تعبانة كثير

[*ملاك الليل*]

.......................................

ارجو حدف الموضوع كليا وليس نقله

لاني طلبت عدم نقل الموضوع لكن لاباس

[*ملاك الليل*]

ان شاء الله ماينقلش الموضوع ويبقى هنا في هاد الق

[nour hayat]

صلي صلاة الاستخارة وربي يفرج عليك ان شاء الله
وتاني رقي روحك بالاك عين راهي دايرتلك هكا

[*ملاك الليل*]

المشاركة الأصلية كتبت بواسطة nour hayat

صلي صلاة الاستخارة وربي يفرج عليك ان شاء الله
وتاني رقي روحك بالاك عين راهي دايرتلك هكا

انا صليت صلاة الاستخارة
والحاجة لي راهي مقلقتني اكثر هو الشك تاعو لانو بعيد عليا ونحكو في الهاتف
العلاقة تاعنا مبنية على الهاتف
وبالنسبة للرقية والله راني نرقي روحي ورقيت عند الراقي والراقي ماحب يهدر والو
انا خلاص راني تعبااااااااااااااااااااااااااااانة

شكرا اختي على الرد

[بتول8]

السلام عليكم
الحقيقة راسي حبس و الله ماعدت عارفة واش نقول و لا واش ننصح المجتمع تاعنا كل يعاني و تقريبا نفس المشاكل حكايتك اختي سمعتها من قبل ممكن الف مرة و صدقيني الحل واش؟ لا ادري خايفة نقلك كملي برك معاه و راه مشاكل تصرا و نرتكب خطا بنصيحتى و ممكن تصرالك مشاكل بعد الزواج اكبر لانو الشك امر خطير جدا انا نقلك الغيرة ممكن لكن الشك كارثة
خايفة نقلك بطلي و نصيحتي تكون مش فمحلها و هو يظهر مليح و انسان تاع مسؤوليه و صالح
انا الشي الوحيد المتاكدة منو انو ادا كان نصيبك ربي راح يكتبلك تزوجيه
المهم المهم انو ترضاي خلقه و دينه و انو انسان قابل للنغيير للاحسن و زيد الرسول علمنا حاجة ملييييييحة و هي


استفت قلبك و ان افتوك و ربي يهنيك و اسمحيلي لاني طولت عليك بصح قصتك اثرت فيا بزاف رغم انو مجرد حيرة فيك
الدنيا ترشي ابن ادم ربي يسترنا و يرزقنا ازواج صالحين

[*ملاك الليل*]

المشاركة الأصلية كتبت بواسطة بتول8

السلام عليكم
الحقيقة راسي حبس و الله ماعدت عارفة واش نقول و لا واش ننصح المجتمع تاعنا كل يعاني و تقريبا نفس المشاكل حكايتك اختي سمعتها من قبل ممكن الف مرة و صدقيني الحل واش؟ لا ادري خايفة نقلك كملي برك معاه و راه مشاكل تصرا و نرتكب خطا بنصيحتى و ممكن تصرالك مشاكل بعد الزواج اكبر لانو الشك امر خطير جدا انا نقلك الغيرة ممكن لكن الشك كارثة
خايفة نقلك بطلي و نصيحتي تكون مش فمحلها و هو يظهر مليح و انسان تاع مسؤوليه و صالح
انا الشي الوحيد المتاكدة منو انو ادا كان نصيبك ربي راح يكتبلك تزوجيه
المهم المهم انو ترضاي خلقه و دينه و انو انسان قابل للنغيير للاحسن و زيد الرسول علمنا حاجة ملييييييحة و هي


استفت قلبك و ان افتوك و ربي يهنيك و اسمحيلي لاني طولت عليك بصح قصتك اثرت فيا بزاف رغم انو مجرد حيرة فيك
الدنيا ترشي ابن ادم ربي يسترنا و يرزقنا ازواج صالحين

