حبيتكم تشوفو برك

sisi 26 · 2012-05-24, 19:07

السلام عليكن راني من الصباح و أنا ندور في المنتدى من قسم إلى قسم ما لقيت والو حبيت نحطلكم صور وصفات درتها من فبل باش تشوفوها برك جوزو بها الوقت
هذا بنيون بشكلين

مقادير احلوة البنيون
باكي قاطو بيمو مرحي + قوفريط مرحي+حفنة كوكاو مرحي شوية خشين+ علبة صغيرة حلوة الترك + قطعة صغيرة مارغرين + كاكاو حتى يولي بني+ عسيلة حتى يتلمد الخليط و يولي متماسك
نفرغ الخليط في صينية و نبسطه باليد ثم نفرغ عليه شكولا ذايبة و ندخله الثلاجة كي تجمد الشيكولا نقطعه حسب الرغبة و نضعه في ليكيسات
الشكل الأول نكور مباشرة كويرات دون اضافة الشيكولا و نشكل بالسكين خطوط و نضع في ليكيسات و ندخله الثلاجة
هذا موسكوتشو

المقادير
6 بيض
نكيل البيض في كأس قد ماجاني ندير سكر عادي ناقص شوية برك
نفس الكأس نصفه زيت
2 م ك مايزينة

فرينة عينك ميزانك
3 خميرة كيميائية يعني كل 2 حبات بيض نديرو 1 خميرة
لفاني
نطلع السكر مع البيض بالباتور مليح ثم نضيف الزيت ثم نضيف المايزينة مخلطة مع شوية فرينة و لفاني و مع الخميرة ثم نضيف الفرينة عينك ميزانك
ندهن المول بالزبدة نخليها تجمد ثم نرش المول بالفرينة مليح ثم نقلبه حتى تسقط الفرينة الزائدة ثم نضع الخليط فيه
نكونو سخنا الفرن درجة الحرارة 160 - 170 و ندخله الفرن و لا نفتح إلا بعد مرور22 دقيقة ثم نشعل من فوق حتى يحمار ندخل السكين إذا خرج ناشف نعرف أنه طاب نطفئ عليه و نتركه داخل الفرن يبرد ثم نقلبه و التزيين حسب الرغبة
وضعت المقادير بناءا على طلباتكم
شهية طيبة

الصوامعية · 2012-05-24, 19:15

يعطيك الصحة تكليهم بالصحة

بشرى2008 · 2012-05-24, 19:28

يعطيك الصحة

khouloud 27 · 2012-05-24, 19:48

يعطيك الصحة يهبلووووو
اختي اذا امكن تعطيني مقادير تاع الموسكوتشو جاتك طالعة الله يبارك

aouatif96 · 2012-05-24, 19:49

rabi yafafdek chabine bezaf

sisi 26 · 2012-05-24, 19:57

اقتباس:

المشاركة الأصلية كتبت بواسطة khouloud 27

يعطيك الصحة يهبلووووو
اختي اذا امكن تعطيني مقادير تاع الموسكوتشو جاتك طالعة الله يبارك

6 بيض
نكيل البيض في كأس قد ماجاني ندير سكر عادي ناقص شوية برك
نفس الكأس نصفه زيت
2 م ك مايزينة

فرينة عينك ميزانك
3 خميرة كيميائية يعني كل 2 حبات بيض نديرو 1 خميرة
لفاني
نخلط بالباتور