أعذرني أكرهك دون سبب يا...

SOUSOU. DZ · 2012-10-07, 18:59

بسم الله الرحمن الرحيم

كثيرا مانكره أشخاص بدون سبب

تجد أحدنا يقول:أنا أكره هذا الشخص

‏ ‏ لماذا؟ يقول بس هكذا من الله بدون سبب معين

أوحتى موقف حصل له معه

‏ ‏ وتجد أخر يقول أنا أحب هذا الشخص ولماذا تحبه؟

يقول بدون سبب هكذا من عند الله

أكيد هذه الحالة تحصل للجميع نحب أشخاص

ونكره أخرين.بدون أسباب معينة

هل تعرفون سببها؟

هل فكرت لماذا هذه المشاعر تجاه أشخاص لانعرفهم

نعم كل هذه الحالات لا نعرف الأشخاص الذين كرهناهم

أو أحببناهم بمعني أننا لم نحتك حتي فيهم

والسؤال لكم هل مررت بهذه التجربة

كرهت أو أحببت بدون أن تعرف الشخص الأخر؟ ولماد هل عرفت السبب ؟؟؟

تقبلوا مني فائق ودي وارجو التفاعل.... بصراحة هي اساس

soso sirin · 2012-10-07, 19:11

ايه صراتلي كاين ناس كي نشوفهم يدخلو قلبي حتى و مانهدرش معاهم يجوني خفاف و كاين ناس ثقال على قلبي تقول راني رافدتهم فوق راسي و كون يغطسو رواحهم في العسل مانحملهمش و كاين ناس مابغيتهمش مي لما هدرت معاهم بانولي ناس ملاح انا مرة وحدا قاتهالي نيشان قاتلي ماكنتش نحملك كنتي تقلقيني بزاف مي الصح كي عرفتك بغيتك بزاف و ولات صحبتي تاع الصح يقلك انو لما تبغي واحد و لا لما تكرهي واحد و انتي ماتعرفيهش يقلك انو لما نرقدو الارواح تتلاقا مع بعض علا هكا تبغي ناس و تكرهي ناس مي هاذي المعلومة ماشي متاكدة منها نيشان بلي صح انا سمعتها

SOUSOU. DZ · 2012-10-07, 23:01

اقتباس:

المشاركة الأصلية كتبت بواسطة soso sirin

ايه صراتلي كاين ناس كي نشوفهم يدخلو قلبي حتى و مانهدرش معاهم يجوني خفافو كاين ناس ثقال على قلبي تقول راني رافدتهم فوق راسي و كون يغطسو رواحهم في العسل مانحملهمش و كاين ناس مابغيتهمش مي لما هدرت معاهم بانولي ناس ملاح انا مرة وحدا قاتهالي نيشان قاتلي ماكنتش نحملك كنتي تقلقيني بزاف مي الصح كي عرفتك بغيتك بزاف و ولات صحبتي تاع الصح يقلك انو لما تبغي واحد و لا لما تكرهي واحد و انتي ماتعرفيهش يقلك انو لما نرقدو الارواح تتلاقا مع بعض علا هكا تبغي ناس و تكرهي ناس مي هاذي المعلومة ماشي متاكدة منها نيشان بلي صح انا سمعتها

اقتباس:

ايه صراتلي كاين ناس كي نشوفهم يدخلو قلبي حتى و مانهدرش معاهم يجوني خفاف

باين راكي عليا حشمتيني

هههههههههههههههههههههه والله انتي وحدك تاع الصح

وشكون هادي لي ماكنتش تحبك تاع وشها مهبولة باين راهي مهبولة وشكون لي مايحبش وسيلة يخاه غير لمهبول

اما على معلومة وقيل خاطئة حبيت نحطها في الموضوع مي قلت مايتقبلوهاش

ربي يخليك وعلى رد ديالك

soso sirin · 2012-10-08, 00:03

اقتباس:

المشاركة الأصلية كتبت بواسطة sousou. Dz

باين راكي عليا حشمتيني

هههههههههههههههههههههه والله انتي وحدك تاع الصح

وشكون هادي لي ماكنتش تحبك تاع وشها مهبولة باين راهي مهبولة وشكون لي مايحبش وسيلة يخاه غير لمهبول

اما على معلومة وقيل خاطئة حبيت نحطها في الموضوع مي قلت مايتقبلوهاش

ربي يخليك وعلى رد ديالك

ايه يا الحنونة راني عليك انتي الاولى و نفتح القائمة موراك معليش يا لالة .صحيتي والله حشمتيني و ضروك نديها في روحي ههههههههههههه.ربي يخليك يا اسماء .علابالي انا وحدي في كلشي على هكا تبغيني و لا كيفاش ههههههههههه.ربي يخليك يا اسماء و على المعلومة قتلك ماشي متاكدة منها نيشان صاريلها كيما الملايكة تاع الانسان خفاف و لا ثقال هي مكانش منها مي حنا نقولوها ههههههههه.لالا كي عرفتني بغاتني مسكينة مي كنت نقلقها قاتلي كنتي تبانيلي زواخة و دايتها في روحك بزااااااف حاسبة روحك لانو انا مانهدرش حتا يهدرو معايا مي كي نهدر و نفهم العقلية ارواحي سكتيني ماعندي لا نقاط و لا فواصل .هذا وين شفت الرد سمحيلي بزاف بزاف

