استفسار ...............الله ينجحكم ادخلوا

محب الرياضيات · 2012-06-26, 11:00

عند الفوز بالبكالوريا 2012 ان شاء الله

ياتي التسجيل الاولي عادي .............في الانترنت ....ندير الرغبات

مثلا يقبلولي رغبة مدرسة عليا للاعلام الى

التسجيل النهائي ...نطلع للعاصمة نسجل في المدرسة

اما لا

في ذلك الوقت مان نديرش التسجيل البيداغوجي و ملف الاقامة وملف المنحة حتى الدخول الجامعي

او ماذا

اما بالنسبة للصك المشطوب ......قالولي في لابوست لازم تجيب شهادة نجاح في البكالوريا

او شهادة مدرسية من التكوين المهني اواواواواو كلها ليست عندي ولا املكها

ماذا افعل

محب الرياضيات · 2012-06-26, 11:05

............................................

selma star 23 · 2012-06-26, 11:06

je ne sais pas
mais peut être en vas nous expliqué fi lycée
ou après les résultats en trouvera les info sur le site officiel
mais une chose est sur ils vont pas nous laissé mal informer

A+

محمد الخاشع للرحمان · 2012-06-26, 11:08

التسجيل النهائي لازمك تدي معاك دوسي تاع المنحة و الاقامة
اما الصك لازمك تصبر حتى ان تدي شهادة النجاح لانوا يتطلب نسخة منه في الملف و حتى ان لم تا خذه مع دوسي تع المنحة سيتطلبون منك ان تلحقه في الدخول الجامعي.
اما التسجيل البيداغوجي فيكون في سبتمبر حتى 1 اكتوبر
سلام

fatiha2012 · 2012-06-26, 11:16

الشيء الوحيد الذي أعلمه هو أن الصك البريدي لا يحتاج الى شهادة نجاح
انا رحت حطيت و مطلبوهليش
علاه الناس كامل اللي عندهم صك عندهم الباك ؟؟؟

محب الرياضيات · 2012-06-26, 11:19

اقتباس:

المشاركة الأصلية كتبت بواسطة fatiha2012

الشيء الوحيد الذي أعلمه هو أن الصك البريدي لا يحتاج الى شهادة نجاح
انا رحت حطيت و مطلبوهليش
علاه الناس كامل اللي عندهم صك عندهم الباك ؟؟؟

شاهوا الملف

fatiha2012 · 2012-06-26, 11:34

اقتباس:

المشاركة الأصلية كتبت بواسطة bac_2012

شاهوا الملف

على ما أتذكر
شهادة اقامة
صورة طبق الاصل تاع بطقة التعريف légalisé في البلدية
و يمدولك هوما أوراق تمليهم
أظن هاذو هوما فقط
عذرا ان نسيت شيء

assilnet · 2012-06-26, 11:28

بدون تعليق خويا اشكر فيك تفاؤلك لاكن كل شيئ قس وقتو

محب الرياضيات · 2012-06-26, 11:30

اقتباس:

المشاركة الأصلية كتبت بواسطة assilnet

بدون تعليق خويا اشكر فيك تفاؤلك لاكن كل شيئ قس وقتو

الامر انه الان في هذا الوقت وباش تخرج الوثائق الغاشي

اذا يوم خروج النتائج وصحاب الباك

ارواح انت خرج

محب الرياضيات · 2012-06-26, 11:39

انا قالوا لي الملف

استمارة معلوماتية ...تعمرها

نسخة من بطاقة التعريف

بطاقة الاقامة

نسخة من شهادة النجاح باي شيء حتى ولوا كان شهادة ميكانيسيان هههههههههههههه

ومن بعد اسبوع يعطوهلك ____عندنا بريد الاحسن في العالم ههههههههههههههه____

miss.cool · 2012-06-26, 12:34

سلام خويا
ملف الاقامة و المنحة تديهم اثناء التسجيل
اما نتاع المنحة يبقالك ورقة تقدر تديها ف سبتمبر