شكرا اختي على الرد
انا وحدة راني حيرانة ماعرفت نبطل ونقنع اهلي ماعرفت نكمل وانا خلاص خايفة تصرا مشاكل لانه مشكاك احيانا نقول يتبدل وحاولت واقطعت علاقتي بيه وخليتو **يعني طفيت الهاتف تقريبا شهر بلا مانكملو وهو بقا ديما يعيط عند اختي ويحوس عليا**
انا علابالي يحبني لكن الحب تاعو ماشي عادي**
وكي وليت ليه شرطتلو يبدل عقليتو معايا اليامات الاولى جابها معايا لكن عاود ولا لطبايعو

[السَّحابة البيضاءْ]

اختي صدقيني هذا عن تجربة النساء من حولي انها العين ليس بالضرورة ان تكون من قريباتك فقد تكون بعيدة لهذا انصحك اختي بزيارة

راق معروف في منطقتك وان تكثري من الاستغفار وقللي من دخولك هنا وحاولي ان تجلسي مع نفسك وتفهمي ما ال اليه حالك عندها

فقط ستجدين الاجابة عن كل تساؤلاتك جربي ان تعتزلي العالم ليومين وبعدها اخرجي بالقرار الذي تستريحين له لاتنتظرني نصائحنا او

اقتراحاتنا فصدقيني الجواب بداخلك ابحثي عنه فقط

اسفة على الاطالة وعلى اللغة العربيه ههههههههههه

[fifi42]

اختي بالاك كي طولت الخطبة كرهتي يعني كل خطرة يتاجل العرس بصح كي يقرب العرس رايحة تحسي حاجة اخرى و خاصة انك تكنتي تحبيه ودرك خلاص رايحة تتحقق الامنية ومن ناحية الشك واش رايحة نقولك انا كيما خطيبك مشكاكة بصح في حدود المعقول مسكين خطيبي و الله راه صابر معايا الله يعينو المهم اختي مبقاش بزاف انت صبرتي وكي قرب الموعد كرهتي ادعي ربي يسهلك وفرحي بحياتك الجديدة ومتفكري في حتى حاجة الهاي بالتحضيرات و كي تتزوجي كل شئ رايح يتبدل يعني يكون قدامك و الشك يروحلو

[Amouna.DZ]

أول حاجة ننصحك بيها كثري من صلاة الاستخارة وخلي الأمور تمشي كيما حابه ربي باذن الله تلقي راحتك
ثانيا خطيبك يحبك و بعيدة عليها وهذا الي خل الغيرة تقتلو
ربي يهنيك و يستر عليك

[هــــــــــــــاجر]

ختي أنا نقلك سبب شكو
مبقاش يحسك كيما قبل وانتي قلتيها بلسانك...وادا قلتيلو نبطل أكيد يروح بالو لأنو مش مقنعك ولا شفتي ما أحسن منو
أنعلي بليس برك....تصرانا بزاف من كثرة الهدرة فالتيليفون ويروح بالنا لبعيد
متروحيش مع أوهامك اتفكري الحوايج لملاح اللي لقيتيهم فيهم وقبلتيه علاجالهم....صارحيه بالحوايج اللي توجعك واطلبي منو يكون صريح لاه راه يشك فيك
أفتحو قلوبكم لبعض وخلي الكرامة بجيه....شحال من مرة ندابز معاه لكن كي يطول ميعيطش نتفكر ليامات لملاح

طولت عليك اسمحيلي

[منتهى الرقة-*]

يا اختي ما تقوليش هكذا

كامل نمرو باوقات صعبة نكرهو فيها

هو صح الشك مرض في العلاقة بين الزوجين

حاولي تغيري ن طباعه

استخيري اختي

و الله يعطيك راحة البال

[Amouna.DZ]

أول حاجة ننصحك بيها كثري من صلاة الاستخارة وخلي الأمور تمشي كيما حابه ربي باذن الله تلقي راحتك
ثانيا خطيبك يحبك و بعيدة عليها وهذا الي خل الغيرة تقتلو
ربي يهنيك و يستر عليك

[مطيعة زوجي]

