لأجل أمي

[مشكلتي]

الآن وبعد تفكير قررت ان أطرح مشكلتي التي ربما لا تثيراهتمامكم
مشكلتي هي أمي احبها كثيرا لكن لا تصلي احيانا تصل إلى أكثرمن شهرين بدون صلاة و كي نسكسيها تقولي واه صليت بالرغم من انها تروح تصلي و لكن نحوسها غير باش تتلاقا بصحاباتها و بابا ميدخلش روحه و ماما ناس كامل يبغوها و يشكروها و توقف مع ناس كامل و دير الخير بزاف و شحال من خترا نجبدلها على صلاة غي نهدرلها عليها و على اهميتها و تهدرلي و نسيبها عارفة بزاف معلومات و نحشم نجبدلها و نقولها علاه متصليش لاخاتر تقعد ماما و لازم كيما تكون نتقبلها و تاني مشي متخدا قرار انا و ختي تقلنا لهدرة في وجهنا زعما حاجة ما تعجبهاش بصح ختي لكبيرة مفهمتش انا ختراتش تبانلي تخاف منها المهم اعتوني حل و دعولها ربي يهديها و شكرآ

[elise]

الله يهديها و يهدي جميع امة محمد

[imyseb]

الله يهديها إن شاء ....
الحل أنك تحكي لها عن الدين و فائدة الصلاة و كذا عقاب تارك الصلاة ....
الله يسهل لك هذا .

[keltoums]

الله يهدي جميع المسلمين

[رجاء الرحمة]

السلام عليكم
بارك الله فيك على هذا الموقف
إكثري من الدعاء لها واطلبي منها أحيانا مرافقتكي للصلاة في المسجد أو الصلاة جماعة خلف الوالد
لاتجادليها وإنما بالتي هي أحسن
وفقك الله

[sheherazed]

rabbi yehdiha w yehdina kamel


okhti lhal mochkiltk f do3a2

[ناشدة السؤدد]

حاولي بقدر المستطاع أن تصلي أنت و أخواتك جماعة في البيت و احرصي أن تراكن تفعلن ذلك و شيئا فشيئا اطلبي منها أن تصلي معكم أو تؤمكم

و الله ولي التوفيق

[« أبْجَدِيَّاتْ »]

السَّلاَم عَليكُم وَ رحمةُ الله ،
بارَكَ الله في حِرصِكِ وَ سَعيِكِ لنُصحِ وَالِدَتكِ أختي، وَ ثبَّتنَا الله وايَّاكِ علىَ الدِّينْ..
حَاوِلي أنْ تُجَالِسِيهَا بمُفرَدِك كُلَّمَا سمحَتْ لكِ الفُرصْ لِتُحدِّثيهَا عَنِ الصَّلاَةِ و قيمَتِهَا وأحداثٍ مِن سيرَة النَّبيّ ( عَليهِ الصَّلاة وَ السَّلام ) وَ الصَّحَابَة ( رضوَان الله عَليهِم ) ، فَقدْ يُؤثِّرُ فيهَا خِطَابُ العَاطِفَة فَتُحَبِّبي إليهَا الصَّلاَة . اِلتَمِسي مِنهَا الدُّعاءَ لكِ في صَلاَتِهَا كُلَّ مَرَّة . و حِينَ يَكُون وَالِدُكِ في البَيت أوقَاتَ الصَّلاَة ، اغتَنِمي وُجُودَه وَ اطلُبي مِنهُ بلُطفٍ أنْ يُصَليِّ بِكُم صَلاَةَ جمَاعَة حتىَّ لاَ تَجِدَ أمَّكِ عُذرًا لِلتَّهرُّبِ مِنَ الصَّلاَة . أمَّا إنْ لم يَكُن في البَيت، فَاسألِيهَا أنْ تُصلِّيَا معًا جنبًا إلىَ جَنبْ ، وإذَا اِستَغرَبَت منكِ تَصَرُّفَكِ ، أخبِريهَا أنَّ مَا مِنْ أوقَاتٍ أجملُ منْ تِلكَ التيِّ تقضِيهَا الفتاَةُ وَ أمُّها في الطَّاعَة . ولاَ تَنسَي التَّضرُّعَ إلىَ الله بِالدَّعَاء لهَا في هذِه الأيَّام المُبَاركَة ، عَسَى أنْ يهدِيَها الله وَ يُصلِحَ حَالهَا .

[BAROUD]

اواه
اللعب ف كل شيء غير الصلاة لالا

هي الفيزا تاعنا نهار نموتوا كل واحد يلزم يحرص عليها باش يفوت si non هو و الكافر اللي يشرب الخمر و يسرق و يزني و ياكل حق الناس راهم زي واحد

حاولي معاها حتئ تمل و ما تنساش قضاء الصلوات الفائتة راهي الحالة صعيبة و الله واش يسلك

[**د لا ل**]

ربي يهديها يااارب

انصحيها دائما ولا تتقاعسي ابدا في نصحها

مرة و2 و3

ولا تنسي الدعااء لها دائما بالهداية

وربي باذن الله يتقبل منك ويجازيك خيرا على برها

[Rachid_ HD]

الله يهديها و يهدي جميع امة محمد

[أم عبد النور]

السلام عليكم

أولا ندعولها ربي يهديها

كاين بزااف من هادوا الكبار متقاعسين في الصلاة أو تركينها أصلا

لأنهم مكبروش مع صلاة لضروف حياتهم استعمار-جهل بثقافة الدينية

وحتى كي كبروا وجدوا لي ينصحهم ويعلمهم صلاة وخالتي واحدة

منهم طول حياتها مصلاتش حتى لي فاتت خمسين وحتى لي زعفوا

منها ولادها عدة مرات أما ان والله ما تترك فرض وفي وقته وخلفت

كل لي فاتها وحجت عام الماضي الحمد لله ربي يهدينا أجمعين

ابقى حريصة عليها على صلاة وصلوا جماعة وربي يعاونك

[wafa kabylie]

بارك الله فيك اختي
اما على امك ادعيلها ربي يهديها ان شاء الله

[~~نهال~~]

لازم تهدري معاها و تصري لانها امك و تحبي مصلحتها اذن تحدثي معها و شوفي حد ياثر فيها يقدر يهدر معاها

[قابضة على الجمر]

قوليلها اذا كنتي تحبيني صلي باش يجمعنا ربي في الجنة تبدا مع الاول تصلي على جالك و من بعد تعرف بلي قيمة الصلاة و تعود تصلي لربي