سمحيلي اختي هذا وين شفت سؤالك
بالنسبة للمقادير ماشي ضروري تكون دقيقة
1 كلغ فرينة + ملعقة اكل خميرة خبز + ملعقة اكل ملح + ملعقة اكل سكر و تبلي بالماء حتى تحصلي على عجينة عادية تدلكيها و تغطيها و تخليها تخمر
اما الحشو خذي قطعة شحم تكون مثلا 250 غ من الافضل ترابيها او تقطعيها رقيق ضيفيلها جزرة مبشورة + بصلة كبيرة مبشورة قد ما كثرت البصل مليح + و الاضافات الاخرى انت واش تحبي ... الزيتو اخضر مقطع + معدنوس مقطع + الحار مقطع
زيدي مغرف صغيرة ملح و شوي فلفل اسود و كمون و ملعقة كبيرة طماطم مصبرة و خلطي مليح
كي يخمر لعجين شكلي كويرات قد حبة الماندرين ..... وجدي خليط التوريق و هو غرفية زيت فيها 2 مغارف فرينة و تخلطي مليح و تورقي بيه بنفس طريقة المسمن
حتى تكملي التوراق ثم تجيبي اول وحدة تقرصيها و تخليها بجيه و تجيبي الثانية و تقرصيها و تحطي عليها الحشو و ما تكثريش و تحطي فوقها الاولى و تحاولي تقفلي مليح الجوانب و طيبيها في طاجين لحديد على نار هادية
راني حاولت نشرحلك بالتفصيل و نتمنى تنجحي فيه لانو يستاهل التجربة
( تقرير عن مشاركة سيئة )، و الموجودة أسفل كل مشاركة .
2013-01-15, 15:34
سمراء الدنيا ادخلي احتاجك
العرض المتطور