السلام عليكن اختي انا حاسة بيك لاني اعيش نفس الظروف انا خطيبي يسكن جارنا لكن الوالد تاعي صعيب ما يخليناش نتلاقاو نهدرو غير بالهاتف انا تاني مليت رغم اني عشت معاه قصة حب كبيرة جربت كل الحلول لكسر الملل ما لقيتش الا الدعاء جربي ادعي من قلبك ادعي ديما وحافضي على صلاتك وادعي في السجود اكيد ربي راح يستجيبلك انا الحمد لله من كثرة الدعاء تحسنت اوضاعي بزاف والغيرة تاعو معذورة ومقبولة لانو بعيد ويحبك ويخاف عليك اكيد بعد الزواج كي تعيشو مع بعض راح يكتاشف انك انسانة طيبة ومحترمة اكيد راح يروح الشك وتكبر الثقة والحب والزواج راهو نعمة تحسدك عليها الكثيرات قولي الحمد لله الي جاك المكتوب وكيما تعرفي كل انسان فيه عيوب وخطيبك مسكين عيبو انو يحبك ويغير عليك رغم انها غيرة زايدة بصح احسن من انك تدي واحد ديوث اختي راكي في نعمة حافظي عليها حاولي برك تبعدي مدة من الزمن ديري اي سبب باه ما تتحدثوش باه تتوحشو بعضاكم وحطي روحك في نفس الموقف تا خطيبك كون انتي مش حابة تبطلي وهو الي مل وحاب يبطل وش رايك وش ديري راجعي نفسك راكي غالطة رغم اني حاسة بيك ربي يهنيكم ويفرحكم ويفرحنا بيكم يارب

[minanfel]

المشاركة الأصلية كتبت بواسطة مطيعة زوجي

السلام عليكن اختي انا حاسة بيك لاني اعيش نفس الظروف انا خطيبي يسكن جارنا لكن الوالد تاعي صعيب ما يخليناش نتلاقاو نهدرو غير بالهاتف انا تاني مليت رغم اني عشت معاه قصة حب كبيرة جربت كل الحلول لكسر الملل ما لقيتش الا الدعاء جربي ادعي من قلبك ادعي ديما وحافضي على صلاتك وادعي في السجود اكيد ربي راح يستجيبلك انا الحمد لله من كثرة الدعاء تحسنت اوضاعي بزاف والغيرة تاعو معذورة ومقبولة لانو بعيد ويحبك ويخاف عليك اكيد بعد الزواج كي تعيشو مع بعض راح يكتاشف انك انسانة طيبة ومحترمة اكيد راح يروح الشك وتكبر الثقة والحب والزواج راهو نعمة تحسدك عليها الكثيرات قولي الحمد لله الي جاك المكتوب وكيما تعرفي كل انسان فيه عيوب وخطيبك مسكين عيبو انو يحبك ويغير عليك رغم انها غيرة زايدة بصح احسن من انك تدي واحد ديوث اختي راكي في نعمة حافظي عليها حاولي برك تبعدي مدة من الزمن ديري اي سبب باه ما تتحدثوش باه تتوحشو بعضاكم وحطي روحك في نفس الموقف تا خطيبك كون انتي مش حابة تبطلي وهو الي مل وحاب يبطل وش رايك وش ديري راجعي نفسك راكي غالطة رغم اني حاسة بيك ربي يهنيكم ويفرحكم ويفرحنا بيكم يارب

السلام عليكم

ماشاء الله راي سديد وقلت كل ما اردت قوله

اختي الزواج ليس كالخطوبة ؛ انا زوجي لم اتعرف عليه وكنت جد جد جد خائفة من الزواج به لاني لم اكن احبه رغم حبه الكبير لي وفي الايام الاخيرة رجعت انا لي نحوس على المشاكل باه نبطل لكن بعد الزواج حاجة اخرى لا تقارني الخطوبة مع الزواج

