شكون لي الحق عليه

مشكلتي · 2012-10-01, 13:03

السلام عليكم ورحمة الله تعالى وبركاته

البارح ماما مسكينة طلعتلها لاطونسيون ظغط الدم وبزاف رحنا قسناها عند صيدلاني طبعا قالها بليك لازم تروحي لسبيطار وداومي عليه وكل يوم تقيسيها ومدلها التعيارات وليزاناليز المهم جينا لدار حبطها خويا وكلشي جات مليحة حمد لله
اليوم صباح ديتها انا لدسبونساغ ايا قعدنا قاسلها قالها اواه مادام مازالت طالعة مدلها دوا كي رحنا باش ندو الموعد ودير ليزاناليز واحد الفرملية قالتلها اووو لالا الحاجة ارواحي بعد يومين مالا انا شعلت وليت نعيط قلتلها واش حتى يموتو ويتشلو العباد باش نجيبهملكم ولا وش؟ ممبعد كي جينا خارجين غاضني الحال وغاضتني ماما بقيت هكداك شاعلة في روحي زدت شعلت في طبيب قالنا مالكم وليت نهدر بلعياط ايا قالي انسة متعيطيش هدري بلعقل الهدرة مع يماك غاضني الحال والله ممبعد بسبب كي عيطت وكلشي فوتوها دارولها ليزاناليز ماما كي جينا لدار انبتني قاتلي كنتي تهدري بظرافة قلتلها مقدرتش نتحمل الاستفزازات وطلبت مني ماما باش نطلب الاعتدار من الطبيب وافقت
دوك نتوما في رايكم انا غالطة ؟

aihemsara · 2012-10-02, 09:09

الخطا كان منك و ماماكي عندها الحق و هاذي ما تحتاجش يقولولك عليها الناس

الورود المنسية · 2012-10-02, 10:43

انتي عندك الحق
خاطر ما همش يخدموا في خدمهم

ريحانتي · 2012-10-02, 11:14

هادوك قتالة مشي اطباء ختي
عندك الحق يعاملو البشر كي الحيوانات
الله لا تربحهم

~~tinza~~ · 2012-10-02, 11:24

عليك بقرائة كتاب
ابراهيم الفقي رحمه الله
فن ادارة الغضب

بسمة العمر · 2012-10-02, 11:57

انت عندك الحق و امك تان عندها الحق.......عادي درتي واجبك اتجاه امك و كنت مضطرة ...لوكان ما درتيش هكدا كان ماجازتش....لكن الاعتذار مافيها والو

حياتي نبع امل · 2012-10-02, 12:15

شوفى انت وضميرك

بلال الرومنسي · 2012-10-02, 22:28

الستِ انتِ صاحبة مواضيع ( اختي تحب رجلا متزوجا ) ؟؟؟؟؟؟؟؟؟؟؟؟؟

2 - معندكش الحق لانك بنت والبنت لاترفع صوتها حتى تبقى بنت وعندها انوثة وليست
** طرزان **

حضنية28 · 2012-10-02, 22:39

يا اختي بصراحة عندك حق لوكان مهدرتيش لوكان معقبوش ماماك والله نتاع السبيطار تحيري فيهم المهمديري كيما قاتلك امك واعتذري للطبيب واش ديريلازم السياسةوالضرافة

karim.dz · 2012-10-02, 23:03

بغض النظر عن انك امراة وبغض النظر عن الظرافة
في بلادنا لازم هكذا وياربي باش تفرى فالبلدية فالسبيطار هووما ماعلابالهمش بالناس
ونهار يكوتو يقولك غلطة قدر الله وما شاءفعل ....
ونزيد نقولك لوكان مااستعملتيش هذاك الاسلوب عمرك ماتجوزي
عندك الحق مليون بالمئة ....

~~غليزاني 26 سنة~~ · 2012-10-02, 23:41

اين المشكلة لا توجد اي مشكلة هنا

ryma la cool · 2012-10-03, 09:11

walahh okhtii hadhokkkk wkilhomm rabiiiiiiiiiiiiiiiiiiiiiiiiiiiiii akidd antii bikk mamakkk besahhhh wesh ndirooooo maahomm hasbi alaah w naama lwakill fihomm

دلال بنت الرجال · 2012-10-03, 09:28

اظنك على حق فهؤلاء الناس ماتت قلوب بعضهم فلا يحركون لأنين شخص او حياته او موته
مرة صديقة لي قالت انها رأت شخصا يحتضر و الممرض بجانبه فلم يكثرث له حتى توفي، يعني والف الامور هاك ...بل مات قلبه...العباد تموت وماعلابالهمش بيهم......لو على الدراهم و الاضراب يولوا ناشطين و يديروا الاضراب و ينجحون و شخص مريض و الله ما علابالهم بيه.............زيدي الدوا يخبوه لحبابهم و صحابهم و ناس المعريفة و المريض الفقير يقولولوا مكاش الدواء..........الحمد لله كاين رب يحاسب..حسبنا الله و نعم الوكيل في كل ظالم...........و لو جاو متربيين وناس نتاع حياء نقولك ظلمتيهم لكن مليحلهم هاك حاشا فئة قليلة راهي تخاف ربي منهمو في بلادنا ليا ما عيطتيش عليهم ما تقضيش صوالحك...فحسننا فعلتي و نسأل الله الشفاء لامك و لجميع مرضى المسلمين

بلسم غرام2018 · 2012-10-03, 16:49

I3tadyryyyyyyyyyyyyyyyy