الاولى يبعثولوا دخلت عدوا سقساني او شاف الراديو وقالي زيد روح دير راديوا وحداخر ثماتيك في السبيطار سخيبني نكذب خطراكش الراديوات لي ديتهم معايا سامبل مافيهم لا الاسم ولا التاريخ رحت درت الراديو وليت ليه كي تأكد قالي روح اوخلاني على الاعصاب ماقلي لاراك معفى ولا راك مقبول والحمد بعد 15 يوم جاء القرار باش بلي راني معفى والصح كامل في الطبيب تاع الثكنة ايدا عقبك كونتر فيزيت احتمال كبير يعفوك حنا 3 من الناس دايرين باراغي كامل عطاولنا العفو ربي يسهل خويا ماتنساش الدوسي تديه معاك والمقرف والكاس هههههههههههه

[toufik16]

المشاركة الأصلية كتبت بواسطة rey2008

السلام عليكم ان شاء الله اخي نسبة كبيرة سوف تعفى اما عن الوثائق الاهم هو الراديو وكونت روندي تاع طبيب لي دارلك العملية خاصة الراديوات ماذابيك تدي معاك راديوات جدد فيهم التاريخ تجربتي كانت عند ذهابي الى الثكنة بالحراش اكيد رايحين اديرولك لافيزيت ايسقسي الطبيب يقول ويناه لي معاه دوسي ميديكال قدم الدوسي تاعك اوراح ايشوف كيما انا عقبني باش نعمل كونتر فيزيت في المستشفى العسكري تاع البليدة داونا في البيس اوراح معنا واحد مشرف علينا او كي تلحق للمستشفى كل واحد ايروح للاختصاصي حساب دوسي تاعو تاع القلب ايروحا سبيسيليست تاع القلب او كيما حالتي روحت سبيسيليست تاع العظام دير لاشان نهار كامل خطركش كامل تاحية الثكنات لتابعة ناحية العسكرية الاولى يبعثولوا دخلت عدوا سقساني او شاف الراديو وقالي زيد روح دير راديوا وحداخر ثماتيك في السبيطار سخيبني نكذب خطراكش الراديوات لي ديتهم معايا سامبل مافيهم لا الاسم ولا التاريخ رحت درت الراديو وليت ليه كي تأكد قالي روح اوخلاني على الاعصاب ماقلي لاراك معفى ولا راك مقبول والحمد بعد 15 يوم جاء القرار باش بلي راني معفى والصح كامل في الطبيب تاع الثكنة ايدا عقبك كونتر فيزيت احتمال كبير يعفوك حنا 3 من الناس دايرين باراغي كامل عطاولنا العفو ربي يسهل خويا ماتنساش الدوسي تديه معاك والمقرف والكاس هههههههههههه

شكرا اخي اذن طبيب الثكنة و طبيب المسشفي العسكري مسقساوكش بزاف? اذا ممكن نتواصل علي skp