مشكلتي ؟

[مشكلتي]

هي في الحقيقة مشكلة تنقسم الى فرعين

الفرع الأول هي جارتنا تأتينا كل يوم في المساء ...هي لو تاتي مسالمة ...نورمال لا توجد مشكلة بمجرد دخولها تختلف مع الدتي
و تسمعها الكلام حتى تكره والدتي و قلبها تملؤه لها ....ووالدتي قلبها طيب ما تقدرش تقولها ما تجينيش .....نحن أبناؤها
و الله والدنتا تغيضنا بزاف ......
و المشكلة الثانية هي إبنتها و البالغة من العمر تقريبا سنتين و انتم تعرفون أطفال هذا السن نعيش معها الحرب العالمية الأولى و الثانية الطفلة مشي مربية تلمس و تكسر كل ما تجده في طريقها مرة نسحبها من تحت السرير و مرة نجدها في الخزانة الحائطية للمنزل
و مرة داخلة للثلاجة و مرة داخلة لحوض المياه في حديقة المنزل و الإعتراض معناه حضر نفسك لسلسلة من السباب من الطفلة الصغيرة ، صدقوا إشترينا لها ألعاب حتى تنشغل بهم لا فائدة
كرهتلنا حياتنا كل يوم نحن في نفس المشكلة
و لما يكون قريب وقت صلاة العشاء يعيني وقت الدهاب الى المنزل ، تتقرب مني الطفلة الصغيرة و تقولي بكل براءة سامحيني شومية (يعني سمية ) ههه

اتمنى ان تعطوني الحل

[المارد الجنوبي]

الحل بدلو الدار ولا اهجروا من لبلاد

[الواثق]

الحل الوحيد هو التأقلم مع الوضع مع بذل النصيحة ومراعات الجار قدر المستطاع ...........والله الموفق

[da3dou3]

ههههههههههه عمبالك كي جاتك و قاتلك سامحيني و الله و احد مايقدر يديرلها والو بكلمة سامحيني تغلبك اما الفرع الاول هو انكم تقولو للوالدة تعكم ماتعمرش راسها بجارتها كيما يقولو وذن سمعت و وذن مسمعتش. بالتوفيق.

[lilou f lilou a]

ربي معاكم وربي يعاونكم عليهاااااااااااااا
لي متربي متربي

[sarielle]

و هادي جارتكم من النوع اللي يستقبل في الصالة ولا .......الدار دارها كيما نقولو؟؟

( باب الصبر في الأذى )
ورد في الصبر على الأذى حديث ليس على شرط البخاري ، وهو ما أخرجه ابن ماجه بسند حسن عن ابن عمر رفعه المؤمن الذي يخالط الناس ويصبر على أذاهم خير من الذي لا يخالط الناس ولا يصبر على أذاهم وأخرجه الترمذي من حديث صحابي لم يسم .


الصبر عن الاذى أي حبس النفس عن المجازاة على الأذى قولا أو فعلا ، وقد يطلق على الحلم ( وقول الله - تعالى - : إنما يوفى الصابرون أجرهم بغير حساب ) قال بعض أهل العلم : الصبر على الأذى جهاد النفس ، وقد جبل الله الأنفس على التألم بما يفعل بها ويقال فيها ; ولهذا شق على النبي - صلى الله عليه وسلم - نسبتهم له إلى الجور في القسمة ، لكنه حلم عن القائل فصبر لما علم من جزيل ثواب الصابرين وأن الله - تعالى - يأجره بغير حساب ، والصابر أعظم أجرا من المنفق لأن حسنته مضاعفة إلى سبعمائة ، والحسنة في الأصل بعشر أمثالها إلا من شاء أن يزيده ، وقد تقدم في أوائل الإيمان حديث ابن مسعود الصبر نصف الإيمان

[امة الله المسلمة5]

واش لازمك ديرري اصبري وكبري بالك

ول وجهيلها كلام غير مباشر يكون ليها بصح لازميكون بلين واش متحس بلي راكي تحاوزي فيها

اما بخصوص الطفلة راها صغيرة وماديريش عقلها لعقلك راها متعرفش

وهذا واضح معندهاش دراري صغار تلعب معاهم في بيتهم او في بيتكم لذا تعمدت دير كيما هكا واش تلعب معاك الغميضى

