ارواحو و قولو واش بغيتو

soso sirin · 2012-07-10, 16:23

لا اعلم ماذا اكتب و لا حتى لماذا اكتب هذا الموضوع او ماذا ساكتب فيه لانه فعلا انا مصدومة من الحادثة التي وقعت امام عينيا .اليوم رايت بام عينيا كيف للمراة ان تنسى نفسها انها امراة و تستغني عن انوثتها بارادتها و تتخاصم مع الرجال و الكل يتفرج كيف لامراة ان توصل نفسها لشيئ كهذا و كيف لرجل ان ينسى نفسه انه يتحدث لامراة و يستعمل اسلوبا غير حضاري وغير لبق.لماذا اوصلنا انفسنا كنساء و رجال ان نتخطى الخطوط الحمراء في معاملاتنا و ان نستعمل اسلوبا غير مهذب و كلمات جارحة و حتى ان نقوم بافعال قد تكون لا ارادية منا و لكن حتا و لو كنا في قمة الغضب لا يجب ان ننسى اننا في مكان غير البيت نحن في الشارع او العمل لذلك يجب عليا ان نحترم انفسنا قبل احترامنا للغير و ان لا ننسى ان ذلك الرجل ليس اخي و ليس زوجي و ان تلك المراة ليست اختي و ليست زوجتي و مهما بلغنا من القلق يجب عليا ان لا نتعدى حدودنا.انا قلبي راه ضارني و تاع الصح نقلكم حاجة والله هذا الموضوع ماعلابالي حتا كيفاه كتبتو المهم اهدرو فيه و خلاص و هدرو واش بغيتو

Lydia istanboul · 2012-07-10, 16:53

شبه رجل + فتاة حيية(مش فتحية تاعنا ههه)= هو يهضع و هيا تترفع عليه و تخليه
رجل فحل +قليلة أدب سوقية)(المسترجلة)=هي تغلط و هو يسكت و لو عندو الحق احتراما لنفسو و انو مهما يكون راهي ولية على علاتها...
رجل حقيقي +إمرأة أنثى=ما يتناحروش كامل,كل واحد شاد قدرو
شبه مرأة+شبه رجل= تنوض القيرة (الحرب) و تولي الضحايا من كل جيه و لي ما يشتري يتفرج
دوك نتي صنفي وش شفتي

اسلام انس · 2012-07-10, 17:15

اسم نقولك...عيش تشوف..........كاين المرا وكاين المريه.وكاين لي مكان والو.....ديجا راني بينت في موضوع الفرق بين المراة والانوثة

كاين المراة لي تحسبها راجل والله لا تخاف منها وزيد بزيادة انتي هذا لي شفتيه لو مان نحكيلك غاديا قاع ماتصوميش رمضــــان راسك

يوجعك............تقبـــــــلي مــــــــــروري

فتـ حييةـاة · 2012-07-10, 17:36

اقتباس:

المشاركة الأصلية كتبت بواسطة Lydia istanboul

شبه رجل + فتاة حيية(مش فتحية تاعنا ههه)= هو يهضع و هيا تترفع عليه و تخليه
رجل فحل +قليلة أدب سوقية)(المسترجلة)=هي تغلط و هو يسكت و لو عندو الحق احتراما لنفسو و انو مهما يكون راهي ولية على علاتها...
رجل حقيقي +إمرأة أنثى=ما يتناحروش كامل,كل واحد شاد قدرو
شبه مرأة+شبه رجل= تنوض القيرة (الحرب) و تولي الضحايا من كل جيه و لي ما يشتري يتفرج
دوك نتي صنفي وش شفتي

=========
التمنشير عيني عينك

Lydia istanboul · 2012-07-10, 17:42

اقتباس:

المشاركة الأصلية كتبت بواسطة فتـ حييةـاة

=========
التمنشير عيني عينك

اسمك جاني على القوسطو....نعتذر للإختطاف الأدبي هههههه

سارة البوسعادية · 2012-07-10, 21:36

جابلي ربي في الاسمدة الكيماوية هذي الي رهجونا بيها
الانسان خرج عن طبيعتو في كلش

الواثق · 2012-07-10, 21:41

هذي كي ولات زريعة النساء تحكم ..........................ليست مقولتي بل مقولة ابي حفظه الله ورعاه

بالنسبة لي كاين نساء وقحات تقول الواحد يضربها كيما يضرب الرجال .......................كانت تخدم وحد المرا في مطعم جامعي شفتها بعيني ضربت رجل بدماغ نحتلو عينو ................ومرة سمعتها تضحك وتغطي في فمها وتعمل كي الافعى ......لاعبتها انثى ........وانا في بالي تخصها اللحية وفرات هههه

الله المستعان

ليلى خانم · 2012-07-10, 21:44

حسبي الله ونعم الوكيل نساء ورجال اخر زمن

BAROUD · 2012-07-10, 21:52

اقتباس:

المشاركة الأصلية كتبت بواسطة سارة البوسعادية

جابلي ربي في الاسمدة الكيماوية هذي الي رهجونا بيها
الانسان خرج عن طبيعتو في كلش

صح و الله غير كاينة
دك نقولك و اني قريب من الميدان
حليب الاظفال الصغار و حتئ الحليب الغبرة ف الدول الاوروبية يزيدوا فيه مادة كميائية تخلي القلب تاع الانسان قاسي و الا كما نقولوا بالعامية ميت تشوف قدامك الطفل يضرب يماه باباه خاوتوا يجيك شي عادي لانو هديك المادة تقتل الاحساس لذئ الانسان و الدليل قدامك ما شاء الله
و لهذا تقدري تقارني بين من يشرب حليب طبيعي من البيت و بين من يشتري حليب من المصانع ووو

