|| ^_^شرح التحويلا ت الجامعية بالتفصيل^_^ ||

سطايفية بكل فخر · 2012-08-05, 15:58

السلام عليكم ورحمة الله تعالى وبركاته
نظرا لما يشهده المنتدى من حملة الاستفسارات عن التحويلات الجامعية
كتبت هدا الموضوع لشرح التحويلات
تبدا على بركة الله

1°,انواع التحويلات

هناك ثلاث انواع للتحويل
ّتحويل داخلي وهو تحويل من تخصص الى تخصص اخر في نفس الجامعة
ّتحويل خارجي بين الجامعات مثلا نتحول من تخصص في سطيف ونروح نقؤرا فالجزائر العاصمة
ّتحويل بسبب تغيير الاقامة هدا في حالة انتقال الطالب وتغييره للسكن يحول من ولايتو لقديمة الى جامعة الولاية الجديدة

2°.الوثائق المطلوبةّ

ّالنسبة للتحويل للطلبة الجدد
- إستمارات تحويل تسحب من المكتب المخصص للتحويل

-نسخة من شهادة البكالوريا

-نسخة مصدقة من شهادة الدراسة أو شهادة التسجيل

ّبالنسبة للطلبة القدامى

- إستمارات تحويل تسحب من المكتب المخصص للتحويل

-نسخة من شهادة البكالوريا

-نسخة مصدقة من شهادة الدراسة أو شهادة التسجيل

-نسخة من كشف النقاط

في حالة قبولهم عليهم ارفاق الملف بشهادة حسن السيرة والسلوك

ّباالنسبة للطلبة الدين غيروا الاقامة

اضافة للوثائق السابقة تضاف للوثائق بطاقة الاقامة الجديدة

3°,من اين نستخرج الوثائق

1)الاستمارات تستخرج من مكتب التحويل وكل جامعة وعندها طريقة عمل
ّهناك جامعات تمدهم للطلبة لي رايحين يحولو ليها يعني الجامعة الجديدة لي تمدها
ّهناك جامعات تطلب من الطلبة يجيبوهم من جامعاتهم القديمة يعني يستخرجةها من الجامعة القديمة
وهناك نوعين من الاستمارات
=لي تخص التحويل الخارجي وهدا نمودج عليها

او حملوه من هنا
https://www.4shared.com/office/03AThE...extern_1_.html

=لي تخص التحويل الداخلي وحملوا النمودج من الرابط التالي
https://www.4shared.com/office/bQGuWquZ/___online.html

وهناك موضوع للاخ bac _2012
وضع فيه استمارات التحويل 2012-2013 لجامعة سيدي بلعباس
www.univ-sba.dz/imp2012/imp3.pdf
زوروه لتستفيدو منه
اليكم رابطه
https://www.djelfa.info/vb/showthread...1#post11111315
2)شهادة حسن السيرة والسلوك تستخرج من عند رئيس القسم chef de département الدي ينتمي له الطالب

3)في حابة تغيير الاقامة تستخرج بطاقة الاقامة من البلدية

4)النسخ عن شهادة التسجيل وكشف النقاط وشهادة الباكالوريا يصادق عليها فالبلدية

4°,خطوات التحويل:

ّبالنسبة للتحويل الخارجي

1) يدهب الطالب الي الجامعة التي يريد ان يتحول اليها(الجديدة) مصحوب بالوثائق اللازمة ويتوجه الى مكتب نائب رئيس الجامعة وهو صاحب القرار فالرفض او القبول حسب الاماكن البيداغوجية الشاغرة عنده وحسب المعدل الدي يتطلبه التخصص .ادا وافق يوقع لك الاستمارة

2) تأخد هده الاستمارة مع -نسحة من البكالوريا الى رئيس الجامعة القديمة ليوقع لك فيها

3)تخرج ملفك كاملا (ملف التسجيل+ملف الاقامة+ملف المنحة ) من مصلحة الانخراط بالجامعة القديمة مصحوبا بشهادة حسن السيرة والسلوك ان كان الطالب قديم

4) تاحد هدا الملف وتدهب به الى الجامعة الجديدة وتدفعه وتسجل بها تقرا عادي

ّبالنسبة للتحويل الداخلي

هنا يتغير شيء واحد في مكان الانتقال بين نائبي رئيسي الجامعتين يصبح عميدا او نائبي عميدا الكليتين الجديدة والقديمة
بعد ما يوقعولو فالاستمارة ياخدها لنائب رئيس الجامعة ليوقع فيها

ويتحول ملفو عادي بين مصالح الانخراط للكليات ومصلحة الانخراط المركزية

ملاحظة هامة:
بالنسبة للتحويل الخارجي من ولاية لولاية ولكي يتمكن الطالب من الاستفادة من الاقامة الجامعية عليه ان يملك وثيقة تثبت دلك وهدا رد من الاخ مصطفة يشرح دلك

اقتباس:

