ماذا لو اكتشفت ....

2012-06-09, 16:05

السلام عليكم
سؤالي موجه إلى كل النساء

ماذا لو اكتشفت صدفة أن زوجك على علاقة مع امرأة أخرى عبر النت وكنت قد سمعت حديثه معها وهو لم يعلم أنك على دراية
كيف تعالجين الموقف؟هل تصارحينه؟ تتغاضين عن الأمر وكأنه لا علم لك بالموضوع؟هل تتغير طريقة معاملتك له؟
هل تعتبرينها مشكلة أم تجدين الأمر عاديا وتقولين هي
نزوة وستزول مع الأيام؟
باختصار ماذا تفعلين؟
أرجو الإجابة بصراحة
تحياتي للجميع
(أتمنى ألا يكون الموضوع مكررا)
(السؤال موجه للمتزوجات ولغير المتزوجات)

soso sirin · 2012-06-09, 16:26

الحاجة الاولى الي نتفاهمو عليها هي ممنوع منعا باتا اي علاقة من اي نوع مع اي امراة كانت و مايقوليش ني عالم افتراضي ني عالم حقيقي انا بالنسبة ليا هاذي و خيانة حتى و لوكان تكون غير هدرة .هي ردة الفعل تكون على حساب الكلام الي سمعتو معنتها كون يكون هدرة وخلاص نسكت هذاك الوقت لانو راني متاكدة كون نهدر راح نتناقر انا و ياه مي نخلي الوقت شوية يفوت و نعرف كيفاه نهدر معاه و يا لوكان بالمعاني و اذا مافهمش نقولو نيشان مي اذا سمعتو يقلها في هدرة ماشي نوغمال هنا والله ماعلابالي واش راح تكون ردة فعلي انا ومانقدرش نتخيلها .هي اذا كان محترمني اصلا مايديرهاش صح في كاش منتدى الله يسهل عليه مي باه يفتح كاش حاجة تاع دردشة هاذي مكانش لي يقبلها و اذا بعينو يهدر كان ريح عازب و هدر مع الموند كامل

نجمة ساطعة · 2012-06-09, 16:30

والله ما نقدر نعرف بالضبط يعني حسب الظرف و الحالة ووووو

مثلا كنت نتسبب عليه و حابة حاجة نلصق فيه ندير منها فلم مش قصة

في حالة ثانية كان عندي ولاد و حسيت اني قصرت مع راجلي و لبنات غير يلصقوا نفيق لعمري و نرجعوا ليا

او او او .........

blackTears · 2012-06-09, 16:58

أخي ان بالنسبة ليا الزوج تاعي نتفاهم معاه من الأول ممنوع علاقة مع النساء حتى و لو كانت في النت
و إذا تفاهمنا على هذا و لقيتو مع النساء في النت
هناك يحدث مالا يحمد عقباه

2012-06-09, 17:16

السلام عليكم
شكرا لمروركن من هنا
لكن لي مافهمتوش كيفاش تتفاهمي معاه باه ما يحكيش مع النساء؟
رانا نقولو النت في الدار وسمعتيه يحكي
مع أمرأة أخرى
أظنكن غير متزوجات فأنتن تحكين من منطلق الملاحظ لا المجرب
ضعن أنفسكن في الحالة إما تتجاهلن ليسير المركب
أو...............
أنا شخصيا لا أعتقد أن المرأة الغيورة التي تغضب بسرعة
ستستطيع أن تفوت الأمر والله أعلم
تحياتي لكن

*سيرتا * · 2012-06-09, 17:22

صراحة لا يمكنني الاجابة لاني لا استطيع تخيل الموقف ولكن الاكيد لن اقول بانها نزوة و ستمر ابدا فلكل حادث حديث ... .

*سيرتا * · 2012-06-09, 17:27

اقتباس:

المشاركة الأصلية كتبت بواسطة ع/ش

السلام عليكم
شكرا لمروركن من هنا
لكن لي مافهمتوش كيفاش تتفاهمي معاه باه ما يحكيش مع النساء؟
رانا نقولو النت في الدار وسمعتيه يحكي
مع أمرأة أخرى
أظنكن غير متزوجات فأنتن تحكين من منطلق الملاحظ لا المجرب
ضعن أنفسكن في الحالة إما تتجاهلن ليسير المركب
أو...............
أنا شخصيا لا أعتقد أن المرأة الغيورة التي تغضب بسرعة
ستستطيع أن تفوت الأمر والله أعلم
تحياتي لكن

لم التجاهل يا اخي...الحوار البناء كدلك لا يعرقل سير المركب....لست بالمتزوجة و اعرف ان تخيل موقف ما لا يشبه بتاتا التجربة المعاشة ولكني احب الحوارو اشجعه ...جلسة استماع واخد ورد فلربما ستفي بالغرض

2012-06-09, 17:33

اقتباس:

المشاركة الأصلية كتبت بواسطة *سيرتا *

لم التجاهل يا اخي...الحوار البناء كدلك لا يعرقل سير المركب....لست بالمتزوجة و اعرف ان تخيل موقف ما لا يشبه بتاتا التجربة المعاشة ولكني احب الحوارو اشجعه ...جلسة استماع واخد وعطاء فلربما ستفي بالغرض

السلام عليكم
لكن أنا ما أعتقده هو أن المرأة المتزوجة تضحي بأمور كثيرة
حتى لا تهدم بيتها خاصة إذا كان لديها أولاد
يمكن أن تناقش وجها لكن لو نفترض أن النقاش لم يغير شيءا
ماهي فاعلة؟
في نظري والله اعلم تتجاهل وتصبر
أنا أتحدث غنطلاقا من الواقع
هذا ما قصدته

2012-06-09, 17:37

اقتباس:

المشاركة الأصلية كتبت بواسطة *سيرتا *

صراحة لا يمكنني الاجابة لاني لا استطيع تخيل الموقف ولكن الاكيد لن اقول بانها نزوة و ستمر ابدا فلكل حادث حديث ... .