والله صح كاين دراري تلقيهم يحبو يلعبوا بالالعاب وكاين اخرين يحبو التلفاز والاناشيد وكاين دراري يحبو يتخبو في اماكن واش تلاحقيهم وهوما تاني لاقين المتعة كي تكون تلاحقي فيهم


الله يعينك وخلاص

اصبري اصبري اصبري واحتسبيه لوجه الله


شوفي رسولنا وقدوتنا كان جاره يهوديا وكان دائما يرمي عليه في الاوساخ امام بابه وكل هذا اوصانا الرسول بالجار

وانظري الى صبره

[مريم الصابرة]

السلام عليكم اختي ربي يكون فالعون حقيقة والله ضحكت لما قريت الموضوع حاشا ماشي نستهزا بمشكلتك لالا تخيلتك تكري فالطفلة من تحت السري نقولك انا صدافتني نفس المشكلة تقريبا أنا مريضة وما نقدرش نتحرك بزاف وعندي جارة يعني واش نحكيلك ممكن جارتك ربع من جارتي وكل يوم تجي تحكي صوالح تافهين وكيما قلت تعمر القلب برك وعندها ولد يا ختي واش نقولك لا علاقة بالتربية وحش صغير وارواحي ليا انا شعال عاقلة ونساعف تضربو قدامها ونورمال ويعجبك الحال كامل ما تقولوش ريح والو عادي عندها ايا ولات منين تجي نقولها يمى ما راهيش هنا وانا قدامها نقفل الباب زعمى رايحة تروح مرتين ثلاثة فهمت روحها ربي يسامحنا الجيران على العين والراس لكن هذا النوع اله لا جاورني ههههههههه ربي يكون معاكم

[دكتورة بإذن الله]

جارتكم و بنتها ...هذا الشبل من ذاك الاسد ..

على حساب الشوفة انتم حليتولها العين لذلك استحملوها فوق قلبكم و راني حاسة بيك انها مزعجه

ماعندي مانقلك

الرسول وصانا على سابع جار

احمدي ربي انها ماترقدش عندكم

والطفلة الصغيرة احتويها العبي معاها معليهش صغري عقليتك كوني طفلة

و اي سلوك ديرو سلبي اقلبيهلها بسلوك ايجابي لانو راهي في طور النمو

و تذكري ان الاطفال اذكياء..

وثاني تقدري تولي صحبتها ..

ارسمي معاها ..اتفرجي معاها ميكيات ألعبي معها غميضة .. واش ديري استحمليها

اما امها مانعرف واش نقلك

و ربي يجيب الخير يااختي و راني عرفتك ياصاحبة المشكلة

و ربي يرزقك زوج صالح و تتفكي من جارتكم لي تصرعكم بالهدرة

مع التحية

[نور اليقين جيداء]

هههههههههه عادي هدي ر اهي كامل احنا كامل جوارينا الدار دارهم كي جوا عندنا تقول هوما امالين الدار و سعو خاتركم و خلاص رو حاولو تغلقو البيوت لي يكونو فيهم الحوايج التقال كيما الصالون ............. وحدهم يعقالو و لا كي جو عندكم ديرو شغل متجمعوش مهاهم و حدهم يفهمو رواحهم و يخرجو
و طفلة تكبر و تستعقل
ربي معاكم

[السَّحابة البيضاءْ]

ربي في عونكم


والطفلة الصغيرة علاش حتى تقولي عليها مش مربية ؟ عادي الاطفال كامل يخسروا ويفسدوا بالاك انتوما مش متعودين على الاطفال المشاغبين برك

[رُوح طِــஐـــفلة]

يخي جيران يخي
كون جيت في بلاصتك كون راني نديرلها كيما ديرلي يعني نحاربها بسلاحها
هبليها كيما مهبلاتك هي وشوفي النتيجة
واذا ماصلحتش معاك هزو قشكم وارحلوا من الدار ههه

امزح
ربي يعينكم اختي
استحملوها شوي واكيد رح تكره وحدها
اما على الطفلة الصغيرة فهاذي طباع الاولاد كلهم مشاغبين هكذا
ربي يكون فالعون
سلام