خطأ .....

aymen smail 27 · 2012-06-06, 12:23

السلام عليكم و رحمة الله
بالتوفيق للجميع ان شاء الله
خاوتي راني مقلق بزاف
فالباك كتبت بالقلم الازرق لكن ترقيم الاسئلة كتبت بالاسود
قالولي مايصححوش الورقة
و اش رايكم ؟
شكرا

kh.dz · 2012-06-06, 12:27

حتى حنا كاين لي داروها ،،
وقالولهم نورمال بصح ماتعاودوهاش

محمد الخاشع للرحمان · 2012-06-06, 12:28

ههههه انا رسمت و لونت و كتبت بالالوان
ما تخافش ما كانش منها

خلود 93 · 2012-06-06, 12:33

لن يفعلوا شيئا نحن اساتذتنا طلبوا منا ان نكتب بالالوان المغايره

aymen smail 27 · 2012-06-06, 12:34

اقتباس:

المشاركة الأصلية كتبت بواسطة kh.dz

حتى حنا كاين لي داروها ،،
وقالولهم نورمال بصح ماتعاودوهاش

الحمد لله
يعطيكم الصحة
هنيتوني الله يهنيكم

aymen smail 27 · 2012-06-06, 12:37

شكرا اخواني
الله يجزيكم خيرا

maya23 · 2012-06-06, 12:52

مكانش منها انا العام ليفات كتبت بالازرق و لكحل و نورمااال خلاه

متقلقش روحك

أمينة1994 · 2012-06-06, 13:16

نووووووووووووووورمال

rani · 2012-06-06, 13:21

وانا في الرياضيات قسمت الورق على زوج و قعدت نحل جاو الحراس قالولي علاه متسقسيناش عاوديلهم قاع قتلهم كيفاش؟ باقية ساعة و نصف و انا باقيلي زوج تمارين؟.... ايا استادة كانت تحرس معاهم قاتلهم خليو عليكم الينت راكم شفتوها وجهها تلون قاتلي كملي نورمال يااااو مفطنتش بروحي الدموع وليت منشوفش والحراس يجريو بالماء ياااااااو قاع هاداك السوجي و زيد الهم تاع الخلعة

wajih · 2012-06-06, 13:26

هههههههههههههههه
الا دارو هكذا ماراحوش اصحولي الباك نتاعي بارسكوا كامل درتوا على هاذيك الطريقة

zahoueddineess · 2012-06-06, 13:28

للا سف ستاخد 0 زائد اقصاء لاه وش درهالك نورمال لعام لجاي

.
.
.
.
.
.
.
.
.
.
.هههههههههههههه وين راك حبيبي راك فلجزائر انا كتبت بالاخضر والازر عادي وجاء اللي يحرص قالي ممنوع قتلوا ههههههههه فاقو يخي اساتدة هوما لي يصحوا ماشي جنون يشوفوا غير لزق ولكحل وحنا استادنا قالنا حداري كون ماتكتبوش بالالوا اكتبوا نورمال

بصح نصيحة خو عود اكتب بلون واحد برك خير باش تبعد على روحك شبوهات

اميرة زماني · 2012-06-06, 13:33

انا تاني كتبت بلكحل نورمال

دكتور دولار · 2012-06-06, 13:47

قالولهم نورمال بصح ماتعاودوهاش

عدنان سات · 2012-06-06, 14:07

ورقتي قوس قزح أخضر وأزرق وأسود بالعكس أكثر تنظيم

adinos · 2012-06-06, 14:30

مكاش منها شوف في الورقة الاستدعاء واش قالوا وانا من لي رابحين الباك ونقولك نورمال ما تكتبش بالقلم الاحمر فقط اما باقي الالوان متل الاخضر والاسود فعادي كتب بها انا واحدة من ناس في الباك تاعي كتبت بالالوان المغايرة و ربحت و عادي ما تخافش يصحوهالك .