السلام عليكم
إذن لن تقولي أنها نزوة
لأن النزوة يمكن أن تتطور لتهدم بيتا
هذا حسب رأيي
شكرا لمرورك

السَّحابة البيضاءْ · 2012-06-09, 17:50

السلام عليكم

الحاجة الي متاكدة منها انني رايحة نقلب عليه الدار بالعياط وسور الميكرو هو أول الضحايا

ومن بعد مانعرف ههههه

2012-06-09, 17:58

اقتباس:

المشاركة الأصلية كتبت بواسطة همسة هنى

السلام السلام عليكم

الحاجة الي متاكدة منها انني رايحة نقلب عليه الدار بالعياط وسور الميكرو هو أول الضحايا

ومن بعد مانعرف ههههه

السلام عليكم
الصراحة من جهة عجبني ردك لأنو تصرف طبيعي
نتاع وحدة كرامتها فوق كل شي وماتقبلش الخيانة مهما كان نوعها ومليح كي جات في الميكرو هههه
المهم خطات الراجل
وماعجبنيش لأنو هاذ التصرف راح يكبر المشكلة أكثر وأكثر
شكرا لمرورك الكريم

السَّحابة البيضاءْ · 2012-06-09, 18:08

اقتباس:

المشاركة الأصلية كتبت بواسطة ع/ش

السلام عليكم
الصراحة من جهة عجبني ردك لأنو تصرف طبيعي
نتاع وحدة كرامتها فوق كل شي وماتقبلش الخيانة مهما كان نوعها ومليح كي جات في الميكرو هههه
المهم خطات الراجل
وماعجبنيش لأنو هاذ التصرف راح يكبر المشكلة أكثر وأكثر
شكرا لمرورك الكريم

حاجة باينة تخطي الراجل

وانا استدركت هذا وقتلك ومن بعد مانعرف يعني خليت الامر مفتوح بحسب الظروف

متتوقعش مني اني ندير جلسة حوار قبل :coolما نفرغ شحنة الغضب باش يكون عندي استعداد لسماعه

2012-06-09, 18:15

اقتباس:

المشاركة الأصلية كتبت بواسطة همسة هنى

حاجة باينة تخطي الراجل

وانا استدركت هذا وقتلك ومن بعد مانعرف يعني خليت الامر مفتوح بحسب الظروف

متتوقعش مني اني ندير جلسة حوار قبل :coolما نفرغ شحنة الغضب باش يكون عندي استعداد لسماعه

السلام عليكم

أصلا مانظنش أنو الراجل راح يبقى في الدار
باه يسمعك
راح يتوب مباشرة بعد ما تكسري الميكرو
وربما طريقتك تعيده إلى رشده
من يدري؟
بارك الله فيك على المداخلة

سارة 64 · 2012-06-09, 20:43

اقتباس:

المشاركة الأصلية كتبت بواسطة ع/ش

السلام عليكم
سؤالي موجه إلى كل رجل لأنني رجل و لا دخل لي بالنساء

ماذا لو اكتشفت صدفة أن زوجتك على علاقة مع رجل أخر عبر النت وكنت قد سمعت حديثه معها وهي لا تعلم أنك على دراية
كيف تعالج الموقف؟هل تصارحها؟ تتغاضى عن الأمر وكأنه لا علم لك بالموضوع؟هل تتغير طريقة معاملتك لها؟
هل تعتبرها مشكلة أم تجد الأمر عاديا وتقول هي
نزوة وستزول مع الأيام؟
باختصار ماذا تفعل؟
أرجو الإجابة بصراحة
تحياتي للجميع
(أتمنى ألا يكون الموضوع مكررا)
(السؤال موجه للمتزوجين ولغير المتزوجين)

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حفيظة 1 · 2012-06-09, 21:01

اقتباس:

المشاركة الأصلية كتبت بواسطة soso sirin

الحاجة الاولى الي نتفاهمو عليها هي ممنوع منعا باتا اي علاقة من اي نوع مع اي امراة كانت و مايقوليش ني عالم افتراضي ني عالم حقيقي انا بالنسبة ليا هاذي و خيانة حتى و لوكان تكون غير هدرة .هي ردة الفعل تكون على حساب الكلام الي سمعتو معنتها كون يكون هدرة وخلاص نسكت هذاك الوقت لانو راني متاكدة كون نهدر راح نتناقر انا و ياه مي نخلي الوقت شوية يفوت و نعرف كيفاه نهدر معاه و يا لوكان بالمعاني و اذا مافهمش نقولو نيشان مي اذا سمعتو يقلها في هدرة ماشي نوغمال هنا والله ماعلابالي واش راح تكون ردة فعلي انا ومانقدرش نتخيلها .هي اذا كان محترمني اصلا مايديرهاش صح في كاش منتدى الله يسهل عليه مي باه يفتح كاش حاجة تاع دردشة هاذي مكانش لي يقبلها و اذا بعينو يهدر كان ريح عازب و هدر مع الموند كامل

عندك الحق