خطيبي و عزة النفس

مشكلتي · 2012-05-21, 12:14

السلام عليكم و رحمة الله و بركاته

والله ما لقيتش كيفاه نبدا

بالمختصر المفيدانا الحمد لله تحصلت على وظيفة دائمة و اليوم رحت امضيت المحضر المهم خطيبي ( عاقدة و مفتحة) البارح كي هدر معايا قالي ما تنسايش غذا كي تمضي و تخلصي عيطيلي باه نباركلك

حطيتو يتمسخر و انا قلتلو هيه مكاين حتى بروبلام اليوم كي خلصت قلت والله نجرب تراه و نشوف عيطت هز عليا يعني صح الدنيا دارت بيا قالي كلشي مبروك قلتلو الله يبارك فيك و تكلمت معاه عادي بصح انا شخصيا من قوة ما نقرى فالمنتدى من مواضيع ديما يقولو البنات بلي كاين رجالتهم او خطيبهم يقولولهم بصريح العبارة اصرفي عليا طمعانين فيهم تعمر راسي بالافكار هذه و خايفة لا تطو ر الحكاية من عيطيلي لفلكسلي لللللللل مع العلم ماكانتش كاينة في راسي نهائيا

انا ما عنديش بروبلام اني نعيطلو او ان نصرف بصح كي نديرها من تلقاء نفسي فهمتوني تظهرلي مش مليحة عليه يدير الخدمة هذه واينها عزة النفس انا راني طفلة و عندي عزة نفس و ما نقدر نقول لحتى واحد اعطيني الصوارد والا اصرف عليا

ارجوكم هل الافكار لي عمرت بيها راسي غالطة و الا نحيها و كيفاه نوصلو لخطيبي بلي ما عجبنيش الحال سيرتو من اللقطة هذ تع نعيطلو باه يباركلي

الفتاه منا تحب الزوج تاعها يكون مسؤول عليها فهمتوني

ربي يهدي سرنا و ادعولي بالهناء و انصحوني واش ندير

شكرا

faty05 · 2012-05-21, 13:12

نورماااال
ما فيها والو
وعلاه تكبريها هو طلب منك مرة ما فيها والو

نسمة_10 · 2012-05-21, 13:17

يا اختي عادي وش فيها
الا عيطتيلو مرة من عندك

إيمان احمد · 2012-05-21, 13:18

بالاك قصدو كي تكملي عيطيلي لانو بالاك هو يخاف يعيطلك و انتي تكوني مازالكي مشغولة عااااادي يا حبوبتي نورمال

ناصرالدين الجزائري · 2012-05-21, 13:21

أظن أن المشكلة في مخيلتك فقط .. فحسب القصة نرى أن خطيبك طلب منك أن تتصلي به عندما تنهي أمر معين ليكون أول من يتحدث إليك و يبارك لك .. يعني لا يمكنه معرفة توقيت نهاية امضاء المحضر إلا إذا اتصلتي به أو أن يتصل بك هو كل خمس دقائق ليعرف إن تم الأمر أو لم يتم بعد و هذا فيه مشقة عليه و ازعاج لك ..
من وجة نظري فمشكلتك شئ عادي و ليس له دلالة أخرى إلا أنه أراد أن يكون أول من يبارك لك .. و هذه هي غلطته الوحيدة .. لذا أنصحك أن لا تفتحي هذا الموضوع أمامه و أن تنسيه تماما لأنه سيأخذ انطباع سلبي عنك لأنه سيفهم أنك استخسرتي فيه بعض الدقائق في الهاتف يعني دنانير معدودة ..

و اذا أردتي وضع النقاط على الحروف فعليك فتح موضوع معه بخصوص أجرتك الشهرية .. و أعلميه بموقفك منها .. يعني اذا تنوين الاحتفاظ بها لنفسك أو اقتسامها معه .. لأنكما عاجلا أو آجلا ستفتحون هذا الموضوع فمن الافضل أن يكون المقال في مقام سعة .. يعني سيأتي يوم تطلبين منه المال و يقول لك أين أجرتك الشهرية ...

هذا ما أراه و الله تعالى أعلم ...

zaki92 · 2012-05-21, 13:21

هههههههههههه رديتونا نطلبو يا اختي واش فيها ادا قالك عيطيلي وواش فيها تاني ادا قالك افليكسيلي ياااااااو نورمال خسارة في راجلك 10 ميل ههههه هاديرو العقل شوية
نقصر ختي برك انا تبالي غي نتي راكي موسوسة هدا مكان ديجا هو مايقبلش نتي تفليكسيلو هدا ناكدهالك

هههههه نتوما تكونو تحوسو على الراجل كي تلقوه تبداو تتقلشو

تقبلي مروري

محب الحكمة · 2012-05-21, 13:57

يا أختي من اول يوم......اذا كنت هاكا نخاف عليك للامام..
انت أول شيء ظني خير و تفائلي خير و نوي خير...و نحي الافكار السلبية لي في راسك..فكري في كل شيء شباب حتى لوكان ما راهش شباب....و الشيء لي تخافي منه..طيحي فيف..انت اول شيء و اول فكرة جملتيها في راسك انه خطيبك غادي يبروفيتي منك..يعني الان حتى لوكان يحتاج مال و يحب يقصدك..بنية بيضاء ...انت تفهمي بلي راه يبروفيتي...

