و قولوا ايعقل هذا ف الجزائر ف 2012 !!!

BAROUD · 2012-05-23, 17:11

سلاااااااام

علئ غير العادة ادخل ف الموضوع مباشرة لانو ما رايته اليوم خصني غير نبكي علي حالنا و علئ حال اللي راه يقول جزائر العزة و الكرامة و جزائر العدل و العدالة و المساواة و مش عارف ايضا تاع القانون فوق الجميع !!!
من وي ابدا قصة اليوم bon انا موظف ف مؤسسة استشفائية عمومية ا اي POUR L' ACCOUCHEMENT كنت واقف و اذا به تدخل شاحنة صغيرة CAMIONNETTE او PICK-UP تخيلوا واش فيها !!! فيها امراة لابسة جلباب اسود و راقدة من وراء هذيك الشاحنة يظهر لي و اكيد جدا شفتها بعيوني تتوجع من الالام الولادة او كما يقولوا المخاض العسير و الشمس فوق راسها تلفح فيها و هي راقدة علئ فراش خشن زد علئ ذلك LENTEUR او كيفاش يقولوا الممهلات اللي ف الطريق و الاكثر من ذلك تخيلوا فاتوا علئ شحال من شرطي ف الطريف و لا واحد كلمهم او عطاهم غرامة ايه لو كان جات سلعة او حمولة يوقفهم و يطلب وثائق و اسئلة حرجة وووو لكن جات زوجة موضوعة ف خلف الشاحنة يعني ف باله جات امر عادي لااله الا الله محمد رسول الله
الئ هذه الدرجة تهان المراة ف الجزائر !!!
الئ هذه الدرجة تعتز بنساء الجزائر و هن ف يد عفاريت !!!
تخيلوا لو كانت هذه الزوجة لرئيس او جنرال او او !!!
يبعثوها مباشرة للخارج علئ ظهر الطير كما يقولك .
نفرضوا تقولوا الزوج لازم يتعاقب ممكن طلب الاسعاف و ما حب يجي !
ممكن طلب الحماية و ما حبت تجي !
ممكن طلب صديقه و كان مشغول !
لكن ...
شتان من يده علئ تمر و من يده علئ جمر

يارسول الله قبل ما تتوفئ قلت استوصوا بالنساء خيرا ارواح تشوف حال امتك وين وصل !!!

اهانة باثم معنئ الكلمة والله اهانة لها

احنا نضحكوا علئ الغرب لكن بفضلهم تعلمنا الانسانية و الرافة و الرحمة و فن الحياة و مزال نتعلموا اكثر و اكثر ...

خلوونا من التفكير تاع كنا مسلمين و حضارة وووو مش عارف واش يعجبكم حالنا اليوم حالنا يفرح !!!

كونوا منطقيين و فكروا علئ قد حالكم و قولوا ايعقل هذا ف الجزائر ف 2012

انا اسمحوا لي كتبت موضوع لاني ف قمة الاستياء و كلماتي ممكن تحسنوا عوني

الواثق · 2012-05-23, 17:19

هذا لي غاضك ؟؟؟؟.................وماغاضكش اهانة النساء لانفسهن التبرج والعري والقيام باعمال لا تليق بهن والكلام الفاحش ..............واي واحد يدي منها واش يحب ...............اليس اعظم شيء ان يهين العبد نفسه اكثر من اي اهانة من شخص اخر ..........................نعم الحالة لتي ذكرتها مؤسفة جدا .............لكن ما نراه في الشارع في كل دقيقة افضع من هذا .......................والكارثة الاكبر ان الكثير من النساء لايعرفن انهن مهانات حتى رجالهن معهن في ذلك.......والله المستعان

BAROUD · 2012-05-23, 17:26

اقتباس:

المشاركة الأصلية كتبت بواسطة الواثق

هذا لي غاضك ؟؟؟؟.................وماغاضكش اهانة النساء لانفسهن التبرج والعري والقيام باعمال لا تليق بهن والكلام الفاحش ..............واي واحد يدي منها واش يحب ...............اليس اعظم شيء ان يهين العبد نفسه اكثر من اي اهانة من شخص اخر ..........................نعم الحالة لتي ذكرتها مؤسفة جدا .............لكن ما نراه في الشارع في كل دقيقة افضع من هذا .......................والكارثة الاكبر ان الكثير من النساء لايعرفن انهن مهانات حتى رجالهن معهن في ذلك.......والله المستعان

