تزوجي مهما يكن

الرڨيڨ · 2013-06-12, 10:19

لماذا يا ترى يعتبر المجتمع و الوالدين اولا ان الفتاة التي لم تزوج عبئا عليهم حتى و لو كانت هي تصرف على نفسها و يستحون امام الناس لانهم بنتهم لم تتزوج بينما جيرانهم و اقاربهم كل بناتهن تزوجن ؟ هل اصبح الزواج مبعث مباهاة و تفاخر ؟

لماذا يقولون لها ( الوالدة و الاقارب و الناس ...) هذا المصطلح الغريب " هل تقعدين هكذا بدون زواج في انتظاره..." اذا اصرت على اختيار الزوج الصالح
لماذا يقولون لها روحي اجري على روحك فتروح ترقي و لا يحصل شيء و يبقون يقولون لها "ما زالت ما تزوجتيش ربي ينوب " و الغربي ان الكلام هذا يصدر من امراة زوجها يشبعها شتم و ضرب صباح و مساء لو كنت مكانها لجاتني عقدة من الزواج

لماذا يقولون لها روحي" اشطاري" و هذا يعني سمعناه من والدة لابنتها

ماذا تقصد يا ترى ب"اشطاري" " ما تكونيش خجولة بزاف و مكمشة " " اخرجي شوية للزنقة باش يشوفوك الناس"

هل تدفعها لان تتزين و تتبرج و تخرج لاصطياد الرجال مثلا ( و هذا ما يحصل اليوم بالفعل )
هل تدفعها لجلب الرجال و لو بطريقة محرمة كان تذهب للدجالين و الشوافين
هل تدفعها للذهاب للاعراس بلباس مكشوف و ماكياج فاضح و ترقص فقط لتثير الانتباه و تتزوج

و الله حالة يرثى لها نعيشها اليوم

و الله حالات ذكرتها من الواقع اسمعه و اراه من قريب و من بعيد

الله يهدينا

منال مي12 · 2013-06-12, 10:31

بارك الله فيك على هذا الطرح
اختي انا اعاني من نفس المشكل بصح ماهيش ماما لي تقولي اشطاري الله غالب كاين ناس يجرحوك وما تقدريش تردي
لوكان تقولي واش هو الزواج يقولو غايرة وبايرة كون زوجتش راي ما تحكيش هكا بصح حسبيا الله ونعم الوكيل
واش راح نقول ربي يثبت علينا العقل والدين

كوثر 20 · 2013-06-12, 10:32

صباح الخير اخي الكريم والله كلامك كل صحيح هدا هو حال الناس والاقارب لما تكبر البنت وماتتزوش والله غير ربي يهديهم يقولو وحد الكلام يجرح وكانهم هما راهم متزوجين وعايشين فالهنا

الرڨيڨ · 2013-06-12, 10:41

اقتباس:

المشاركة الأصلية كتبت بواسطة منال مي12

بارك الله فيك على هذا الطرح
اختي انا اعاني من نفس المشكل بصح ماهيش ماما لي تقولي اشطاري الله غالب كاين ناس يجرحوك وما تقدريش تردي
لوكان تقولي واش هو الزواج يقولو غايرة وبايرة كون زوجتش راي ما تحكيش هكا بصح حسبيا الله ونعم الوكيل
واش راح نقول ربي يثبت علينا العقل والدين

اشكرك اختي و اسال الله ان يفرج عنك بزوج صالح تحسده عليه كلهن

هذا الموضوع اخترته بالذات لاني اسمع و ارى في مجتمعنا سواء في العائلة او من الناس كلام عجاب و تدخل ليس له اي داعي في شؤون البنات حتى تصل احداهن لحد البكاء و الله حرام

الرڨيڨ · 2013-06-12, 10:44

اقتباس:

المشاركة الأصلية كتبت بواسطة كوثر 20

صباح الخير اخي الكريم والله كلامك كل صحيح هدا هو حال الناس والاقارب لما تكبر البنت وماتتزوش والله غير ربي يهديهم يقولو وحد الكلام يجرح وكانهم هما راهم متزوجين وعايشين فالهنا

نعم هذا الذي يجعل الانسان يندهش يا ترى التي تتدخل في امر زواج انسانة اخرى هل وصلت بها درجة الحب لذلك الحد حتى تخمم في امر زواجك لهذه الدرجة ام انه الغيرة و الحسد على انها تزوجت و قضي الامر و لاقت مصيرها الذي لا مفر منه و انت مازلت امامك فرصة للاختيار اظن ان كل هذا بدافع الغيرة و الحسد او ان الزواج بالنسبة لهم مجرد لقب مدام و انجاب حزمة اولاد للتباهي بهم

المحقق PC · 2013-06-12, 11:19

وعليكم السلام ورحمة الله

بارك الله فيك على هذا الطرح

صحيح أخي ما زاد طنة بلة هو دفع الأم لأبنتها للخروج إلى الشارع من أجل اصطياد الرجال وهذه الكلمة تصدر من أفواه ضعفاء النفوس لا يؤمنون بقضاء الله وقدره.