المشاركة الأصلية كتبت بواسطة mostafa31

اللي حاب يبدل من جامعة لأخرى مثلا من سطيف الى وهران
لازم يكون يسكن في وهران ولا تكفية بطاقة الأقاامة لازم عقد الملكية تا ع البيت
وادا ما توفرتش
لازم شهادة عمل الأب او الام هادوا كافيين باش يبدل من جامعة لأخرى خاطرالاب وا الام راهم مستقريين ف هاديك الولاية الجديدة

وعليه قبل التحويل انتبهوا لنقطة الاقامة

نقلكم بلي فيها شوية جريات برك استحملو
ولي مفهمش اي حاجة يسال لانو السوال ماشي عيب
............................................
فالاخير
اتمنى اني الممت بجميع جوانب الموضوع وعرفت نشرحلكم
كما لا انسى شكر كل من اعطاني هدي المعلومات من ادارة جامعتنا الى اعضاء الجلفة هنا واخص بالدكر الاخ مصطفى31
ومتنساونيش بدعائكم الصالح
وسلام الله عليكم

سطايفية بكل فخر · 2012-08-05, 16:00

بالنسبة للتحويلات تبدا في سبتمبر
فقط بعض الجامعات بدات الان كجامعة الشلف
+
ىتحويلات ولاية تيارت

اقتباس:

المشاركة الأصلية كتبت بواسطة unit

تكوين الملف:
التحويل الخارجي :
- نسخة من شهادة التسجيل مصادق عليها
- نسخة من شهادة البكالوريا مصادق عليها
- ثلاث استمارات تحويل
التحويل الداخلي:
- ثلاث استمارات تحويل
فترة التحويلات:
- التحويل الداخلي: 02 إلى13 سبتمبر2012
- التحويل الخارجي: : 09 إلى20 سبتمبر2012
ولمزيد من المعلومات يرجى الدخول لموقع الجامعة جامعة ابن خلدون تيارت

+

للراغبين فالتحويل الى جامعة وهران اليكم موضوع الاخ مصطفى الدي سوف يجيبكم عن كا تساؤلاتكم
https://www.djelfa.info/vb/showthread.php?t=1061189

+

اقتباس:

المشاركة الأصلية كتبت بواسطة unit

جامعة عمار ثليجي بالأغواط
إعلان إلى طلبة السنوات المتقدمة أن عملية إعادة التسجيل للسنة الجامعية 2012/2013 قد حددت في الفترة الممتدة من 02/09/2012 إلى غاية 13/09/2012 وأن تاريخ إنطلاق الدروس بالنسبة للسنوات المتقدمة للسنة الجامعية 2012/2013 قد حدد بتاريخ 23/09/2012

المركز الجامعي بالوادي
يعلن مدير الدراسات لجامعة الوادي عن إنطلاق عملية التحويلات الجامعية لحاملي بكالوريا 2012 سيكون إبتداءا من 2 سبتمبر 2012

جامعة قاصدي مرباح بورقلة
*تنظيم الدخول الجامعي ( التحويلات وإعادة التوجيه ) 02/09/2012 إلى غاية 20/09/2012
*إنطلاق الدراسة 23/09/2012

جامعة 20 أوت 1955 بسكيكدة
*التحويـــلات بالنسبة لحاملي شهادة البكالوريا الذين يريدون تحويلا داخليا و تتوفر فيهم الشروط المحددة في المنشور الوزاري رقم 02 المؤرخ في 24 ماي 2012 و كذا نتائج المعالجة الآلية للرغبات ، فإن مثل هذه الحالات من صلاحيات مدير المؤسسة الجامعية، و قد حددت هذه الفترة من يوم: الأحد 02 سبتمبر 2012 إلى غاية يوم الإثنين 10 سبتمبر 2012.
*بداية الدروس 09/09/2012
*بداية الأعمال التوجيهية وإحتساب الغيابات 16/09/2012

ولمزيد من المعلومات والتأكد من صحة المعلومات يرجى الدخول لمواقع الجامعات المذكورة سابقا والمتواجدة في المرفقات

وللمزيد زورو موضوع الاخ على الرابطالتالي
https://www.djelfa.info/vb/showthread.php?t=1067258

+

اضف جامعة سطيف للطلبة الجدد
التحويلات الداخلية من9الى 13 سبتمبروتعلن النتائج في 20سبتمبر
التحويلات الخارجية من9الى 20 سبتمبروتعلن النتائج في 27سبتمبر
وثائق المطلوبة
نسخةمن الباك
نسخة من شهادة التسجيل
الاستمارات من الادارة

mostafa31 · 2012-08-17, 00:36

اقتباس:

المشاركة الأصلية كتبت بواسطة سطايفية بكل فخر

بالنسبة للتحويلات تبدا في سبتمبر
فقط بعض الجامعات بدات الان كجامعة الشلف
+
للراغبين فالتحويل الى جامعة وهران اليكم موضوع الاخ مصطفى الدي سوف يجيبكم عن كا تساؤلاتكم
https://www.djelfa.info/vb/showthread.php?t=1061189

merci pkppp
saha shourkom

بيلسان الجنة · 2012-08-20, 11:33

اقتباس:

