مشكل و ماشي مشكل

soso sirin · 2012-10-13, 21:57

البيت المستقل حلم كل زوجين سواء على المدى القصير او الطويل و لكن في حالات حينما يتوفر يظهر مشكل من نوع اخر.و ضروك نحكيلكم واش صرا عندنا خويا الي عايش معانا راه خارج يسكن روحو المشكل والديا راه غايضهم الحال صح راهم راضيين عليهم مي في جال ولادهم و سوغتو وليدو الصغير بابا روحو معلقة فيه و حتا هو البارح كي رحنا معاهم قعد غير ساكت و ماهدرش كامل.و حتا كنتنا فرحت كي راهي رايحة مي قاتلنا مانيش قادرة نقعد روحي والفتكم البارح قالتنا اقعدو معايا يامات حتى نوالف و اليوم كي رجعنا للدار رجعو معانا كامل الصح حتا انا عجبني الحال و بابا فرح و حتى هوما.انا قتلهم حنا النسا وحدا نبغو نسكنو رواحنا و نبغو نقعدو مع ناسنا و ارواحو نتوما حلوها.
انا قتلهم الحل هو لازم الوحدا تخرج تمتم بدارها باه مايكون ولف مايصرا مشكل لا للوالدين و لا الذراري و حتا للراجل و المرا .انا الي راهم غايضيني هوما والديا و ولاد خويا والله علابالي رايح يكون صعيب بزاف عليهم

~~♥ المتفائل ♥~~ · 2012-10-13, 22:06

و الله ما فهمتك يا ختي
اكتبي بالعربية احسن باش نقدرو نجاوبوك

morad81 · 2012-10-13, 22:18

وهذي الشي اللي راهو محيرنا فيكم يا سوسو ....نهار تنوض الحالة بين النسا تقول خلات الدنيا ومن بعد كي يتفرقوا يوليو حبابات.....مرات أنا نقول هاذو غير لعبات متفاهمين عليها على راس الراجل و كي تفرى الحاجة اللي راهم باغيينها ترجع الحالة كي بكري.

واش نقولك لكلام لمليح مليح بصح نقولك كاين مواضع تعرف باللي راهو يتقال من أجل أنه يتقال لأن الكنة راهي عارفة بلي غادية تروح تسكن وحدها ...
أما قضية أنتوما كي أهلي و ما نصبرش عليكم ....الخ تبقى جمل لا محل لها من الصدق التام ........

واش نقولكم ...هبلتونا بالخرجات نتاعكم .....ونهار اللي تفريوها لكلام لحو مانيش عارف من وين تجيبوه تقول راكم كاتبينه قدامكم هههههههه.

لحن الفرح · 2012-10-13, 22:23

السلام عليكم
اختي الكريمة خلي اولا د اخوك يقعدوا يامات في داركم

soso sirin · 2012-10-14, 18:24

اقتباس:

المشاركة الأصلية كتبت بواسطة morad81

وهذي الشي اللي راهو محيرنا فيكم يا سوسو ....نهار تنوض الحالة بين النسا تقول خلات الدنيا ومن بعد كي يتفرقوا يوليو حبابات.....مرات أنا نقول هاذو غير لعبات متفاهمين عليها على راس الراجل و كي تفرى الحاجة اللي راهم باغيينها ترجع الحالة كي بكري.

واش نقولك لكلام لمليح مليح بصح نقولك كاين مواضع تعرف باللي راهو يتقال من أجل أنه يتقال لأن الكنة راهي عارفة بلي غادية تروح تسكن وحدها ...
أما قضية أنتوما كي أهلي و ما نصبرش عليكم ....الخ تبقى جمل لا محل لها من الصدق التام ........

واش نقولكم ...هبلتونا بالخرجات نتاعكم .....ونهار اللي تفريوها لكلام لحو مانيش عارف من وين تجيبوه تقول راكم كاتبينه قدامكم هههههههه.

