واش رايكم في المرأة العاملة

[82bouzid]

تخرج النمرأة الجزائرية من اسرتها الدكتاتورية وتريد ان تمارس الدكتاتورية مع زوجها بصفة انها خدامة وشهارة وتبدأ تفرض في رأيها وترمي اهله وتقطع العلاقة واحدة منهن قالتلي قوة الشخصية ..قوة التشيطين وهذا زميل يحكي لي سبب الطلاق أنه دخل متعب وقال لها كاس ماء من فضلك فردت يا خي في زوج كنا واقفين في الخدمة والله تحولن الى صعاليك حتى في كلامهن وتصرفاتهن لكن كثير من الشباب يقول خدامة باش تعاوني فما ردكم

[نجمة ساطعة]

لا انكر ما تقول ... بصح صدقني بنت الاصل والله ما ديرها ....

عليها قتلهم نقعد عانس هذا مكتوبي و ما نتزوجش واحد مش مقتنعة بيه ....

ماذا تنتظر من وحدة تزوجت غير باش ما يقولوش بايرة و هو تزوجها على جال شيكها ....

حتى لا نظلم المرأة فقط فالمقابل يوجد نساء لا يستمتعن بالشهرية فيأخذها كاملة ....

[الأستاذة حياة]

والله يا اخي الكريم انا نظن انو البنت المتربية تقدر وتحترم زوجها سواء اكانت عاملة او ماكثة في البيت لانو كاين الي قاعدة في الدار ومسيطرةعلى زوجها ومنكدتو عيشتو وكاين الخدامة وما هيش قادرا تقول حتى كلمة

[ايمان نور الجزائر]

اخي الكريم ليست مسألة خدمة او غيرها والله نعرف نساء ما قاريات ما خدامات والتشيطين شغلهم يعني...نتا ونيتك ومكتوب ربي لي مربية وبنت أصل تحترم زوجها واهلو والناس قع واللي خاطيها التربية وما تحشمش وتخرج للعيب مصيبتو لي داها وقادرة تكون نامبورت واحدة خادمة قاعدة قارية ماهيش هيا خليقتها دايرة هكاك الله غالب

[halim68]

اضن انه يستهل اكثر هذا جزاء الذي يبحث عن الشهرية (الطمع خسر الطبع )

[نيل المنى]

المشكل ليس في "الخدامة" المشكل راه في تربية و أخلاق هذه الخدامة وأسلوب الحياة التي اعتادت عليه،فأن اعتادت الاحترام و الكرم و الطيبة مع أهلها فهي ستكون محترمة و متواضعة أما ان اعتادت الوقاحة و الأنانية مع أهلها فهي لن تكون مع زوجها بأفضل حال.
ربي يستر جميع شباب و شابات الأمة.

[jackin]

إنه الجشععع

[رقية شهد]

هذه هي النية من الزواج فان كانت نيته الصادقة هي بناء بيت مسلم و تربية الاولاد على نهج السنة النبوية فلا يهم بعدها ان تكون الزوجة عاملة ام لا
فهي ستحترمه و تقدره
اما اذا كانت النية الاستفادة من عرض الدنيا اي اجر الزوجة باي ثمن فسيحصل عليه و عليه ان يتحمل توابعه
و انا انقل اليكم ردي على اخت طلبت النصيحة هل تعمل او لا بعد زواجها فاجبتها:

انا ايضا عاملة منذ 17 سنة
و متزوجة منذ 14 سنة
في اعوامي الاولى بدا الامر عاديا فانا وافقت بين العمل و البيت و لا ينقص اي شيء
لكن البيت ليس فقط كسرة و و و
البيت راحة و استقرار
ادركت ذلك متاخرة فقد كبرابنائي و لم اتذكر كيف كبروا
درسوا و نجحوا و في اغلب الاحيان لم اكن حاضرة لاشاطرهم فرحتهم
كنت احرمهم من النوم صباحا و اجبرهم على النهوض لاخذهم الى الحاضنة
و المال الذي جنيته من عملي صحيح ساعدني لاعيش مستوى حسنا او جيدا
و لكن
دفعت ثمنه صحتي و بعدي عن فلذات اكبادي
المراة العاملة لا تحس بما احسه حتى تصل الى العمر الذي وصلته
اتمنى فقط ان اعود بالزمن الى الوراء لاعيش كل لحظة مع اولادي و زوجي الذي فرطت في حقه كثيرا
هذه تجربتي نقلتها اليكم بصدق
لا لاحثكم على التنازل عن عملكم و لكن لافتح اعينكم على الخطر الذي يمكن ان يحدق ببيوتكم و ابنائكم
نسيت ان اقول لكم اني حملت ابنائي المسؤولية باكرا
حتى ان ابن الثامنة يظطر الى البقاء في البيت الكبير لوحده و مع خوفه حتى يحين وقت المدرسة
وحين اتصل به يخبرني انه خائف
ما رايكم بهذا؟

