الحمص او الدوبارة كيما تاع لبرا

[ام ساجد]

السلام عليكم ورحمة الله وبركاته

اليوم نقدملكم وصفة الدوبارة كيما لي يطيبوها البرا وهذذه الوصفة من عند سلفتي خوها عند
مطعم جربناها وعجبتنا وعدنا دايما نطيبوها وتجي بنينة ان شاء الله تعجبكم
في الليل نغسل الحمص مرتين او ثلاث ونرنخ وفي الصباح نحط يطيب في الكوكوط بلا ما نبدل الماء
ونعمل شوي ملح وبعد مدة نحل عليه الا شفتي الحمص ياسر تقدري تنقصي من وتحطيه في
الثلاجة تستعمليه في حاجة اخرى في صوص او عجائن انا نعمل هكا
ولي راخ نستعمل نضيفل شوي خميرة حلويات ونزيد نسكر عليه باش يطيب مليح يتهبى شوي
وفي هذا الوقت نحضر فلفلف حلو وحار وحسب الذوق وطماطم وبصل الطويل
نغسلهم ونقطعهم
نحل على الحمص ونهز من شوي حمص نحط في صحن ونمعس بالفرشيطة ونصب عليه شوي
زيت زيتون + جمبو + شوي من الخضر لي قطعتهم شوي بصل شوي فلفل شوي طماطم
نخلطهم مع بعض ثم نصبهم على الخليط ونخليه يغلى شوي ونطفي عليه
حبة الجمبو تاع دجاج وحسب كمية الحمص ممكن تستعملي حبة او نص عينك ميزانك
وكذلك خميرة القاطو حسب الكمية شوي شوي
ويقدم الحمص معاه شوي من الخضرة المقطعة وشوي زيت زيتون وشهية طيبة

[omo mazen]

شكرا لكي علي المجهود انا من محبيها و خاصة في فصل البرد لقد اخدت الصحن هههههههه

[ام ساجد]

المشاركة الأصلية كتبت بواسطة omo mazen

شكرا لكي علي المجهود انا من محبيها و خاصة في فصل البرد لقد اخدت الصحن هههههههه

بصحتك اختي تاكليه بالهناء
شكرا على المرور

[faizarbh]

يعطيك الصحة ام ساجد ماما كانت تحوس عليها هيا اديرها بصح ماشي هاكدا

[ام ساجد]

المشاركة الأصلية كتبت بواسطة faizarbh

يعطيك الصحة ام ساجد ماما كانت تحوس عليها هيا اديرها بصح ماشي هاكدا

الله يسلمك اختي فيوزة ان شاء الله تجربها ماماك وتعجبكم راهي بنينة

[بشرى2008]

مشكوووووووووووووووووووووووووورة

[ام ساجد]

المشاركة الأصلية كتبت بواسطة بشرى2008

مشكوووووووووووووووووووووووووورة

العفو اختي شكرا على المرور

[miri_27]

نسمع بيها في المطاعم الشعبية ياخي هي الدوبارة البسكرية ؟ لكن لم تسنح لي الفرصة لتذوقها أو معرفة مكوناتك إلا بفضلك دمتي لنا وربي يخليك

[ام ساجد]

المشاركة الأصلية كتبت بواسطة miri_27

نسمع بيها في المطاعم الشعبية ياخي هي الدوبارة البسكرية ؟ لكن لم تسنح لي الفرصة لتذوقها أو معرفة مكوناتك إلا بفضلك دمتي لنا وربي يخليك

عندك الحق هي اكلة من المطاعم الشعبية انا مرة كليتها بقات طعمتها في فمي تهبل

[ام ملاك.]

الله يبارك فكرتيني فيه اممممممممممممممممممممممم

[ام ساجد]

المشاركة الأصلية كتبت بواسطة مونية ك

الله يبارك فكرتيني فيه اممممممممممممممممممممممم

وفيك البراكة اختي شكرا

[الوهرانية 1]

اول مرة نسمع بهاد الوصفة يعطيك الصحة حبيبتي الغالية تحياتي

[ام ساجد]

المشاركة الأصلية كتبت بواسطة الوهرانية 1

اول مرة نسمع بهاد الوصفة يعطيك الصحة حبيبتي الغالية تحياتي

الله يسلمك حبيبتي جربيها وما تخافيش راي بنينة ابن من الدوبارة
الحمرة

[mama kika]

بارك الله فيك

[ام ساجد]

المشاركة الأصلية كتبت بواسطة mama kika

بارك الله فيك

شكرا اختي جزاك الله خيرا