والشك يا اختي في هاذ الزمان والله غير الا من رحم ربي ، فسد الوقت بزاااااااااااف وهو راه شايف واش ماراكيش شايفة انت وبعد الزواج كيما قالت الاخت قبلي كي يعرفك واش تسواي صح والله غير يخليلك حريتك ما تتصوريش؛ انا زوجي الايام الاولى تقولي راني في حبس بصح كي عرف المعدن تاعي وعرفت بيلي ما نشبهش للنوع لي راه خايف منو عاد هو يحلل فيا باه نخرج وانا نقولو لالا

استخييييييييييييييييييييييري رب العباد لا العباد ؛ ابكي واشكي همك له استغفري ادعي الله واطلبي منه كل ما تريدين ولن يخيبك باذن الله ؛ ادعي ان يسخرك الله له وان يسخره لك ادعي ان يقوي حبه في قلبك وحبك في قلبه ، ماكانش لي ما فيهش العيوب لكن بحكمتك انت لي تعرفي كيفاش تتعاملي معهم هو العيب تاعو الشك؟ وانت كوني فحلة ونحيهلو ، واذا حبيتيه صح كيما راكي تهدري محاااااااال تكرهيه علاخاطر الحب تاع الصح والحب في الله مايروحش هكذاك انت كرهت الملل والانتظار والخوف تاع الارتباط بانسان مشكاك لي خلاه تتهربي من فكرة الزواج ماشي لانك كرهتيه ، حوسي في نفسك ضك تلقاي الحب مزال هو هو انت برك راكي تخبي فيه وتاكدي بيلي كن تبطلي بعد فترة (خاصة كي يوصل موعد العرس) رايحة تهبلي وتقولي واش درت واش وصلني خسرت زوجي على وساوس فقط ، الامر يتعلق بنفسيتك انت لا فيه ولا في اي واحد
ولي يشيخ عليك باه تبطلي زواجك ما تبعيهش علاخاطر هما كاااامل عايشين حياتهم مع ازواجهم وانت يشيخو عليك من باب واسع ، وتبعي راي الوالد تاعك واحد ما يحبلك الخير كيما هو ، وخطيبك فات وحبيتيه قبل الزواج ضك تهبلي عليك مور الزواج لان علاقة الهاتف والعلاقة الحقيقية ماشي كيف كيف ، الحب تاع الزوج ميش كي تاع الخطيب اومبعد تولي تحسي فيه جزء منك وخوذي بنصيحة اخت لك في الله وستتذركي كلامي بعد الزواج ان شاء الله ستعشقي زوجك وتندمي على كي خممتي برك تخليه والشك كي راه بعيد عليك و على واش راه يشوف في الخارج (راه شايف اكثر منك) كي تكوني قدام عينيه يروحلو مع الوقت
والشك تاعو عن حب ويريد الحفاظ عليك باي طريقة ما تفهميش بيلي راه موسوس ولا مريض من بعد كي تكوني قدام عينو ماشي كيف كيف \
وما تزيديش تلمحيلو بيلي ركي كارهاتو لانو قادر يكرهك وانت لي ترجعي تحبيه ؛ تعاملي معه بالحسنى وسيعاملك بالمثل
علابالي كثرت بزاف لكن ماديريش الخطوة لي تندمي عليها ،
افرحي بعرسك (ماشي البنات كامل صابوها) والرجال ميش كي تخلي واحد راح يجيك واحد هذا خطأ وقادر يجيك في العيوب كثر منو، العازابات راهم مساكن حابينو بعيوبو مشكاك مريض اي عيب قابلينو ما تخليش روحك يجي وقت وين تتمناي واحد يشبهلو برك ،
افرحي بزوجك وانت عاودي احيي الحب لي كان فيك وبينيهلو وخلي الاحترام اساس العلاقة والله والله والله امشي بنيتك فقط غير تعيشي ملكة عند زوجك
استخيري اكثر من مرة خصصي وقت اقرئي فيه ما تيسر نت القرآن وفوضي امرك لربي سبحانو وماتزيديش تهدري في هاذ الموضوع اذا كتبولك ربي يسما راه خير ليك وتتزوجي بيه شئت ام ابيتي (يسمى ما تربحيش العيب) واذا ما كتبوش ربي تجي اي سبة وتتفارقو بالحسنى كيما تلاقيتو بالحسنى ؛والمهم ما تكونيش انت سبب خراب العلاقة /
كان كلامي م القلب ونتمنالك من قلبي الهنا مع زوجك وخليها على ربي وما تخافيش (احسني الظن بالله وتاكدي انه لا ولن تخيبي)


