والله ندير الخير

[مشكلتي]

ياخواني باه نكذب عليكم باه نحسن صورتي راه واحد فيكم مايعرفني وحابتكم تصدقوني وجاوبوني
انا والله العظيم ندير الخير في الناس لدرجة كبيرة نجري ونطيح يعني ماتصوروش قلبي يخرج على خاطر هاد الناس بصح ماعرفتش علاه يدورو عليا بالاخص اللي ندير فيهم الخير درك راني وحدي وحدي ماعدت نروح لواحد وحتى واحد مايجيني مايصقصي عليا كنت في وقت دايما عندي يتغدو و يتعشو ويباتو نفرشلهم نتعب على جالهم بصح مافهمتش علاه جبدو رواحهم مني مع اني درت فيهم غير الخير كاين اللي وصلت انا وراجلي على جالها للماصل كبيرة باه نرضاها هي وهي درك حقرتني تعبت واش ندير هل انا مانصلحش ولا كيفاه حتى كي يقيسوني والله مانرد عليهم نرضاها في قلبي ومانردش هل نجبد روحي من كل الناس ولا واش ندير
راني درك في نفسية يعلم بيها كان ربي راني وحدي وحدي
وشكرا

[سآجدْ للهْ]

الاخت الفاضلة جزاءك عند الله لا تنتظري جزاءا ولا شكورا من احد..

وربي يوفقك الى ما يحب ويرضى

[نجمة ساطعة]

و علاه يا اختي تعبي في روحك الله يبارك متزوجة و براجلك و وولادك

فكك من الغاشي الراشي ... الناس تاع مظاهر و يحبوا غير اللي يزليهم

شدي في ربي و اعبديه و اخطيك من الوسواس

اللي جاك مرحبا و اللي ما جاش يخبط راسو في حيط

[khaoula rouh]

اعاني من نفس المشكل منين ندير الخير في واحد لخير ايقابلني بالشر
قالك في وقتنا حبيت تخسر انسان قادرو وحبو وسقسي عليه
ربي يهديهم كي يخلوني مانيش راح نموت عندي ربي وماهمش اول واخر عبادو نعرفهم ربي عوضك خير
سلام

[z.abdo]

المشاركة الأصلية كتبت بواسطة مشكلتي

ياخواني باه نكذب عليكم باه نحسن صورتي راه واحد فيكم مايعرفني وحابتكم تصدقوني وجاوبوني
انا والله العظيم ندير الخير في الناس لدرجة كبيرة نجري ونطيح يعني ماتصوروش قلبي يخرج على خاطر هاد الناس بصح ماعرفتش علاه يدورو عليا بالاخص اللي ندير فيهم الخير درك راني وحدي وحدي ماعدت نروح لواحد وحتى واحد مايجيني مايصقصي عليا كنت في وقت دايما عندي يتغدو و يتعشو ويباتو نفرشلهم نتعب على جالهم بصح مافهمتش علاه جبدو رواحهم مني مع اني درت فيهم غير الخير كاين اللي وصلت انا وراجلي على جالها للماصل كبيرة باه نرضاها هي وهي درك حقرتني تعبت واش ندير هل انا مانصلحش ولا كيفاه حتى كي يقيسوني والله مانرد عليهم نرضاها في قلبي ومانردش هل نجبد روحي من كل الناس ولا واش ندير
راني درك في نفسية يعلم بيها كان ربي راني وحدي وحدي
وشكرا

حسنا اختي انت درتي الخير لوجه الله

فإنه مسجل عند الذي لاتضيع ودائعه

وليس من أجل ناس نتاع المصلحة فقط


غذا كوني حازمة شوية مع هذا النوع من الناس


الطيبة بزاف تهلكي نفسك ويتعب زوجك معك رضي زوجك قبل ما ترضي هذو الناس

[bas sos2003]

ربي يكون في العون

[اميرة باحتشامي]

