اللي عندها حشوة تتفضل

** موحدة 02 ** · 2012-01-17, 22:00

السلام عليكم
كي كنت نجرب في الخبز البلغاري و شفت بللي الاخوات اللي جربوه قبلي داروه بحشوات مختلفة ايا جات في بالي قكرة انو نكتبو كل الحشوات المالحة او الحلوة الخاصة بالعجائن او الحلويات أو بأي طبق محشي.نذكروا الحشوات و الاطباق اللي تجي فيها..و منها نستفادوا من بعض و ننوعو في الحشوات
ايا وش رايكم و وش قلتوا...:d..

** موحدة 02 ** · 2012-01-17, 22:03

نبدا انا بسم الله
احب حشوة عندي تع البوراك
لحم مرحي + بصل + فروماج + بيض مقلي + بطاطا مغليه +معدنوس
نقلي البصل نضيفلو اللحم مع الحرور و الملح حتى يتشوح اللحم زين و نخليه يبرد
نمرس البطاطا نضيقلها اللحم و الفروماج و البيض المقلي و المعدنوس و ممبعد نزيد القيونداشي و نخلط الجميع و نعمر البوراك تاعي

my lamis · 2012-01-18, 09:28

فكرة هايلة مشكووووووووووورة
أنا أحب حشوة عندي ثان تاع البوراك بصح بالاك تجيك غريبة هي كل واحد و الذوق تاعو
أنا نعمر البوراك تاعي بالتشكشوكة تاع البصل برك و نكثرلها الحااااااااااااار تجي تهبل مع الحريرة و ثان البريك بالبيض نموت فيه
و الله قاع العجاجن المحشيين نحبهم بصح البوراك بهذي الطريقة نموت فيه
فكرتيني فيه

** موحدة 02 ** · 2012-01-18, 10:10

شكرا ام لميس صح تع الشكشوكه جاتني بيزار بصح نجربوه ان شاء الله
و البريك وش ديري فيه البيض وحدوا؟؟؟ اعطينا تفاصيل

my lamis · 2012-01-18, 10:15

جربي حبة و ذوقيها و الله هايل و هو حار
أما تاع البيض تخلي الخبزة تاع الديول مفتوحة و تفقسي فيها حبة بيض بلا متضربيها و ديريلها شوية حرور و ملح و طبقي الديول تخرج مربع طبقيه كيما المسمن و قليه و الله يخرج رووووووووووووعة
كاش نهار ندير الديول و نوريلكم تاع التشكشوكة و البيض

** موحدة 02 ** · 2012-01-19, 16:20

وش ما عندكمش افكار و اللا مش حابين تشاركونا
و اللا خايفين من العين :d

ام محمد اصيل · 2012-01-19, 17:19

انا حشوة البوراك تاعي هي نحط كمية من البطاطا المرحية +شوية هريسة+فرماج+بصل مقطع رقيق+زيتون اخضر بدون نواة مقطع*لحم مرحي مشوح في شوية زيت+كمية من المعدنوس مقطع وندير فراغ في الوسط نحط فيه كمية من البيض المخفوق بالاضافة الى رشة من الفلفل اسود +كمون وما ننساش الفلفل الحار الاخضر مقطع يجي هايل ديجا فكرتيوني فيه غدوة ان شاء الله نديرو

** موحدة 02 ** · 2012-01-20, 15:32

اقتباس:

المشاركة الأصلية كتبت بواسطة ام محمد اصيل

انا حشوة البوراك تاعي هي نحط كمية من البطاطا المرحية +شوية هريسة+فرماج+بصل مقطع رقيق+زيتون اخضر بدون نواة مقطع*لحم مرحي مشوح في شوية زيت+كمية من المعدنوس مقطع وندير فراغ في الوسط نحط فيه كمية من البيض المخفوق بالاضافة الى رشة من الفلفل اسود +كمون وما ننساش الفلفل الحار الاخضر مقطع يجي هايل ديجا فكرتيوني فيه غدوة ان شاء الله نديرو

الله يبارك قولينا درتيه و اللا مازال؟ يا ريت تصوريه عجبتني تع الهريسة ماجاتش في بالي كااامل