والله ضحكتني مي والله مانا متفاهمين على ريسانكم مي كل عقلية و حالة و كيفاه تلقاها مي الي يفهم غير مايدخلش روحو بين النسا الا وقت مايفوتو الحد و تكون المشكل كبير لانو اليوم رانا ملاح و غدوة لالا نزعفو بلخف و نرضاو بلخف.لالا والله مرات يكون هذا الكلام من القلب تعرف وقتاش نهار تكون صارية الحرب الباردة برك بين الكنة و مالين الراجل و في حياتهم ماتقابضوش نيشان و مانظلمتش و مصرالهاش موقف صعيب بزاف و قيمتها كانت محفوظة و مكانش الي وصلها .الكلام الحلو يجي روحو سوغتو كي تكون الحاجة تفرح نيشان

soso sirin · 2012-10-13, 22:36

اقتباس:

المشاركة الأصلية كتبت بواسطة حالة ميئوس منها

و الله ما فهمتك يا ختي
اكتبي بالعربية احسن باش نقدرو نجاوبوك

علاه راني نكتب بالجابونية .انا هدرتي تجيني مفهومة مانيش نستعمل في كلمات من الدارجة الصعيبة و زاد والله الموضوع كون كتبتو باللغة العربية كنت مانقدرش وصلت واش راني باغية نوصللكم . ساكتب لك الملخص لغة .حينما يتزوج الابن و يستقر في بيت العائلة و بعد مرور سنوات تسمح له الظروف بالاستقرار في مسكن خاص تظهر مشكلة و هي مشكلة تعلق الاجداد بالاحفاد و العكس

مسلم سني · 2012-10-13, 22:18

السلام عليكم
أختي وسيلة أنا مع الرأي الذي يقول يجب على الزوج والزوجة أن يسكنا لوحدهما تفاديا للمشاكل فكثرا ما نسمع بأن الكنة انفصلت عن السكن مع أهل زوجها لكن بعد شجار مع هؤلاء ومن الأحسن أن يختصر الواحد الطريق من الأول
وهناك حالات أخرى هناك من الرجال من لا يقبل السكن لوحده فيشترط على من سيتزوج بها القبول وهناك من عدل عن فكرة الزواج لأنه لم يجد من تقبل العيش مع والديه
وكوني أكيدة الآباء دائما في حاجة إلى الاهتمام سواء أكان الولد معهم أو يعيش بعيدا عنهم
وأنا شخصيا لا أحب من يفضل زوجته وأولاده على أمه وأبيه
لا أحب هاته الشخصيات
أما والدك وأمك فأكيد سيتأثران لأنهما تعودا على ابنهما وعائلته
لكن مع الأيام ربما سيتعودان على ذلك
المهم خوك ما ينساهمش بالزيارة والتفقد
هذا رأيي والله أعلم
احترماتي

soso sirin · 2012-10-14, 18:08

اقتباس:

المشاركة الأصلية كتبت بواسطة مسلم سني

السلام عليكم
أختي وسيلة أنا مع الرأي الذي يقول يجب على الزوج والزوجة أن يسكنا لوحدهما تفاديا للمشاكل فكثرا ما نسمع بأن الكنة انفصلت عن السكن مع أهل زوجها لكن بعد شجار مع هؤلاء ومن الأحسن أن يختصر الواحد الطريق من الأول
وهناك حالات أخرى هناك من الرجال من لا يقبل السكن لوحده فيشترط على من سيتزوج بها القبول وهناك من عدل عن فكرة الزواج لأنه لم يجد من تقبل العيش مع والديه
وكوني أكيدة الآباء دائما في حاجة إلى الاهتمام سواء أكان الولد معهم أو يعيش بعيدا عنهم
وأنا شخصيا لا أحب من يفضل زوجته وأولاده على أمه وأبيه
لا أحب هاته الشخصيات
أما والدك وأمك فأكيد سيتأثران لأنهما تعودا على ابنهما وعائلته
لكن مع الأيام ربما سيتعودان على ذلك
المهم خوك ما ينساهمش بالزيارة والتفقد
هذا رأيي والله أعلم
احترماتي

