اسهل و اسرع و الذ تارت ليمون- من مطبخي-

[amel5]

السلام عليكم و رحمة الله و بركاته
جبت ليكم وصفة ساهلة و سريعة و بنييييييينة لتارت الليمون مادام رانا في وقتو
و لازم نستافدوا منه قبل مايروح ههههه
نحتاجوا ل
-بات بريزي او بات سابلي كل وحدة و على حساب لي تنجح معاها
انا لي دايما نديرها و تخرجلي مليحة مقاديرها
-250غ فرينة
125غ زبدة
-صفار بيضة
-2 مغارف سكر
-حوالي 3 مغارف او 4 نتاع حليب بارد
-قرصة ملح
و كي لعادة نخدموا الزبدة و الفرينة و نضيفوا صفار البيضة و السكر حتى تتلم بلا مانعجنوها طبعا
نديروها في كيس بلاستيكي و ترتاح في الثلاجة على الاقل نص ساعة
من بعد نحلوها و نديروها في قالب كبير او ميني كيما درت انا

نحطوا فوقهم ثقل باش ماتطلعش لعجينة و نخلوها حتى ينضج تماما

الان نمروا للكريمة تجي بنييييييييييينة بزااااااااااااف و ساااااااااااااااهلة و مقاديرها متوفرة
-200غ سكر
-2 صفار بيض+بيضة كاملة
-عصير 3 حبات ليمون
-نفس الكمية ماء
-مبشور 3 ليمون
-3 مغارف مايزينة


نخلطوهم مع بعض و نخلوهم فوق النار حت تعقد لكريمة و نتركوها تبرد تماما

كي تبرد لكريمة و يوجدوا لي تارت نتاوعنا نفرغوا كمية من لكريمة في وسط كل وحدة

و نجهزوا لمورانغ ب-بياض 3 بيض -تقريبا 150 سكر-قرصة ملح
و نديروها من فوق و نرجعوها للفرن باش ينشف المورانغ

و هاهي جاهزة

شوفوا من داخل اممممممممم

و ادا يكون معاها كاس عصير ليمون تكمل لحكايةههههههههه

ان شاء الله تكون عجبتكم و تجربوها سااااااااااهلة