الي كل أساتذة هذا المنتدى القيم و تلاميذ الثانية ثانوي

اريج اريج · 2013-05-16, 19:33

بالسلام عليكم نفتتحها أما بعد

ياك علابالكم جميعا انو العام الجاي ان شاء اله يجب علينا الجد والاجتهاد لتحقيق ما نطمح اليه باذنه تعالى
بخصوصي سألت عدد كبير من الأشخاص ذوي الخبرة بشأن الدراسة في هذا الصيف
فالكل حذرني أن لا أدرس في هذا الصيف وأن أدرس المواد الأجنبية فقط و حفظ بعض الأشياء
فلماذا يا ترى ؟
أولا قيل لي أن الطاقة التي هي لدي يجب أن أجمعها و أستحفظ بها للعام المقبل لأن العام المقبل يتطلب هذه الطاقة أكثر من الأعوام السابقة
ثانيا انه اذا درسنا في هذا الصيف فسوف تتشوش الافكار بين العام السابق والعام المقبل وكيما نقولو بالعامية (نتشوكاو)
ثالثا ان ضغطنا على أنفسنا هذه الفترة فلا نستطيع أن نضغط أكثر العام المقبل
رابعا و أخيرا ان درسنا اللغة الفرنسية و الانجليزية من جهة للاستمتاع و كثقافة و من جهة أخرى لما يأتينا العام المقبل لا نهتم بها فقد نكون قد قضينا عليها و نستطيع اضافة الفلسفة بحفظ بعض المقالات وبعض الشخصيات لكن يتم حفضهم على شكل قصص وليس حفضا سماوي كيما نقولو هههههههه و لغدوة ننساوه
أعلم أنكم قد انضممتم الى مجموعات لتدرسوا ولكن صدقوني ان عملتم مثلما قلت فسوف ترتاحوا العام المقبل .فصدقوني أنا شخصيا سوف أعمل بها فهي نصيحة من عنك الكبار القدماء في التعليم
المهم اسمحولي خوتي طولت عليكم بهدرتي هذي كانت نصيحة أساتذتي و أحبابي و أهلي و أصدقائي
أريد نصاحئكم أنتم أيضا ان لم أصب في ذلك فأنا أتعلم من النصائح والحمد لله موفقة دائما باذن الله تعالى
ان شا اله تستفيدو منها . الله الموفق
ربي يحفضكم وينورلكم دربكم يـــــا رب
لا تبخلوني بردودكم ونصائحكم القيمة

قدوتي رسولي · 2013-05-16, 19:55

سلام اروجهـ ههههههههههه دصرت هههه
نصيحتك عجبتني شكرا بزاف ماما انا سمعت نفس الهدرة
ومن الافضل لواحد يريح شوي ومن بعد يبدأ يحضر ولو بالقليل حتى ماننساوش برك
وربي يجيب لي فيه الخيــــــــــر
بصح شكون يسمعلك جماعة دخلت مجموعات ماصبروش حتى رتاحو شوي ههههههههههه
موفقـــــــــهـ

mimi311 · 2013-05-16, 20:08

عندك الحق اختي حتى انا كنت متحمسة نبدى في الصيف بصح قاع قالولي كون تبدي في الصيف العام يجيك طويل
وتعيي وحتى تكرهي وعندهم الحق حنى في الاعوام الماضية غير يجي الفصل الثاني نكرهو ونحوسو العام يكمل
ما بالك تبدي من الصيف هه + انا غادي نقرى لغات فرنسية وانجليزية والعام الجاي نبدى نيشان مع الاستاذ
++ شوفي لي يساعدك نتي لتعرفي روحك تقدي تكملي ومتكرهيش ابداي ولا كنتي كيفي خلي حتى العام الجاي هههه

✿❀سًجّْـدًةْ خٌشٌـوُعٍـ ❀✿ · 2013-05-16, 20:12

بارك الله فيك على النصائح
وأشاطرك الراي في كل ما قلتيه
ربي يوفقنا

❀مَلِيْكَة❀ · 2013-05-16, 20:44

أختي راني نخمم كيفك بصح لازم نرتاحو شوي ونرجعو شوي طاقة ونبعدو على جو التوتر

boutadara aek · 2013-05-16, 21:15

بارك الله فيك على النصائح

اريج اريج · 2013-05-18, 16:29

شكرا لمدوركم وردودكم القيمة
صدقوني لما كل واحد فيكم بينوا وبين نفسوا يلقا روحو جد متحمس للباكالوريا ويقول سوف أبدأ من الان
ليس عيبا نعم أي شخصا فينا يريد أن يحصل على علامات مميزة
لا تقولو هذه لفتاة لا تعرف ما تقول فربما أنا متحمسة أكثر منكم حصلت على 17 و أطمح للحصول على 18 لكن ليس بهذه الطريقة
أن أضغط على نفسي من الآن فأنا صد هذه الفكرة .والله هي فكرة ممتازة لكن والله نصيحة من عند أختكم رميساء
مباعد تعرفوا قيمتها ليس الآن
تمنيات لكم بالنجاح ان شاء الله
دمتم برعاية الله و حفضه

salah salilou · 2013-05-18, 16:35

أيووااااااااااااااااااااااااه بارك الله فيكي ..