ربي يهنيك ان شاء الله

[isawts]

المشاركة الأصلية كتبت بواسطة *malak elayle*

السلام عليكم
اليوم حبيت نفتح قلبي ليكم بالاك نتوما ادبرو عليا وتريحوني
كل واحد نشكيلو يشوف المسالة عادية لكن انا المسالة خلاااااص هلكتني انا وخطيبي هو انسان شافني عجبتو جا خطبني
وتفاهمنا على عامين نتزوج بعد الخطوبة يعني كي نكمل قرايتي تمتم. لكن فترة الخطوبة طولت كثير كل مرة يقلي العرس العام الجاي و انا كملت قرايتي ودوكا راني نخدم
وانا خلاص كرهت الهدرة في الهاتف و اصلا رجعت مانحبش نهدر معاه في الهاتف الله غالب كرهت كل شيء
ورجعت نخرج بلا مانقولو رجعت مانشاورو في حتى حاجة حاسة روحي كرهتو بعدما كنت نحبو نموت عليه كنت هابلة عليه
والان تقرر موعد العرس في جوان
لكن انا نفسيا راني كارهة بعدما كنت نستنا فيه يحددلي موعد العرس
وطلبت من اهلي يفسخو ويبطلو لكن دارنا خاصة بابا ما حبش نبطل وقلي خلاص كي فتحتي وقرب العرس خلاص وراه يشوف فيا وحدة صغيرة ماتعرفش صلاحها لااني الصغيرة في المنزل
و خطيبي هو ماهوش حاب يبطل مني يقلي انا مانبطلش ويقلي خلاص كي جبت الرجال وتفاهمو مانبهدلش روحي ونبطل
اللي كرهتني اكثر ان خطيبي مشكاك بزاف لحقت بيه الدرجة كي يقلي وين راكي نقلو راني في الدار يقلي لالا ماكيش في الدار ويعاود يعيط عند ماما ويتاكد
حاسة روحي وحدي حتى واحد ماهو فاهمني دارنا زادو كملو عليا مرة يقولولي بطلي مرة كملي**خياتي**
وحدة تقلي راجلك موسوس ومريض وحدة تقلي انا كي كان عندي 24سنة كنت نربي
والله كرهت
احيانا نقول نغمض عينيا ونتزوج
واحيانا نقول لالا نبطل بالاك ربي يرزقني انسان على حسابي
الامور راهي مخلطة عليا

السلام عليكم حنونة
كالمي روحك و شهدي و استغفري
الزواج ميثاق غليظ ميشي ارواح و تزوج و ارواح و بطل
اما مسالة انك كرهتي ريحي مع روحك شوية طفي تليفونك و شوفي روحك تتوحشيه لالا تشتيه ولا لا تقدري تكملي حياتك بلا به و من بعد حلي نليفونك و عيطيلو و ابداي معاه صفحة جديدة وكانك هدا وين عرفته اهدريلو هدرة حلوة ابعتلو ميساجات اخرجو تغداو برا اخرجو اشرو حوايج مع بعض ديرلو كادو بدون موناسبة قربي منو و اقتليه بالقدر شاوريه في كل صغيرة و كبيرة كيمتلقايش فاش تشاوريه كلميه قليلو اذا نخرج و ادا قليه ايه زيدي شوية و كلميه قلو بطلت المهم تلحقلو بلي راه مهم في حياتك و متقدريش ديري خطوة بلا به
نسقسيك حاجة كون نبدا نذملك فيه والله غير تفرمي المنتدى كامل فوق راسي و تغلقيلي عضوية انت من داخل تحبيه مي كي عاد ديما تحكو مع بعض عادلك روتين
ربي يسهلك