الهلاي بدارك وراجلك وولادك والاهم عبادة ربي سبحانه واشغلي الفراغ انتاعك بقراة القران والاستغفار وغيرها من الاعمال الصالحات

واللي جاك للدار حتى ويكون عدوك واجبيهم وضيفيه واكرميهم ووكلي عليه ربي اذا اراد المساس بسوء

[FAN2013]

كما قال الأخ في الرد الأول يجب عليك إن عملت عملا أن تجعيله في سبيل الله فقط هكذا إذا كان الشخص الذي قمت بعمل خير معه رده خيرا فذلك رائع و إذا رده بالشر فجزاؤه و جزاؤك عند الله

[نيفرتيتي.]

انا نقول لصاحب الموضوع مايغيضكش الحال هذه هي حال الدنيا كيما يقولو اتقي شر من احسنت اليه الانسان منا كي يدير الخير مايستناش انه اللي درتو فيه الخير يرجع هولك كيما انا نطمع في انه يرجعلي كي يصلحلي ربي في ولادي وراجلي وبيتي بصح من عند اللي درتي فيه لالالالالالالالا
غير واشي هو هاذوم الناس يخطوك من لسانهم والافعال اللي تضرك اللي دار الخير دارو لربي

[soso sirin]

و انتي اختي علاه راه غايضك الحال على جال ناس هكا وخلاص شوفي في هاذي الدنيا تمشاي بوحد الراي والله راح يخرج عليك ديري الخير لانو انتي مولات خير و انسايه لانو ربي ماراهش رايح ينساه زيد باب دارك دايمن مفتوح ال يبغي يجي ليك اهلا و سهلا الي مابغاش طريق السد الي تدي و ماترد.زيد الصح في هاذي الدنيا والديك راجلك اخواتك و اخواتاتك و ولادك كي تجي حاجة ماشي مليحة من واحد فيهم هي الي تقتل من غيرهم والله واحد لا يغيضك الحال عليه .اختي ماتكسري راسك مايضرك على جال ناس ماتستاهلش و اذا قعدتي تخممي عليهم والله راح تتاثري و تاثري على دارك .الي نساك نسايه

[ترب الندى]

السلام عليكم
ارضاء الناس غايه لا تدرك
و ارضاء الله غايه لا تترك
=====
لا تلتهي بالناس و تنسين خالق الناس سبحانه
هو ارحم من والدينا علينا
قال تعالى
( وَنَحْنُ أَقْرَبُ إِلَيْهِ مِنْ حَبْلِ الْوَرِيدِ)

و قال ايضا

( ولا تيأسوا من روح الله انه لا ييأس من روح الله الا القوم الكافرون)


=====
ثقي بنفسك عزيزتي
و توكلي على الله رب العالمين
و سيجازيك خيرا ترضينه
=======
اكثري من النوافل و الدعاء
و ستلقين امرا عجبا من الراحه و السكينه و الطمانينه
ولا تقولي انك وحيده
فالله معك و معنا

[MIWAKE]

ربي اعاونك اختي

[abdel02]

لو كان الرسول صلى الله عليه وسلم ينتظر الجزاء لمن اسدى اليه معروفا لما وصلنا الاسلام.

[منهاج]

السلام عليكم

رضي ربي سبحانو قبل ما ترضي العبد وتاني المثل يقول دير الخير وارميه في البحر ودير الشر وتفكره

[bass_inf]

أجبدي روحك عليهم وما تزيديش اتسقسي على اي واحد

اهتمي بعبادتك وراجلك و أولادك وما تزيديش اتنقصي من روحك

واشغلي نفسك بحوايج مفيده وما تقلقيش روحك

ما تعرفيشي هم تاني على ضروفهم كيفاش الناس كامل عندها مشاكل وتنشغل حتى على اقرب الناس ليها وهي والديهم ما بالك بانتي

ربي يحسن عونك ودارك اهم من كل الناس