هو الواحد مكانش كيما يخرج من النهار الاول بدارو والله مليح حتى و لوكان يكونو للزوج ملاح.و هي الواحد مليح الي مايظلم الوالدين لانو مكانش كيما هوما في الدنيا مي تاني مايظلمش بنت الناس يعرف كيفاه يعيش و يسير حياتو.هوما رايحين يتعذبو شوية سوغتو مع ليامات اللوالا و حتا الذراري سوغتو الطفل هو كي يشوف جدو يبغي يهبل مي مع الوقت راح يوالفو.و هو والله رايح يشري طونوبيل غير في جال باه يجيبهم كل ويكاند لانو مايقدرش يجيبهم كل يوم .شكرا على الاهتمام خويا عبد الشافي

z.abdo · 2012-10-13, 22:19

السلام عليكم أختي سيرين

نعم هذا المشكل يحدث كثيرا لما يتعلق الجد بالأولاد

لكن احسن شيء العرس يقام في منزل آخر ويسكن بعيد من اليوم الأول حتى لا يتعلق الأهل بالأولاد كثيرا

وأهم شيء أنه خرج برضاة والديه وهذا أهم

ربي يتم عليهم الهناء ويجعل أخاك بارا بوالديه

فقط نصيحة أختي سيرين فقط يجب ان تعرفي كيف تتصرفي إذا بدات علامات الحزن عند والديك

لأن فراق الإبن والاولاد شيء صعب

بارك الله فيك وجزاك الله فيك أختي

soso sirin · 2012-10-14, 18:30

اقتباس:

المشاركة الأصلية كتبت بواسطة z.abdo

السلام عليكم أختي سيرين

نعم هذا المشكل يحدث كثيرا لما يتعلق الجد بالأولاد

لكن احسن شيء العرس يقام في منزل آخر ويسكن بعيد من اليوم الأول حتى لا يتعلق الأهل بالأولاد كثيرا

وأهم شيء أنه خرج برضاة والديه وهذا أهم

ربي يتم عليهم الهناء ويجعل أخاك بارا بوالديه

فقط نصيحة أختي سيرين فقط يجب ان تعرفي كيف تتصرفي إذا بدات علامات الحزن عند والديك

لأن فراق الإبن والاولاد شيء صعب

بارك الله فيك وجزاك الله فيك أختي

والله هذا احسن حل الواحد يخرج من النهار الاول هكا الجدود مايوالفو الذراري و الخرجة تكون ساهلة بزاف .لالا والله والديا راهم راضيين على خروجو و زاد هاذي هي الدنيا .اللهم امين يا رب.هو علابالي راح يفوتو يمات ثقال عليه مي رايح يشوفهم كل ويكاند ان شاء الله.ربي يخليك خويا عبدو على الرد

لؤلؤة الفردوس · 2012-10-13, 22:23

ايه مام يا ختي صح الودااع صعييييب بزاااف سورتور الأحفاد الصغار يغيضوني كي توالفيهم تجيك صعيبة كي يفارقوك
الله غالب هاذي هي سنة الحياة

قريت موضوعك زوج مرات باش فهمتك لغتك منفهمه بالسيف أكتبي بالعربية احسن
و شكرا أختي

soso sirin · 2012-10-14, 18:37

اقتباس:

المشاركة الأصلية كتبت بواسطة لحن الفرح

السلام عليكم
اختي الكريمة خلي اولا د اخوك يقعدوا يامات في داركم

و عليكم السلام والله حتا هوما رجعو معانا و رايحين يفوتو هذا السمانة تاني في دارنا حتى للسمانة الجاية باه يروحو لسكنتهم

اقتباس:

المشاركة الأصلية كتبت بواسطة لؤلؤة الفردوس

ايه مام يا ختي صح الودااع صعييييب بزاااف سورتور الأحفاد الصغار يغيضوني كي توالفيهم تجيك صعيبة كي يفارقوك
الله غالب هاذي هي سنة الحياة

