من لديه مثل شعبي جزائري فليتفضل مشكورا

مجيد 88 · 2009-10-12, 19:23

بـــــــــــــــــــســـــــــم الـله الـــــــرحـمـــــان الـرحـيــــــــــــــم
وكما عودتكم بالجديد اليوم ان شاء الله سألقي الضوء على الألغاز الشعبية الجزائرية والتي للأسف هي أيضا مثلها مثل الألغاز والحكايات الشعبية ...........في طريق الزوال وانا اتمنى من خلال هذه المشاركة البسيطة ان نشارك جميعا وليس انا لوحدي في المحافضة على هدا النوع من التراث الشعبي الا وهو الأمثال الشعبية الجزائرية
فالأمثال الشعبية هي عبارات وجمل لها قيمة أدبية ترتبط كثيرا بالروايات الشعبية وقد أدرك العرب الأوائل هذا الكنز اللغوي البليغ فجمعوه في كتب مثل:كتاب العقد الفريد لابن عبد ربه .والادب الكبير لابن المقفع
وان او نحن سنحاول جمعه هنا في هذه المحاولة البسيطة
فلكل من يعرف امثال شعبية فليفدنا بها هنا ولا أجر على ذلك الا الحفاض على هذا الكنز الذي هو بمثابة هويتنا وشكررااااااااااااااااااااااااااا جزيلا
والرجاء من الجميع ان يكتبوا المثل بالعامية وان كان بالفصحة فلا بأس وهدا أول مثل من عندي
كيد النسا كيدين ومن كيدهم جيت هارب يتحزموا باللفاع ويتخللوا بلعقارب
اتمنى ان يكون قد اعجبكم كما ارجوا منكم المشاركة بكثرة وشكرااااااااااااااااا

مجيد 88 · 2009-10-13, 11:08

وهذا مثل اخر:
ياللي تعيط قدام الدار عيط وانت فاهم مايفرق مابين لحباب غير النسا والدراهم

أحلام سرمدية · 2010-02-20, 08:45

اقتباس:

المشاركة الأصلية كتبت بواسطة مجيد 88

وهذا مثل اخر:
ياللي تعيط قدام الدار عيط وانت فاهم مايفرق مابين لحباب غير النسا والدراهم

واش بيك خويا مجيد غير على النساء ما سمعتيش المثل اللي يقول يا مامن الرجال يا مامن الماء في الغربال

مجيد 88 · 2010-02-20, 11:36

اقتباس:

المشاركة الأصلية كتبت بواسطة الحلم الجزائرية

واش بيك خويا مجيد غير على النساء ما سمعتيش المثل اللي يقول يا مامن الرجال يا مامن الماء في الغربال

هههههههههههههههه سمعت بيه
الله اعلم كاين مثل يقول

كيد النسا كيدين ومن كيدهم جيت هارب يتحزموا باللفاعي ويتخلخلو بالعقارب

هههههههههههههههه

أحلام سرمدية · 2010-02-20, 15:06

اقتباس:

المشاركة الأصلية كتبت بواسطة مجيد 88

هههههههههههههههه سمعت بيه
الله اعلم كاين مثل يقول

كيد النسا كيدين ومن كيدهم جيت هارب يتحزموا باللفاعي ويتخلخلو بالعقارب

هههههههههههههههه

هههههههههههههههههههههههههههههه
وانا نعرف مثل يقول
انا نوصيك يا سعيد وانت في العمى تزيد
وكاين مثل مهما تعلى العين الحاجب فوقها
وكاين واحد اخر
وراء كل رجل عظيم امراة

مجيد 88 · 2010-02-20, 17:46

اقتباس:

المشاركة الأصلية كتبت بواسطة الحلم الجزائرية

هههههههههههههههههههههههههههههه
وانا نعرف مثل يقول
انا نوصيك يا سعيد وانت في العمى تزيد
وكاين مثل مهما تعلى العين الحاجب فوقها
وكاين واحد اخر
وراء كل رجل عظيم امراة

