تخلطتلي و حتى واحد ما جاوبني لحد الان

[souhilasky]

السلام عليكم و صح فطوركم

الحاجة لي تخلطتلي و تلفتلي فيها التخصص تاعي اداب و لغة انجليزية في مستغانم.. لسنين لي فاتو كانو يقراو الانجليزية في جامعة ليطا و يامس سمعت بلي حولوها راهي فال 1005 كتبت موضوع نسقسي فيه الي من مستغانيم بالصح و الله واحد...باش يقولو كلمة تقول يموتو ..
انا مانيش باغية الجامعة هاذي تاع 1005 كون نصيب الانجليزية فيها ما نقراش ثما بعيدة عليا و ما نتحملهاش..
قولولي الترونسفار كون نديرو نقدر؟؟ يعني نقدر نبدل التخصص و نديرو اسبانية ولا لا؟

[kader 13]

نعم تقدري لكن لا تنسي معدلك
بالتوفيق

[asma mosta]

حنونة لي تا ولا 1005 كامل كاين الترونسبور في مستغانم وكاين الطاكسيات تاع البريفي غير تعيطيلو يكون عندك غير ماتخافيش وهاد العام بزاف مدولهم اسبانية مانعرف ادا يقبلوك وربي يكون معاك

[souhilasky]

المعدل تاعي 13.15 و معدل القبول للاسبانية 10 ..انجليزية وى اسبانية نبغيهم لزوج على ذاك اي وحدة فيهم مقبولة بالنسبة ليا ان شاء الله هوما يقبلوني
ختي اسماء عندك الجق كي ليطا كي 1005 مادام كاين الترونسبور بالصح الحاجة فات فيها طاحت من قلبك صايي
انا قبل الا نقرا فال 1005 كرهتها شتى يفوتلي 3 سنين ولا كثر فيها

صحيتوووو

[zaki_moh_amir]

يا ختي انا ماعندي ما نقلك
مي وش راح ديري هاذي هي حال بلادنا يحبو يهرجو الغاشي هدا ماكان
انت المهم سجلتي في الجامعة و الاقامة انا كي رحت ما استفدت والو من سوى تضييع بطاقة التعريف الوطنية
ربي يهديهم هذا ماكان

[souhilasky]

ما وليتش و حوست عليها؟؟ حنا فوضى كبيرة صرات و الناس دخلو لمكان التسجيل و بداو يقيسو فالدوسيات تاوعنا
نهار يامس قاع ما ننساهش ...عرفت بلي الجزاير 0

[امام الرضا]

المشاركة الأصلية كتبت بواسطة souhilasky

ما وليتش و حوست عليها؟؟ حنا فوضى كبيرة صرات و الناس دخلو لمكان التسجيل و بداو يقيسو فالدوسيات تاوعنا
نهار يامس قاع ما ننساهش ...عرفت بلي الجزاير 0

عندك الحق اختي انا جايت سجلت عندكم نهار السبت يالطيف الغاشي بزاف قعدة 4 ساعة باش سجلت اختي بقي نسألك لاقامة وين جاي جديد

[محفوظ البسكري]

انا عطاوني اسبانية وماني عارف و ين نسجل

[mangosteen]

المشاركة الأصلية كتبت بواسطة محفوظ البسكري

انا عطاوني اسبانية وماني عارف و ين نسجل

قتلك في الـ 1005

[mangosteen]

أوووه راكي كي حالتي ... انا نسكن في pipiniére ، وين انا وين الـ 1005 هاذي
كان حاسبالي نقرا في ليطا بصح اليوم كي سقسيت وتأكدت بلي طيرونا للـ 1005 نغميت
ماشي موالفة قاع البعد أنا

بصح نتي مع المعدل تاعك نظن يقبلولك الترونسفار وربي يسهلك

[souhilasky]

المشاركة الأصلية كتبت بواسطة mangosteen

أوووه راكي كي حالتي ... انا نسكن في pipiniére ، وين انا وين الـ 1005 هاذي
كان حاسبالي نقرا في ليطا بصح اليوم كي سقسيت وتأكدت بلي طيرونا للـ 1005 نغميت
ماشي موالفة قاع البعد أنا

بصح نتي مع المعدل تاعك نظن يقبلولك الترونسفار وربي يسهلك

هاذا السك*يب تاعي
skay.souhila

[« أبْجَدِيَّاتْ »]

و عليكُم السَّلاَم و الرَّحمة ،
وصحَّ فطُوركُم و سحُوركُم ،

عَندَك المُعدَّل 13,5 ومُعدَّل القُبُول في الاسبَانيَّة 10 ،
و زِيد الجَامِعَة الليِّ باغيَة تديري ليهَا ترونسفَار يُدرَّسْ فيهَا نفسْ التَّخصُّصَاتْ ،
نتيجَة : ديري التّرونسفَار و ما تخَافيشْ ، مقبُولة انْ شاءالله أختي ،،
التّرونسفار يتمّ في سبتمبر ، بعد ما تسجّلي في 1005

مُوفّقة ،

[souhilasky]

المشاركة الأصلية كتبت بواسطة « أبْجَدِيَّاتْζ »

و عليكُم السَّلاَم و الرَّحمة ،
وصحَّ فطُوركُم و سحُوركُم ،

عَندَك المُعدَّل 13,5 ومُعدَّل القُبُول في الاسبَانيَّة 10 ،
و زِيد الجَامِعَة الليِّ باغيَة تديري ليهَا ترونسفَار يُدرَّسْ فيهَا نفسْ التَّخصُّصَاتْ ،
نتيجَة : ديري التّرونسفَار و ما تخَافيشْ ، مقبُولة انْ شاءالله أختي ،،
التّرونسفار يتمّ في سبتمبر ، بعد ما تسجّلي في 1005

مُوفّقة ،

ان شاء الله يا ربي...شفت فالقسم هاذا وحدة قالت باش ما تصعابش منبعد كي تتحول هاذا الا ربي وفق قالت ما ندفعوش ملف المنحة حتى لمنبعد يعني في سبتمبر...ندفعو ولا لا؟

ربي يحفظكم كامل

[روعة الوجود]

السلام عليكم

أختــــي هل هل لديك معلومات عن كلية الطب الجديدة ؟؟

[« أبْجَدِيَّاتْ »]

المشاركة الأصلية كتبت بواسطة souhilasky

ان شاء الله يا ربي...شفت فالقسم هاذا وحدة قالت باش ما تصعابش منبعد كي تتحول هاذا الا ربي وفق قالت ما ندفعوش ملف المنحة حتى لمنبعد يعني في سبتمبر...ندفعو ولا لا؟

ربي يحفظكم كامل

آمينْ.. و يحفظك أختي . ملفّ المنحَة تقدي تدّفعيه في سبتمبر عاَدي ،
ماشي شرط دُركَا . سقسي برك ع المدّة المخصَّصة لدفع الملفّات في سبتمبر
باش تزربي تحطّيهم و تضمني ليك غُرفة في الاقامة الجامعيَّة .
وربيّ يسهّلك انْ شاءالله ،