أروع أصابع دجاج بخلطة المايونيز من مطبخي و أكيد روووووووعة

faizarbh · 2012-05-04, 19:50

اخواتي الكرام اليوم حبيت انقدملكم هاد الطريقة في تحضير اصابع الدجاج و صدقوني بنييينة لدرجة ما تتوقعوهاش و تحمر الوجه صدقوني جربوها و ردولي الخبر
بسم الله نبدأ على بركة الله

المقادير
صدر دجاج مرحي
حبة بصل صغيرة جدا
3 سنينات ثوم
ملح و فلفل
3 حبات فرماج
حبة بيض
حبة بطاطا نقطعوها و نسلقوها على النار
للخلطة نحتاج
مايونيز
ملعقة صغيرة هريسة
ملعقة كبيرة معدنوس مقطع
2 سنينات ثوم مرحيين

اولا نرحي الدجاج جيدا ثم نقلوه في شوية زيت مع البصلة و الثوم المفرومين ناعما و ملح و فلفل و كي يطيب الدجاج نخلوه يبرد شوية و نفتوه مليح بيدينا و نضيفولو الفرماج و حبة البطاطا بعد ما انكونو سلقناها و نهرسهم جيدا ثم انلمو بحبة بيض و من جهة اخرى انحضر خلطة المايونيز و نضيف للمايونيز الهريسة و الثوم و المعدنوس و نخلطها و نتركها في الثلاجة و الصور توضح الطريقة

ثم نحضر الفرينة و البيض و الشابلور كل على حدى و نكونو صبيعات و نرمدوها في الفرينة المرة الاولى ثم انعاودو انرمدوها للمرة الثانية ثم نغطسها في البيض ثم في الشابلور اي الخبز اليابس المطحون ثم نقليها و نقدمها مع خلطة المايونيز و اترككم مع الصور الموضحة

و بالصحة و الهنا
انتظر تقييمكم و ان شاء الله تعجبكم و ما تبخلوش عليا بردودكم الطيبة و المشجعة

ام خيرو · 2012-05-04, 20:00

كالعادة دائما متميزة
باطباقك المميزة شكرا لكي وجزاك الله
كل خير

faizarbh · 2012-05-05, 18:09

اقتباس:

المشاركة الأصلية كتبت بواسطة ام خيرو

كالعادة دائما متميزة
باطباقك المميزة شكرا لكي وجزاك الله
كل خير

تسلمي اختي ربي يخليك و شكرا

أم عبير · 2012-05-04, 20:25

شكرا لكي وجزاك الله هايل

faizarbh · 2012-05-05, 18:11

اقتباس:

المشاركة الأصلية كتبت بواسطة أم عبير

شكرا لكي وجزاك الله هايل

بلا مزية اختي

miri_27 · 2012-05-04, 21:13

بارك الله فيك حنونة لذيذة

faizarbh · 2012-05-05, 18:12

اقتباس:

المشاركة الأصلية كتبت بواسطة miri_27

بارك الله فيك حنونة لذيذة

و فيكي بركة اختي ميري ربي يخليلك البنوتات

زهرة البيلسان البرية · 2012-05-04, 21:55

اممممممممممم راكي شهتيني يا فايزة واعلااااااااااش راني راح نموت من الجوع و الصورة قريب تنطق ^ـــ^

يعطيك الصحة ختيتو و ربي يسلم دوك اليدين راني نتعلم من عندك واصلي

faizarbh · 2012-05-05, 18:14

اقتباس:

المشاركة الأصلية كتبت بواسطة زهرة البيلسان البرية

اممممممممممم راكي شهتيني يا فايزة واعلااااااااااش راني راح نموت من الجوع و الصورة قريب تنطق ^ـــ^

يعطيك الصحة ختيتو و ربي يسلم دوك اليدين راني نتعلم من عندك واصلي

هههههههههههههههههه ما تموتي ما والو نصنعولك اللي تحبي