مشاركتي في مسابقة شاف مطبخنا 3 ///التحلية ///

الوهرانية 1 · 2013-05-08, 02:15

^

اخواتي الغاليات احلى تحية لكن طبعا المشرفات على المسابقة طلبو منا تحضير تحلية بالبسكويت وانا حاولت انني انوع من خلال بعض التحليات الي ماراهيش مكلفة وسهلة في التحضير نتمنى تعجبكم

نحتاجو الي مكونات بسيطة جدا وغير مكلفة

نطحن البسكويت

ها هو شكله

نترك كمية قليلة على جنب نحتاجوها

والباقي نرشوه بالعصير أي دوق تحبي

نتحصل على عجينة

نخدمو فلان المايزينة لتر حليب بارد – 4ملاعق مملوءة مايزينة – سكر حسب الرغبة انا عملته معتدل نقسم الخليط بعد ما يعقد دوق فانيلا

دوق شوكولا

دوق الفانيلا نضيفوله البسكويت المرحي الي تركناه على جنب ويصبح هكدا

نمرو لتحضسر اشكال من هاد التحلية الشكل الاول
سلات البسكويت المحشية

نستعمل هاد النوع من بسكويت الاطفال يباع ب10 دج فقط

الصور توضح اكثر والحشو فلان مايزينة بدوق البسكويت

تزين بالشوكولا المبشورة وحبات الحلوى
اكواب البسكويت

نستعمل عجينة البسكويت وحشوة فلان الشوكولا وقطع بسكويت الشوكولا وفلان بنكهة البسكويت 100 بالمئة بسكويت هههههههه الصور

نتركها في الثلاجة تبرد ومن بعد ننزع الكاس بهاد الطريقة ونتحصلو على كوب بسكويت من الاحسن تركه مدة طويلة حتى نتحصلو على كاس بسكويت رائع وجامد اكثر انا كنت مزروبة خليته ساعتين فقط

نزينوه حسب الرغبة انا استعملت كريمة الشونتي وحبات حلوى
الاكواب المقلوبة

نحتاجو حبة بسكويت شوكولا لكل كاس - فلان شوكولا وفلان فاني -حبات كرز-قطع بسكويت شوكولا واكواب بلاستيكة

الاكواب نتقبوها بهاد الشكل

نخلوها تيرد من بعد ننزعو الكاس نتحصلو على هاد الشكل

نرشو عليها فلان الفراولة ونحط حبة كرز
النوع الاخير فلان عادي في الاكواب طبعا كي بقاتلي المكونات زدتو
فلان البسكويت والشونتي

طبقةفلان مايزينة دوق شوكولا ثم قطع بسكويت ثم فلان دوق فانيلا ثم نغطي الكاس بعجينة البسكويت ونزينه بالشونتي الصور توضح

نحطهم في الثلاجة يجمدو

ونقدموهم بالصحة والعافية

نتمنى انني توفقت في ايصال افكار جديدة للاخوات
واحلى وازكى سلام للاخوات الي نشطو هاد الطبعة من المسابقة بكثير من التميز والابداع
غالياتي ام ماجد - بسملة فرح - بيبة- زهور تشرفت بالتقرب منكن اكثر والله يدوم المحبة بيناتنا
ولعضوات المنتدى نقولكم سامحوني ادا ماكنتش في المستوى وكامل راكم عارفين الحادث الي وقعلي منعني من اني نقدم اكثر واني نكون معاكم باداع اكبر وخير دليل على محبتي ليكم راه فوق سهرت لعيونكم حتى لساعة متاخرة وماشي خسارة فيكم

om anous · 2013-05-08, 03:37

الله يبارك شهيتيني وفكرتيني في بسكويت تانغو كنت نموت عليه كي كنت صغيرة
بارك الله فيك تحلية رائعة وسهلة بالتوفيق عزيزتي

الوهرانية 1 · 2013-05-08, 10:39

اقتباس:

المشاركة الأصلية كتبت بواسطة om anous

الله يبارك شهيتيني وفكرتيني في بسكويت تانغو

كنت نموت عليه كي كنت صغيرة
بارك الله فيك تحلية رائعة وسهلة بالتوفيق عزيزتي

شكرا على مرورك حبيبتي الغالية

أم ماجد · 2013-05-08, 06:22

صباح الخير الوهرانية
بارك الله فيك عزيزتي ابدعت فعلا فعلا

الوهرانية 1 · 2013-05-08, 10:40

اقتباس:

المشاركة الأصلية كتبت بواسطة أم ماجد

صباح الخير الوهرانية
بارك الله فيك عزيزتي ابدعت فعلا فعلا

وفيكي بركة حبيبتي الغالية تحياتي ليك

zhor1970 · 2013-05-08, 06:29

صباح الانوار حبيبتي مت شاء الله ابدعتي حقا كل شيء روووووووووعة يعطيك الصحة حبيبتي

الوهرانية 1 · 2013-05-08, 10:41

اقتباس:

المشاركة الأصلية كتبت بواسطة zhor1970

صباح الانوار حبيبتي مت شاء الله ابدعتي حقا كل شيء روووووووووعة يعطيك الصحة حبيبتي

ربي يخليك حبيبة مرورك شرفني

biba04 · 2013-05-08, 06:45

صباح الخير وهرانية وان شاء الله راكي لاباس لعزيزة
يعطيك الصحة ابدعتي وعجبتني فكرة الاكواب رووعة

الوهرانية 1 · 2013-05-08, 10:41

اقتباس:

المشاركة الأصلية كتبت بواسطة biba04

صباح الخير وهرانية وان شاء الله راكي لاباس لعزيزة
يعطيك الصحة ابدعتي وعجبتني فكرة الاكواب رووعة

فرحني ردك يا الغالية وحتى انا استفديت من وصفاتك

نسيم التفائل · 2013-05-08, 06:48

الوهرانية 1 · 2013-05-08, 10:42

اقتباس:

المشاركة الأصلية كتبت بواسطة نسيم التفائل

شكرا على مرورك اختي الكريمة

*ام رامي* · 2013-05-08, 06:57

الله يبارك اختي الوهرانية
رغم ظروفك الا انك ابدعت وقدمت لنا افكار جديدة وتحليات راااائعة
تسلم الايادي
بالتوفيق

الوهرانية 1 · 2013-05-08, 10:43

اقتباس:

المشاركة الأصلية كتبت بواسطة *ام رامي*

الله يبارك اختي الوهرانية
رغم ظروفك الا انك ابدعت وقدمت لنا افكار جديدة وتحليات راااائعة
تسلم الايادي
بالتوفيق

واجبي شاف ام رامي انني نقدم للمنتدى حتى وانا في هاد الحالة ثقتكم فيا زادتني قوة

لمسة حنية · 2013-05-08, 07:06

السلام عليكم تمنيت اكون اول واحدة ترد لكن للاسف نمت وانا انتظر اول شي الصباح قلت لازم نصبح على تحلية اختى ربي يوفقك حبيبتي تحلية راائعة والفكرة جميلة اتمنالك التوفيق والشفاء العاجل

الوهرانية 1 · 2013-05-08, 10:44

اقتباس:

المشاركة الأصلية كتبت بواسطة لمسة حنية

السلام عليكم تمنيت اكون اول واحدة ترد لكن للاسف نمت وانا انتظر اول شي الصباح قلت لازم نصبح على تحلية اختى ربي يوفقك حبيبتي تحلية راائعة والفكرة جميلة اتمنالك التوفيق والشفاء العاجل

شكرا حبيبتي وعودة موفقة راني تقلقت عليك وكتبتك بحث في فائدة الحبيبات