كي تخاف واش راح يتبدل?

djoseph · 2012-05-29, 21:49

والله لي راه محيرني اني اللي نلقاه من جماعة الباك هدا العام يقولي راني خايف و متوتر ...و راني حاس روحي ما راني عارف والو ....راني ناسي كلش...والله والله والله ما هذه الا حالة نفسية....نتا لي راك مخليها تسيطر عليك...لكن كون تحب تقدر تسيطر عليها....و قبل ما نقلكم كيفاش ..مادا بيا نعرف اللي راحو خايف او مقلق

يعطيني سبب الخوف.......اخطيك من المراجعة دروك ...و حط راسك معايا ....و ربي يجيب الخير و ترقد هاني اليوم بربي انشاء الله

M_osT_aFa_DZ · 2012-05-29, 22:04

أنا خايف من حاجة وحدة كيفاه رايحا تكون العسة

djoseph · 2012-05-29, 22:10

ان استاذ و راح نكون من جماعة العسة...........عطاولنا لي كلاش .....و لي شارجار ...و زوج قنابل في خالة الطوارئ...واش يا خويا راك حاسب روخط راك في اسرائيل ....المعلومة لي عطاوهالنا....
ماكانش اللي يخرج تلميذ ادا لقاه يغش .....فقط يقلعلو عينيه....واش خفت....يقلعلو الورقة نتاع النقلة و يخليه يكمل ....

My Mind · 2012-05-29, 22:30

كي يقعلو الورقة و يخلوه يكمل قاااع مليح ههههه
الإجراءات نضن هي لي راها مخوفة المترشحيين ان شاء الله يتساهلوا معاهم ^^

rimayeva · 2012-05-30, 07:21

انا حاجة مقلقتني ومهنيتنيش محليش لي باك لي فاتو كينتفكرها يهبطلي المورال
الله غالب الوقت مكفانيش +لبامات هادو وليت منحملش نحل نحب مثلا نراجع برك
+كونت نورمال معلاباليش وش تبدل فيا تسلل الخوف ليا سرتو كيحليت لي سيجي تاع العربية تاع الباك كيقيمت روحي لقيت روحي ندي 13

real-hamza · 2012-05-30, 10:54

ما راح يتبدل والو بصح الخوف طبيعي في الانسان شوف انا كنت نورمال نقرا و نحفظ و كي قرب الباك فقدت الثقة في روحي ما علاباليش علاش المهم ربي ينجحنا

oglate · 2012-05-30, 12:17

انا نقلكم مرة عقبت الفيزيك السوجي فيه ربعة ورق................وانا مانيش فاهمة كيافاه نبدة.....العسة كانت بيا .........بقيت ناكل فلقليبات..ونضحك على روحي.هههههههههههههههه.........كتبت غير الريزيلتا .وخرجت...........بويسك الوقت طويل والقلقة بزاف...والدماغ حابس محال ينزل عليا الوحي..هههههههههههههههههه...........مي تعلمت الدرس ونشالله نخدم فالباككككككككككككككككككككككككككككك........

houssamatoon · 2012-05-30, 12:22

يا أستاذ أعطينا الاجراءات الي عطاوهلكم واش قالولكم و ويكتاه تمضي لواحد ؟؟

djoseph · 2012-05-30, 18:00

اقتباس:

المشاركة الأصلية كتبت بواسطة my mind

كي يقعلو الورقة و يخلوه يكمل قاااع مليح ههههه
الإجراءات نضن هي لي راها مخوفة المترشحيين ان شاء الله يتساهلوا معاهم ^^

الاجراءات..
و انتما واش دخلكم فيها ...ياك نتا توكل على ربي....و روح جوز الباك ديالك....
الا ادا كنت متوكل على الحجابات........