SOUSOU. DZ · 2012-10-08, 23:28

اقتباس:

المشاركة الأصلية كتبت بواسطة soso sirin

ايه يا الحنونة راني عليك انتي الاولى و نفتح القائمة موراك معليش يا لالة .صحيتي والله حشمتيني و ضروك نديها في روحي ههههههههههههه.ربي يخليك يا اسماء .علابالي انا وحدي في كلشي على هكا تبغيني و لا كيفاش ههههههههههه.ربي يخليك يا اسماء و على المعلومة قتلك ماشي متاكدة منها نيشان صاريلها كيما الملايكة تاع الانسان خفاف و لا ثقال هي مكانش منها مي حنا نقولوها ههههههههه.لالا كي عرفتني بغاتني مسكينة مي كنت نقلقها قاتلي كنتي تبانيلي زواخة و دايتها في روحك بزااااااف حاسبة روحك لانو انا مانهدرش حتا يهدرو معايا مي كي نهدر و نفهم العقلية ارواحي سكتيني ماعندي لا نقاط و لا فواصل .هذا وين شفت الرد سمحيلي بزاف بزاف

هههههههههههههههههههههههههه ربي يخليك ليا انتي وليليا وكامل لبنات

ايا صح قلت بلاك مزال تكرهك ولا نقولها انتي مهبولة نيشان ماقلتيها

لا معليش اهدري ديجا هدرتك حلوة ............ لا معليش لوقت لي نفحتلك ردي الموضوع موضوعك

اسلام انس · 2012-10-07, 19:14

ســــــــــــــي نــــــــــــــــورمال......... كرهت كل الناس .............وفي الاخير حبيت قاع الناس.....ومازلني احبهم

SOUSOU. DZ · 2012-10-07, 23:03

اقتباس:

المشاركة الأصلية كتبت بواسطة بن عمير 22

ســــــــــــــي نــــــــــــــــورمال......... كرهت كل الناس .............وفي الاخير حبيت قاع الناس.....ومازلني احبهم

هههههههه شابة هادي يعني معادلة

احبك الله

شكرا لمرورك جزاك الله كل خير

بنت غليزان · 2012-10-07, 19:28

سي نورمال مكانش اللي ماتصراش معاه
كيما كاين شي ناس كي تشوفهم بلا ما تحاكيهم يدخلو في القلب و كاين العكس
لكن هاد الشي ما يغرش لانو ممكن شخص ما يعجبكش يمون أحسن من الشخص اللي عجبك

SOUSOU. DZ · 2012-10-07, 23:04

اقتباس:

المشاركة الأصلية كتبت بواسطة بنت غليزان

سي نورمال مكانش اللي ماتصراش معاه
كيما كاين شي ناس كي تشوفهم بلا ما تحاكيهم يدخلو في القلب و كاين العكس
لكن هاد الشي ما يغرش لانو ممكن شخص ما يعجبكش يمون أحسن من الشخص اللي عجبك

اقتباس:

كيما كاين شي ناس كي تشوفهم بلا ما تحاكيهم يدخلو في القلب

كيما انااااااااا يخاه حشمتيني

وي صح عندك الحق حنونة

شكرا لمرورك وجزاك الله كل خير

soha1987 · 2012-10-07, 20:02

شكرا سوسو على الموضوع
الدراسات العلمية تقول كي تحبي انسان اعرفي بلي راكم ماكومش من نفس الطين لي تخلقتو منو لهادا تكون المحبة ولا كرهتي انسان عرفي بلي راكم مخلوقين من نفس الطين
اما انا تصرلي كاينين عباد نحملهم ونحبهم من اول يوم وكاينين عباد مانحملهومش خلاص وانا نفسر على حسابك واش قوتلك لفوق ولا على حساب قاعدة نتاع جدتي لي تقول لكان الانسان دخل قلبك ثمثم وحبيتيه راهو لملائكة نتاعو خفاف ولاكان كرهتيه وماحملتيهش راهو لملائكة نتاعو ثقال ههههه عندكم هادي ولالا؟

SOUSOU. DZ · 2012-10-07, 23:07

اقتباس:

المشاركة الأصلية كتبت بواسطة soha1987

شكرا سوسو على الموضوع
الدراسات العلمية تقول كي تحبي انسان اعرفي بلي راكم ماكومش من نفس الطين لي تخلقتو منو لهادا تكون المحبة ولا كرهتي انسان عرفي بلي راكم مخلوقين من نفس الطين
اما انا تصرلي كاينين عباد نحملهم ونحبهم من اول يوم وكاينين عباد مانحملهومش خلاص وانا نفسر على حسابك واش قوتلك لفوق ولا على حساب قاعدة نتاع جدتي لي تقول لكان الانسان دخل قلبك ثمثم وحبيتيه راهو لملائكة نتاعو خفاف ولاكان كرهتيه وماحملتيهش راهو لملائكة نتاعو ثقال ههههه عندكم هادي ولالا؟

