الغروشة

رحا الجنة · 2012-04-27, 11:25

السلام عليكم ورحمة الله وبركاته
انا في امس الحاجة الى طريقة تخلصني من الغروشة التي تاكل الصوف ماهي الطريقة وكيف احافظ على الصوف
انا عرسي قريب وجين نطرح لقيت الدودة تاعها قولولي واش انديييييييييييييييير

afoucthe · 2012-04-27, 11:51

السلام عليكم ورحمة الله وبركاتهةلا تقلقي عزيزتي فالسبب الرطوبة هناك عدة طرق للتخلص منها اولها اوراق الدفلة تضعينها وسط الصوف وووووووووووو
وسط الصوف وتخليها حتى كي تطرحي ماتنحيهاش هذي طريق مجربة ومصمونة وكاين اللي يرابي صابون نتاع الريحة وكاين الي يحط فللف
يحط فلفل اسود حبةنتي عاودي اغسليها مليح وخليها تشيح مليح ومبعد حطي الي يناسبك.ربي يكون معاك ومبروك عزيزتي

نور الهدى 809 · 2012-04-27, 14:45

خرجيها لسمش

نيفرتيتي. · 2012-04-27, 14:53

كان ممكن نقلك الكافور لكن الكافو ريخلي الريحة من الاحسن تعاودي تغسليها وتشيحيها مليح تضمني انها شاحت وبعد ديري فيها الدفلة وخيطي ومبروك عليك العرس

رحا الجنة · 2012-04-27, 22:36

اسلمكم خواتاتي وشكرا على هذ النصائح راني والله ماتصورو قد ماش مقلقة منها

رحا الجنة · 2012-05-09, 21:03

هل من دابير اخرى؟

ام ظافر · 2012-05-10, 09:39

اختي لازمك تغسليها بالملح يعني هي نظيفة ماراحش تستعمليلها الصابون ولكن حطي قدرة كبيرة فوق النار تغلي فيها ملح بزاف وحطي فيها الصوف كل مرة ومن بعدها شللي مليح
لانو البويضات الصغار تاع الدودة في شرنقة لوكان ما يكونش الملح تبقى حية وتعاود ترجعلك في الصوف

لما تشيح مليح احذري من وضع الصابون وغيرو في وسطها اذا تحبي اعملي قطع قماش الموسلين وحطي فيهم الخزامة بدون ما ترحيها وحطيها بين المطارح لما تطرحيهم يعني في وسط الصوف ما تحطي والو وكذلك اوراق نبتة الدفلة ملاح
ومن بعدها حطي المطارح يلامسو جسم الانسان لان رائحة الانسان تذهب الحشرات
واخيرا المطارح عمرك ما تعرضيهم للشمس وانما للهواء مثلا في الصباح بكري او في المساء بعد العصر لان الحرارة بزاف تاع الشمس والدفء تحيي البويضات تاع الحشرات لما تتلاقى بالرطوبة لذلك مليح النسمة والظل احسن من الشمس للمطارح
عن تجربة

goumar · 2012-05-10, 13:17

مساء النور اختي اذا كانت الدوده البيضاء افصلي الصوف المنقي عن الصوف الاخر على خاطر راهي تاكلو اكيد اما اذا كانت البنيه مش مشكل خرجي الصوف كامل للشمس ويكون مكشوف مدة يومين او ثلاث و منبعد راها تموت اكيد من الشمس بعدها ديري ورق الدفله و الكاثور و الكاثور خليه حب و حطي شوي برك و قبل عرسك نحي الكاثور كاين كاثور تبقى ريحتو و كاين اللي ما يخليش الريحه وساعه على ساعه اكشفي القش بدون ما تنحيه من الخزانه باش يتهوى انا ننقلك في تجربتي الخاصه نتمنى نكوم افدتك

نورهان20 · 2012-05-10, 17:22

اختي الكريمة كي تغسلي الصوف ديريلها الملح في الماء الي تشليها فيه او كي تشريها اعملي شكارة ملح ل2 بانوات وهدي طريقة مجربتها وماتخافيش منها ومبروك العرس وربي يتمملك بخير وسلام

رحا الجنة · 2012-05-10, 21:05

شكرا جزيلا وربي يخليكم ا شاء الله بصح راني راح نديهم لطراح وراني نسب فيها وكي سلتها درتلها لفليت كيفاش نديلها الدفلة ونديهالو ولا نخليها ختى تروح ولا كيفاش انديرلهم

فرح العمر · 2012-05-11, 17:22

اختى اولا مبروك عليك العرس و ثانيا راهو كاين الكافور تاع القش مافيه حتى ريحة و لكنو فعال و حاجة اخرى احذرىىىىىىىىىىىىىىىىىىىىىىىىى من الطراح لانهم ربى يهديهم كاين فيهم اللى يبدلو الصوف يحكم النطيفة و يطرحلك بوحدة فيها الغروشة و انا صراتلى و عاودت غسلت قنطار تاع صوف
اذا قدرتى جيبيه للدار و اذا مكانش شوفى انسان يكون ثقة و نزيد نخلعك انا سلفتى نقصلها الصوف و عوضها بطراف تاع كتان ...............ربى يهدى

narmine nor · 2012-06-03, 18:44

يا اختي ساهلة كاين فلفل اسود و كاين فلفل احمر الصغير راهم يساعدوك تتخلصي منها نهائيا