ما تتقلثش. ....اللي فيه الخير يجيبو ربي
كل ما تتقلق عاود هدي الجملة

djoseph · 2012-05-30, 18:05

اقتباس:

المشاركة الأصلية كتبت بواسطة houssamatoon

يا أستاذ أعطينا الاجراءات الي عطاوهلكم واش قالولكم و ويكتاه تمضي لواحد ؟؟

ببساطة الامضاء ممنوع مجرد حبر على ورق......حتى حنا الاساتذة راح يظرنا....كيفاش

ادا مضيت لواحد.......بالطبع راح يطردوه و انا ...ضميري ما راحش يسامحني
كدلك....ادا حدث و مضى كاش استاذ لتلميذ...راح يدير ولي التلميذ طعن....يستدعو فيه التلميذ..و المعلم لي مضى..و كل الاساتذة اللي حرسةا..و مدير المركز.....وقتاش
...في هز الصيف..........شكوم اللي راح يكلف روحو هدا الشي كلو
ربي يوفقك

djoseph · 2012-05-30, 18:07

اقتباس:

المشاركة الأصلية كتبت بواسطة oglate

انا نقلكم مرة عقبت الفيزيك السوجي فيه ربعة ورق................وانا مانيش فاهمة كيافاه نبدة.....العسة كانت بيا .........بقيت ناكل فلقليبات..ونضحك على روحي.هههههههههههههههه.........كتبت غير الريزيلتا .وخرجت...........بويسك الوقت طويل والقلقة بزاف...والدماغ حابس محال ينزل عليا الوحي..هههههههههههههههههه...........مي تعلمت الدرس ونشالله نخدم فالباككككككككككككككككككككككككككككك........

مجرد حالة هستيرية تحكم التلميذ...لانو يدخل خايف

اتكلي على ربي.....و ما يكون غير الخير

raoufrofa · 2012-05-30, 18:08

انا نظن ألي يقرى هو ألي يخاف
مي لكان زاد الخوف عن حده مايروحش يعقب خير

djoseph · 2012-05-30, 18:13

اقتباس:

المشاركة الأصلية كتبت بواسطة real-hamza

ما راح يتبدل والو بصح الخوف طبيعي في الانسان شوف انا كنت نورمال نقرا و نحفظ و كي قرب الباك فقدت الثقة في روحي ما علاباليش علاش المهم ربي ينجحنا

بصح لياه ما سألتش نفسك لياه الخوف الطبيعي كيف ما راك تقول حكمك غير كي قرب الباك....
بكل بساطة...الخوف السبب نتاعوا انعدام التقة.....و انعدام الثقة عندها سببين
يا اما ما راكش مراجحع ....و في ذي الحالة ما هندك علاه تتقلق...لانو من جد و جد.....و من رقد فقد
او انك راك حاس بلي كل اللي ريفيزيتو راح....ما راح ما والو....و يوم الامتحان راح يخرج كيما العين من الارض
توكل على ربي

djoseph · 2012-05-30, 18:21

اقتباس:

المشاركة الأصلية كتبت بواسطة rimayeva

انا حاجة مقلقتني ومهنيتنيش محليش لي باك لي فاتو كينتفكرها يهبطلي المورال
الله غالب الوقت مكفانيش +لبامات هادو وليت منحملش نحل نحب مثلا نراجع برك
+كونت نورمال معلاباليش وش تبدل فيا تسلل الخوف ليا سرتو كيحليت لي سيجي تاع العربية تاع الباك كيقيمت روحي لقيت روحي ندي 13

نصيحة ....ما تزيديش تقيمي روحك......لانو المثل الشعبي يقول كل حساب كداب)(غير فالجزائر)
نقلك حاجة.....انساي هدو اليومين الدراسة....و اليوم التالت ديري مراجعة خفيفة
خلابالي صعيبة لكن و الله غير ما تديري والو...غير تزيدي تقلقي روحك....واجديد و التوقعات ما راحش تكمل
كل ما تحفظي حاجة يبامولك حوايج جدد

شوفي عليك و على الافلام الهندية.....كاش ما يزول الخوف

كي تتقلقي قولي و عاودي

اللي فيه الخير يجيبو ربي
بالتوفيق

❀ بَسْمَةْ أَمَلْ ❀ · 2012-05-30, 20:13

سلام استاد انا لخوف ساكني تقولي علاه نقولك علم كامل و انا نقرى و في تالي حسيت روحي نسييييييييييييت كلشي و راني خايفـــــــــــــــــــــــــــــــــــــــــــة