معليش مش موضوعنا لكن حبيت نفيد و تعرفوا هذه الحقيقة اللي ممكن ما يعرفها الاخرون

هكذا

SOUSOU. DZ · 2012-07-10, 22:21

اقتباس:

المشاركة الأصلية كتبت بواسطة الواثق

هذي كي ولات زريعة النساء تحكم ..........................ليست مقولتي بل مقولة ابي حفظه الله ورعاه

بالنسبة لي كاين نساء وقحات تقول الواحد يضربها كيما يضرب الرجال .......................كانت تخدم وحد المرا في مطعم جامعي شفتها بعيني ضربت رجل بدماغ نحتلو عينو ................ومرة سمعتها تضحك وتغطي في فمها وتعمل كي الافعى ......لاعبتها انثى ........وانا في بالي تخصها اللحية وفرات هههه

الله المستعان

هههههههههههههه هادي تاليا يخا زعما كاين منها اسمحلي ماحبتش تدخل راسي خويا

مي واش نقولو ربي يهدي ماخلق

SOUSOU. DZ · 2012-07-10, 22:49

السلام عليكم اختي والله ماعرفت واش نعلق ماعليا نقول غير ربي يهدي ماخلق

soso sirin · 2012-07-10, 23:19

اقتباس:

المشاركة الأصلية كتبت بواسطة lydia istanboul

شبه رجل + فتاة حيية(مش فتحية تاعنا ههه)= هو يهضع و هيا تترفع عليه و تخليه
رجل فحل +قليلة أدب سوقية)(المسترجلة)=هي تغلط و هو يسكت و لو عندو الحق احتراما لنفسو و انو مهما يكون راهي ولية على علاتها...
رجل حقيقي +إمرأة أنثى=ما يتناحروش كامل,كل واحد شاد قدرو
شبه مرأة+شبه رجل= تنوض القيرة (الحرب) و تولي الضحايا من كل جيه و لي ما يشتري يتفرج
دوك نتي صنفي وش شفتي

والله ماعلابالي واش نقلك والله مانقدر نقول عليهم انهم اشباه رجال و نساء المشكل انو نعرفهم للزوج صح هوما شوية ناس انوغمال في عقلياتهم مي في حياتي ماتوقعتش انو مستوى النقاش و ردة فعلهم ممكنت توصل لدرجة كيما هاذي والله ماصبت واش نقلك يا اختي يا ليديا والله مازالني مشوكيا

soso sirin · 2012-07-10, 23:40

اقتباس:

المشاركة الأصلية كتبت بواسطة بن عمير 22

اسم نقولك...عيش تشوف..........كاين المرا وكاين المريه.وكاين لي مكان والو.....ديجا راني بينت في موضوع الفرق بين المراة والانوثة

كاين المراة لي تحسبها راجل والله لا تخاف منها وزيد بزيادة انتي هذا لي شفتيه لو مان نحكيلك غاديا قاع ماتصوميش رمضــــان راسك

يوجعك............تقبـــــــلي مــــــــــروري

والله يا خويا الي شفتو اليوم راه دوخني والله ماتخيلت انو راح نشوف حاجة كيما هكا بعينيا .والله راسي راه ضارني و الله اليوم تبلوكا تاع الصح.ان شاء الله الي شفتو اليوم مانزيدتش نشوفو في حياتي والله ماعلابالي كيفاه حتا وصلت لدارنا من الشوك .لالا خويا انا والله باغية نصوم و ندعي ربي باه مانزيدتش نشوف حاجة كيما هاذي

soso sirin · 2012-07-10, 23:47

اقتباس:

المشاركة الأصلية كتبت بواسطة سارة البوسعادية

جابلي ربي في الاسمدة الكيماوية هذي الي رهجونا بيها
الانسان خرج عن طبيعتو في كلش

هي بلاك عندك الحق حنا مقلقين و زدنا هبلنا

soso sirin · 2012-07-10, 23:57

اقتباس:

المشاركة الأصلية كتبت بواسطة الواثق

هذي كي ولات زريعة النساء تحكم ..........................ليست مقولتي بل مقولة ابي حفظه الله ورعاه

بالنسبة لي كاين نساء وقحات تقول الواحد يضربها كيما يضرب الرجال .......................كانت تخدم وحد المرا في مطعم جامعي شفتها بعيني ضربت رجل بدماغ نحتلو عينو ................ومرة سمعتها تضحك وتغطي في فمها وتعمل كي الافعى ......لاعبتها انثى ........وانا في بالي تخصها اللحية وفرات هههه

الله المستعان

هي من جهة والله باباك عندو الصح.والله يا خويا مرات الواحد مايصيب مايقول والله شي نسا تقول عليهم رجال ديجا والله حاشا الرجال لانو الراجل والله مايدير شي حوايج هوما يديروهم و زيد والله مرات كي المراة تنسى روحها و تولي تعيط و الراجل يساعفها و يزيد فيها و ينسى بلي راه يهدر مع امراة والله عيب كبير والله عيب