ايه حاجة باينة حوحو يشكر روحو

والعروسة شكون يشكرها امها ولا فمها

جبت ليك قصة باهية ان شاء الله تعجبك

العجوز و هي تستفز الكنة بينما تقوم الأخيرة بشغل البيت
( الله لا يخليني لليدين الله لا يخليني غابة و الناس حطابة )

نجحت العجوز في استفزاز الكنة و سترد
( باينة الدار على حواشيها )

العجوز ترد
( أضحك يا فمي على همي )

الكنة صح معاك حق
(هم يبكي و هم يضحك)

العجوز
( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم )

بعد ماتخلص الكنة شغل البيت تتزين و تخرج لتغيض العجوز

العجوز
( خصك السواك يا معوجة الحناك)

و تقابل العجوز مرآتها و تحاول تحسن مظهرها

الكنة
(خص لعما غير لكحل)
( اللي فاتو وقتو مايطمع في وقت غيرور)

العجوز
( الدنيا بالوجوه و الآخرة بالفعايل)

يدخل الزوج هلكان من الشغل ويلاقي المشاكل كل واحد تحكي روايتها و يقول جملة واحدة
( كي سيدي كي لالا)

و انا راح أعلق على الي حصل بين الكنة و العجوز بهذا المثل
( المسلوخة تضحك على المذبوحة و المقطعة شبعت عليهم ضحك )

أم أسرار · 2010-11-09, 21:12

بسم الله الرحمن الرحيم
وهناك مثل يقول
لي ما كفاه قبرو يطلع فوقو يدن
قلت الشي ترشي و تنوض من وسط جماعة

مجيد 88 · 2009-10-14, 19:46

ماهذا اين ذهبتم واين ذهبت الغزكم المعروف أنوا الشعب الجزائري يحفظ الأمثال ويتعالمل بها كثيرا ولكن للأسف كما رايت من خلال هذه المشاركة فانها في طريق الزوال فعلا فعلا
وهذا مثل اخر من عندي
الطبيب مايداوي طبيب والنسيب مايجاور نسيب ومايجاور نسيبوا غير لحمار بسبيبوا
ههههههههههههههههههههههههههههه مثل قمة هههههههههههههههههههههههههههه

*التوقيع:ابو الألغاز

أميمة.. · 2009-10-15, 09:56

السلام عليكم
يا دارس القمح ذريه ومن التذرية لوح غباره اذا عاد القلب مهموم سال الوجه يعطيك اخباره

موج الامل · 2009-10-15, 10:26

يا صابر صبر على ما جرالك رقد على الشوك عريان حتى يطلع نهارك كان يقول نصبر ونصبر لمصابر وندير كبدتي من حديد والطايرة لا بد تنزل وتجي فليد
اتمنى لكم الاستفادة

rayenne · 2011-04-08, 22:37

يا لمزين من برا وش حوالك من الداخل

sphn_2009 · 2009-10-15, 10:35

الحر من غمزة و البتي من دبزة

مجيد 88 · 2009-10-15, 12:48

شكراااااا لكم جميعا على هذه الأمثال الجميلة كما اتمنى ان يشارك الجميع الجميع دون استثناء وشكرااا جزيلا
وهذا مثل اخر:
شوفوا هذا رايي مادار بيا بعت اللي كان رزقي عليه وشريت اللي رزقوا عليا

*التوقيع:ابو الألغاز

houda46 · 2009-10-15, 21:18

واش كاين تحامل على النسا
قالك
يا مامن للرجال مامن للماء في الغربال

khoulita · 2010-09-02, 16:08

اقتباس:

المشاركة الأصلية كتبت بواسطة houda46

واش كاين تحامل على النسا
قالك
يا مامن للرجال مامن للماء في الغربال

هذا اكثر واحد عجبني في لي قريتهم كامل