كنت سأفتح موضوع و سبقتني ...أنا أؤيد رأيك تماما

على البقية التنبه لهذا ..السلام

اريج اريج · 2013-05-18, 16:48

ويبارك فيك أخي
كنت أضن لا أحد يؤيدني لأن الأغلبية مصممين على الدراسة في هذا الصيف
لكن الحمد لله هناك من وصلت اليه فكرتي ولكنها ليست فكرتي فهي نصائح الكبار
شكرا على مرورك أخي
سلاـــــــــــــــــــــــــــــــــم

خولة 96 · 2013-05-18, 16:53

اسمحيلي اختي انا عندي راي اخر اذا ممكن بعد ما سقسيت قالولي بلي القراية في الصيف تخليك رايح من بعد كي يبدا العام بصح تكون في ليتيد ماشي وحدك و خصوصا المواد3 العلمية مع الفرنسة و انتي ادرى ربي يوفقنا كامل و ننجحو كل هذا ماهي الا اسباب فالنجاح من الله سبحانه ة تعالى لكن علينا بالجد و الاجتهاد شكرا

~رفيدة رنيم~ · 2013-05-18, 17:38

سلٌــآمْ../

آخّتٍي آنـآ آحْتـرُمَ رأيك "

لكــن.......؛

آنـآ نفضّلُ آنّوؤ نبُدآآو في الصّيف لـآنّوو العـآم الجـآيْ sur مآيكونشْ

عندنـآ وقّت بـآش نوفّقو فيه بيّن الموآدّ كــكُلْ..-

يعنّي نحّيو علــينآ شوّيّـآ تعْبٌ..~ آنـآ هـآدٍي وجٍهـ’ـة نظري ×

وٌ يعٍني في خصوصّ الطتآقّة حنـآ مـآنـآش رايحٍين نجهدوؤ روآحــنـآ

يـآسر" بالتّقريب سـآعتين في اليوم موووؤ آكتر ْ وآنـآ نظنّْ مـآيأثّروش

فَيـنآ يـآسرْ...>

وٌ القرآآر يبقّى لّيكٍــي آخّتٍي .*

موفّقًة ~|

مريومة مريم · 2013-05-19, 17:45

اقتباس:

المشاركة الأصلية كتبت بواسطة ~رفيدة رنيم~

سلٌــآمْ../

آخّتٍي آنـآ آحْتـرُمَ رأيك "

لكــن.......؛

آنـآ نفضّلُ آنّوؤ نبُدآآو في الصّيف لـآنّوو العـآم الجـآيْ sur مآيكونشْ

عندنـآ وقّت بـآش نوفّقو فيه بيّن الموآدّ كــكُلْ..-

يعنّي نحّيو علــينآ شوّيّـآ تعْبٌ..~ آنـآ هـآدٍي وجٍهـ’ـة نظري ×

وٌ يعٍني في خصوصّ الطتآقّة حنـآ مـآنـآش رايحٍين نجهدوؤ روآحــنـآ

يـآسر" بالتّقريب سـآعتين في اليوم موووؤ آكتر ْ وآنـآ نظنّْ مـآيأثّروش

فَيـنآ يـآسرْ...>

وٌ القرآآر يبقّى لّيكٍــي آخّتٍي .*

موفّقًة ~|

هاذي هي الهدرة لي كنت نحوس عليها حنا كي نبداو نشاالله لاشتا ساعتين فالنهار باه مننساوش لقراية برك’

" نورة " · 2013-05-18, 17:47

انا عن نفسي يجيني نريحوا رواحنا بااش عام الجااي ندخلوا نلقوا رواحنا فاهمين وش يقول الاستااذ نشوفوا حتىطلة خفيفة مشي قراية فورص كيما نكونوا في القراية تاع المدرسة والحملة ماهي الا مجرد موااد ادبية مثلا عتشوفي ايات في العلوم الاسلامية تحفظيها او بعض التواريخ والمصطلحات صدقني انا اطلعت على برنامج الرياضيات واتضح لي انه ليس بالامر الصعب فقط بعض التركيز ومن رايي بااش نضمن راحتي عام الجاي نخفف عن نفسي في الصيف ودايما حاطين في بالنا راهي القراية صح غير في المدرسة كي نبداو وكيما قالت الاخت اللي قبلي مشي اجهاد لو كثرنا عتكون ساعتين في اليوم ويمكن يوم نقروا ويوم لا ماراناش معملين ديراكت عليها
اسفة على الاطالة

اريج اريج · 2013-05-18, 20:29

اقتباس:

المشاركة الأصلية كتبت بواسطة فراشة سوف

انا عن نفسي يجيني نريحوا رواحنا بااش عام الجااي ندخلوا نلقوا رواحنا فاهمين وش يقول الاستااذ نشوفوا حتىطلة خفيفة مشي قراية فورص كيما نكونوا في القراية تاع المدرسة والحملة ماهي الا مجرد موااد ادبية مثلا عتشوفي ايات في العلوم الاسلامية تحفظيها او بعض التواريخ والمصطلحات صدقني انا اطلعت على برنامج الرياضيات واتضح لي انه ليس بالامر الصعب فقط بعض التركيز ومن رايي بااش نضمن راحتي عام الجاي نخفف عن نفسي في الصيف ودايما حاطين في بالنا راهي القراية صح غير في المدرسة كي نبداو وكيما قالت الاخت اللي قبلي مشي اجهاد لو كثرنا عتكون ساعتين في اليوم ويمكن يوم نقروا ويوم لا ماراناش معملين ديراكت عليها
اسفة على الاطالة

سلام عليكم
صحيح أنا أشاطرك الرأي في حفظ الآيات القرآنية وبعض الشخصيات والمصطلحات و دراسة اللغات الأجنبية فهذا كاف
شكرا للمرور
تحياتي الحارة

rayouna rose · 2013-05-18, 17:56

بارك الله فيك أختي
أنا تاني رايحة ندير كيما قلتي ان شاء الله لانها الطريقة الانسب للتحضير للعام القادم
بالتوفيق للجميع