les Carrés à l'orange لمناسباتكم السعيدة ذوق راااائع

[SarSouRa28]

سلام الله عليكم حبيباتي
ليوم جبتلكم قاطو يقولو des Carrés à l'orange او مربعات البرتقال
قاطو منقدرش نوصفلكم شحال بنين
بهذي المقادير تخدملكم 80حبة او اكثر
نخليكم مع الوصفة انا هنا درت ربع الكمية غير باه نوريلم بصح نعطيكم الكمية كامل واذا حبيتوا تنقصوا اقسمو المقادير
500 غ زبدة من الاحسن صول.250 غ سكر ناعم .3 بيضات .2 صفار بيض. قشور برتقال.ونلموا بالفرينة وحد -1كغ-
ملاحظة-الخميرة منديروهاش في العجينة نديروها غير في الحشو-
الصور توضح اكثر





تتحصلوا على عجينة لينة وشادة روحها

نروحو للحشو
2 كيلات نواة كوكو من المستحن نود كوكو الاصفر واذا مكاش معليش استعملي العادي.كيلة سكر ناعم.و2كيسان عصير برتقال. باكي خميرة ونلموالحشو بالبيض -متكثريش البيض غير تتلم خلاص-
نحتاجومعجون برتقال اذا مكاش معجون مشماش-انا نحب المشماش خير-
للطلية .700 سكر ناعم مرجان-3ملاعق كبار عصير ليمون-3 ملاعق كبار ماء من مستحسن معدني يعطي لمعة.بياض بيضة-2 ملاعق كبار ماء الزهر و ملعقة زيت نخلطهم كلشي نتحصل على كلاصاج تاعنا
للتزين .عجينة السكر وملون اخضر وبرتقالي
الصور توضح
الحشو






وفي مول كيما هكا

ندير طبقة من العجينة

ثم نص ملعقة صغيرة معجون

ثم نغطيهم بالحشو ونضغط عليه براحة اليد

هنا كملت دخلتهم للفور كيطيبوا من لتحت شعلي من فوق راهم ميدوش بزاف وقت

كيطيبوا نخلوهم يبردوا ونغطس كل حبة في الكلاصاج غير من فوق ماشي كامل

ونحوا شوية قلاصاج نلونوا بالملون البرتقالي ونخدم دي تري او خطوط بجنب او على الحبة كامل انتي وذوقك وبعجينة التزين اما ندير ورود برتقالية واوراق خضراء ونزين بيهم او نخدم كرية صغيرة وبالكوردو نشكل خط في الوسط ونثقبها ثقوب صغيرة تولي تبان حبة برتقال



ان شاء الله تنال اعجابكم وتجربوها والله ذوق رااااااااائع ربي يقدرلكم المناسبات السعيدة وتخدموا من حلوياتي
وادعولي ربي يشافيني ونرفد بيبي وتكون عندي مناسبة سعيدة باه نخدم انا تاني قاطو على جالها
غدوة اذا كونا من الحيين ندرلكم قاطو بديكووووووووووور هايل
احبكم في الله

[قطيطوشة]

قاطو هايل امممممممممممممممم نموت على ذوق البرتقال
الله يرزقك ويرزقني ويرزق كل محرومة بالذرية الصالحة

[صابرة2013]

ما شاء الله يعطيك الصحة
ديكور هاااااااايل
ربي شافيك يرزقك الدرية الصالحة

[ام سهام 02]

يعطيك الصحة حلوة بريزنتابل ربي يرزقك بالذرية الصالحة

[ساندي 28]

هايله اختى يعطيك الصحه وربي يعطيك ماتتمناي حنونه ويفرج عليك همك يارب

[فايزة44]

امممممممممم الوصفة تهبل شكرررراا ربي يرقك بالذرية الصالحة

[basmala farah]

رااااااااااااائع الدوق و اللون

[ريم الفلى]

شكرا اختي ربي يفرح في القريب العاجل ويفرح كل مسلمة بما فيه خير يا رب

يعطيك الصحة يشهي

ربي كريم اختي ربي يفرحك بالذرية الصالحة يااااااااااااااااااااارب

[SarSouRa28]

شكرا حبيباتي لمروركم العطر نورتوا موضوعي

[الأمنيات]

اممممممممممممممممممممممم تبارك الله نموت على دوق البرتقال
يعطيك الصحة

[sandibal]

مممممممممممممممممم يبان رووعة يعطيك ماتتمناي انا نموت على الحمضيات

[خولة1995]

هايل احيييييييييييييييييييييييييك

[SarSouRa28]

شكرا حبيباتي على ردودكم الطيبة نورتو موضوعي

[samira15]

يعطيك الصحة أختي هايل ورانا نستناو في القاطو الثاني وكل جديد نشجعك باش تشاركينا في كامل وصفاتك شكرا.