و متحتتاجش شهادة البكالوريا خويا
انا العام الماضي ما احتجتش للشهادة كي حطيت
ادا ما خانتنيش الداكرة
نفس اللي قالتلك الاخت

ان شاء الله ننجحوا اميييييييييييين

Ambitious man · 2012-06-26, 23:10

السلام عليكم
حبيبي ... التسجيل البيداغوجي يكون تقريبا بين نهاية جويلية وبداية اوت يعني بين 25 جويلية و5 اوت وتكون كامل الملفات في هته الايام يعني تسجل الاقامة وفي المدرسة والمنحة وحتى الضمان الاجتماعي وكامل على مستوى المدرسة ... اما فيما يخص الصك المشطوب ما تقلقش روحك وما تقول الحال بعيد (ما راحش نقولك كاين الميترو) لانو تقدر تدفع ملف المنحة حتى لشهر سبتمبر وانا في العام هذا كاين لي نعرفهم دفعوه في شهر فيفري لانو طلاب المدارس هوما الي تدخلهم المنحة الاخيرين وهوما الي يحتاجو المصروف بزاف (تناقض) ... اه نسيت نقولك شكون انا انا طالب بالمدرسة التحضيرية علوم وتقنيات بتلمسان ... واذا دخلت لاي مدرسة تحضيرية انت نقولك استعد لمراتون دراسي وصدقني يلزم تبذل 10 اضعاف الجهد الذي بذلته في البكالوريا اذا اردت التميز طبعا ... بارك الله فيك
سلام

محب الرياضيات · 2012-06-28, 09:16

اقتباس:

المشاركة الأصلية كتبت بواسطة ambitious man

السلام عليكم
حبيبي ... التسجيل البيداغوجي يكون تقريبا بين نهاية جويلية وبداية اوت يعني بين 25 جويلية و5 اوت وتكون كامل الملفات في هته الايام يعني تسجل الاقامة وفي المدرسة والمنحة وحتى الضمان الاجتماعي وكامل على مستوى المدرسة ... اما فيما يخص الصك المشطوب ما تقلقش روحك وما تقول الحال بعيد (ما راحش نقولك كاين الميترو:d) لانو تقدر تدفع ملف المنحة حتى لشهر سبتمبر وانا في العام هذا كاين لي نعرفهم دفعوه في شهر فيفري لانو طلاب المدارس هوما الي تدخلهم المنحة الاخيرين وهوما الي يحتاجو المصروف بزاف (تناقض) ... اه نسيت نقولك شكون انا انا طالب بالمدرسة التحضيرية علوم وتقنيات بتلمسان ... واذا دخلت لاي مدرسة تحضيرية انت نقولك استعد لمراتون دراسي

وصدقني يلزم تبذل 10 اضعاف الجهد الذي بذلته في البكالوريا اذا اردت التميز طبعا

... بارك الله فيك
سلام

واذا قلت لك انني من غير الحفظ لم اجهد نفسي بتاتا وساحصل على الامتياز ان شاء الله

اذن لا خوف على

mimi batna · 2012-06-28, 09:41

اقتباس:

المشاركة الأصلية كتبت بواسطة bac_2012

واذا قلت لك انني من غير الحفظ لم اجهد نفسي بتاتا وساحصل على الامتياز ان شاء الله

اذن لا خوف على

مالزمش تكون متأكد هكذا كامل لان لوكان ماتديش لباك يوليلك شوك كبير

Ambitious man · 2012-06-28, 10:35

اقتباس:

المشاركة الأصلية كتبت بواسطة bac_2012

واذا قلت لك انني من غير الحفظ لم اجهد نفسي بتاتا وساحصل على الامتياز ان شاء الله

اذن لا خوف على

أتمنى لك هذا
لكن لا تكون واثقا جدا فتفاجىء بواقع مر قد يحبطك ؟؟؟ ودعني اداعبك قليلا ، انا اتحداك ان يكون معدلك يساوي او يفوق 18.13 بل لن يصل الى 18 حتى ... وان غدا لناظره لقريب ... اتمنى لك ان تكذب كلامي ... موفق