قريت موضوعك زوج مرات باش فهمتك لغتك منفهمه بالسيف أكتبي بالعربية احسن
و شكرا أختي

ايه والله صعيبة بزاف والله مرات يقلقوني سوغتو مع الصباح و كي يولو يسماطو عليا مي والله الدار رايح تفرغ بلا بيهم .مي كيما قلتي هاذي هي الحياة و كيما الواحد يبغي يعيش روحو سوغتو كي يدير الذراري يبغيها لبنت الناس .رايح نولي نكتب المواضيع ان شاء الله بالفصحى و لا نولي نكتب كلمات الي مفهومين مرات ننسى انو رانا 48 ولاية الله يبارك نحسب روحي راني في دارنا ههههههههه

محمد...عبد النور · 2012-10-13, 22:26

السلام عليكم أختي وسيلة
صح الألفة بين الناس صعبة حين نعلم ان يوما ما سنفارقم و لو بالجوار
سبحان الله كيما يقولو الولف صعيب و صعيب بزاف و الله اشخاص قعدنا معهم فترات قصيرة و لما حان وقت فراقهم بكينا الدموع الحارة هذا بالنسبة لنا كأصدقاء او زملاء فما بالك الوالدين الكريمين لما يألفون اولادهم بينهم منذ طفولتهم الى شبابهم ثم يتزوجون و بعدها ينجبون الذرية و يقال ما اعز من الولد الا ولد الولد و حقا قد رأينا ذلك في والدين لما يولونه لابناء اخي و اولاد اخواتي و الله لما يرونهم يشفقون عليهم كما تحمي الدجاجة صيصانها و اكثر ههههههه
المهم ايامات و يوالفوا والديك و ربي يرزقهم الصبر وأخوك و زوجته ربي يرزقهم الهنا و الحياة الطيبة
بارك الله فيك و جزاك كل خير
ســـــــــــــــــــــــــلام

soso sirin · 2012-10-14, 18:51

اقتباس:

المشاركة الأصلية كتبت بواسطة لذريق

السلام عليكم أختي وسيلة
صح الألفة بين الناس صعبة حين نعلم ان يوما ما سنفارقم و لو بالجوار
سبحان الله كيما يقولو الولف صعيب و صعيب بزاف و الله اشخاص قعدنا معهم فترات قصيرة و لما حان وقت فراقهم بكينا الدموع الحارة هذا بالنسبة لنا كأصدقاء او زملاء فما بالك الوالدين الكريمين لما يألفون اولادهم بينهم منذ طفولتهم الى شبابهم ثم يتزوجون و بعدها ينجبون الذرية و يقال ما اعز من الولد الا ولد الولد و حقا قد رأينا ذلك في والدين لما يولونه لابناء اخي و اولاد اخواتي و الله لما يرونهم يشفقون عليهم كما تحمي الدجاجة صيصانها و اكثر ههههههه
المهم ايامات و يوالفوا والديك و ربي يرزقهم الصبر وأخوك و زوجته ربي يرزقهم الهنا و الحياة الطيبة
بارك الله فيك و جزاك كل خير
ســـــــــــــــــــــــــلام

و عليكم السلام .ايه كيما قلت انت انو الولف صعيب و الواحد تجيه صعيب كي يفارق ناس تعرف عليهم في مدة قصيرة ماشي حتا الوالدين والله صعيبة بزاف بزاف و زاد رايح يدو معاهم ولادهم هاذي تزيد تكمل .والله مرات كنت نغير من ولاد خويا لانو بابا ماشي يبغيهم مرات نشك انو يبغيهم كثر من باباهم .اللهم امين يا رب و يرزق كل واحد الهنى ان شاء الله

السي محمد · 2012-10-13, 22:31

ههههه انتي علاه تكتبي بالشلفاوية

انا نفهمك لاني شلفاوي بالصح الاغلبية ما يفهموكش ههههه

انا نبدل اللهجة ونحاول نرجعها مفهومة لكل جهات الوطن

او نكتب بالفصحى