خويا الواثق هذ الحالة الله غالب مراة حبت كما يقولوا تضع مولود حبت تولد مش من عندها جات من ربي كتبها هكذا و ف تلك الوقت و لازم عليها و هذه امراة محترمة و لباسها كلها مستور من راسها لرجليها
اما التعري والكلام الفاحش وو حبوا لرواحهم و بارادتهم هكذا اللي يحب يهين نفسه له ما شاء واحد ما جاب خبره

الواثق · 2012-05-23, 17:30

اقتباس:

المشاركة الأصلية كتبت بواسطة baroud

خويا الواثق هذ الحالة الله غالب مراة حبت كما يقولوا تضع مولود حبت تولد مش من عندها جات من ربي كتبها هكذا و ف تلك الوقت و لازم عليها و هذه امراة محترمة و لباسها كلها مستور من راسها لرجليها
اما التعري والكلام الفاحش وو حبوا لرواحهم و بارادتهم هكذا اللي يحب يهين نفسه له ما شاء واحد ما جاب خبره

انا فقط اردت ان اقول لك ان هذه الامرأة تعرضت للاهانة ربما بسبب رجلها ....................اما كل النساء الذين ذكرت مواصفتهن فمن ورائهن رجال اعانوهن على اهانة انفسهن ..............وانظر لعددهن تعرف عدد هؤلاء الرجال ان صح التعبير ....................هم كثر فتوقع كل شيء

حنيني24 · 2012-05-23, 17:36

بارك الله فيك،،، أخي في الله
-
والله لهذا أمر محزن،،، تجد الرحمة في الحيوانات
و لا تجدها في الانسان،،،
حسبنا الله ونعم وكــــــــــــــــــــــــــــــــــــــــــــــــ ـــــــــــــــــــــــيل
حسبنا الله ونعم الوكـــــــــــــــــــــــــــــــــــــــــيل
-
لم يرحموا من في الأرض ،،،
وينتظرون الرحمة من السماء
كيف يكون ذلك،،،
-
جزيت

الجليس الصلح · 2012-05-23, 17:44

مريم الصابرة · 2012-05-23, 17:59

السلام عليكم اخي بارود نقولك باللي المرا هذي مسكينة الله غالب عليها انا عندي راجلها هذا حيوان وإسمحولي في هذي الكلمة هذي مرا ماراهيش حيوان يعاملها بالطريقة هذي يعني كيما قلت كاين الف طريقة يوصلها للمستشفى ولا إنو يديرلها هكذا لا حول ولا قوة إلا بالله
شكرا لك نبقاو حايرين صح واش راه يصرا في بلادنا الغرب والله راهم خير منا هذا واقع الغرب عندهم الرفق حتى بالحيوان فما بالك الإنسان ربي يهديهم شكرا

مريم الصابرة · 2012-05-23, 18:02

اقتباس:

المشاركة الأصلية كتبت بواسطة الواثق

هذا لي غاضك ؟؟؟؟.................وماغاضكش اهانة النساء لانفسهن التبرج والعري والقيام باعمال لا تليق بهن والكلام الفاحش ..............واي واحد يدي منها واش يحب ...............اليس اعظم شيء ان يهين العبد نفسه اكثر من اي اهانة من شخص اخر ..........................نعم الحالة لتي ذكرتها مؤسفة جدا .............لكن ما نراه في الشارع في كل دقيقة افضع من هذا .......................والكارثة الاكبر ان الكثير من النساء لايعرفن انهن مهانات حتى رجالهن معهن في ذلك.......والله المستعان

السلام عليكم خويا الواثق صح واش راك تقول لكن الاخ تأثر لانو المرا عندها مكانة وربي طلب المعاملة الطيبة لها راني معاك اللي راه يصير افظع من اللي قال عليه لكن هذوك كيما نقولو بالعامية الله لا يرفد عليهم مهانات ويبقاو مهانات لانهم كاسيات عاريات ما تجوزش عليهم فيهم الرحمة بكل صراحة لانو الفسق يتمشى في دمهم وهوما سبب تفشي الفساد
لكن المرأة هذي راحا تضع مولود يعني بين الحياة والموت والشاحنة هذيك لشحن المواد وليس النساء ربي يهدي زوجها الحيوان شكرا جزيلا

الجواهر · 2012-05-23, 18:08

اقتباس:

