الأطفال أبرياء مايكذبوش ههه ومنــين ؟

[Kh.Nada]

سمحوا لي نعاود نحكي ليكم طرفة وقعات في بداياتي العملية
"في كل بداية سنة دراسية كنصاوب ملفات شخصية كنملأها بمعلومات عن كل تلميذ حتى نفهم الحالة الإجتماعية و الظروف الخاصة لكل تلميذ
إيوا يالله كنكمل المعلومات لواحد التلميذ و هو يصدمني مللي قال لي أنه يتيم الأم و اسألتو كيفاش ؟
جاوبني : ماتت لي ماما بالكونسير !
وقطّع ليا فالقلب ديالي لأنه مازال صغير و في حاجة ماسّة لعطف و حنان الأم وماحسّيتش براسي حتى بكيت ..
مانطولش عليكم أنا حنّيت فيه بزاف و حاولت نعوض ليه حنان الأم وخصوصا مللّي جا عندي يبكي و قال لي : ماكرهتش نهرب أو نموت حيت عمتي كتكرهني و كتطلب من بابا يتزوج و كتضربني..
حاولت نغيّر ليه الفكرة ديالو و نقول لو أن العمة ديالو كتحاول تربيه و أنها مايمكنش تكرهو راه هو ولد خوها .....
فكرت فطريقة مناسبة باش نتّصَل بباباه أو عمتو و أرسلت استدعاء مع تلميذ يسكن بجوار- جعفر- و قلت مع نفسي علاش الناس بهاد القسوة خصني بأي طريقة نتصل بالعمة باش نعطيها دروس في الأخلاق و نشرح ليها أن الله وصانا على اليتيم وزيد وزيد....
المهم جعفر استافد من معاملة خاصة و حنان أكثر مني ومن الجميع فالمدرسة ....
واحد النهار استدعاني المدير للإدارة لأن سيدة من عائلة التلميذ جعفر جات تسقسيني عليه ، مللي شفتها كرهتها عرفتها عمتو جاية مفركسة و مبتسمة شفتها و قلت هادي هي المناسبة وبديت نسرسر عليها بلا مانسوْلها على أشنو صلة القرابة مع صاحبنا هههه
قلت ليها :على سلامتك ألالة شحال من استدعاء أرسلت ليكم و ماجيتوش راه جعفر في حاجة للحب ديالكم .........
جاوباتني :أولا ماجاتنا حتى استدعاء وجعفرأحنا ما حارمينو من والو وموفرين ليه كل اللي محتاج ليه.
وشرحت ليها أنه الوفاة ديال ماماه أثرت فيه وهي تصدَم و طلبت مني نشرح قلت ليها : ياك في الصيف توفّات ماماه بمرض السرطان .......باقي ما كملتش الجملة و بدات تغوت بكلام ..... وفَقْدات السيطرة على أعصابها و لسانها .... : ناري على ولد الحرام البرهوش
قتلني و أنا مازالة حية بغيت ليه الكونسير كسيدة ... أنا حابساها ما خلْيتهاش تدخل للقسم باغة تضرب ولدها .......
بصعوبة هدأت من روعها و حاولت نصلح ببنها و بين ولدها.!!!
ولكن بيني و بينكم تأثرت بهاد الحادثة ولّيت ماكنثيقش بسرعة
والو هههه الأطفال أبرياء و منـــين ؟؟
ههههه"