في عوض ذكر الله في الدعاء لرزق بناتهم بالزوج الصالح، نسوا الله فأنساهم أنفسهم.

أسال الله العلي العظيم أن يرزق بنات المسلمين أزواجًا صالحين

sali-sali · 2013-06-12, 11:20

السلام عليكم
عن نفسي مايهمنيش ناس تحكي معايا هكدا حتى و لو اهلي
الزواج مكتوووووووووب

الرڨيڨ · 2013-06-12, 13:39

اقتباس:

المشاركة الأصلية كتبت بواسطة sali-sali

السلام عليكم
عن نفسي مايهمنيش ناس تحكي معايا هكدا حتى و لو اهلي
الزواج مكتوووووووووب

بارك الله فيك نعم الزواج مكتوب و الله حثنا على اختيار الزوج الصالح و ليس اول طارق للباب تقولين له نعم

كوثر 20 · 2013-06-12, 13:59

نعم هذا الذي يجعل الانسان يندهش يا ترى التي تتدخل في امر زواج انسانة اخرى هل وصلت بها درجة الحب لذلك الحد حتى تخمم في امر زواجك لهذه الدرجة ام انه الغيرة و الحسد على انها تزوجت و قضي الامر و لاقت مصيرها الذي لا مفر منه و انت مازلت امامك فرصة للاختيار اظن ان كل هذا بدافع الغيرة و الحسد او ان الزواج بالنسبة لهم مجرد لقب مدام و انجاب حزمة اولاد للتباهي بهم
الرد
تجد الناس يخمو في مصيرك الزوجي ولكن قلوبهم مليئة بالحقد والمهم من كل هادا باش تولي البنت مثل العلكة في فم الناس والام تاني تلعب دور كبير مثلا لو تدحل مراة غريبة لبيتها تجد الام تحكي على بنتها وهي مطئطئة راسها وتخبرها بلي ماتزوجتش كانها تقولها ادا عندك ولد كبير ولى ادا تعرفي واحد خبريه بابنتي المسكينة وبالطبع فان البنت هي التي تتالم من هاد الكلام واعيد شكري على الموضوع اسفة عن الاطالة

الرڨيڨ · 2013-06-12, 14:17

اقتباس:

المشاركة الأصلية كتبت بواسطة كوثر 20

نعم هذا الذي يجعل الانسان يندهش يا ترى التي تتدخل في امر زواج انسانة اخرى هل وصلت بها درجة الحب لذلك الحد حتى تخمم في امر زواجك لهذه الدرجة ام انه الغيرة و الحسد على انها تزوجت و قضي الامر و لاقت مصيرها الذي لا مفر منه و انت مازلت امامك فرصة للاختيار اظن ان كل هذا بدافع الغيرة و الحسد او ان الزواج بالنسبة لهم مجرد لقب مدام و انجاب حزمة اولاد للتباهي بهم
الرد
تجد الناس يخمو في مصيرك الزوجي ولكن قلوبهم مليئة بالحقد والمهم من كل هادا باش تولي البنت مثل العلكة في فم الناس والام تاني تلعب دور كبير مثلا لو تدحل مراة غريبة لبيتها تجد الام تحكي على بنتها وهي مطئطئة راسها وتخبرها بلي ماتزوجتش كانها تقولها ادا عندك ولد كبير ولى ادا تعرفي واحد خبريه بابنتي المسكينة وبالطبع فان البنت هي التي تتالم من هاد الكلام واعيد شكري على الموضوع اسفة عن الاطالة

صحيح يا اختي بارك الله فيك

انا ارى ان الامهات اكبر الاشخاص الذين يجعلون بناتهم في موقف مهين و كانها مسكينة قريب تبيعها لكاش راجل

لو وقفت المراة وقفة ام حقيقية شجاعة وواجهت كلام الناس بان لم ياتي مكتوبها او لم ياتيها الرجل الصالح الذي ائتمنه عليها لسكت الجميع

