*lمشاركتي في مسابقة شاف كوزينتنا** السلطة **

faizarbh · 2013-01-09, 17:40

بسم الله الرحمن الرحيم

هذي هيا السلطة اللي درتها و نتمنى تعجبكم للاسف المنتدى جاء ضدنا في هاد الاسبوع راه ثقيل لدرجة غريبة الحمدلله الان راه يمشي راني كتبت الموضوع مرتين و كل ما نعتمد الموضوع تخسرلي الصفحة ان شاء الله هاد المرة ينجح الامر

و الاااااااان مع صور سلطتي

المقادير:
بطاطا مفورة او مغلية و ملحة ثم نرحيها بشوكة جيدا
اوراق خس+جزر رابي+ذرى+تونة+بيض+طماطم+بيطراف+مايونيز
بعدما نرحي البطاطا نضيف لها فرماج و شوية ذرى و شوية فينيقرات و نخلط الكل

نوجد صحن التقديم مع كادر تاع مول المسكوتة اللي ينفتح مثل هذا

نقسم البطاطا لجزئين
نضع طبقة بطاطا ثم ندير شوية فينيقرات من فوق ثم طبقة جزر رابي و ندير فيه الفينيقرات و نضيفلو شوية ماييس و تونة ثم ندير طبقة اخرى من البطاطا
و ننزع المول

ثم نغطي كل السلطة بالمايونيز و نضع اوراق السلطة في الجوانب

ثم نبدا نزين
درت هاد المقبلات تاع البطاطا من فوق هادوا هوما و تلقاوهم على هاد الرابط

https://www.djelfa.info/vb/showthread.php?t=1187925

و درت بيناتهم تونة و صنعت بالبيطراف وردات و اغصان بالمعدنوس او القصبر
و درت فوق الخس طماطم و بيض مغلي مقطع دائري و ديريلهم الفينيقرات
و هادا هو الشكل النهائي

ان شاء الله تعجبكم سلطتي و تصوتولي

سلاااااام

أنا أمهم · 2013-01-09, 17:59

و الله باينة بنييييييييييينة . و التزيين خرجلك هايل.

تبارك الله تشهي و عجبتني كي استعملتي المملحات اﻹقتادية . فكرتهم روعة

بالتوفيق عزيزتي

و صحيح المنتدى هبلنا و تعبنا . ههههههههههه لكن ضرب الحبيب زي أكل الزبيب ههههههه

faizarbh · 2013-01-09, 18:14

اقتباس:

المشاركة الأصلية كتبت بواسطة أنا أمهم

و الله باينة بنييييييييييينة . و التزيين خرجلك هايل.

تبارك الله تشهي و عجبتني كي استعملتي المملحات اﻹقتادية . فكرتهم روعة

بالتوفيق عزيزتي

و صحيح المنتدى هبلنا و تعبنا . ههههههههههه لكن ضرب الحبيب زي أكل الزبيب ههههههه

الله يسلمك اختي لعزيزة شفتي المنتدى انا غير شوية نولي نبكي ههههههههههه