[bass_inf]

التربيه ليست لها علاقه بالعمل

[الجليس الصلح]

المر أة تصير ديكتاتورية على الزوج حين لا تجد هذا الزوج يحميها ويحافظ عليها ويشعرها بأنه رجل فعلا لا مظهريا فقط أوتنفق هي على سيادته وهو يطلب المزيد من التنازلات

[soso sirin]

التصرف الي دارتو هاذي المراة ماشي لانها خدامة مي لانو هي الله غالب ماهيش بنت اصل باه ترد هكا على راجلها.مي مرات والله المراة العاملة تكون كيما الالة تحسها راجل و مراة في نفس الوقت تتغبن بزاف تتنازل على حوايج بزاف في حياتها تتحمل مرات ميزاجية راجلها و ميزاجية مديرها تتحمل و مرات الراجل تاني مايساعفش تلقاه دكتاتور لا نقاش يبغي كلشي مرتب كلشي واجد مي هي تاني كانت تخدم برا على هكا مكانش كيما المساعفة و المعاونة مي ماننساش انو تاني كاين شي نسا سمحلي تحسب هي راهي تصرف في الدار كل يوم عياط كل يوم مناقرة و هي بلاك تخدم و اصلا ماتعاونش في مصروف الدار.والله هي مكانش كيما المراة الي تريح في الدار سوغتو كي تتزوج و دير ذراري تريح تربيهم و تستنى راجلها كل يوم وقتاش يجي من الخدمة هنا تربح راحتها و دارها و وولادها لانو انا وحدا من الناس مانقبلش نكون متزوجة و تلقى بلاك المدير الي نخدم معاه يطير عليا علاجال ورقة تودرت ولا نسيت حاجة ماقتلوش عليها و لا مادرتهاش و زيد انا الراجل الي يقولي اخدمي مانستحقوش لانو بالمختصر راه طامع فيا و انا هذا ماعندي ماندير بيه

[imi02i]

السلام عليكم ورحمة الله وبركـاته

إذا كان الدافع من وراء الخدمـة هو التشيطين والتكبر والتعالي

فلعنة على بوها خدمـــــة

وإذا كان السبب في الزوج أيضا موش عاطيها حقها

الأحسن لها تقعد في بيت بوها

[محمد غيزة]

السلام عليكم
اخي انا لا احب المراة العاملة ابدا
واقول ان المراة حتى وان كانت تحب زوجها وتحترمه فاعلم ان كانت عاملة مع الايام سوف يزورها ابليس لكي تفرض رايها وسيطرتها والعفو تعجرفها وفقط لانها عاملة

[نيفرتيتي.]

المشاركة الأصلية كتبت بواسطة رقية شهد

هذه هي النية من الزواج فان كانت نيته الصادقة هي بناء بيت مسلم و تربية الاولاد على نهج السنة النبوية فلا يهم بعدها ان تكون الزوجة عاملة ام لا
فهي ستحترمه و تقدره
اما اذا كانت النية الاستفادة من عرض الدنيا اي اجر الزوجة باي ثمن فسيحصل عليه و عليه ان يتحمل توابعه
و انا انقل اليكم ردي على اخت طلبت النصيحة هل تعمل او لا بعد زواجها فاجبتها:

