رجاء ساعدوني

مشكلتي · 2012-05-29, 21:41

لسلام عليكم راني واقعة في مشكلة كبيرة غادي نحيلكم من البداية

أنا كنت مع علاقة مع شاب حوالي 5 سنوات لكنو ما جاش للدار مع العلم أنو وعدني شحال من مرة و ماجلش هو كان مربي و متخلق عيبو انو مش خدام و انا خدامة و عارف بلي دارنا ما يقبلوش بيه

خلينا انا قتلو اذا ما تجيش خليني نتزوج راهم يخطبو فيا

المهم تقدم ليا وليد فاميلا و قبلت بيه و حتي دارنا قبلو لكن ما كان والو رسمي لحد الساعة

لكن هذا الاول البارح عيطلي بالماسكي في الليل و لقاني نحكي حوالي ساعة و نص

جاوبت باش نشوف شكون و بدا يخطي في الهدرة و يعاير تخيلو واش دار جا عند باب دارنا و عيطلي وليت نسمع في هدرتو بسيف باش راح قريب مانموت من الخوف

من بعد فسخت خطوبتي على جالو لانو بدا يديرلي الشونتاج
بدلت الرقم نتاعي لكن وحد النهار جيت هابطة للخدمة لقيتو يقارعلي و رافد قرعة لاسيد قالي تشدي البيس و لا نديرهالك في وجهك رجع انسان غير عادي
من الخوووف شديتها و راني نهدر معاه ليوم تاني تقدملي واحد ماشاء الله قتلو اذا عينك فيا ارووواح للدار قالي ندير فيك و نعمل لو كان تتزوجي و نرووح نفسد عليك و نباصي نورمال
واش تنصحوني نقارعلو حتى ورا العيد و نشوووف ولا نقبل بهذا و راني خايفة على بالي غادي تصرا مشكلة كبيرة لوكان نتزوج و نخليه
أنا مشي ما نبغيهش بصح كرهت طبايعو
قالي كون تخطيني نهبل قالي ارحميني راني نتعذب و ورا العيد اذا ما جيتش ماتزيديش تشوفي فيا
قالي هاد ليام نفتح حانوت مع العلم ان لديه سكن خاص
يرحم الوالدين قولولي واش ندير نصبر و لا كيفاش

ساعدوني

z.abdo · 2012-05-29, 22:42

لا حول ولا قوة إلا بالله

ليس هو اول واحد تتركه خطيبته

انت لا تنظر لما هو يفعل

شوفي نفسك انت قادرة تعيشي معاه او لا

لكن اين اهلك حتى يتصرف بهذه الطريقة تسطيعي ان تذهبي لفرقة الدرك الطني وديري محظر شكوى بتهديد بتبيب عاهة

و تشوفي واش يعملولو

كذالك ننصحك لازم راجل يوقف معاك من اقاربك خالك عمك خوك ابوك اي واحد المهم راه حقرك لأنك حتى واحد دافع عنك من الرجال

كذالك انصحك اذا انخطبت لشخص آخر لازم تخبريه على هذا الشخص لأنه راح ممكن يتجرأ ويفضحك امتم خطيبك

وإيك تتزوجيه خوفا أو شفقة عليه غذا راكي مقتنعه اقبلي إذا مش قابلة كما نصحتك سابقا

تقبلو مروري

soumsouma · 2012-05-30, 10:19

من الافضل تاجلي خطبتك مع التاني و تستناي حتى مور العيد راه ما بقاش بزاف و شوفي وش يدير
و الله خوفتيني و تقلقت عليك كي قلتي جاب معاه لاسيد
نخاف كاش ما يديرلك
اصبري شوية و تحججي لداركم باي سبة يا لوكان تلعبيها مريضة و تختلقي كاش مرض
ربي يكون معاك اختي و ربي يهديه بصح مام يجي يخطبك يبانلي مشي نورمال فكرة لاسيد هادي فكرة تاع واحد مهبول ربي يهديه
و ربي يفرج عليك و خلي الامر بيد الله و الله راني مقلقة عليك ان شاء الله ما تشوفي شر و ربي يسترك اختي

سارة البوسعادية · 2012-05-30, 10:22

اسمحيلي في التعبير ولكن في اعتقادي انو اصبح انسان مختل
والسؤال تقدري تتزوجي بانسان مختل يعتمد اسلوب التهديد ومش اي تهديد التهديد الي يؤدي للقتل او تشويهك؟؟ وتجيبي منو اطفال وينشؤو في بيئة سوية
بغض النضر اذا عندو دار او فيلا
؟؟
نصيحتي انك توصلي القصة لانسان فاهم وكبير يعرف يتصرف رح تقوليلي مستحيل نقلك اعلميهم دركي احسن ما يعرفو بعد مايديرلك كاش خصلة
وانصحك بانسان عاقل ومتفهم وكبييييييييييييييييييييييييير ماشي صغير في السن يعود يروح يضربو ولا كشما تصير مصيبة
واصرفي نضر على فكرة الارتباط به
هذا رايي

soumsouma · 2012-05-30, 10:32

سارة انا راني خايفة كاش ما يديرللها قلتلها اصبري شوية و مور العيد تقرر و إن شاء الله ربي يبعدو عليها قد السما و الارض

