الميرانغ باسرارها *مستحيل ما تنجحلكش *

*سماح 94* · 2012-12-27, 17:41

السلام عليكن اخواتي ان شاء الله تكونو بخير
جبتلكم اليوم الوصفة لي الناس اكل تشتيها بصح قليل وين تصلح وتجي مليحة
لذلك رايحة نحطلكم طريقة الميرانغ الصحييييييييييحة وباسرارها كاملة لكن الشرط المهم في نجاح الميرانغ هو التقيد الصحيح بكل الخطوات بشكل مظبوط تماماااااااااااااااااااا هذا اول سر
السر الثاني والمهم بزاااااااااااااااف هو الفور لازم يكون سخوووووووووووووووووووووون بزاف يعني كي تبداي الخدمة اول حاجة ديريها هي شعلي الفور ثم ابداي الخدمة
اذن المقادير
لكل بياض بيضة واحدة نستعمل 100 غ سكر واذا كانت البيضة صغيرة نقصو شوي
رشة ملح شوي فاني وملون اختياري
اول خطوة نطلعو بياض البيض مليح مع رشة ملح بلاما نزيدو عليه السكر
كي يطلع نزيدو كمية السكر على 3 دفعات وفي كل مرة نخفق مليححتى يولي حاكم روحو مليح
ثم مباشرة نحطوه فوق باماري ونضربو بالباتور ملييييييييييييييييييييييح حوالي 10 د او اكثر حتى يولي شبه طايب وتحسوه ثقال والسكر ييبس في الحواشي تاع الحاجة لي درتو فيها

[SIZE="5"]شوفي كي خلصت الخفق مام يتقلب يبقى حاكم نفس الشكل وما يتحركش طوووول[/
السر الثالث هو انو مباشرة من الباماري بعد ما نخلصو الخفق الى الكونجيلاتور == المجمد== طول ويبقى ثم حتى يبرد الاناء لي راهو فيهSIZE]ماشي يجمد هههه يبرد الاناء برك الميرانغ خاطية
باش تسهل الخدمة ديرو لابوش ادوي في كاس وصبو فيها الخليط

شوفو قوامو بعد ما خرجتو من المجمد == ماشي هو لي يجمد يبرد الطبسي لي راهو فيه برك

شكلوه عادي كيما تحبو ودخلوه الفور وهنا السر الرابع الفور لازم يكون حاااااامي حاااااااامي لكن بمجرد ما تدخلي البلاطو ليه نقصي درجة الحرارة الى اقل درجة ممكنة وحطيه يطيب 15 دقيقة ماكسيموم ما كانش فوقها == انساو هاذوك الوصفات لي فيهم ساعة وزوج باش يطيب ههههههه ==
ثم حلو الفور وطفيو النار وخليوه دقيقة وابدوه وحطوه بحذر ما تخبطوهش وكي يبرد نحيوه عادي وقدموه كيما تحبو

هاذي هي كل اسرار الميرانغ والطريقة الناجحة والمضمووونة لكن يلزم التقيد بكل الخطوات كما هي مذكورة وكي نحطوه في المجمد ماشي هو لي يجمد يبرد الاناء برك
هاذي الطريقة تعلمتها خالتي من عند وحدة مختصة فيه وهي لي علمتهالي
نتمنى من كل وحدة تجربو تدعي لخالتي ربي يهنيها يسرلها كل امورها
جربوها راهي روووووعة وخير من تاع برا

سلااااااااااااام

ميمي مانو · 2012-12-27, 17:47

بارك الله فيك

*سماح 94* · 2012-12-28, 17:24

اقتباس:

المشاركة الأصلية كتبت بواسطة ميمي مانو

بارك الله فيك

وفيك بارك الله اختي شكرا جزيلا لك ميمي

hana bou · 2012-12-27, 17:58

gadah ya7kam l wa9t ki tadarbih 9bal mat7atih f le bain marrie

*سماح 94* · 2012-12-28, 17:25

اقتباس:

المشاركة الأصلية كتبت بواسطة hana bou

gadah ya7kam l wa9t ki tadarbih 9bal mat7atih f le bain marrie

ماشي محدد اختي كي تخلصي كمية السكر وتشوفيه تجانس مليح حطيه في الباماري
شكرا لمرورك

*جزائرية مسلمة* · 2012-12-27, 17:59

جزاك الله خيرا
يارب تنجح معي

*سماح 94* · 2012-12-28, 17:28

اقتباس:

المشاركة الأصلية كتبت بواسطة fatimido

جزاك الله خيرا
يارب تنجح معي

شكرا جزيلا اختي نورت
ان شاء الله تنجح معك موفقة اختي

أنا أمهم · 2012-12-27, 18:20

يعطيك الصحة يا سماح, رتحتينا من ساعتين و الفرن شغاااااااااااال.

ربي ينجحك و يفرحك.

*سماح 94* · 2012-12-28, 17:30

اقتباس:

المشاركة الأصلية كتبت بواسطة أنا أمهم

يعطيك الصحة يا سماح,

رتحتينا من ساعتين و الفرن شغاااااااااااال.

ربي ينجحك و يفرحك.

اهلا عزيزتي انا امهم منووورة
ههههههه انا ما بردتش حتى لقيت وصفة ما تحكمش الوقت بزاف
نورت بكلامك الطيب ربي يخليك

BACHIRA2 · 2012-12-27, 18:28

كيف الاحوال عزيزتي سماح ؟ ان شاء الله راكي مليحة و باتم صحة يا رب
بارك الله فيك على الوصفة الرائعة الي يحبوها الكبار و الصغار و بلغي سلامي الحار للخالة الكريمة و الوالدة العزيزة
و طبعا السلام الكبير و الخاص لك حبيبتي

*سماح 94* · 2012-12-28, 17:33

اقتباس:

المشاركة الأصلية كتبت بواسطة bachira2

كيف الاحوال عزيزتي سماح ؟ ان شاء الله راكي مليحة و باتم صحة يا رب
بارك الله فيك على الوصفة الرائعة الي يحبوها الكبار و الصغار و بلغي سلامي الحار للخالة الكريمة و الوالدة العزيزة
و طبعا السلام الكبير و الخاص لك حبيبتي

اهلا وسهلا عزيزتي بشيرة ربي يخليك عزيزتي كل ردودك رائعة ونحس فيها طيبة قلبك شكرا جزيلا
ربي يشهد على مكانتك الكبييييييرة في قلبي
سلامك وصل والف شكر لك