المشاركة الأصلية كتبت بواسطة الواثق

هذا لي غاضك ؟؟؟؟.................وماغاضكش اهانة النساء لانفسهن التبرج والعري والقيام باعمال لا تليق بهن والكلام الفاحش ..............واي واحد يدي منها واش يحب ...............اليس اعظم شيء ان يهين العبد نفسه اكثر من اي اهانة من شخص اخر ..........................نعم الحالة لتي ذكرتها مؤسفة جدا .............لكن ما نراه في الشارع في كل دقيقة افضع من هذا .......................والكارثة الاكبر ان الكثير من النساء لايعرفن انهن مهانات حتى رجالهن معهن في ذلك.......والله المستعان

الا ترى الا علاقة بين الموضوع و ردك ؟؟
صورة المراة و هي تتالم فوق الشاحنة و الشمس تحرقها افضع من صورة امراة متبرجة
فالاولى لا حول و لا قوة لها و هي مهانة في بلد العزة و الكرامة
و الثانية فرحة بلباسها و ان كنت ميتا من الغيض

طيبة نفس · 2012-05-23, 18:10

ربي يهدي ما خلق بلاك الله غالب مالقاش وسيلة باش يجيبها ماشكيتش كاين راجل يقبل مرتو تهان هاك واذا هو جاتو نورمال نقول ربي يكون في عون المخلوقة

salima14 · 2012-05-23, 18:18

اقتباس:

المشاركة الأصلية كتبت بواسطة مريم الصابرة

السلام عليكم اخي بارود نقولك باللي المرا هذي مسكينة الله غالب عليها انا عندي راجلها هذا حيوان وإسمحولي في هذي الكلمة هذي مرا ماراهيش حيوان يعاملها بالطريقة هذي يعني كيما قلت كاين الف طريقة يوصلها للمستشفى ولا إنو يديرلها هكذا لا حول ولا قوة إلا بالله
شكرا لك نبقاو حايرين صح واش راه يصرا في بلادنا الغرب والله راهم خير منا هذا واقع الغرب عندهم الرفق حتى بالحيوان فما بالك الإنسان ربي يهديهم شكرا

ماتحكيش على الراجل هاك حرام عليك ماتعرفش ضروفوا كيفاش ماكانش اللي يسمح
في مرتو وهي بهذي الحالة
(مرة يما حبت تولد وحنا صغار بابا كان خدام فولاية أخرى
بعثتنا عند الجارة وراحت تمشي و المستشفى بعيد)
كل واحد وضروفوا

حـبـيـبو عـبـدو السوفي · 2012-05-23, 18:19

استغفر الله العظيم ولا حول ولا قوة الا بالله
الله يهدي ما خلق

BAROUD · 2012-05-23, 20:20

انتم مشكورين جزيل الشكر و انا قلت كلام الرسول ف اخر وصيته
و حبيت نقول علئ كلامكم حاجة اخرئ هي ثان قول علئ ما اعتقد
ما أكرم النساء إلا كريم و لا أهانهن إلا لئيم
زوجتك تبقئ زوجتك
ياسيدي جيبها قبل الوضع بيوم او يوم و نصف هكذا انت ترتاح و زوجتك تتهيا نفسيا و جسميا
و انت التهي بامور اخرئ تاع بعد الوضع هكذا باش ترتاحوا ف اثنين و علاش الجري ف اخر لحظة
لالا زوجها حتئ هو المسؤول الاول عليها و هو سبب ذلك
ربي يهدي ما خلق كما قلتوا انتم

انا ف بالي كون جا ف اروبا و الله يكمل حياته ف جحيم ينعتوا له كيفاش التمسخير

عربية الهوية · 2012-05-23, 20:36

السلام عليكم
ممكن لكن ما ذنب الزوج لانه لم يجد وسيلة اخرى لايصالها للمستشفى
عندك حق
اعذرني لكن بعض الرجال سامحهم الله الان لا يحفضون الا
الشرع حلل اربع و نسو رفقا بالقوارير
شوف يا خويا الله غالب راك في الجزائر
https://www.djelfa.info/vb/showpost.p...8&postcount=38

Lydia istanboul · 2012-05-23, 21:23

بارك الله فيك أخي و افتخر أنه لايزال في الجزائر رجال يرأفون بالمرأة و يحترمونها لكن للأسف أنتم قلة قليلة و أول ما تطالبهم بالاستقامه يبدأون تعديد مساوئ المرأة مرة اخرى بارك الله فيك