لا لا لا لا مشي هاكا يا اختي..ما هكذا تورد الابل.....

هو حاب يبوركلك و صايي....و تصرفي بحكمة ..بعدي عليك الشيطان و النفس و الافكار السلبية و الوسواس....

hamzagolf6 · 2012-05-21, 15:37

سبحان الله هذا غير قالك عيطيلي نبارلكك درتي منها الف قصة
حتى اذا قالك نورمال اصرفي عليه وقلشيه
ناقصة الرومنسية في بلادي
الاوروبيات يقلشو الشباب تعطيلو يسوق سيارتها تعطيلو الدراهم
ونتي غير قالك عيطيلي توسوستي
ياخي طماعة

sarl02 · 2012-05-21, 15:46

غير سنييتي البيفي حكمك التوسويس ؟بعداك خلي حتى تدخلك الخلصة الاولى قال بلاك اطمع فيك ..واش هذا النقص يا اختي وامبعد كي اتعيطيلو واش يصرا يعني ...الراجل هذا باين راح بنغبن معاك مستقبلا اذا تميتي بهذه العقلية ...زيني النية اذا حبيتي اتعيشي الاز.

سارة البوسعادية · 2012-05-21, 16:40

هههههههههههههههههههههههههه
ماتتوسوسيش هو قالك عيطيلي لانو ماهوش عارف توقيتك الي تمضي فيه
يعني الاحسن انك لما تخلصي تكلمي انتي احسن ما يعيط في اي دقيقة ويصيبك لاتيه
عادي ماتكبريهاش

lina23 · 2012-05-21, 16:50

كيما قالوا الإخوة لي قبلي هذه حاجة عادي خلاص .مثلا كي تخرجي يقولك كي توصلي للدار عيطيلي باه نعرف بلي وصلتي،هذه نفس الحكاية تاع الأولى نشوفوها كامل نورمال.
المهم انا ننصحك ما تعمريش راسك بالحكايات لي تقرايها في المنتدى .ماشي الرجال كامل كيفكيف.

اياد الباتني · 2012-05-21, 17:08

بااختي مادريش في بالك ممكن كما قالك عيطيلي غير باش مايقلقكش يحسابك تخدمي ومافيهاوالو اذا تشاركتو المصروف وهذ النقطة راهي حساسة بزاف للراجل لعندو عزة نفس وممكن تؤدي بيه الى فسخ الخطوبة اذا معرفتيش كيفاه توضحيلو وجهة نظرك لازم تخيري الوقت المناسب وتفتحيلو سيرت المصروف منا وهك لاكن لازم تختاري عباراتك بدقة بلا متجرحيه فمثلا تتفاهمو ديرو لاكاس تجملو فيها مصروف الكوزينة بالنصف وترسيتي والغاز والانترنت عليه وانت عليك لبستك هذا كمثال فقط وكوني على علم راكي كما عودتيه على الاول راح تبقى وصعيب باش تغيري وديري فحسابك ثاني بلي كما خطبك قبل بيك وانت ما تخدميش معناها مكانش طامع في شهريتك المهم تعاونو على هموم الحياة وربي يهنيك

معجزة الاكوان · 2012-05-21, 17:13

فهمتك مش على كقالك عيطيلي خفتي يديرها ديما
وتتفاجئي بكونو بلا عزة
معليش
هاذ المرة فوتيها لانو قالك كتكملي يعني محبش يديرونجيك
اذا دار جاست تبين وش قلتي
روحيلو بالسياسة اهدري معاه
بينيلو بلعقل
وبلا ما تجرحيه
لانو قادرة تكوني ظلمتيه وما فيه حتى حاجة من وش راكي تفكري
وربي يتمم بيناتكم بالخير

lilou f lilou a · 2012-05-21, 18:24

ربي يهديك أختي برك ماطلبش العيب

amina2688 · 2012-05-21, 18:43

سلام اختي الفاضلة
والله تروعت اختي من طريقة تفكيرك
الراجل حاب يباركلك ويفرح لفرحتك وانتي انحنيتي فكرك180درجة
اكيد قالك عيطلي كي تكملي لانوا معلابا لوش وقتاش تكملي والزوالي مسكين ما جاتش في بالوا
الفكرة.............هو دائما يعيطلك ما حسبهاش كيمك بصح انت ؟؟؟؟؟؟؟؟؟؟؟؟؟؟؟؟؟؟؟؟؟؟
مبروك على الوظيفة ولعقوبة لينا نتوظفوا وظيف دائمة ان شاء الله
ومن بعد يرزقنا بخطيب طيب كيما خطيبك ونعيطولوا يبركلنا ههههههههههههه بصح ما نشكوش فيه الشك انتاعك هههههههههههه
هههههههههههههه
شكرا