بين من يحبني ومن احبه ....من اتبع

linda landaucha · 2012-09-05, 17:07

سلام الله عليكم
اخوتي في الله لم اجد الا هده الصفحة تحمل ما يدوور في خاطري
ولا اضن هناك من سيسمعني من دونكم
ارجووكم ارشدوني الى الصح حسب تجاربكم فانا فتاة في سن 18.........لا ازال لا اعرف في هده الحياة شيئ
كل ما في الحكاية انني ....
فجأة وجدت نفسي بين قرارين او خيارين....
الاول..هو ..الدي احبه ..
الثاني من يحبني.......
رغم ان الدي احبه كنا على علاقة نوعا ما ...ولكن بسب دراسته هدا العام في البكالوريا ..اردنا قطع التواصل بينناا من اجل دراسته ....ولكن بعد نجاحه في البكالوريااا.............لم يكن شيء مما قاله.....ورغم هدا لا اخفي عنك مزلت انتظره.....ومتعلقة به...
اما الدي يحبني....
فهو ابن عمي ويكبرني ب 4 سنوات ولله مقبووووووووول من كل النوااحي.........بل واي فتاة تتمناه...هدا العام يتخرج من الجامعة مهندس معماري.....ولكنني ....لا ارفظه وفي نفس الوقت اخاف ان لا يلين قلبي له.........(رغم انني لم اعرفه الا حديثاا....وهو ابن عمي من بعيد..)...
اخااف اظلمه واظلم نفسي .............ارجوووووووكم ارشدووني
............................
ولكنني احترت بين من اتبع ....من احبه...ام من يحبني.....لم افهم من سيريحني حقا في حيااتي
ارجووكم ان تنصحوني اكثر من ان تأنبووني..........

ارجووكم سااعدوني وافدوني ....ومن لم يفهم شيء ساوضحهه له فقط يظع السؤال
وجزاكم الله كل خير

انا حبة سكر · 2012-09-05, 17:36

اولا حبيبتي واختي انتي مزالتي صغيرة كملى قرايتك ومنبعد يفرج ربي
بصح كيما راني نشوف تحبي الحل محبيتيش واحد يفتي عليك يعني راكي علبالك في كلش انا نقولك
ادي الى يحبك ومتديش الى تحبيه وزيد الى تحبيه او راح واش باقية تستناي فيه فيق لعمرك وزيد ولد عمك تعرفي عليه كلش قوليلو ارواح حط عليا الكلمة وزيد كمل قرايتو اما الى تحبيه او راح فارح بروحو ومزال يقرا ومنبعد يحوس على خدمة ووووووووو مكلاه دخلي روحك في دوامة
ادي الى يحبك بصح قوليلو يحط عليك الكلمة
راني نهدر معاك كي اختي الصغيرة

linda landaucha · 2012-09-05, 19:24

اقتباس:

المشاركة الأصلية كتبت بواسطة انا حبة سكر

اولا حبيبتي واختي انتي مزالتي صغيرة كملى قرايتك ومنبعد يفرج ربي
بصح كيما راني نشوف تحبي الحل محبيتيش واحد يفتي عليك يعني راكي علبالك في كلش انا نقولك
ادي الى يحبك ومتديش الى تحبيه وزيد الى تحبيه او راح واش باقية تستناي فيه فيق لعمرك وزيد ولد عمك تعرفي عليه كلش قوليلو ارواح حط عليا الكلمة وزيد كمل قرايتو اما الى تحبيه او راح فارح بروحو ومزال يقرا ومنبعد يحوس على خدمة ووووووووو مكلاه دخلي روحك في دوامة
ادي الى يحبك بصح قوليلو يحط عليك الكلمة
راني نهدر معاك كي اختي الصغيرة

ربي يخلييك حبوووووووووبة .................ان شاء الله ميكوون الا الخيير

فتـ حييةـاة · 2012-09-05, 17:55

https://www.djelfa.info/vb/showthread.php?t=974696

dina.labelle · 2012-09-05, 19:48

kima 9aloulek eddi li y7ebek w matedich ili t7ebbih

دموع24 · 2012-09-05, 21:32

ادي الي احبك وديرو الخطبة وربي يوفق ان شاء الله

l'etoilebrulée · 2012-09-07, 18:54

هادي ما فيهاش هدرة قاع
بصح قبل كل شيء انت تبعي قرايتك خير لك و من قاع هاذ الهموم و التخمام
وراكي تقولي اللي تحبييه خلاص طار و واش راح تستناي منو ,و حتى لوكان رجع, كيما يقولو الدي اللي يحبك على خاطر اللي تحبيه قادر يخليك من أجل اللي يحبو
وأتمنى أن يكون كل هذا في اطار الشرع

بحجابي أنا نجمة في السماء · 2012-09-07, 19:22

خودي الي يحبك واخطي الي تحبيه

شكون يضمن رح يجي يخطبك ؟؟؟؟؟؟؟؟ راكي تغامري بحالك
واصلا هو غير العام هذا الباك مزاااااااااال

وانتي كملي قرايتك خيرلك حنونة مش رح تندمي والله
ديري مستقبل عروحك وماتخممي بوالو

وكيما قتلك الي يحبك خير حتى اذا كتب ربي وجمع بيناتكم
باذن الله رح تحبيه
هو اصلا الحب يجي بعد الزواج على الاقل راك في الحلال

علبالك انو الي يبنى على الحرام مايصلحش ابدا
المهم تهلااااااي في روحك وخممي مع نفسك ورح تدركي علبالي بيك فحلة

ربي يسهلك اااااامين ياربي

سميحة.لد · 2012-09-08, 21:27

ايدا شايفاتو انسان صالح متضيعيش الفرصه وزيد بالاكي تحكي على هاداك الشخص اصلا جابلي ربي هادي غير فترة مراهقه هادا ماكان طيشي عليك هاديك لحكايه وعيشي حياتك مع ولد لحلال الي يدق الباب ...

عذراء الجبل18 · 2012-09-10, 13:25

لوكان جات تصلح نقولك ديري استخارة نقولك بصح متصلحش مالا نقولك اقراي اقراي اقراي مزلتي صغيرة
واللي يحبك هو اللي يجي عند بابا دارك واللي يجبك هو اللي يخليك تحبيه وتكوني حبيبتو بالحلال
مالا اقراي واللي اثبت حبو ليك بقدومو لداركم وطلب يدك من والدك هذاك هو حبيبك
بالتوفيق في حياتك

emilie · 2012-09-10, 15:52

ربي معاك ان شاء الله

faty05 · 2012-09-10, 18:10

ما زلتي صغيرة على الاختيار
لا ذاك و لا ذلك
و من يحبك يتقدملك و يخطبك من والديك مش يشاورك انتي
سلام

soheib+206 · 2012-09-17, 14:55

لا أعرف شيئا في الحب و العلاقات ..... يرجى الاستعانة بكاش مسلسل تركي

أنا من رأيي أدي اللي يحبك و يموت عليك خير ماللي تحبيه و الله أعلم