انا ايضا عاملة منذ 17 سنة
و متزوجة منذ 14 سنة
في اعوامي الاولى بدا الامر عاديا فانا وافقت بين العمل و البيت و لا ينقص اي شيء
لكن البيت ليس فقط كسرة و و و
البيت راحة و استقرار
ادركت ذلك متاخرة فقد كبرابنائي و لم اتذكر كيف كبروا
درسوا و نجحوا و في اغلب الاحيان لم اكن حاضرة لاشاطرهم فرحتهم
كنت احرمهم من النوم صباحا و اجبرهم على النهوض لاخذهم الى الحاضنة
و المال الذي جنيته من عملي صحيح ساعدني لاعيش مستوى حسنا او جيدا
و لكن
دفعت ثمنه صحتي و بعدي عن فلذات اكبادي
المراة العاملة لا تحس بما احسه حتى تصل الى العمر الذي وصلته
اتمنى فقط ان اعود بالزمن الى الوراء لاعيش كل لحظة مع اولادي و زوجي الذي فرطت في حقه كثيرا
هذه تجربتي نقلتها اليكم بصدق
لا لاحثكم على التنازل عن عملكم و لكن لافتح اعينكم على الخطر الذي يمكن ان يحدق ببيوتكم و ابنائكم
نسيت ان اقول لكم اني حملت ابنائي المسؤولية باكرا
حتى ان ابن الثامنة يظطر الى البقاء في البيت الكبير لوحده و مع خوفه حتى يحين وقت المدرسة
وحين اتصل به يخبرني انه خائف

ما رايكم بهذا؟

عندك الحق انا راني خدامة بصح كونترا برك ساعات نروح نخدم ونخلي ولدي عندو 4سنين وحده في الدارومرة راح عليه الضو عيطلو يبكي قلتلو روح للحوش حتى نجي روحت نجري واش فايدت الخلصة مع موقف كيما هكا مع انه الدراهم اللي ندي فيها ماهيش باينة انا نكمل الكونترا هاذي نشالله ونقعد في الدار الحمد لله راجلي شهريتو مليحة وبالنسبة لشخصية المراء كيما يقولو اللي تخدم هاو المثال اللي قالت لراجلها في زوج كنا واقفين
وماهوش عيب ولا طمع انه الراجل يقول ندي مرا خدامة تعاوني
بصح لازم يشوف في الاول معدن المرا وبعد يرحمها ربي جامي تلقى العائلات الي فيها المرا تخدم كيما بعضاهم بالاك تكون المرا تخدم وهوما متفاهمين وعايشين في المستوى وتلقى مرا قاعدة في الدار وهي فاهمة وقافزة خير من اللي تخدم كل واحد وظروفو

[سِدْرَةِ الْمُنْتَهَى~]

المشاركة الأصلية كتبت بواسطة رقية شهد

هذه هي النية من الزواج فان كانت نيته الصادقة هي بناء بيت مسلم و تربية الاولاد على نهج السنة النبوية فلا يهم بعدها ان تكون الزوجة عاملة ام لا
فهي ستحترمه و تقدره
اما اذا كانت النية الاستفادة من عرض الدنيا اي اجر الزوجة باي ثمن فسيحصل عليه و عليه ان يتحمل توابعه
و انا انقل اليكم ردي على اخت طلبت النصيحة هل تعمل او لا بعد زواجها فاجبتها:

انا ايضا عاملة منذ 17 سنة
و متزوجة منذ 14 سنة
في اعوامي الاولى بدا الامر عاديا فانا وافقت بين العمل و البيت و لا ينقص اي شيء
لكن البيت ليس فقط كسرة و و و
البيت راحة و استقرار
ادركت ذلك متاخرة فقد كبرابنائي و لم اتذكر كيف كبروا
درسوا و نجحوا و في اغلب الاحيان لم اكن حاضرة لاشاطرهم فرحتهم
كنت احرمهم من النوم صباحا و اجبرهم على النهوض لاخذهم الى الحاضنة
و المال الذي جنيته من عملي صحيح ساعدني لاعيش مستوى حسنا او جيدا
و لكن
دفعت ثمنه صحتي و بعدي عن فلذات اكبادي
المراة العاملة لا تحس بما احسه حتى تصل الى العمر الذي وصلته
اتمنى فقط ان اعود بالزمن الى الوراء لاعيش كل لحظة مع اولادي و زوجي الذي فرطت في حقه كثيرا
هذه تجربتي نقلتها اليكم بصدق
لا لاحثكم على التنازل عن عملكم و لكن لافتح اعينكم على الخطر الذي يمكن ان يحدق ببيوتكم و ابنائكم
نسيت ان اقول لكم اني حملت ابنائي المسؤولية باكرا
حتى ان ابن الثامنة يظطر الى البقاء في البيت الكبير لوحده و مع خوفه حتى يحين وقت المدرسة
وحين اتصل به يخبرني انه خائف

ما رايكم بهذا؟

وشهد شاهد من أهلها