ام محمد اصيل · 2012-01-21, 17:02

اقتباس:

المشاركة الأصلية كتبت بواسطة takwa

الله يبارك قولينا درتيه و اللا مازال؟ يا ريت تصوريه عجبتني تع الهريسة ماجاتش في بالي كااامل

درته ولكن ما صورتوش للاسف المرة الجاية نعاودو ونحط الصور لعيونك ولكن فعلايشهي بالاضافة ندير معاه شربة فريك تكون خفيفة وكي نطفي عليها نحطلها رشة نعناع يابس مرحي ورشة دبشة طازجة واكيد قطع من الليمون ...............:

..
دوق مختلف ورائع .جربيه ورديلي الخبر.

** موحدة 02 ** · 2012-01-21, 17:15

اقتباس:

المشاركة الأصلية كتبت بواسطة ام محمد اصيل

درته ولكن ما صورتوش للاسف المرة الجاية نعاودو ونحط الصور لعيونك ولكن فعلايشهي بالاضافة ندير معاه شربة فريك تكون خفيفة وكي نطفي عليها نحطلها رشة نعناع يابس مرحي ورشة دبشة طازجة واكيد قطع من الليمون ...............:

..
دوق مختلف ورائع .جربيه ورديلي الخبر.

الله يبارك هذا غير الجديد المرة الحاية ان شاء الله ماتنسايهش
اختي ام محمد وشنهي الدبشة؟؟

ام محمد اصيل · 2012-01-21, 20:40

اقتباس:

المشاركة الأصلية كتبت بواسطة takwa

الله يبارك هذا غير الجديد المرة الحاية ان شاء الله ماتنسايهش
اختي ام محمد وشنهي الدبشة؟؟

الدبشة تشبه المعدنوس ولكن رائحتها نفادة وتباع دائما مع المعدنوس والكرفس والنعناع

هاجر 76 · 2012-01-20, 15:17

سلام اختى تقوى وكل الاخوات
انا موالفة ندير شعال من حشوة مرات ندير الكفتة مع البصل والفرماج برك
ومرات معاها بطاطا مسلوقة وزيتون مقطع قطع صغيرة
بصح جاتنى مرة فكرة وجربتها فى رمضان صنعت عجينة الفيلو و الحشوة بيشاميل تقيلة شوية مع الكتير من الفرماج وحبة بطاطا
مسلوقة ونص حبة بصل مفتة و مدبلة فى الزيت وخدمتهم والنتيجة منقولكش بوراك بنين نتمنى تجربوه
وتانى انا نحشى الرقاق بحشوة البطل مع الطماطم الحارة والزيتون ونديرة فى الكوشة يخرج روعة

تحياتى للجميع

janino · 2012-01-20, 15:28

انا كل شىء و الحشوة نتاعو مثلا ليشوصو ندير بصلة مقلية مليح طماطم قطع زيتون اخضر فرماج توابل تونة بالزيت او طماطم بيض مغلى مقطع بالنسبة للبوراك لحم مرحى مشوح توابل معدنوس زيتون اخضر بصل نىء فلفل حلو نىء طماطم نىء بيض فرماج و نقفلها و نقليها من بعد نزيد نتفكر عندى طرق كثيرة بصراحة نحب نختارع مشكورة اختى صاحبة الفكرة

** موحدة 02 ** · 2012-01-20, 15:42

اقتباس:

المشاركة الأصلية كتبت بواسطة janino

بالنسبة للبوراك لحم مرحى مشوح توابل معدنوس زيتون اخضر بصل نىء فلفل حلو نىء طماطم نىء بيض فرماج و نقفلها و نقليها من بعد نزيد نتفكر عندى طرق كثيرة بصراحة نحب نختارع مشكورة اختى صاحبة الفكرة

شتاهو السر في الخضر النيئة خاصة الفلفل
ماذا بيك تتحفينا بأفكارك و اختراعاتك الله يحفظك

** موحدة 02 ** · 2012-01-20, 15:35

و عليكم السلام بيترا...ان شاء الله رانا نجربوه و منكم نستفيد
عندي مشكل.... مانبغيش البيشامال ممكن نستبدلها بحاجة وحدخرا ؟؟