اهلا وسهلا العفو اختي

ههههه دراسة شابة ممكن تكون صحيح

صراتلك ايا مليح مام انا هكدا

اقتباس:

كاينين عباد نحملهم ونحبهم من اول يوم

كيما انا هكدا اول ما قريتي موضوعي حبيتيني قولي قولي ماتحشميش

ربي يبارك في جداتك والله مام حنا نقولها

شكرا لمرورك وجزاك الله كل خير

soha1987 · 2012-10-08, 21:56

اقتباس:

المشاركة الأصلية كتبت بواسطة sousou. Dz

اهلا وسهلا العفو اختي

ههههه دراسة شابة ممكن تكون صحيح

صراتلك ايا مليح مام انا هكدا

كيما انا هكدا اول ما قريتي موضوعي حبيتيني قولي قولي ماتحشميش

ربي يبارك في جداتك والله مام حنا نقولها

شكرا لمرورك وجزاك الله كل خير

هههههههههههه ضحكتيني سوسو علاه نحشم ضرك نقلهالك نحببببببببببببببك يالحنونة والحاجة لي تعجبني فيك بزاف كلمات رام كاينين غير عندك كيما كلمة يخاه يخاه هههههه نتي لي تقوليها وتاني كلمة وي ديما لاصقة ماتنسايهاش خلاص ههههههههههه بلاك تزعفي مني راني اختك

ههههههههههههه

SOUSOU. DZ · 2012-10-08, 22:37

اقتباس:

المشاركة الأصلية كتبت بواسطة soha1987

هههههههههههه ضحكتيني سوسو علاه نحشم ضرك نقلهالك نحببببببببببببببك يالحنونة والحاجة لي تعجبني فيك بزاف كلمات رام كاينين غير عندك كيما كلمة يخاه يخاه هههههه نتي لي تقوليها وتاني كلمة وي ديما لاصقة ماتنسايهاش خلاص ههههههههههه بلاك تزعفي مني راني اختك

ههههههههههههه

ههههههههه ربي يدوم ضحك حنونة

ياعمري ميرسي مام انا نحبك بزاف بزاف ههههههههههههه يااختي حشمتيني مي لاباس راكي تعرفي عليا ومام تعرفي كلمات لي نقولهم ايا مليح لا كيفاش نزعف هادي هدر

ربي يخليك اختي

دوكا يزعفو اعضاء رديت عليك وهوما لالا مي راني مشغولة نحكي مع لبنات

مريم الصابرة · 2012-10-07, 20:10

السلام عليكم اختي سوسو
شوفي نبدا باللي نكراهم واللي نحبهم على جال نحبهم نخليهم فالتالي
نكره ناس بلاما نعرفهم وحتى ما دارولي والو من عند ربي مرات خزرتهم تخليني تقول نتيري عليهم مزيا ما جيتش بوليسية وحتى ما نقدرش نكره بلا سبب لكن شعور غامض
بالنسبة اللي نحبهم وراهم بالشكاير بزاف فالمنتدى نحبهم بلاما نعرفهم وحتى ما شفاهمش وماراحا نشوفهم ناس يدخلو للقلب ورجعو اهلي الحقيقين ربي يخليك ترتاح لناس وتكره ناس ممكن لأانهم مخلوقين يكرهوهم الناس والله ما على بالي شكرا

SOUSOU. DZ · 2012-10-07, 23:10

اقتباس:

المشاركة الأصلية كتبت بواسطة مريم الصابرة

السلام عليكم اختي سوسو
شوفي نبدا باللي نكراهم واللي نحبهم على جال نحبهم نخليهم فالتالي
نكره ناس بلاما نعرفهم وحتى ما دارولي والو من عند ربي مرات خزرتهم تخليني تقول نتيري عليهم مزيا ما جيتش بوليسية وحتى ما نقدرش نكره بلا سبب لكن شعور غامض
بالنسبة اللي نحبهم وراهم بالشكاير بزاف فالمنتدى نحبهم بلاما نعرفهم وحتى ما شفاهمش وماراحا نشوفهم ناس يدخلو للقلب ورجعو اهلي الحقيقين ربي يخليك ترتاح لناس وتكره ناس ممكن لأانهم مخلوقين يكرهوهم الناس والله ما على بالي شكرا

اهلاو هيلا ليليا نورتي

ههههههه اوكي ابداي منين تحبي

والله مام انا تصرالي بزاااااااااااف نشوفهم نكرز تاع الصح

مي لي نحبهم ماصبني كامل مايكملش الحديث بيناتنا

وادا على المنتدى والله كرااااااااف راني نقعد معاهم اكثر من مع دارنا

شكرا على مرورك جزاك الله كل خير