سارة البوسعادية · 2012-05-30, 10:39

ايه تصلي وتدعي بصح وعلاش تضيع الي رح يخطبها والله ربي يجيب الي فيه الخير

soumsouma · 2012-05-30, 10:56

مي الراجل قاللها نديرلك مشاكل
و مع وش رانا نقراو في الجرائد خفت عليها هي راهي تقول راهم يجوها الخطابة يعني تقدر تاجل هاد الخطبة شوية ممزالش بزاف للعيد و في هاد الفترة تحاول تلقى حل مع الاول

ايمان نور الجزائر · 2012-05-30, 12:36

اهلا اختي...هذا الراجل كارثة لانو يستعمل انواع التهديد بهذي الطريقة نظن ماراهش نورمال اذلا تزوجتي بيه معنتها قضيتي على حياتك وما تعرفي وقتاش يقتلك والا يشوهك .... واذا قبلتي بالاخر تخافي ينفذ تهديداته لانو قصص كثيرة حدث من هذا النوع ++ ما يلزمش تسكتي على الموضوع لازم عايلتك يلقاولك حل وتدخليهم في النص ويحاولو يفهموه يخليك ترونكيل ومام احكو مع عائلته يحكموه شوية وتجنبي التواجد اما مكان لا يوجد فيه ناس كثر وادعي الله اختي ان يفرج همكي ان شاء الله

abdel02 · 2012-05-30, 19:43

5 سنوات علاقة
تحكي مع شخص في منتصف اليل.
وعلاقات مشبوهة ستشوه علاقاتك بزوجك المستقبلي.
لانو اللي يمشي معاك اذا ماداكش سينقلب عليك...
لو كنت مكانك نستنى زوج يديني بعيد عن ولايتي لارتاح واتوووووووووووب خاصة من وجع الماضي.

عُضو مُحترم · 2012-05-30, 19:52

نتيجة طبيعية للعلاقات غير الشرعية

فلتعتبر الاُخريات

المتيقنة بالله سارة · 2012-06-01, 00:51

لا ادري لماذا ردود بعض الاعضاء قاسية.....الاخت طلبت النصيحة يا اخواني لا التجريح..............ولو اخطات فالدين النصيحة.................اليس كذلك؟

lilou f lilou a · 2012-06-01, 08:10

واش راح نقلك اختي إدي لحبك ماكش لتحبيه
وربي يسهلك أختي

azizmzab · 2012-06-02, 10:45

السلام عليكم جميعاااا
أختي الفاضلة ليس الأمور هكذا تريدين حلا هو إخبار والديك بما يصير لك من الأول لكي تكوني اولا فكيتي شوية من اللغز وثاني شي أنا من نظري عليك الخطيب الثاني الذي قدم مدام قلتي وليد فاميلة لأن الأول أصبح يهدد بحياتك اليوم وأنت لست ملكا له وحينما تتزوجين به أظن العلاقة الزوجية ليست بهاته العقلية التي فيها الشخص الأول أختي لاتتسرعي عليك بالإستمكاع إلى أهل التجربة بارك الله فيك بالتوفيق لك في حياتك الزوجية والعملية

amine.ak · 2012-06-02, 11:55

السلام عليكم ..أولا اهنئك على شجاعتك في طرح موضوع كهذا في مكان عام كهذا...ثانيا أقول بما ان المقدمة خاطئة فالنتائج أكيد خاطئة وما بني على باطل فهو باطل فالطريق الذي سلكته هو طريق خاطئ على رغم من شرف ونبل الهدف وهو السعي للظفر بزوج والدليل امامك وهو ما وصلت إليه من نتائج ومن تهديدات على حياتك ...لذا انصح أختي الكريمة بصرف النظر كليا عن هذا الموضوع وترك الأمر لأهل الحل والعقد وهم أهلك وبالأخص والداك إن وجدا أو المتكفل بك من أقاربك ..وأتوا البيوت من أبوابها...وأنصحك بأن تستعيني بالدعاء ...أما ذلك الشخص الذي تعرض لك بالتهديد بحجة انه يحبك فوالله ما سمعت أقبح من هذا العذر وأظنه متأثر كثيرا بما يجري في الأفلام والمسلسلات التي لاتعكس واقعنا.. وتأكدي بأنه لن يستطيع أن يضرك إلا بشيء قد كتبه الله عليك ..طبعا مع الأخذ بأسباب الحيطة والحذر. فالمؤمن كيس فطن كما قال صلى الله عليه وسلم.