كوثر 20 · 2013-06-12, 15:03

الزواج قسمة ونصيب ونهار اللي يكتبهلك ربي واله غير يجي ويدق باب داركم فلازم على البنات الصبروعلى الامهات

مريم الصابرة · 2013-06-12, 15:36

السلام عليكم اخي
بارك الله فيك على الطرح المميز الصراحة اخي يقول المثل ما همك غير اللي من دمك
يعني اللي يجرحو غير من الأقارب وساعات والوالدين يخرج من فمهم كلام هوما يعتبروه عادي وما يراعوش الفتاة هذيك واش تحس
علاش حبيت نفهم واللي ما تزوجتش ماتت وكيما قلت إنت والكلام يخرج غير من اللي شابعة تمرميد في دارها مع راجلها يعني من المفروض تنصحها تقولها ما تتزوجيش يزيدو يعايروهم ربي يهدي ما خلق
ولاحظت أنا ظاهرة في مجالس النساء لما تكون فتاة صغيرة السن ونعرفوها كامل باللي طايشة يظلو يشكرو فيها ويعاودو الف خطاب راه يخطب وإحنا نخيرو ونتقلشو هو ممكن قط ما قالش عليها مياو
وهذا الكلام كامل لمن موجه لفتاة تكون قاعدة فالدار وخطايها الخرجة والدخلة بمعنى يعايرو يعني صار زمن اللي تخجر وتفاز وتجيب ارقام وراجل للدار هذيك هي القافزة واللي فالدار خاطيها وميم تخرج تخدم ولكن خاطيها عاقلة وترفض العلاقات هذيك معقدة وبايرة بلهجة الجزائريين
انا نقول الزواج كالموت مكتوب الله ونقول للبنات اللي ما تزوجوش صدقوني رانا في نعمى مريحين راهم المتزوجات يحسدو فينا لكن نتمنى كل وحدة منكم دير دارها ربي يهنيكم

~~(الانسان الوفي)~~ · 2013-06-12, 16:22

السلام عليكم ..........هذه الدنيا لا تدوم على حال ولا تبقى ثابتة فهي في تحرك مستمر ...ليس الأعزب بأفضل من المتزوج ولا المتزوج سيبقى أفضل من الأعزب ..والانسان لا يملأ جوفه الا التراب ...فلن يرضى بحال من الأحوال ....وليس الرجال بأفضل حال من النساء ...حتى نحن تعبنا من العزوبة ولم نجد ما نتمناه ....أما الوالدين فأكيد يهتمون بمصلحة ابنتهم ...فقط لربما تخرج من افواههم بعض الكلمات الجارحة ...ليس للبنات فقط بل حتى للذكور ...بين قوسين للنكتة فقط ...أنا اقترحت على الادارة مرة من المرات ان يتزوج كل عضو بعضوة يراها مناسبة له ...ههههه شكرا

أيوب 15 · 2013-06-12, 17:02

بارك الله فيك على الطرح الرائع ....الزواج مكتوب ..ونصيب ..وارضى بما قسم الله لك ...تكن أغنى الناس

مريم الصابرة · 2013-06-12, 17:05

اقتباس:

المشاركة الأصلية كتبت بواسطة (الانسان الوفي)

السلام عليكم ..........هذه الدنيا لا تدوم على حال ولا تبقى ثابتة فهي في تحرك مستمر ...ليس الأعزب بأفضل من المتزوج ولا المتزوج سيبقى أفضل من الأعزب ..والانسان لا يملأ جوفه الا التراب ...فلن يرضى بحال من الأحوال ....وليس الرجال بأفضل حال من النساء ...حتى نحن تعبنا من العزوبة ولم نجد ما نتمناه ....أما الوالدين فأكيد يهتمون بمصلحة ابنتهم ...فقط لربما تخرج من افواههم بعض الكلمات الجارحة ...ليس للبنات فقط بل حتى للذكور ...بين قوسين للنكتة فقط ...أنا اقترحت على الادارة مرة من المرات ان يتزوج كل عضو بعضوة يراها مناسبة له ...ههههه شكرا

السلام عليكم اخي
بين قوسين على رد على جملتك انا نشوف الأامر عادي جدا إنو يكون زواج بين أعضاء علاه حرام ما راهش حرام لكن الإدارة ترفض هكذا امور ومواضيع فالأخير نقولو ربي يوفق الجميع ويرزقهم على حساب نواياهم
يسمحنا صاحب الموضوع شكرا