باذنجان بالأرز في الفرن
المقادير
باذنجان
أرز ( كوب)
مكعبات صغيرة لحم أو دجاج
حبة صغيرة بصل
طماطم حب ومعجون فلفل عكري
توابل حسب الذوق
التحضير
1- نقوم بوضع حبات الباذنجان تفور نص تفوار يعني مايطيبش قاع ويولي يتفتت.
2- نقلي اللحم مع البصل جيدا نضيف التوابل، الملح، نسكرفج الطماطم والثوم فلفل عكري، نقلي الكل مليح ثم نزيد معجون الطماطم محلول في كوب ماء. بعد ان يغلي نخفف النار عليه ونخليه حتى يطيب اللحم
هذي لا صوص تكون حمرا مليح وبصح ماشي ثقيلة بزاف.
الأرز من الأحسن يكون المفور نص تفوار، نديروه يغلي في المائ مع الغلية اللولة نقص عليه النار ونغطيه ونخليه يطيب على نار هادية حتى ينشف ماه.
الباذنجان نقلوه فالزيت بعدما نملحوه وممبعد نقطروه
في مول تاع كوشا ندهنوه بمارغارين مليح من الأحسن يمون مول عالي الحواف باش يجونا طبقات بزاف.
نحطو شوية بويون من لاصوص، نفرش طبقة اولة من الباذنجان، نغطيها بطبقة تاع أرز نسقيها بلاصوص ونحط فيها مكعبات اللحم، نعاود نفرش طبقة ثانية تاع باذنجان ونغطيها بالأرز ونسقيها بلاصوص ونحط اللحم وناعود حتى الطبقة الخيرة اللي لازم تكون باذنجان.
إذا كانت عندك كمية كبيرة تاع باذنجان تقدري تحطي في قاع المول وفي جوانبو أو ممبعد تبداي تحطي فالطبقات هذي تكون أحسن.
هذا طبق ممتاز اهل المشرق يسموه مقلوبة.
ممكن تزيدي فيه الخضرةأ أنا شخصيا جربتو عدة مرات بنيييييييييين بزاف خاصة إذا زدتي شوية زعيترة مطحونة للصوص تاعك.
جربوه وادعولي
هذا سبيسيال للفان تاع الباذنجان كيما أنا
( تقرير عن مشاركة سيئة )، و الموجودة أسفل كل مشاركة .
2012-05-13, 14:56
باذنجان بالأرز في الفرن
العرض العادي