المشاركة الأصلية كتبت بواسطة سطايفية بكل فخر

بالنسبة للتحويلات تبدا في سبتمبر
فقط بعض الجامعات بدات الان كجامعة الشلف
+
ىتحويلات ولاية تيارت

+

للراغبين فالتحويل الى جامعة وهران اليكم موضوع الاخ مصطفى الدي سوف يجيبكم عن كا تساؤلاتكم
https://www.djelfa.info/vb/showthread.php?t=1061189

سلام عليكم انا راني حابة نبدل لجامعة شلف ادا بغيتوا ربي وقتاش تكمل التسجيلات في جامعة شلف كي قلتوا بداو وتانيك نتاع تيارت وقتاش يكملوا
وحبيت نسقسيكم يقولوا ادا قبلونا في نفس النهار لي رحت ندفع فيه ولا لا
وتانيك مشكل الاقامة في شلف انا بابا وماما لزوج مايخدموش في شلف وتانيك ماعدناش سكن في شلف ومعدناش لافامي لتم قولولي واش ندير

سطايفية بكل فخر · 2012-08-20, 21:36

اقتباس:

المشاركة الأصلية كتبت بواسطة بيلسان الجنة

سلام عليكم انا راني حابة نبدل لجامعة شلف ادا بغيتوا ربي وقتاش تكمل التسجيلات في جامعة شلف كي قلتوا بداو وتانيك نتاع تيارت وقتاش يكملوا
وحبيت نسقسيكم يقولوا ادا قبلونا في نفس النهار لي رحت ندفع فيه ولا لا
وتانيك مشكل الاقامة في شلف انا بابا وماما لزوج مايخدموش في شلف وتانيك ماعدناش سكن في شلف ومعدناش لافامي لتم قولولي واش ندير

واش من شعبة حابة تلبدلي فالشلف
+
ادخلي للسيت تاع الجامعة لانو التحويلات راهي بالنت فالشلف

بيلسان الجنة · 2012-08-22, 19:48

اقتباس:

المشاركة الأصلية كتبت بواسطة سطايفية بكل فخر

واش من شعبة حابة تلبدلي فالشلف
+
ادخلي للسيت تاع الجامعة لانو التحويلات راهي بالنت فالشلف

شكرا اختي سطايفية راني حابة نتبدل للتخصص نتاع تغذية وعلوم غذائية
اذا بغيتي ربي قوليلي وشنوا هو السيتي لي ندخل فيه وشكرا اسمحيلي ادا غلبتك معايا

سطايفية بكل فخر · 2012-08-23, 12:00

اقتباس:

المشاركة الأصلية كتبت بواسطة بيلسان الجنة

شكرا اختي سطايفية راني حابة نتبدل للتخصص نتاع تغذية وعلوم غذائية
اذا بغيتي ربي قوليلي وشنوا هو السيتي لي ندخل فيه وشكرا اسمحيلي ادا غلبتك معايا

اه راهي تسجيل روطني سبق ورحت وين يقراو
اليك السيت وادا معطاولكش واش حبيتي فيه روحي ليهم في 2 سبتمبر للجامعة
https://www.univ-chlef.dz/uhbc/
هدا موقعها حوسي فيه تلقاي التحويلات

~~OmarDz~~ · 2012-08-05, 16:00

ربي يجازيك وفيتي بوعدك
جزاك الله ألف ألف خير و جعله في ميزان حسناتك
نتمنى نكون صديقك في المنتدى

~~OmarDz~~ · 2012-08-05, 16:02

سطايفية حسن السيرة منين نجيبها
علما أني أعذت السنة ما قريتش كامل و مابلوكتش تحشاتلي للأسف

سطايفية بكل فخر · 2012-08-05, 16:04

اقتباس:

المشاركة الأصلية كتبت بواسطة omardz

سطايفية حسن السيرة منين نجيبها
علما أني أعذت السنة ما قريتش كامل و مابلوكتش تحشاتلي للأسف

تروح تسجل عامك نورمال فالكلية لي تقرا فيها وتقلقلهم بلي راك رايح تحول ثما يزيدو فهوك

+
لما يقبلوك فالتحويل تروح لعميد الكلية تاعكم ولا نائب تاعو هو يعطيهالك

سطايفية بكل فخر · 2012-08-05, 16:03

الحمد لله الدي قدرني على الوفاء به
+
رانا عائلة واحدة اخي اي سوال عندك تفضل بيه

~~OmarDz~~ · 2012-08-05, 16:18

ربي يجازيك وفقك الله وسدد خطاك

سطايفية بكل فخر · 2012-08-05, 16:27

اللهم امين شكرا

wissem setifienne · 2012-08-05, 17:14

ربي يجازيك اختي
مكتب التحويلات وين يكون؟

سطايفية بكل فخر · 2012-08-05, 17:16

فالريكتورا (رئاسة الجامعة)